Fréttablaðið - 19.06.2006, Blaðsíða 80

32 19. júní 2006 MÁNUDAGUR
sport@frettabladid.is
�������
����������������
�����������������������������
�� ���������������������������
������ ���������
Ármúla 11 - sími 568-1500
Lónsbakka - sími 461-1070
Verð frá 19.900,-
Garðsláttuvélar
3,5 hö - 6 hö
Undankeppni HM:
ÍSLAND-PORTÚGAL 3-0
1-0 Margrét Lára Viðarsdóttir (40.), 2-0 Greta Mjöll
Samúelsdóttir (86.), 3-0 Margrét Lára Viðarsdóttir
(90.).
LIÐ ÍSLANDS:
Þóra B. Helgadóttir 7
Dóra Stefánsdóttir 5
(89., Guðný Björk Óðinsdóttir -)
Ásta Árnadóttir 6
Guðrún Sóley Gunnarsdóttir 6
Málfríður Erna Sigurðardóttir 6
Hólmfríður Magnúsdóttir 8
(73. Dóra María Lárusdóttir -)
Edda Garðarsdóttir 6
Katrín Jónsdóttir 5
Greta Mjöll Samúelsdóttir 7
Erna B. Sigurðardóttir 5
(61., Erla Steina Arnardóttir 6)
*Margrét Lára Viðarsdóttir 8
* maður leiksins
TÖLFRÆÐIN
Áhorfendur: 1.429
Skot (á mark): Ísl-Por 19-4 (7-1)
Horn: Ísl-Por 10-2
Rangstöður: Ísl-Por 3-5
Aukaspyrnur fengnar: Ísl-Por 11-10
ÚRSLIT GÆRDAGSINS
> Birgir á ferð og flugi
Kylfingurinn Birgir Leifur Hafþórsson er
á ferð og flugi um Evrópu þessa dagana
en hann tekur þátt á mótum erlendis
nánast í hverri viku. Hann keppti á móti
í Noregi um helgina og hafnaði þar í 41.
sæti en hann
lék hringina
fjóra á fjórum
höggum undir pari.
Ekki varð Birgir
auðkýfingur með
þátttöku sinni í
mótinu en hann fékk
rúmar 60 þúsund
krónur í vasann fyrir
árangurinn.
FÓTBOLTI Greinilegt var á öllu að
íslenska liðið saknaði fyrirliðans
Ásthildar Helgadóttur í Laugar-
dalnum í gær en hún tók út
leikbann. Íslenska liðið tók þó
fljótlega undirtökin í leiknum
gegn slöku liði Portúgala sem
sýndi litla sem enga takta í gær
en bæði varnar- og sóknarleikur
liðsins var í molum.
Margrét Lára Viðarsdóttir sýndi
strax og sannaði að hún bar höfuð
og herðar yfir aðra leikmenn inni á
vellinum en hún var mjög frísk og
dugleg í sókninni en fékk þó of litla
hjálp fram á við. Stelpurnar hefðu
getað verið duglegri að finna
Margréti sem gerði hvað hún gat
til að búa sér til pláss en hún lét
mikið að sér kveða í leiknum.
Vörn Portúgala lá aftarlega og
þær lentu í miklum vandræðum
með að halda boltanum innan
liðsins. Spyrnur þeirra frá
markinu voru áberandi slakar en
þær drifu varla yfir miðjan
vallarhelming þeirra og það nýttu
íslensku stelpurnar sér vel með
fínni pressu. Það vantaði þó
eitthvað upp á að íslenska liðið
tæki frumkvæðið og valtaði yfir
Portúgalana, eitthvað sem þær
hefðu svo sannarlega getað gert
því getumunurinn á liðunum var
greinilegur, íslensku stelpurnar
voru fremri í öllum stöðum
vallarins.
Sóknarleikur íslenska liðsins í
fyrri hálfleik var ágætur, en þó
vantaði ákveðið bit, nema þá
kannski hjá Margréti Láru. Hún
skoraði einmitt eina mark fyrri
hálfleiks þegar hún nýtti sér slakan
skalla eins varnarmanna Portúgala
og skoraði með föstu skoti. Þrátt
fyrir að vera einu marki yfir í
hálfleik gerðu stelpurnar of mörg
mistök og þær gátu í tvígang
prísað sig sælar yfir því að þær
portúgölsku jöfnuðu ekki. Þóra B.
Helgadóttir varði vel eina skot
gestanna sem rataði á rammann í
leiknum auk þess sem þær fóru
illa með annað færi þegar
sóknarmaður Portúgala hitti ekki
boltann.
