Fréttablaðið - 19.06.2006, Side 11

MÁNUDAGUR 19. júní 2006 11
STJÓRNMÁL Útboðsskilmálar sem
Reykjavíkurborg setti vegna
útboðsins um framtíðarskipulag
Vatnsmýrarinnar hafa verið
ógildir þar sem kærunefnd
útboðsmála komst að þeirri nið-
urstöðu að tilhögun útboðsins
bryti í bága við lög um opinber
innkaup.
Kæra barst frá Félagi sjálf-
stætt starfandi arkitekta fyrir
hönd nokkurra arkitektastofa
vegna framkvæmdarinnar í maí
en nú hefur nefndin úrskurðað
þeim í vil, ógilt útboðsskilmálana
og gert Reykjavíkurborg að
greiða félaginu 400 þúsund krón-
ur í málskostnað.
Félag sjálfstætt starfandi arki-
tekta gerði athugasemd við skipu-
lag útboðsins þar sem þátttakend-
ur gætu annars vegar tekið þátt í
hugmyndasamkeppni um fram-
tíðarskipulag svæðisins undir
nafnleynd en einnig tekið þátt í
forvali með skipulagstillögur sem
uppfylltu sömu kröfur og
samkeppnistillögurnar.
Nýkjörinn borgarstjóri Reykja-
víkur, Vilhjálmur Þ. Vilhjálmsson
lýsti því yfir að úrskurðurinn væri
ákveðið áfall fyrir borgina og
sagði að málið yrði tekið til ræki-
legrar skoðunar. „Við munum fara
yfir þetta mál í borgarráði næst-
komandi fimmtudag og ég mun
óska eftir lögfræðilegri álitsgerð
um málið sem ef til vill verður
komin fyrir þann tíma.“
Kvaðst Vilhjálmur ekki geta
lagt nokkuð mat á það að svo
stöddu hvort halda þyrfti nýja
keppni eða endurskipuleggja
keppnina frá grunni. - khh
FRAMTÍÐ Í UPPNÁMI Hugmyndasamkeppni um framtíðarskipulag svæðisins braut í bága
við lög. Borgarráð fundar um málið í vikunni.
Kærunefnd ógildir útboð um framtíðarskipulag Vatnsmýrarinnar:
Úrskurðurinn áfall að mati borgarstjóra
SVEITARSTJÓRNARMÁL Gunnar Ein-
arsson var samhljóða ráðinn bæj-
arstjóri Garðabæjar til næstu
fjögurra ára, á
fyrsta fundi nýrrar
bæjarstjórnar.
Fimm af sjö bæj-
arfulltrúum sátu í
gær sinn fyrsta
bæjarstjórnarfund.
Á honum var Páll
Hilmarsson kjörinn
forseti bæjarstjórnar til eins árs og
Erling Ásgeirsson hlaut kosningu
sem formaður bæjarráðs. - æþe
Ný bæjarstjórn í Garðabæ:
Gunnar fékk
öll atkvæðin
GUNNAR EIN-
ARSSON
UMHVERFISMÁL Þorsteinn Pálmars-
son, eigandi hreinsunarfyrirtæk-
isins Allt-af, flokkar veggjakrot
sem skemmdarverk. Hann segir
þá sem krota alltaf vera að læra
nýjar aðferðir sem síðan þurfi að
bregðast við með nýrri hreinsi-
blöndu sem sé nógu öflug til að
hreinsa krotið án þess að yfirborð
veggjarins skemmist. Þorsteinn
segir að um 30-40 prósent þess
sem Allt-af hreinsar sé af völdum
skemmdarverka. „Mest er krotað
í undirgöngum og á grunnskólana
þó svo krot á þá hafi minnkað und-
anfarin ár. Reglan virðist vera sú
að þar sem veggjakrot er hreinsað
eru minni líkur á því að það endur-
taki sig.“
Gísli Marteinn Baldursson, for-
maður samgöngu- og umhverfis-
ráðs Reykjavíkurborgar, vitnar í
skýrslu og segir að veggjakrot
hafi kostað borgina 15 milljónir
króna árið 2003. „Ég tel að átak
þurfi til að hreinsa borgina af
veggjakroti því eitt krot elur af
sér annað.“ Gísli Marteinn segir
borgina sjaldan hafa verið jafn
óhreina og það gildi bæði um
stræti, torg og mannvirki.
Jóhann Svanur Hauksson, lög-
fræðingur hjá lögreglustjóra,
sagði dæmi um að sekt veggja-
krotara hafi numið tíu þúsund
krónum en samkvæmt upplýsing-
um um hreinsun nægir sá kostnað-
ur ekki til að hreinsa krotið af
veggnum en það kostar á bilinu
20-30 þúsund krónur. - hs
Dæmi um að sekt fyrir veggjakrot nemi einum þriðja af kostnaði hreinsunar:
Eitt krot eykur líkur á öðru
ÚTKROTAÐUR VEGGUR Gísli Marteinn Baldursson segir Reykjavík sjaldan hafa verið jafn
óhreina og einmitt nú.
MÓTMÆLI Íslandsvinir, sem er
félagsskapur umhverfisverndar-
sinna, stendur fyrir friðsamlegum
fjölskyldudögum undir Snæfelli
við Kárahnjúka dagana 21. til 31.
júlí næstkomandi.
Í tilkynningu frá félaginu segir
að dagarnir séu hugsaðir fyrir alla
fjölskylduna til að skoða stærsta
ósnortna landsvæði í Evrópu.
Boðið verður upp á gönguferð um
svæðið sem fer undir vatn ef Háls-
lón verður fyllt. Ýmis umhverfis-
og náttúruverndarsamtök verða
með aðstöðu í upplýsingatjaldi á
svæðinu og gestir geta kynnt sér
áhrif stóriðju á samfélag og
umhverfi. - sdg
Umhverfisverndarsinnar:
Fjölskyldudag-
ar Íslandsvina
Glæsileg sýning Opnuð hefur
verið glæsileg sýning í Minjahúsinu á
Sauðárkróki sem ber heitið Margt býr
í moldinni. Sýningin er kynning á forn-
leifarannsóknum sem gerðar hafa verið í
Skagafirði árin 2000 til 2005.
FORNLEIFAFRÆÐI
BRETLAND Tveir Bretar voru í gær
dæmdir í lífstíðarfangelsi fyrir
morð á samkynhneigðum bar-
þjóni í London í október í fyrra.
Frá þessu er greint á fréttavef
BBC.
Mennirnir tveir, Thomas Pick-
ford, 26 ára, og Scott Walker, 33
ára, játuðu að hafa myrt Jody
Dobrowski, sem og að hafa farið
út fyrr um kvöldið með það í huga
að finna sér samkynhneigðan
mann og misþyrma honum. Þeir
munu hvor um sig dúsa í minnst
28 ár í fangelsi.
Dobrowski fannst skömmu
eftir árásina, en lést af sárum
sínum á sjúkrahúsi daginn eftir.
Hann var svo illa farinn í andliti
að fjölskylda hans þekkti hann
ekki, og neyddust yfirvöld til að
taka fingraför hans svo hægt
væri að bera kennsl á hann.
- smk
Voru á móti samkynhneigðum:
Lífstíðardómur
fyrir morð