Fréttablaðið - 12.05.2006, Qupperneq 20
12. maí 2006 FÖSTUDAGUR20
nær og fjær
„ORÐRÉTT“
Sumarhús við Bifröst
Nýtt 85 fm sumarhús á góðum útsýnisstað við
Birkihraun rétt fyrir ofan Háskólan á Bifröst.
Mikið útsýni, fallegt landslag, auðveldar samgöngur,
þjónusta, verslun, laxveiði og nýr golfvöllur auka alla
tómstundamöguleika.
Nánari upplýsingar á skrifstofu. V. 17,9 m.
Skipholti 29a
s:530 6500
Það kostar 350 milljónir að byggja golfvöll í Viðey.
Árstekjur gætu numið tæpum 90 milljónum og
stæðu undir kostnaði. Að tólf árum liðnum mætti
reikna með hagnaði af byggingu og rekstri
vallarins.
Mogginn um góða siði
„Að hrækja er gott og gilt
ef það er gert á snyrtilegan
hátt eins og fólk gerir með
annan úrgang sem það þarf
að losa sig við.“
VÍKVERJI MORGUNBLAÐSINS.
Mogginn um stjórn-
mál
„Sjálfstæðisflokkurinn er í
lykilstöðu í þessum kosn-
ingum til borgarstjórnar og
engin sérstök ástæða til að
ætla, að flokkurinn klúðri
þeirri stöðu.“
LEIÐARI MORGUNBLAÐSINS.
Sex nemendur við Viðskiptaháskólann á Bif-
röst könnuðu hvort raunhæft sé að nýta
Viðey undir golfvöll og komust að raun um
að svo sé. Vinsældir golfíþróttarinnar hafa
vaxið mjög á liðnum árum og sér ekki
fyrir endann á þeim. Af því
hefur leitt að mikil
ásókn er á golf-
velli á höfuð-
borgarsvæðinu
og yrði nýr völl-
ur kærkomin við- bót fyrir kylfinga.
Á þeirri staðreynd og fleirum byggja nem-
arnir útreikninga sína.
Það var í ljósi umræðna um stöðu og framtíð
Viðeyjar sem Arnar Þór Óskarsson, Gísli
Jóhann Eysteinsson, Jón Helgi Guðnason,
Katrín Rósa Eðvaldsdóttir, Sigurður Jón Sig-
urðsson og Stefán Þór Sigfússon ákváðu að
ráðast í verkefnið. Þau lögðu dag við nótt í
þrjár vikur og úr varð næstum 70 síðna
skýrsla, byggð á hugmynd Hannesar Þor-
steinssonar golfvallaarkitekts sem hann
lagði fram í samkeppni á vegum Reykjavík-
urborgar um framtíð Viðeyjar árið 1988.
Hugmyndin vakti athygli á sínum tíma en
það var ekki fyrr en mörgum árum seinna
sem Helgi Pétursson, þá borgarfulltrúi, tók
málið upp á ný. Það lognaðist út af fljótlega
en nú er golfvöllur í Viðey enn á ný til
umræðu.
„Við vildum taka þátt í umræðunni um
framtíð eyjarinnar,“ segir Gísli Jóhann.
„Aðsókn í eyjuna hefur dregist saman á síð-
astliðnum árum og við viljum snúa þeirri
þróun við.“
Golfvöllur þarf vitaskuld talsvert pláss
en teikningar Hannesar gera ráð fyrir að
innan við þriðjungur landrýmis fari undir
völlinn. Gera þær og ráð fyrir að ekki verði
farið nærri helstu útivistarsvæðum. Þá
leggja sexmenningarnir til að veitingasala
verði í Viðeyjarstofu sem kylfingar jafnt
sem aðrir gestir eyjarinnar geti nýtt. Er því
ráðgert að eftir sem áður geti almenningur
notið náttúrunnar í Viðey, hvort heldur er til
golfiðkunar eða annarrar útivistar.
Líkt og áður sagði sér ekki fyrir endann á
vinsældum golf-
íþróttarinnar sem er
mest stundaða íþrótt
landsins, næst á eftir
knattspyrnu. Um 2.300
félagar eru í fjölmenn-
asta golfklúbbi lands-
ins, Golfklúbbi Reykja-
víkur, og getur það
tekið allt að þrjú ár að
fá inngöngu í klúbbinn.
Níu golfvellir eru á höfuð-
borgarsvæðinu, fjórir átján
holu vellir og fimm níu holu
vellir og er jafnan örtröð á þá
alla þegar vel viðrar. Sömu
sögu er að segja af landsbyggð-
inni, aldrei hafa jafnmargir leik-
ið golf á þeim fjölmörgu völlum
sem eru úti um allt land. Það kost-
ar sitt að stunda golf enda liggja
dýrar framkvæmdir að baki hverj-
um golfvelli og umhirða þeirra er
einnig kostnaðarsöm. Vallargjöld
nema yfirleitt nokkrum þúsundum
króna og félagsgjöld í klúbba á höfuð-
borgarsvæðinu hlaupa á tugum þús-
unda.
Skýrsluhöfundar leggja áherslu á að
Reykjavíkurborg muni ekki bera kostn-
að af golfvellinum. Notendur greiði
vallargjöld og verði notkun í sam-
ræmi við áætlanir muni þau mæta
kostnaði af uppbyggingu og rekstri
vallarins. Við þetta fari svo saman að
með golfvelli „viðhelst það græna
umhverfi sem fyrirfinnst í Viðey, og
dýralífi verður ekki raskað að ráði“,
segir í niðurstöðum skýrslunnar.
