Fréttablaðið - 09.05.2006, Qupperneq 48

[TÓNLIST]
UMFJÖLLUN
Tíu þúsund dagar eru rúm 27 ár,
sem er einmitt aldurinn þegar
flestar ekta rokkstjörnur yfir-
gefa þetta líf. Jim Morrison,
Brian Jones, Janis Joplin og Jimi
Hendrix. Það er eitthvað mjög
fullkomið við þessa tölu. Þannig
að frá því sjónarhorni séð smell-
passar þetta undarlega nafn
við hina nýju plötu Tool, því hún
er eins fullkomin og rokkplötur
verða í þessum metalgeiranum.
Eða þið megið svo sem kalla þetta
hvað sem þið viljið, prog-metal,
írskt þjóðlagabarrokk-spítt eða
stærðfræðirokk.
Tool er nokkurs konar Sigur
Rós metalgeirans. Tool hefur,
ásamt Nine Inch Nails, komið sér
á þann stall að einungis nafn
sveitarinnar er ávísun á gæði. Ef
nafnið er á vörunni, er varan yfir-
leitt góð. Nöfn slíkra sveit virka á
tónlist á sama hátt og orðið „org-
anic“ á matvörum í dag.
Þetta er eins epísk tónlist og
hugsast getur. Klysjulegir hetju-
kaflar fá að leka með inn á milli
þess sem sveitin byggir upp ótrú-
lega hrynjandi sem minnir mann
helst á valtara. Á þessari plötu
eru tónsmíðarnar ekki eins flókn-
ar og síðast, en ég er ekki frá því
að það fari Tool bara betur. Betra
að leyfa Meshuggah að sukka í
því að breyta stærðfræðiformúl-
um í tóna og einbeita sér að því
að búa til ævintýraveröld þar
sem nær allt er leyfilegt. Í þess-
um metal roðnar enginn þó svo
að didgeridoo eða sogandi hljóð-
skúlptúrar steli allt í einu sen-
unni. Og ef þið eruð nægilega
opin til þess að gefa þessu séns,
þá hljómar þetta stórkostlega.
Með svona plötur er ekki hægt
að tala um einstaka lög. Því hér
eru það ekki lögin sem gera plöt-
una, heldur platan sem er lagið.
Maður verður að hella sér í svona
verk með fullu trausti til lista-
mannsins og leyfa honum að
stýra geimskipi sínu til þeirra
sólkerfa sem hann á erindi til.
Titillagið 10.000 Days, er nægi-
lega sterkt til þess að skilja eftir
kjálkann á gólfinu það sem eftir
er plötunnar.
Já, og umbúðirnar gera einar
og sér þess virði að kaupa þessa
plötu. Ég hef aldrei séð neitt
annað þessu líkt en með í kaupun-
um fylgja þrívíddargleraugu og
bæklingur þar sem stafirnir og
myndirnar leka út af pappírnum.
Við eigum eflaust ekki eftir að
hlusta á margar plötur á þessu
ári sem eru jafn vandaðar og
þessi. Þetta er vel slípaður dem-
antur sem á eftir að glitra í alda-
raðir eftir að við erum öll löngu
dauð og grafin.
Birgir Örn Steinarsson
Öll réttu verkfærin notuð
TOOL:
10.000 DAYS
Niðurstaða: Nýja Tool platan er alveg jafn
fullkomin og ég leyfði mér að vonast eftir. Í
einu orði sagt, meistaraverk!
Sjónhverfingamaðurinn David
Blaine lauk vikulangri þrekraun
sinni inni í vatnskúlu í New York
seint í gær.
Ætlaði hann að ljúka þrekraun-
inni með því að bæta heimsmetið í
því að halda niðri í sér andanum
lengur en átta mínútur og 58 sek-
úndur. Á sama tíma ætlaði hann að
losa sig úr keðjum ofan í vatninu.
Læknar hafa haft áhyggjur af
hinum 33 ára Blaine, sérstaklega
eftir að hendur hans tóku að
bólgna. Einnig hefur hluti af húð
hans flagnað af.
Uppátæki Blaines eru margvís-
leg. Meðal annars eyddi hann 61
klukkustund inni í ísklumpi og
fastaði í 44 daga í glerkassa yfir
ánni Thames í London.
Þrekrauninni lokið
DAVID BLAINE Sjónhverfingamaðurinn
David Blaine inni í vatnskúlunni.
NORDICPHOTOS/GETTYIMAGES
Hljómsveitin Bítlarnir hefur tapað
dómsmáli sem hún höfðaði gegn
tölvufyrirtækinu Apple vegna iPod-
og iTunes-þjónustu þess.
Sir Paul McCartney, Ringo Starr
og fjölskyldur George Harrison og
Johns Lennon eiga Apple-plötufyr-
irtækið. Segja þau að tölvufyrir-
tækið hafi ekki staðið við samning
um að ekki megi vera tvö Apple-
fyrirtæki í tónlistarbransanum.
Dómsúrskurðurinn var á þann
veg að Apple notaði eingöngu vöru-
merki sitt í tengslum við verslanir
sínar en ekki tónlistina og því hafi
það staðið við samninginn. Mun
Apple því áfram geta notað vöru-
merki sín iPod og iTunes í viðskipt-
um sínum í framtíðinni.
