Fréttablaðið - 19.06.2006, Síða 12

19. júní 2006 MÁNUDAGUR12
nær og fjær
„ORÐRÉTT“
Jarðfræði í Elliðaárdal
Frekari upplýsingar á www.or.is
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
O
R
K
3
31
91
0
6/
20
06
Þriðjudagskvöldið 20. júní verður farin
göngu- og fræðsluferð í Elliðaárdal undir
leiðsögn Einars Gunnlaugssonar jarðfræðings.
Gangan hefst við Minjasafnið í Elliðaárdal
kl. 19.30 og verður gengið um í tvo tíma.
Jarðfræði Elliðaárdals er stórkostleg.
Í dalnum má t.d. finna jökulrákaðar
grágrýtisklappir, hraun frá nútíma,
sjávarhjalla og merkileg setlög.
19. júní sem fengið hefur
nafnið kvenréttindadagur-
inn er haldinn hátíðlegur til
að minnast þess að þenn-
an dag árið 1915 öðluðust
íslenskar konur yfir 40 ára
aldri fyrst kosningarétt.
Kristín Ástgeirsdóttir, sagnfræð-
ingur og forstöðumaður Rann-
sóknastofnunar í kvenna- og
kynjafræðum við HÍ, segir að
haldið hafi verið upp á daginn
fyrstu árin eftir að konur öðluð-
ust kosningarétt og tímaritið 19.
júní var gefið út á árunum 1917-
1929 en dagurinn hafi síðan verið
endurvakinn af Kvenréttinda-
félaginu á sjötta áratug síðustu
aldar.
„Mér finnst vægi dagsins hafa
aukist mjög á undanförum árum
og voru hátíðarhöldin á Þingvöll-
um í fyrra ákveðið hámark en þá
var haldið var upp á 90 ára afmæli
kosningaréttar kvenna.“
Kristín segir að í seinni tíð hafi
19. júní verið notaður til að minna
á ýmis málefni sem varða konur
og að með hvatningarverðlaunum
Femínistafélagsins, Bleiku stein-
unum, sé minnt á það sem vel
hefur verið gert í jafnréttismál-
um. „Því ber að fagna hversu virk
íslensk kvennahreyfing er og
hefur hún skapað mikla umræðu í
íslensku samfélagi undanfarin ár
um baráttu kynjanna.“
Þegar Kristín er spurð að því
hvar skóinn kreppi í dag varð-
andi stöðu kvenna segir hún efst í
huga sér ofbeldi gagnvart konum
á Íslandi. „Við þurfum sterkari
löggjöf og aðgerðir um ofbeldi
gegn konum og klámvæðing og
mannsal eru einnig mikið vanda-
mál sem þarf að taka á. Þá vildi
ég gjarnan sjá aukinn hlut kvenna
í forystuhlutverkum bæði hjá
hinu opinbera og á almennum
vinnumarkaði.“
Kristín tekur þátt í dagskrá
19. júní í ár og mun veita leiðsögn
í göngunni frá Háskóla Íslands í
Kvosina. „Gengið verður upp í
Þingholtstræti í tilefni 150 ára
fæðingarafmælis Bríetar Bjarn-
héðinsdóttur baráttukonu en hún
bjó lengi í Þingholtsstræti 18,“
segir Kristín og hvetur alla til að
taka þátt í dagskránni í tilefni
dagsins. hugrun@frettabladid.is
Vil sjá fleiri konur í forystuhlutverki
KRISTÍN ÁSTGEIRSDÓTTIR Veitir leiðsögn
um heimaslóðir Bríetar Bjarnhéðinsdóttur
baráttukonu.
SLÆÐUDANS Á ÞINGVÖLLUM Konur og karlar fjölmenntu á Þingvöll fyrir sléttu ári til að minnast þess að þá voru 90 ár liðin frá því konur á Íslandi fengu kosningarétt.
BLEIKT Árni Magnússon, fyrrverandi félagsmálaráðherra, var titlaður jafnréttisráðherra á Þingvöllum í fyrra. Hann tók sig vel út í bleikum bol.
„Það getur vel verið að ég klæðist
einhverri bleikri flík á morgun, kannski
ég finni einhverja flotta bleika slæðu í
fataskápnum,“ sagði Rósa Guðný Þórs-
dóttir leikkona aðspurð um hvernig
hún ætlaði að halda upp á daginn,
en í dag er haldið upp 91 árs afmæli
kosningaréttar íslenskra kvenna. Venj-
an er að konum sé sýndur stuðningur
í verki með því að klæðast einhverju
bleiku þann 19. júní.
