Fréttablaðið - 09.05.2006, Side 8

8 9. maí 2006 ÞRIÐJUDAGUR
KOSNINGAR Sú óvenjulega staða er
uppi í bæjarstjórn Vestmanna-
eyja við lok þessa kjörtímabils að
þar er enginn minnihluti heldur
bara einn meirihluti. Hann er
reyndar sá þriðji á fjórum árum.
Allt hófst þetta með samstarfi D-
og B-lista en oddviti Framsóknar
gekk úr skaftinu ári eftir kosn-
ingar og tók upp samstarf við V-
listann. Hann var þó einn um þá
skoðun í flokknum og skapaði sú
staða mikla óvissu. Síðan slettist
upp á vinskapinn við V-listann og
þá var bara einn kostur eftir, sam-
starf D- og V-lista, sem hefur
gengið áfallalaust fyrir sig síð-
ustu misseri.
Deilurnar í Framsóknarflokkn-
um virðast hins vegar hafa haft
þær afleiðingar að hann býður
ekki fram við komandi kosningar.
Í hans stað sem þriðja framboð
kemur F-listi frjálslyndra og
óháðra og nái hann manni eða
mönnum inn getur svo farið að
hann ráði því hvort það verður D-
eða V-listi sem heldur völdum
eftir kosningar. Þó er ekki útilok-
að að listarnir haldi samvinnunni
áfram því fulltrúar hvoru tveggja
eru sammála um að vel hafi tekist
til í samstarfinu hingað til. - ssal
�������������������������������������������������������������������������������������������������������� �����������
��������������������������������������������������������������������������������������� ���������������������
���������
������������
��������
���������
��������
��������
��������
��������
�����������������
��������
�����������
��������
������������������ ���������������
������������ ����� ����������������
����������������������������� ������ ������������
���������������������������������������������������
������� �������������������������������������������
��������������������������������������������������
� ������������������������������������������������
�����������������������������������������������������
���������������������������������������
�����������������
Frjálslyndir og óháðir bjóða nú fram í fyrsta sinn í
Eyjum. Arnar G. Hjaltalín formaður Drífanda stétt-
arfélags fer fyrir listanum en hann kemur úr röðum
óháðra. „Þetta er þverpólitískur listi skipaður fólki úr
ýmsum áttum“, segir Arnar.
Hann leggur áherslu á að þetta sé ekki klofnings-
eða óánægjuframboð. „Við viljum bara bjóða
upp á annan valkost því hinum flokkunum hefur
engan veginn tekist að stjórna bæjarfélaginu.
Fjármálin eru meira og minna í rúst, hér hefur
ekkert gerst í atvinnumálum, skólamálin eru í upplausn og héðan er
viðvarandi fólksflótti“. Arnar segir F-listann vilja snúa þessari þróun
við en til þess þurfi meðal annars hjálp frá ríkisvaldinu. „Við viljum
viðurkenna vandann“, segir hann.
Fari svo að F-listinn nái mönnum í bæjarstjórn gæti hann ráðið
hvort D-listi eða V-listi nær meirihluta. „Við látum málefnin ráða
komi til þess“, segir Arnar og er bjartsýnn á góðan árangur F-listans.
Arnar G. Hjaltalín F-lista:
Bjóðum upp á nýjan valkost
Elliði Vignisson framhaldsskólakennari er oddviti D-
listans en hann var í fjórða sæti listans síðast. Hann
viðurkennir að yfirstandandi kjörtímabil hafi ekki
verið neinu líkt í bæjarpólitíkinni. „Við höfum haft
þrjá meirihluta og endum með sjö manna meiri-
hluta og engan minnihluta. Það er búinn að vera
skelfilegur ófriður í bænum og kosningabaráttan
snýst um að frambjóðendur verða að ávinna sér
traust bæjarbúa, því það er ekki til staðar“, segir
Elliði. Hann óttast að staðan 3-3-1 geti komið upp
að nýju með tilkomu nýs framboðs Frjálslyndra og óháðra. „Fólk ætti
að hugsa sig vel um áður en það kýs og þess vegna göngum við fram
undir kjörorðinu: Einn flokk til ábyrgðar“.