Gísli Jóhann segir að ekki verði
meira aðhafst í málinu af þeirra
hálfu, það sé nú í höndum stjórnmála-
manna. bjorn@frettabladid.is
Fuglar og skollar í Viðey
PÚTTLÍNAN LESIN Kylfingar myndu eflaust njóta þess
að stunda íþrótt sína í Viðey og ekki setja fyrir sig að
taka ferju á golfvöllinn. Nemendur við Viðskiptahá-
skólann á Bifröst hafa komist að því að golfvöllur í
eynni geti borgað sig upp á tólf árum. Framhaldið er í
höndum stjórnmálamanna. FRÉTTABLAÐIÐ/SAMSETT MYND
ÁST Í GOSBRUNNI Ronni og Meryam kys-
stust í gosbrunni í Düsseldorf í gær um leið
og þau kældu sig niður. 28 stiga hiti var í
Düsseldorf í gær.
FRÉTTABLAÐIÐ/AP
Fleiri eru á móti en með því að
Árbæjarsafn verði flutt út í Viðey,
ef marka má niðurstöður skoðana-
könnunar á vef
Útvarps Sögu,
utvarpsaga.is.
Fjörutíu greiddu
atkvæði gegn
hugmyndinni en
23 voru með.
Könnunin
hófst um leið og
hugmyndin var
sett fram og er
vert að hafa í
huga að aðeins
lesendur síðunnar taka þátt.
Nú er spurt hvort fólk treysti
stjórnendum Kastljóss og er til-
efnið vísast umfjöllun þáttarinns
um Baugsmálið. Þegar þetta er
skrifað hafa ögn fleiri sagt nei en
já.
Umsjónarmenn vefs Útvarps
sögu eru ötulir við að kanna hug
fólks til málefna líðandi stundar,
líkt og stjórnendur Reykjavík síð-
degis á Bylgjunni sem daglega
taka púlsinn á þjóðarsálinni. Sama
er svo uppi á teningnum á visir.is
og eru niðurstöður þeirrar könn-
unar birtar í Fréttablaðinu. ■
Árbæjarsafn
ekki í Viðey
ARNÞRÚÐUR
KARLSDÓTTIR
„Allt gott, sólin skín og veðrið er stórkostlegt,“
segir Aldís Hafsteinsdóttir, bæjarfulltrúi í Hvera-
gerði. „Við sjálfstæðismenn vorum að undirbúa
hagyrðingakvöld og svo höfum við verið að leggja
síðustu hönd á blað. Kosningarnar eru í algleym-
ingi og enginn tími til að láta sér leiðast eða hugsa
um nokkurn hlut annan.“
Aldís starfar sem framkvæmdastjóri Kjöríss
og því má segja að hitabylgjan síðustu daga hafi
komið á versta tíma fyrir hana. „Það er vitlaust að
gera á öllum vígstöðvum. Núna óska ég einskis
annars en að það rigni og verði frekar napur-
legt þó að það hljómi frekar illa verandi einn af
eigendum Kjöríss þá myndi það óneitanlega
minnka á manni álagið. Það myndi hjálpa
og auka líkurnar á því að maður geti sinnt kosn-
ingabaráttunni betur.“
Baráttan hefur farið frekar rólega af stað
þannig að það er tiltölulega lítið um að vera
ennþá. Flokkarnir gefa út blöð til að kynna stefnu-
mál sín og framboðslista. „Helsta nýbreytnin er sú
að það eru auglýsingar uppi um alla veggi út um
allan bæ. Það er í fyrsta skipti nú sem flokkarnir
fara út í það þannig að frambjóðendurnir eru
sýnilegri en þeir hafa oftast verið sem er kannski
ágætt því að það hefur flust hingað ákaflega
mikið af nýju fólki sem þekkir
kannski fáa og veit ekki hvaða
fólk er í framboði. En þetta
er að fara í gang og það er
greinilegt að það er að fær-
ast aukin harka í kosninga-
baráttuna og framboðsmálin.“
Framkvæmdir í Hveragerði
eru bæjarbúum ofarlega
í huga í daglegu spjalli.
Framundan er að úthluta
lóðum í sumar. Verið er
að leggja síðustu hönd á deiliskipulag á tveimur
svæðum þannig að þar koma lóðir til úthlutun-
ar. Það verður skemmtilegt að sjá hvernig það
gengur fyrir sig. Hvergerðingar ræða líka mikið um
atvinnumál og stöðu garðyrkjunnar.
„Mörgum svíður að verða vitni að því að
garðyrkjustöðvarnar eru rifnar hér hver á fætur
annarri og jafnvel nýlegar stöðvar í góðum rekstri.
Starfsaðstæður eru orðnar með þeim hætti að
það er erfitt fyrir þessar stöðvar að starfa. Núna er
lóðaverð orðið þannig að það er hagfelldara fyrir
garðyrkjubændur að selja stöðvarnar sínar undir
íbúðabyggð frekar en að halda áfram rekstri. Það
er fjöldinn allur af garðyrkjustöðvum farinn undir
ýtuna. Þessi þróun hefur verið að ná toppi síðustu
tvö til þrjú ár. Það er ákaflega sérstakt að verða
vitni að þessu því að það eru sár út um allan bæ
þar sem áður stóðu garðyrkjustöðvar í fullum
rekstri.“
HVAÐ ER AÐ FRÉTTA? ALDÍS HAFSTEINSDÓTTIR, FRAMKVÆMDASTJÓRI KJÖRÍSS Í HVERAGERÐI:
Svíður að garðyrkjustöðvar séu rifnar