Fréttablaðið - 15.05.2006, Blaðsíða 76
15. maí 2006 MÁNUDAGUR28
Öðruvísi frí - Útivistarferðir
Úrvals - Útsýnar
Eigum nokkur sæti laus í eftirfarandi ferðir.
23. maí – 30. maí ; Evrópurúta Friðriks til Spánar og Portúgals.
3. júní – 10. júní ; Hjólaferð til Gardavatnsins.
3. júní – 10. júní ; Gönguferð í Ítölsku Alpana.
10.júní – 17. júní ; Hjólaferð ; Brescia - Milanó
Nánari upplýsingar og bókanir hjá Úrval Útsýn í síma 585-4000 eða á
tölvupósti, tonsport@uu.is og á vef Úrval Útsýnar www.uu.is
Fjölmiðlafíkillinn og hótelerfinginn
Paris Hilton gerði sig að algjöru fífli
á dögunum þegar hún mætti á tölvu-
leikjasýningu E3 í Los Angeles sem
er sú stærsta í heiminum til að
kynna nýjan tölvuleik sem hún
hefur tengt nafn sitt við. Paris mætti
á sýninguna til að kynna leikinn sem
er ætlaður fyrir farsíma en þegar til
átti að taka vissi hún ekki einu sinni
hvað leikurinn hét. Paris kynnti
leikinn undir nafninu Diamondquest
en rétt nafn á leiknum er hinsvegar
Paris Hiltons Jewel Jam. Það er fyr-
irtækið Gameloft sem framleiðir
leikinn en það er leiðandi á markaði
fyrir símaleiki. Af nafni leiksins að
dæma tengist hann á einhvern hátt
skartgripum sem Paris er jú mjög
veik fyrir.
Paris Hilton með eigin tölvuleik
PARIS HILTON Hótelerfingin gerði sig að fífli þegar hún kynnti nýjan tölvuleik. FRÉTTABLAÐIÐ / GETTY IMAGES
Lordi berst hvorki gegn hvala-drápi eða fyrir öðrum mál-stað. Djöfladýrkun er heldur
ekki á dagskrá. Hljómsveitin hefur
gefið út þrjár plötur, sú fyrsta var
slegin platínu og nýútkomin plata
þeirra náði gulli í Finnlandi á
mánudaginn. Hljómsveitarmeð-
limirnir eru fimm og hugmynda-
smiðurinn Herra Lordi, er ekki
aðeins í forsvari fyrir hljómsveit-
ina, heldur saumar sjálfur búning-
ana. Gita og nýjasti meðlimur
hljómsveitarinnar Aua töluðu við
Fréttablaðið eftir æfingu þeirra í
Ólympísku höllinni O.A.K.A í gær.
„Við fæddumst sem skrímsli,
það er opinbera skýringin,” segir
Gita, eitt skrímslanna fimm í
Lordi. „Ég kom utan úr geimn-
um,” segir Gita, sem þýðir munnur
á finnsku. „Ég fæddist á sautjándu
öld, segir Aua. Aðrir í hljómsveit-
inni kallast Amen, Uxi og höfuð-
paurinn sjálfur og hugmyndasmið-
urinn er herra Lordi. „Þetta hefur
verið hugsmíð hans síðustu fimmt-
án árin. Hann er allt í öllu. Hann
bjó til búningana, þá er ekki hægt
að kaupa úti í búð,” útskýrir Gita.
Hann viðurkennir að búningurinn
sé ekki þægilegur. „Stundum lang-
ar mig að rífa hann utan af mér.
Fyrst verður mér heitt og svitna.
Svitinn fer í búninginn, ég verð
blautur og mér verður rosalega
kalt.“ Hin hæverska og feimna
Aua segir fátt, en þó að hennar
búningur sé mun þægilegri. Henni
líði vel utan þess að tennurnar séu
óþægilegar og tolli illa í munnin-
um á henni. Aua og Gita segja að
það taki þau um hálftíma að fara í
búninginn. Herra Lordi taki það
um þrjár klukkustundir, enda er
búningurinn hans svo flókinn,
hann þurfi þar að auki að farða
andlitið, en þeim hinum dugar að
vera með grímur. „Gríman hans
þarf að vera sveigjanleg af því að
hann er söngvarinn.“
Lífið utan búninganna
Lordi hefur gefið út fimm smá-
skífur af þremur plötum. Tvær
þeirra hafa náð efsta sæti vinsæld-
arlistans í Finnlandi. Fyrsta platan
seldist vel og núna á mánudaginn
náði nýjasta platan þeirra gullsölu
í Finnlandi. Þrátt fyrir vinsældirn-
ar vita Finnar aðeins um nöfn
þeirra sem eru á bak við grímurn-
ar. Þeir eru að öðru leyti óþekktir.
Aðeins hefur náðst mynd af vanga-
svip söngvarans. „Auðvitað vita
vinir okkar og fjölskylda að við
erum í hljómsveitinni, en hjálpa
okkur að haldaþví leyndu,“ segir
Gita. Gita segir daglega líf þeirra
dæmigert. Þau sleppi við frægðina
sem fylgi bandinu: „Við sátum á
ströndinni í gær og drukkum bjór.