Leikur íslenska liðsins batnaði
til muna í síðari hálfleik og boltinn
gekk betur innan liðsins.
Íslendingarnir stjórnuðu leiknum
frá upphafi til enda en portúgalska
liðið fór varla yfir miðju í síðari
hálfleiknum á meðan íslensku
stelpurnar gerðu hvað þær gátu til
að auka forystu sína.
Annað markið stóð á sér og
vissa grimmd vantaði til að klára
hið dapra portúgalska lið. Það kom
þó loksins á 86. mínútu þegar Greta
Mjöll skoraði glæsilegt mark beint
úr hornspyrnu. Margrét Lára rak
svo síðasta naglann í kistu
Portúgala með marki í
uppbótartíma þegar hún nýtti sér
mistök markmanns Portúgala sem
náði ekki að halda fyrirgjöf Guðný
Bjarkar Óðinsdóttir, sem kom inn
á í sínum fyrsta landsleik í gær.
Öruggur 3-0 sigur á Portúgal
varð því niðurstaðan en stelpurnar
eiga að geta gert betur en í gær.
Þær eru nú með tíu stig í riðli
sínum, ásamt Tékkum sem þær
leika gegn á Laugardalsvelli þann
19. ágúst. Svíar eru efstir í riðlinum
með þrettán stig en ljóst er að
möguleikar Íslands á að komast
áfram á HM á næsta ári eru góðir.
hjalti@frettabladid.is
Öruggur sigur í Laugardal
Íslenska kvennalandsliðið í knattspyrnu vann öruggan 3-0 sigur á andstæðingum
sínum frá Portúgal í 100. kvennalandsleik frá upphafi á Laugardalsvelli í gær.
Íslenska liðið er í góðri stöðu í riðlinum fyrir undankeppni HM árið 2007.
MAGNAÐUR LEIKUR HJÁ MARGRÉTI LÁRU Margrét Lára Viðarsdóttir fór á kostum í Dalnum
í gær og skoraði tvö mörk. FRÉTTABLAÐIÐ/DANÍEL
„Ég ætlaði alltaf að setja hann,“ sagði
glaðbeitt Greta Mjöll Samúelsdóttir eftir
sigurinn á Portúgal í gær en hún skoraði
annað mark liðsins beint úr hornspyrnu.
„Nei ég ætlaði reyndar að setja boltann
á hættusvæðið nálægt markinu og þetta
gekk bara svona ljómandi vel,“ sagði
Greta sem fagnaði svo markinu með
glæsilegu loftstökki.
„Fagnið kemur úr fimleikunum. Við
töluðum um það fyrir leikinn um að
fagna almennilega ef við myndum skora
og ég sá að ég hafði nóg pláss, því lét
ég bara vaða en ég held að ég hafi ekki
fagnað svona síðan í þriðja flokki, það
koma mér eiginlega á óvart hversu hátt
ég fór,“ sagði Greta sem æfði fimleika
í fimm ár en hún byrjaði inn á í sínum
fyrsta landsleik í gær.
„Ég náði að nýta stressið á réttan
hátt og náði mér alveg á strik,
sérstaklega í seinni hálfleik. „Fyrri
hálfleikurinn var ekki
nógu góður hjá liðinu
en það var mun meiri
barátta og hraði hjá
okkur í seinni hálfleik.
Við smituðumst aðeins
af þeirra leik en þrjú
stig og þrjú mörk
er mjög gott. Við
vissum að við vorum
betri en þær en maður verður
að gíra sig upp í alla leiki,“ sagði
Greta Mjöll Samúelsdóttir að leik
loknum.
Margrét Lára Viðarsdóttir átti
frábæran leik í gær og skoraði tvö góð
mörk. „Leikur okkar var kannski ekki
alveg nógu góður, sérstaklega ekki í
fyrri hálfleik. Völlurinn var þungur og
blautur og við vorum að spila gegn
stelpum sem spila fótbolta sem við
erum ekki vanar. Þær eru fljótar
og teknískar en maður verður að
klára þessa leiki eins og aðra.
Þær komu mér á óvart og
voru mun betri en ég bjóst
við. Við skoruðum þrjú góð
mörk og vonandi náðum við
að skemmta áhorfendum
sem voru alveg
frábærir og það er
gaman að sjá alla
þessa áhorfendur
á vellinum,“ sagði
Margrét Lára í leikslok.
