Fréttablaðið - 15.05.2006, Qupperneq 12

15. maí 2006 MÁNUDAGUR12
nær og fjær
„ORÐRÉTT“
Hvað kemst
fraktin þín hratt?
Tíminn flýgur hratt og með Flugfrakt Flugfélags Íslands gefst þér kostur á að taka þér far með
honum. Það er örugglega besta leiðin til að tryggja það að fraktin þín komist sem hraðast á
áfangastað.
Sækjum, fljúgum og afhendum
Einn þáttur í starfsemi Flugfraktar Flugfélags Íslands er að bjóða upp á þá þjónustu að sækja
fraktina til viðskiptavina, koma henni í flug og afhenda á áfangastað. Það gildir einu hvort um
flutning á matvörum og öðrum viðkvæmum vörum er að ræða. Við leysum það með fullkomnum
frysti- og kæligeymslum og höldum utan um allt ferlið með tölvuvæddu farmbréfakerfi.
Kynntu þér flutningaþjónustu okkar á www.flugfelag.is eða hafðu samband
í síma 570 3400 og fáðu upplýsingar um hvernig við getum aukið forskot
fyrirtækisins, með flutningum sem ganga hratt fyrir sig.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S

FL
U
3
21
70

04
/2
00
6
www.flugfelag.is | 570 3400
„Af mér er allt gott að frétta í dag eins og alla
aðra daga,“ segir Guðfríður Lilja Grétarsdóttir,
forseti Skáksambands Íslands hlæjandi þegar
blaðamaður slær á þráðinn. „Annars get ég
ekki talað um neitt annað en skák því það
kemst ekkert annað að í mínu lífi. Á morgun
er aðalfundur Skáksambandsins og ég ætla að
gefa kost á mér aftur. Það verður spennandi
að sjá hvort það gengur eftir. En stóra málið í
mínu lífi er að í næstu viku þá erum við að fara
að tefla á ólympíuskákmótinu í Tórínó á Ítalíu.
Það fer bæði lið í opnum flokki og kvenna-
sveit.“ Guðfríður mun tefla fyrir Íslands hönd og
er að reyna að koma sér í æfingu. Hún segir að
tilhlökkunin sé mikil því sveitir Íslands í báðum
flokkum séu þær sterkustu sem teflt hefur verið
fram í mörg ár.
Það þarf að ganga mjög á forsetann til að
fá upplýsingar um eitthvað annað en skák. „Jú,
ég er alltaf öðru hverju að byrja í nýju heilsu-
átaki og núna er ég byrjuð að synda á
hverjum degi. Það er eitthvað það besta
sem fyrir mig hefur komið. Svo ætla ég
að nota sumarið til að skrifa.“ Guð-
fríður Lilja er að vinna að bók með
Friðriki Ólafsson, stórmeistara með
meiru, um líf þessa mikla meistara,
enda er hún sagnfræðingur að
mennt. „Það hefur í raun aldrei
verið skrifuð bók um ævi Friðriks
og það er eitt af þeim verkefnum
sem taka við eftir mótið.“
Guðfríður Lilja er
nýkomin frá Kúbu og
er vegna áhrifa þaðan
ákveðin í því að læra
að dansa salsa og læra
spænsku. Hún ætlar
líka að halda áfram að læra að búa til
japanskan mat hjá góðum vini sínum,
Toshiki Toma, prests útlendinga á
Íslandi. „Hann er algjör listakokkur
og ég hlakka til að læra af honum
og svo ætla ég líka að ferðast
um Ísland í sumar og njóta
þeirrar guðsgjafar sem okkur var
fengin.“ Guðfríður Lilja vonast
til að það myndist þverpólitísk
samstaða um að vernda
landið í þeirri mynd sem
það er, en blaðamaður
kveður með það efst
í huga hvernig hægt
sé að framkvæma
svona mikið þegar
aðeins er hugsað
um skák.
HVAÐ ER AÐ FRÉTTA? GUÐFRÍÐUR LILJA GRÉTARSDÓTTIR, FORSETI SKÁKSAMBANDS ÍSLANDS:
Getur ekki talað um annað en skák
KYNJAMYNDIR ÚR SANDI Listamenn
mótuðu allra handa kvikyndi úr sandinum
á Tybee-eyju í Georgíu í Bandaríkjunum.
FRÉTTABLAÐIÐ/AP
Vísindamenn við háskólann í
Manchester í Bretlandi telja sig
hafa uppgötvað sjó djúpt í iðrum
jarðar. Þetta kemur fram í grein
sem birtist á fimmtudag í vísinda-
tímaritinu Nature.
Árum saman hafa vísindamenn
deilt um það hvort jörðin drekki í
sig sjó eða hvort einhver fyrir-
staða hamli því. En nú segjast vís-
indamennirnir Chris Ballentine og
Greg Holland, sem vinna við
Manchester-háskóla, hafa upp-
götvað sjó í gassýnum sem eiga