„Ég er ekki vön að halda sérstak-
lega upp á daginn þó ég sé vissulega
fylgjandi því sem hann stendur fyrir.
Jafnréttindamál á Íslandi finnst mér að
mættu ganga betur, sérstaklega launa-
jafnréttið. Það er of mikið launamis-
rétti í gangi í dag, þessar hefðbundnu
kvennastéttir eru enn með töluvert
lægri laun en karlastéttirnar. Kannanir
benda kannski til þess að launamálin
séu að skána, en það er að gerast
allt of hægt og það verður bara að
fjarlægja þennan mun. Í tilefni dagsins
vil ég koma þeim skilaboðum til allra
kvenna að halda áfram að berjast fyrir
þessum málstað.“
SJÓNARHÓLL
KVENRÉTTINDADAGURINN
Finn kannski
bleika slæðu
RÓSA GUÐNÝ ÞÓRSDÓTTIR
Hafi það farið fram
hjá einhverjum
„Það er hlutverk
okkar stjórnmála-
manna og ýmissa
samtaka í þjóðfélag-
inu að vaka yfir hag
og velferð þeirra sem
lakar eru settir en
aðrir. Það mun mín
ríkisstjórn gera.“
GEIR H. HAARDE FORSÆTISRÁÐ-
HERRA Í RÆÐU SINNI Á AUST-
URVELLI 17. JÚNÍ. FRÉTTABLAÐIÐ
18. JÚNÍ.
Heppinn að heita
ekki Skallagrímur
„Hann kunni að skrifa
nafnið sitt afturábak
með skautunum.“
SIGRÍÐUR GUÐMUNDSDÓTTIR
HM-AÐDÁANDI OG AMMA
ÓLAFS OG TEITS ÞÓRÐARSONA
UM LANGAFA SINN, HELGA
FRÁ NEÐRA-NESI, SEM
KALLAÐUR VAR HELGI LIPRI
VEGNA SKAUTAFÆRNI SINNAR.
MORGUNBLAÐIÐ 18. JÚNÍ.
,,Ég var bara að koma til Ísafjarðar og hér er
glampandi sól,“ sagði Tinna Þorsteinsdóttir
þegar blaðamaður sló á þráðinn til hennar en
hún er komin vestur til að stýra hátíðinni Við
Djúpið. ,,Verkefni næstu viku verður að halda
námskeið og tónlistahátíð þar sem öllu ægir
saman af tónlistarstefnum, allt frá klassík til
nútímatónlistar yfir í spuna hjá Flístríóinu,“
segir Tinna sem hefur skipulagt hátíðina við
Djúpið frá grunni. ,,Ég tók við þessu fyrir hálfu
ári síðan og þetta hefur verið voða gaman
en mikið stress. Maður er hálf heiladauður
í lokinn. Það er mjög gott að vera komin til
Ísafjarðar núna, maður róast niður við það.“
Námskeiðið er ætlað langt komnum nem-
endum sem koma alls staðar að af landinu.
„Galdurinnn er að búa til andrúmsloft þar sem
nemendurnir geta fylgst með listamönnunum
og öfugt og kannski gerist eitthvað spennandi.
Ég vona það,“ segir Tinna. „Tónlistarhátíð-
in er síðan hugsuð fyrir Vestfirðingana
og þar verða ýmsir góðir listamenn.
Hingað kemur Peter Máté sem
fulltrúi Listaháskólans, Guðrún S.
Birgisdóttir flautuleikari sem stýrði
hátíðinni áður, Diddú, Anna Guðný
Guðmundsdóttir og svo ætla ég
að spila íslenska tónlist og
Grieg. Einnig heldur
Flístríóið tónleika í
Tjöruhúsinu og við
ætlum að reyna
að skapa svolitla
stemningu og fjör í
kringum þá.“
Aðspurð hvað
taki við eftir þessa hátíð segist Tinna helst
vilja leggjast einhverstaðar niður og
stara upp í loftið. ,,En síðan eru
ýmis verkefni framundan. Ég
er til dæmis að fara að gefa
út geilsadisk með íslenskri
píanótónlist í haust,“ segir
Tinna sem situr greinilega
ekki auðum höndum.
HVAÐ ER AÐ FRÉTTA? TINNA ÞORSTEINSDÓTTIR PÍANÓLEIKARI
Vill leggjast niður og stara upp í loft
TINNA ÞORSTEINS-
DÓTTIR
Píanóleikari
og skipu-
leggjandi
hátíðarinnar
Við Djúpið.