D-listinn leggur höfuðáherslu á samgöngu- og atvinnumál auk
þess sem mikilvægt sé að koma á sátt og samlyndi í bænum. „Okkur
vantaði tæpt eitt prósent atkvæða í viðbót síðast til að ná hreinum
meirihluta og stefnum á að ná honum núna“, segir Elliði.
Elliði Vignisson D-lista:
Einn flokk til ábyrgðar
Lúðvík Bergvinsson alþingismaður fer fyrir Vest-
mannaeyjalistanum en hann var líka í efsta sætinu
2002. V-listinn komst í meirihluta 2003 þegar upp
úr samstarfi D- og B-lista slitnaði og hefur verið
í meirihluta síðan, síðustu misserin með D-lista.
„Þrátt fyrir ólgu í bæjarstjórn á kjörtímabilinu hefur
þetta verið vinnusamt tímabil sem hefur skilað
bæjarfélaginu fram á við á flestum sviðum“, segir
Lúðvík. Hann segir algjöran viðsnúning hafa orðið
í fjármálum bæjarins, sem hafi verið rjúkandi rúst
þegar V-listinn komst í meirihluta. „Við höfum þurft að taka erfiðar
og oft óvinsælar ákvarðanir en við erum farin að sjá til sólar”.
V-listinn leggur áherslu á samgöngu- og atvinnumál og uppbygg-
ingu við höfnina. Lúðvík segir mikil sóknarfæri í atvinnumálum, ekki
síst í ferðaþjónustu og heilbrigðisþjónustu. Hann segir V-listann taka
úrslitum kosninganna hver sem þau verða. „En eigum við ekki að
segja að bænum sé best borgið ef við fáum meirihluta“, segir Lúðvík.
Lúðvík Bergvinsson V-lista:
Umskipti orðið í fjármálum
Vestmannaeyjar fengu formleg kaupstaðar-
réttindi árið 1918 og var fyrsti bæjarstjórnar-
fundur haldinn í febrúar 1919. Þá bjuggu um
tvö þúsund manns í Eyjum og fór mjög fjölg-
andi eins og sést á því að um 1930 var íbúa-
fjöldinn komin í tæplega 3.400 manns. Mest-
ur varð hann 1972 er liðlega 5.300 manns
bjuggu í Eyjum. Þann 1. desember á síðasta
ári bjuggu þar 4.275 manns samkvæmt tölum
Hagstofunnar.
ÚRSLIT KOSNINGANNA 2002:
Fjöldi íbúa á kjörskrá: 3.100
Fjöldi greiddra atkvæða: 2.802 (90,3%)
Listi Framsóknarflokksins og óháðra (B)
431 atkvæði - 1 fulltrúi
Listi Sjálfstæðisflokksins (D) 1.266 atkvæði
- 3 fulltrúar
Vestmannaeyjalistinn (V) 1.006 atkvæði - 3
fulltrúar
Meirihlutasamstarf 2002-2006 hefur verið
með öllum listum á víxl. Fyrst voru D- og
B-listi í samstarfi, síðan B- og V-listi og loks
D- og V-listi.
Bæjarfulltrúi B-lista:
Andrés Sigmundsson
Bæjarfulltrúar D-lista:
Guðjón Hjörleifsson
Arnar Sigurmundsson
Selma Ragnarsdóttir
Bæjarfulltrúar
V-lista:
Lúðvík Bergvinsson
Guðrún Erlingsdóttir
Stefán Óskar Jónasson
KOSNINGAR 2006:
Efstu menn D-lista,
Sjálfstæðisflokks:
1. Elliði Vignisson framhaldsskólakennari
2. Páley Borgþórsdóttir lögfræðingur
3. Páll Marvin Jónsson sjávarlíffræðingur
4. Gunnlaugur Grettisson skrifstofustjóri
Efstu menn F-lista,
frjálslyndra og óháðra
1. Arnar G. Hjaltalín, formaður Drífanda
2. Hanna B. Jóhannsdóttir stuðningsfullt.
3. Sara Hamilton grunnskólakennari
4. Georg Arnarson sjómaður
Efstu menn á V-lisa, Vestmanneyjalist.:
1. Lúðvík Bergvinsson, bæjarfulltrúi
og alþingismaður
2. Hjörtur Kristjánsson læknir
3. Kristín Jóhannsdóttir, menningar-
og markaðsfulltrúi
4. Páll Scheving framkvæmdarstjóri
VESTMANNAEYJABÆR
Frambjóðendur í Vestmannaeyjum takast á við óróa á kjörtímabilinu:
Þurfa að ná trausti kjósenda
VESTMANNAEYJAR Mikill órói hefur verið í
bæjarstjórn Vestmannaeyja á kjörtímabil-
inu. Þrír listar eru í framboði og hugsanlega
getur F-listi ráðið hverjir stjórna í Eyjum.
Vestmannaeyjar
SVEITARSTJÓRNAR-
KOSNINGAR
2006
ÍTALÍA Flóð og þurrkar við Miðjarð-
arhafið, meiri snjór í austanverðri
Evrópu og mun breytilegra veður-
far í Norður-Ameríku en verið hefur
er meðal þess sem ítalskir vísinda-
menn hafa reiknað út að verði raun-
in næstu áratugina eða svo.
Byggja þeir á upplýsingum frá
hundruðum reiknilíkana um þróun
veðurfars á jörðu fram á næstu öld
og er spáin svartsýn enda verða
allar breytingar á veðri og vindum
mun örari en nú.
Mestar verða breytingarnar við
Miðjarðarhafið og í norðaustur-
hluta Evrópu. Mun minna mun rigna
við Miðjarðarhafið í náinni framtíð
samkvæmt spám Ítalanna sem aftur
eykur líkurnar á langvarandi þurrk-
um og flóð verða algengari þess á
milli.
Mun meiri snjór mun falla í
Norður- og Norðaustur-Evrópu og
margar og tíðar breytingar verða á
stórum hluta Bandaríkjanna og
Kanada gangi spárnar eftir. Í heild-
ina telja vísindamennirnir að meiri
öfgar færist í veðurfar víða um jörð
sem geri öllu verra en nú er að spá
fyrir um veðrið. - aöe
MEIRI SNJÓR Norðurlandabúar mega búast
við almennt meiri snjókomu upp úr miðri
öld samkvæmt nýjum spám vísindamanna.
FRÉTTABLAÐIÐ/VILHELM
Nýjar kenningar um þróun veðurfars í framtíðinni:
Spá meiri öfgum í veðurfari
VEISTU SVARIÐ
1 Hver sigraði í Formúlu 1 keppninni í kappakstri um helgina?
2 Hvað heitir forseti Ítalíu?
3 Hvað heitir yngsti leikmaðurinn í enska landsliðshópnum í fótbolta?
SVÖRIN ERU Á S. 38
DÓMSMÁL Sveitarfélagið Ölfus var
fyrir héraðsdómi dæmt til að
greiða fyrrverandi forstöðumanni
Egilsbúðar og bókasafni Þorláks-
hafnar rúmar tvær milljónir króna
vegna ólögmætrar uppsagnar.
Voru rök sveitarfélagsins þau
að uppsögn mannsins hefði verið
liður í endurskipulagningu og
breytingum á rekstri og staðsetn-
ingu umrædds bókasafns en dóm-
ari taldi að bæjarráð hefði átt að
standa að uppsögn mannsins en
ekki bæjarstjórinn eins og raunin
varð. Voru manninum því dæmdar
bætur að upphæð 2,2 milljónir en
hann fór upphaflega fram á bætur
upp á 6,7 milljónir. - aöe
Sveitarfélagið Ölfus:
Bætur vegna
uppsagnar