Fréttablaðið - 19.06.2006, Blaðsíða 42

19. júní 2006 MÁNUDAGUR22
Fjörugrjótið getur verið ákaflega fallegt.
Skemmtiferðaskipin setja skemmtilegan svip á höfnina yfir sumartímann. FRÉTTABLAÐIÐ/VILHELM
Náttúran skapar listaverk úr þara og hrúðurkörlum sem hafa komið sér fyrir
á fríholtinu.
Öldurnar gæla við bryggjustólpana.
Björgunarhringurinn minnir á hættur hafsins. Það er vissara að fara varlega
við höfnina.
Gulur og glaðlegur bryggjupolli bíður eftir næsta skipi.
VIÐ SUNDIN BLÁ
Við Sundahöfnina er margt að sjá. Bátar dóla í
fjöruborðinu, sjómenn kalla sín á milli og hafið
virðist óendanlega blátt.
Flestir Íslendingar eru aldir upp í námunda við hafið.
Sjórinn og sjómennskan eiga sinn sess í þjóðarvitund-
inni og baráttan við hafið er í senn rómantísk og hvers-
dagsleg.
Þótt tengingin við sjóinn hafi dvínað undanfarin ár
og sífellt fleiri vaxi úr grasi sem aldrei hafa flakað fisk
þá á sjórinn samt ennþá sinn stað í hugum okkar. Það er
gaman að rölta niður að sjó og drekka í sig umhverfið.
Anda að sér fersku sjávarloftinu og fylgjast með því
sem gerist við höfnina.
Sundahöfnin í hjarta Reykjavíkur er skemmtilegt
svæði. Þar er margt sem gleður augað, einkum allir
þessir litlu hlutir sem við erum löngu hætt að taka eftir.
Bryggjupollar, björgunarhringir, netakúlur og fiskikör
fá á sig framandi blæ ef við skoðum þau í réttu ljósi.