Fréttablaðið - 12.05.2006, Side 79

Fréttablaðið - 12.05.2006, Side 79
Heljarmikið rokkabillípartí verður haldið á skemmtistaðnum Ellefunni í kvöld. Þetta er þriðja partíið sem listamaðurinn Curver stendur fyrir. Hingað til hefur stemningin verið afar góð þar sem dansað hefur verið á öllum hæðum og færri kom- ist að en vildu. Curver mun spila gamalt rokkabillí og rokk og ról auk þess sem brimbrettatónlistin fær að njóta sín betur en áður, enda sumarið komið með blóm í haga. Hvetur Curver gesti til að mæta í Hawaii-skyrtum og með sumar- stemninguna í farteskinu. Partíið stendur yfir frá miðnætti til hálfsex um morguninn og er frítt inn. Meira rokkabillí CURVER Listamaðurinn Curver stendur fyrir rokkabillípartíi á Ellefunni í kvöld. Hljómsveitin Dr. Spock hefur bæst í hóp þeirra sveita sem munu leika á tónlistarhátíðinni Reykjavík rokkar sem verður haldin í Laugar- dalshöll dagana 29. júlí til 1. júlí. Dr. Spock mun koma fram á sama kvöldi og The Darkness og Trabant, föstudaginn 30. júní. Þær hljómsveitir sem höfðu áður staðfest komu sína eru Motörhead, The Darkness, David Gray, Ham, Mínus, Trabant, Ampop og Hjálmar. Forsala aðgöngumiða á Reykja- vík rokkar hefst fimmtudaginn 18. maí kl. 11.00 í verslunum Skífunn- ar, BT Akureyri og Selfossi og á midi.is. Miðaverð er á bilinu 4.900 til 12.900 krónur. Dr. Spock bætist við DR. SPOCK Hljómsveitin Dr. Spock spilar á tónlistarhátíðinni Reykjavík rokkar föstudaginn 30. júní. Rapparinn Snoop Dogg hefur fengið aðvörun frá lögreglunni í London eftir að hann var handtek- inn á Heathrow-flugvelli í síðasta mánuði. Snoop, sem heitir réttu nafni, Calvin Broadus, mætti á lögreglu- stöð í London til að svara til saka fyrir slagsmál sem brutust út á flugvellinum. Eftir þau var Snoop og fimm félögum hans stungið í steininn þar sem þeir dvöldu yfir nóttina. Þrjátíu menn tóku þátt í ólátun- um og hlutu sjö lögregluþjónar minni háttar meiðsli. Snoop Dogg fær aðvörun SNOOP DOGG Rapparinn heimsþekkti hefur fengið aðvörun frá lögreglunni í London. Sænski eurovisionfarinn, Carola, hefur fundið sér aðferð til að vinna hug og hjörtu evrópskra áhorf- enda. Samkvæmt sænsku press- unni segist hún ætla að daðra við þul hvers lands, gefa sænskar pip- arkökur og gera óvænta hluti á blaðamannfundum. Þetta gerir hún í von um að þeir tali vel um hana og rödd hennar í sjónvarpsútsending- unni og telur hún að það muni hafa áhrif á áhorfendur og kosninguna. Ekki á hún þó eftir að komast nálægt okkar eigin Silvíu sem er drottning óvæntra uppákomna og á eflaust eftir að slá í gegn hjá evr- ópskum blaðamönnun. Daðrar við alla þulina CAROLA Ætlar að beita óhefðbundnum aðferðum við kynningu á laginu sínu. Bresku tónlistarsjónvarpsstöðv- arnar Chart Show, B4 og Flaunt hefja spilun á nýju myndbandi stúlknasveitarinnar Nylon við lagið Loosing a Friend í dag. Smám saman munu útvarps- stöðvar og aðrar sjónvarpsstöðv- ar bætast í hópinn. Smáskífa með laginu er síðan væntanleg í versl- anir í Bretlandi þann 19. júní. Nylon hefur nú verið í fjórar vikur á tónleikaferð með stráka- hljómsveitinni Westlife sem hefur gengið vonum framar. Þann 18. maí munu stelpurnar koma fram ásamt Westlife á Wembley. Björk og hljómsveitin Unun eru einu íslensku listamennirnir sem hafa komið þar fram hingað til. Hefur Icelandair ákveðið að bjóða upp á pakkaferð fyrir alla þá sem vilja fara á tónleikana. Nýtt frá Nylon NYLON Stúlknasveitin Nylon er að gera það gott í Bretlandi um þessar mundir.

x

Fréttablaðið

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Fréttablaðið
https://timarit.is/publication/108

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.