Bítlarnir, sem höfðu krafist
hárra skaðabóta, ætla að áfrýja
málinu.
Bítlarnir töpuðu dómsmáli
BÍTLARNIR Hljómsveitin Bítlarnir höfðaði
dómsmál gegn tölvurisanum Apple.
NORDICPHOTOS/GETTYIMAGES
Myndasöguverslunin Nexus tók
þátt í alþjóðlegum myndasögudegi,
svokölluðum Free Comic Book
Day, á laugardaginn var, en þá gáfu
myndasögubúðir úti um víða ver-
öld sérútgáfur myndasögublaða
frá ýmsum útgefendum.
Veðurblíðan lék við íslenskt
áhugafólk um myndasögur sem
taldi það ekki eftir sér að standa í
langri biðröð til þess að komast í
góssið. Þá sýndi löng biðröðin svo
ekki varð um villst að myndasög-
urnar brúa kynslóðabilið en áhug-
inn skein jafnt úr andlitum barna
og fullorðinna.
Verslunin Nexus gaf yfir eitt
þúsund blöð á laugardaginn og gátu
gestir og gangandi valið úr sýnis-
hornum af japönskum Manga-
myndasögum auk þess sem gamlir
kunningjar á borð við Andrés Önd,
Batman og Superman voru ekki
langt undan.
Þúsund sögur í glampandi sól
FARIÐ YFIR MÁLIN Myndasögurnar sem
gefnar voru gáfu góða mynd af breiddinni
í myndasöguútgáfunni og það þurfti því
eðlilega að bera saman bækur eftir að
biðinni lauk.
STORMSVEITARMAÐUR Í HAM Þessi góð-
kunningi Stjörnustríðsaðdáenda lét sig ekki
vanta frekar en í fyrra og sá um að smala
vegfarendum af Hverfisgötunni niður í
Nexusportið.
VALKVÍÐI Á HÁU STIGI Úrvalið var ekki af verri endanum við gjafaborðið og margir áttu í
mesta basli með að gera upp hug sinn, en myndasögurnar voru að sjálfsögðu skammtaðar
í anda jafnaðarhugsjónar þannig að allri fengju eitthvað.
SÍMI 564 0000 SÍMI 551 9000 SÍMI 462 3500
400 kr. í bíó!
Gildir á allar sýningar í
Regnboganum merktar með rauðu
INSIDE MAN kl. 8 og 10.25 B.I. 16 ÁRA
RAUÐHETTA M/ÍSL. TALI kl. 6
ÍSÖLD 2 M/ÍSL. TALI kl. 6
LUCKY NUMBER SLEVIN kl. 8 og 10 B.I. 16 ÁRA
RAUÐHETTA M/ENSKU TALI kl. 6, 8 og 10
RAUÐHETTA M/ÍSLENSKU TALI kl. 6
PRIME kl. 5.30, 8 og 10.30
THE HILLS HAVE EYES kl. 8 og 10.30 B.I. 16 ÁRA
WHEN A STRANGER CALLS kl. 6, 8 og 10 B.I. 16 ÁRA
MISSION IMPOSSIBLE 3 kl. 6, 9 og 11
SÝND Í LÚXUS kl. 6 og 9
RAUÐHETTA M/ENSKU TALI kl. 4, 6, 8 og 10
RAUÐHETTA M/ÍSLENSKU TALI kl. 4 og 6
PRIME kl. 8
THE HILLS HAVE EYES kl. 10 B.I. 16 ÁRA
ICE AGE 2 M/ENSKU TALI kl. 4 og 8
ÍSÖLD 2 M/ÍSLENSKU TALI kl. 4 og 6
Mannbætandi og þrælfyndin
rómantísk gamanmynd með
Uma Thurman og Meryl
Streep í fantaformi!
„Ég var ónýtur eftir
myndina. Hún var
svo fyndin“
- Svali á FM957
EIN FYNDNASTA MYND ÁRSINS
SEM ENGIN MÁ MISSA AF!
SÝND MEÐ ÍSLENSKU OG ENSKU TALI
Birgitta Haukdal fer á kostum sem Rauðhetta í íslensku talsetningunni
ÓHUGNANLEGASTA MYND ÁRSINS!
FÓR BEINT Á TOPPINN Í USA
HVAÐ SEM ÞÚ GERIR,
EKKI SVARA Í SÍMANN!
- SV, MBL - LIB, Topp5.isSÝND MEÐ ÍSLENSKU OG ENSKU TALI
STÆRSTA MYND ÁRSINS
- VJV, Topp5.is
- HJ MBL
- JÞP Blaðið
- Ó.Ö.H. - DV
- SV - MBL
- LIB. - TOPP5.IS
STRANGLEGA BÖNN
UÐ
INNAN 16 ÁRA
DYRAVERÐIR VIÐ
SALINN!
FYRSTA STÓRMYND SUMARSINS ER KOMIN!
AF MÖRGUM TALIN VERA BESTA MISSION IMPOSSIBLE MYNDIN TIL ÞESSA!
„Mission: Impossible III byrjar
sumarið með pomp og prakt
og inniheldur allt sem góður
sumarsmellur hefur uppá að
bjóða, þrælgóðan hasar og
fantagóða skemmtun.“
- VJV topp5.is