GRETA MJÖLL SAMÚELSDÓTTIR: FAGNAÐI AÐ HÆTTI HÚSSINS EFTIR GLÆSIMARK GEGN PORTÚGAL Í GÆR
Sýndi gömlu góðu fimleikataktana
FH hættir við Kekic
Jón Rúnar Halldórsson, formaður
knattspyrnudeildar FH, sagði við
Fréttablaðið í gær að klúbburinn
myndi ekki fylgja eftir áhuga sínum á
Sinisa Valdimar Kekic, sem er á förum
frá Grindavík. „Eftir að hafa rætt við
Grindvíkinga lærðum við að við vorum
ekki að hugsa það sama,“ sagði Jón Rúnar.
FÓTBOLTI Landsliðsþjálfarinn
Jörundur Áki Sveinsson segir að
íslenska liðið eigi mikið inni þrátt
fyrir öruggan sigur gegn Portúgal
í gær. „Ég er ekki mjög ánægður
með leikinn sem slíkan en
vissulega er ég ánægður með
stigin og mörkin þrjú. Mér fannst
við geta gert miklu betur í leiknum
og það er ljóst að við eigum mikið
inni. Fyrri hálfleikurinn var mjög
slakur og það var óþarfa spenna í
stelpunum, kannski vegna þessa
100. leikja afmælisleiks en
óöryggið var of mikið,“ sagði
Jörundur Áki.
„Það vantaði jafnvægi í liðið,
en það lagaðist þegar líða tók á
leikinn þrátt fyrir að við höfum
aðeins skorað tvö mörk í seinni
hálfleiknum. Við hefðum vel getað
skorað fleiri mörk, en núna erum
við komin í þann stigafjölda sem
við ætluðum okkur og Tékkarnir
eru næstir. Við þurfum klárlega
að laga leik okkar fyrir þann leik,“
sagði Jörundur en Tékkar koma í
heimsókn í Laugardalinn þann 19.
ágúst.
Veðrið í gær var upp og ofan
en Jörundur vildi ekki kenna
aðstæðum um að íslenska liðið
spilaði ekki betur en ella.
„Aðstæður voru með betra móti
það sem af er sumri. Völlurinn
var góður og veðrið fínt og þetta
var fyrst og fremst okkar leikur,“
sagði Jörundur Áki og játti því að
íslenska liðið væri mun sterkara
en það portúgalska. „Við erum
klassanum fyrir ofan þetta
portúgalska lið og við eigum að
valta yfir þær. Þær komu mér
ekkert á óvart.“ - hþh
Jörundur Áki Sveinsson landsliðsþjálfari Íslands um sigurinn gegn Portúgal:
Við erum klassanum ofar en Portúgalarnir
SVONA GERUM VIÐ ÞETTA Jörundur gefur hér Dóru Maríu Lárusdóttur góð ráð.
FRÉTTABLAÐIÐ/DANÍEL
FÓTBOLTI Það var ekki hátt risið á
Króötum eftir leik liðsins gegn
Japönum en eftir fína frammi-
stöðu gegn Brasilíu tókst Króötum
ekki að bæta við sig og leggja
Japan. Þeir fengu meðal annars
víti í leiknum en markvörður
Japana varði vel.
„Við vorum miklu betri en
okkur vantaði heppnina,“ sagði
Zlatko Kranjcar, þjálfari Króata.
„Hitinn var okkur erfiður en
leikurinn var góður og ég vil hrósa
leikmönnum beggja liða.“ - hbg
Króatar svekktir:
Japan náði
jafntefli
GLÆSILEG MARKVARSLA Kawaguchi ver
hér víti Króata. FRÉTTABLAÐIÐ/AFP
FÓTBOLTI Marcelo Lippi, landsliðs-
þjálfari Ítala, ætlar að ræða sér-
staklega við Daniele De Rossi,
sem var rekinn af velli fyrir ljótt
olnbogaskot í leiknum gegn Banda-
ríkjunum á laugardaginn. Brian
McBride þurfti þrjú spor í auga-
brúnina en hann var alblóðugur
eftir viðskipti sín við miðjumann-
inn sem á yfir höfði sér þunga
refsingu frá FIFA.
„Hann er frábær drengur en
hann verður að breytast ef orð-
spor hans á ekki að bíða hnekki
eftir þetta atvik. Hann verður að
hugsa sinn gang og síðan mun ég
tala við hann. Því miður hefur
hann væntanlega nægan tíma til
að hugsa um gjörðir sínar,“ sagði
Lippi sem var greinilega mjög
ósáttur við De Rossi.
„Ég er búinn að biðja Brian
McBride persónulega afsökunar.
Fyrir mér er málinu nú lokið,“
sagði De Rossi um atvikið. - hþh
Marcelo Lippi:
Mjög ósáttur
við De Rossi