Enginn veit hver við erum þannig
að við getum líka farið í búðir og
slakað á.“
Þau eru öll þungarokkarar. Gita
hrífst af tattúum og ber nokkur að
sögn en er einnig fyrir lokka á
ýmsum stöðum. Einn þeirra blasti
við á bak við grímuna, undir neðri
vörinni. Aua segir lokkana hins
vegar ekki á hennar áhugasviði.
„Ég er ekki í sama gír og strákarn-
ir. Ég er bara svona venjuleg.“
Ekki djöfladýrkendur
Hljómsveitin hefur þurft að berj-
ast gegn ásökunum um djöfladýrk-
un. „Við erum á móti djöflatrú því
hún er bjánaleg,“ segir Gita. „Við
höfum ekki sett fram yfirlýsingar
um skoðanir okkar. Við berjumst
ekki á móti hvalveiðum eða öðru
slíku en við þurftum að taka á
skarið gagnvart djöfladýrkend-
um,“ segir Gita. „Við erum ein-
göngu rokkhljómsveit í skrímsla-
búningum. Fólk gekk því út frá því
að við værum djöfladýrkendur eða
dýrkuðum dauðann. Við urðum að
skera á þau hugsanatengsl.“ Á
blaðamannafundi hljómsveitarinn-
ar fyrr um daginn voru þeir meðal
annars spurðir af ísraelskum aðdá-
anda hvaða leið væri best til að
fremja sjálfsmorð. „Ertu ekki að
grínast? Don´t do it,“ var svarað í
fáti.
Gita segir flesta Finna styðja
Lordi og lagið þeirra Hard Rock
Hallelujah í Eurovision og hafa
miklar væntingar til gengisins í
keppninni. „En aðrir skammast sín
og segja að við séum að skemma
ímynd Finnlands. Hóparnir eru
því tveir; á móti okkur og með.“
Hljómsveitin hafi ákveðið að
taka þátt í Eurovison, því auglýs-
ingin sé ókeypis. „Við reynum ekki
í örvæntingu að vinna keppnina,
en auðvitað ætlum við að gera
okkar besta. Eftir Eurovision
förum við aftur í sama farið; í tón-
leikaferðalög og að taka upp
efni.“
gag@frettabladid.is
Erum ekki djöfladýrkendur
Einhver dýrasti ljósmynd sögunn-
ar gæti orðið af barni Angelinu
Jolie og Brads Pitt. Samkvæmt
fréttavef CNN gæti myndin verið
seld til slúðurblaða fyrir meira en
eina milljón dollara sem samsvar-
ar hátt í áttatíu milljónum
íslenskra króna. Parið dvelst nú í
Namibíu og hefur ítrekað reynt að
biðla til fjölmiðla um að láta sig í
friði.
CNN hafði samband við nokkra
ljósmyndara og bað þá að gefa sér
einhverjar verðhugmyndir. Frank
Griffin hjá Bauer Griffin ljós-
myndastofunni taldi ljósmyndara
geta fengið þrjár milljónir dollara
eða 240 milljónir íslenskra króna
fyrir myndina. „Fólk er reiðubúið
að borga slíka fjárhæð fyrir þessa
mynd,“ sagði Griffin í samtali við
fréttavef CNN. Peter Howe, sem
skrifaði bókina Paparazzi, var ögn
hófsamari en taldi myndina auð-
veldlega geta selst á eina milljón
dollara. „Ef þú nærð myndinni
einn allra fjölmiðla þá borgar sig
að eyða slíkri upphæð í myndina,“
sagði Howe. Skötuhjúin hafa ítrek-
að sent frá sér yfirlýsingar um að
fá að vera í friði og taldi Howe því
líklegt að einhver innfæddur gæti
náð þessari gullnu mynd. „Fólkið í
Namibíu gæti lagt ýmislegt á sig
til að geta smellt af enda augljós
fjársjóður,“ útskýrði ljósmyndar-
inn.
Þá taldi hann að landslagið
gerði það að verkum að erfitt væri
fyrir „paparazzi“ ljósmyndara að
fela sig enda væri bara sandur og
lágur gróður við húsið. „Þrátt
fyrir mjög mikla öryggisgæslu
eiga ljósmyndarar engu að síður
eftir að komast að,“ bætti Howe
við og vísaði til máls Michaels
Douglas og Catherine Zetu Jones.
Framtíð parsins gæti þó verið í
uppnámi en eins og greint hefur
verið frá á Angelina Jolie að hafa
neitað bónorði frá Brad Pitt á dög-
unum. Hvort þetta sé herbragð
fjölmiðla til að lokka skötuhjúin
fram skal ósagt látið.
Dýrasta ljósmynd sögunnar?
ANGELINA JOLIE OG BRAD PITT
Ljósmyndarar bíða eftir því að geta mynd-
að frumburð parsins.
FRÉTTABLAÐIÐ / GETTY IMAGES
AUA OG GITAA Gita er nýjast meðlimurinn
í sveitinni en hún segir að daglegt líf hafi
ekkert raskast við þessa miklu frægð.
Á BLAÐAMANNAFUNDI Búningarnir eru
hugarsmíð Herra Lordis sjálfs.
HEILSAÐ UPP Á AÐDÁANDA Lordi og
skrýmslin er sögð utan úr geimnum.
LORDI Á SVIÐINU Þrátt fyrir hrjúft yfirbragð þá
virðast finnsku rokkararnir vera hvers manns
hugljúfi og hafa vakið mikla athygli.