uppruna sinn að rekja til möttuls
jarðar, sem liggur rétt undir jarð-
skorpunni og nær alla leið niður
að kjarnanum.
Telja Ballentine og Holland að
síðan jörðin varð til hafi hún
drukkið í sig um tíu prósent vatns-
magnsins í úthöfunum. Þetta vatn
hefur svo bæst við það sem verið
hefur í iðrum jarðar frá upphafi.
„Rannsóknir okkar skýra hvers
vegna hafeldfjöll, svo sem Hawaii
og Ísland, sem eru mynduð úr gos-
efnum þaðan sem möttullinn
mætir kjarnanum, hafa hærra
vatnsinnihald en hafeldfjöll á
svæðum þar sem möttullinn er
grynnri,“ sagði Ballentine. „Vatn-
ið í hrauninu á Hawaii og Íslandi
er í raun aðallega forn sjór sem
hefur ferðast frá yfirborðinu, til
miðju jarðar og til baka á ný.“ - smk
Sjór í iðrum jarðar
Jennifer er ósköp venjuleg
stúlka frá Andorra. Fyrir
tveimur mánuðum vann
hún á veitingahúsi en var
uppgötvuð í söngtíma og
valin til að vera keppandi
Andorra í Söngvakeppni
evrópskra sjónvarpsstöðva.
„Ég er orðin atvinnusöngvari, en
fyrir tveimur mánuðum var ég
þjónn á veitingastað sem ferða-
menn sóttu,“ segir Jennifer eða
Jenny eins og hún kallar sig. „Mér
finnst ég vera Öskubuska keppn-
innar.“
Jennifer ætlar að nýta keppn-
ina til þess að koma sér á fram-
færi. „Ég er bara venjuleg 23 ára
stelpa og finnst gaman að vera
með vinum mínum. Svo hef ég
gaman af tennis, ég stunda
klettaklifur og finnst frábært að
keyra bíl, því ég er nýkomin með
próf. En tónlist er að sjálfsögðu
aðaláhugamál mitt.“
Jennifer er sú fimmta á sviðið í
undankeppninni og hún er ekki
þessi hefðbundni Eurovision-þátt-
takandi. Sjálf segist hún lifa í eins
og í draumi þessa dagana. Hún
sker sig úr, jafnvel svo mikið að
hún átti í erfiðleikum með að kom-
ast í gegnum tollinn með allan
búnaðinn sem fylgir þátttöku í
svona stórri keppni. Var því fleygt
meðal aðdáanda hér að grísku toll-
verðirnir hefðu ekki trúað að hún
væri ein af keppendunum.
„Vinir mínir og fjölskylda trúa
því ekki að ég sé að syngja í Eur-
ovision. Þau eru spennt og ætla að
fylgjast vandlega með,“ segir
Jennifer. „En almennt er fólk ekki
spennt fyrir keppninni. Þátttak-
endum Andorra hefur ekki gengið
vel þau tvö síðustu ár sem þjóðin
hefur átt lag í henni.“ Marta Roure
var fyrsti þátttakandi landsins og
söng lagið Jugarem a estimar nos
og í fyrra söng Marian lagið La
mirada interior á katalónsku. Í
hvorugt skiptið komst þjóðin
áfram eftir undankeppnina.
„Áhuginn er það lítill að við
höfum þurft að grípa til dóm-
nefndar til að geta greitt atkvæði í
keppninni. Eins og í fyrra fengu
aðeins fjögur lönd atkvæði úr
símakosningu og hún var því
ógild,“ segir Jennifer. „Það er mik-
ilvægt að okkur gangi vel núna
svo áhuginn á keppninni vaxi,“
segir hún og ætlar að gera sitt
besta. „Ef ég næ í gegn er það frá-
bært, en samböndin og hefðir
skipta mig meira máli. Þá á ég við
mikilvægi þess að ná til nágranna-
þjóðanna og að syngja á katal-
ónsku,“ segir Jennifer.
gag@frettabladid.is
Öskubuskan í
söngvakeppninni
ÖSKUBUSKAN JENNIFER Hún segir mikilvægt að komast áfram svo áhugi landa hennar á
keppninni aukist, en hann hefur verið í lágmarki til þessar. Jennifer vann áður sem þjónn á
veitingastað en var nýlega uppgötvuð. FRÉTTABLAÐIÐ/VALLI
Hreggvið á þing!
„Það er kominn tími til að
almenningur fái að njóta
sömu lánskjara og fólk í
nágrannalöndunum. Þetta
verður baráttumál í næstu
kosningum.“
HREGGVIÐUR JÓNSSON FYRRVER-
ANDI ALÞINGISMAÐUR Í GREIN UM
VERÐTRYGGINGU Í MORGUN-
BLAÐINU.
Hreggvið á þing!
„Við höfum staðið í einu og
öllu við þann samning sem
gerður var 2004. Lyfjaverð er
meira að segja orðið lægra
hér heldur en í Danmörku.“
HREGGVIÐUR JÓNSSON FORSTJÓRI
VISTOR UM LYFJAVERÐ Í FRÉTTA-
BLAÐINU.
JÖRÐIN DREKKUR SJÓ. Sjór er djúpt í iðrum
jarðar.