Fréttablaðið - 12.07.2006, Page 2

2 12. júlí 2006 MIÐVIKUDAGUR
BJÖRGUN Björgunarbáturinn Oddur
V. Gíslason var sendur af stað frá
Grindavík eftir að tilkynning barst
Landhelgisgæslunni um olíulaus-
an bát á reki suðvestur af Reykja-
nesi. Að sögn Guðjóns Sigurðsson-
ar, skipstjóra á björgunarbátnum,
mátti vart tæpara standa því
veður versnaði mjög.
„Ef við hefðum verið seinna á
ferðinni hefðu þeir jafnvel þurft
að halda sjó,“ segir Guðjón.
Vont veður og mikill öldugang-
ur var á svæðinu og hafði verið þá
fimm tíma sem liðu frá því að
vélin drap á sér og björgunin
barst, að sögn Sævars Baldvins-
sonar annars áhafnarmeðlims
Gísla KÓ 10. Að sögn Sævars
drapst á bátsvélinni um tvöleytið
um nóttina.
Í áhöfn bátsins auk Sævars,
sem er 21 árs, var Hjörtur Guð-
mundsson 19 ára, en faðir þess
síðarnefnda gerir bátinn út frá
Kópavogi.
Að sögn mannanna töldu þeir
sig aldrei í hættu, þó að þeim hafi
þeim þótt óþægileg tilfinning að
reka stjórnlaust á bátnum. „Sævar
lagði sig og ég beið eftir björgun-
arbátnum,“ segir Hjört-
ur, annar bátsmann-
anna. „Svo lagði ég
mig á meðan við vorum dregnir í
land, það var svo sem ekki neitt
annað að gera.“
Þetta var fyrsti róður þeirra
Sævars og Hjartar saman, en áður
hafði Hjörtur róið einn á bátnum.
Báturinn tekur sjö tonn af afla en
hafði fiskað fjögur tonn af ufsa og
þorski þegar bilunin kom
upp. - æþe
Fiskibáturinn Gísli KÓ 10 varð olíulaus 38 sjómílur suðvestur af landinu:
Mátti vart tæpara standa
GÍSLI KÓ 10 Í TOGI Hér sést þegar björgunarbát-
urinn Oddur V. Gíslason siglir inn innsiglinguna á
Sandgerðishöfn með Gísla KÓ 10 í eftirdragi um
tvöleytið í gær.VÍKURFRÉTTIR/JÓN BJÖRN
MENNTAMÁL Þorgerður Katrín
Gunnarsdóttir menntamálaráð-
herra boðar nýja sýn á tilhögun
framhaldsskólanáms hér á landi.
Afnumin skal aðgreining náms í
starfsnám og bóknám svo úr verði
ein heild með fjölmörgum mis-
munandi námsleiðum. Með þessu
er ætlunin að gera starfsnám jafn-
gilt bóknámi í þeirri von að nemum
í iðn- og starfsnámi fjölgi. Skólum
verður veitt frelsi til að skipu-
leggja og bjóða nám í samræmi
við þarfir nemenda og kröfur
næsta skólastigs eða þeirrar
atvinnu sem hugur nemenda stefn-
ir til.
Þessar róttæku hugmyndir eru
byggðar á skýrslu nefndar sem
skipuð var til að
endurskoða
starfsnám.
Nefndin gekk
lengra í tillög-
um sínum en
upphaflega var
lagt af stað með
enda segir for-
maður hennar,
Jón B. Stefáns-
son, skólameist-
ari Fjöltækni-
skóla Íslands,
að ekki hafi
verið hægt að
móta raunhæfar hugmyndir án
þess að taka tillit til framhalds-
skólanáms á heildrænan hátt. Þor-
gerður telur að aukin áhersla á
iðn- og starfsnám sé nauðsynleg
til að takast á við breyttar aðstæð-
ur í samfélaginu og þarfir atvinnu-
lífsins og háskólanna í landinu.
„Hugmyndir og orðræðan um
starfsnám annars vegar og bók-
nám hins vegar eru lagðar til hlið-
ar og nú verður aðeins talað um
framhaldsskóla. Að mínu mati
skapar þessi hugsun ákveðna
heildarmynd og býður upp á enda-
laus tækifæri.“
Námið í hinum nýja framhalds-
skóla, eins og nefndarmenn kjósa
að kalla hann, verður byggt upp af
kjarna í íslensku, stærðfræði og
ensku en allt nám þar fyrir utan
verður metið jafnt til stúdents-
prófs. Námið umfram kjarnafögin
verður skipulagt í samstarfi fram-
haldsskóla, háskóla og atvinnulífs-
ins.
Aðspurð hvort umræðan um
styttingu náms til stúdentsprófs
sé með þessum hugmyndum úr
sögunni, segir Þorgerður að hug-
myndirnar séu í samræmi við það
sem rætt hafi verið á milli ráðu-
neytisins og Kennarasambands
Íslands varðandi tíu skrefa sam-
komulagið. „Ég hef sagt að ef skól-
ar vilja vera lengur þá verði þeir
lengur en það eru ákveðnar kröfur
sem þeir þurfa að uppfylla. Ég
held að þessar tillögur séu í sam-
ræmi við breyttu námsskipanina
og við erum komin vel á veg þar.
Við ættum að koma upp úr skot-
gröfunum hvað varðar tímann, við
vitum að hann má nýta betur, og
huga fyrst og fremst að inntaki
námsins. Við verðum að veita skól-
unum meira frelsi og minnka mið-
stýringu. Hér gefst tækifæri fyrir
alla skóla að halda í sín sérkenni
ef þeir kjósa svo.“
svavar@frettabladid.is / sjá síðu 16
Aðgreining bók- og
starfsnáms afnumin
Þorgerður Katrín Gunnarsdóttir menntamálaráðherra kynnti nýja hugsun í
uppbyggingu framhaldsskólanáms í gær, sem gefur skólum tækifæri til að halda
í sérkenni sín, um leið og bóknámi og starfsnámi er gert jafn hátt undir höfði.
TÆKIFÆRI Hugmyndin um breyttan framhaldsskóla býður upp á fjölmörg tækifæri. Ungt
fólk mun væntanlega hafa úr nýjum spennandi námsleiðum að velja innan skamms.
ÞORGERÐUR KATRÍN
GUNNARSDÓTTIR
Menntamálaráðherra
kynnti byltingar-
kenndar hugmyndir á
fundi í gær.
SMYGL Annar Litháinn sem hand-
tekinn var á fimmtudaginn við
komuna til landsins með Norrænu,
eftir að tólf kíló af óþynntu amfet-
amíni fundust í bifreið hans, hefur
játað. Hann segist hafa talið að
efnið væri hestasterar.
Mennirnir tveir voru dæmdir í
fjögurra vikna gæsluvarðhald
sem hinn Litháinn áfrýjaði. Sá
úrskurður var staðfestur í Hæsta-
rétti í gær.
Sá sem játaði hefur viðurkennt
að hafa þegið greiðslu frá pari í
Litháen fyrir að flytja efnið hing-
að til lands. - æþe
Annar Litháinn hefur játað:
Taldi efnið
vera hestastera
SPURNING DAGSINS
Dagný, hélst þú nokkuð ræðu
hjá varnarliðinu um daginn?
„Það held ég ekki, en ég vona að
þetta sé ekki smitandi.“
Fulltrúar Bandaríkjanna gengu á dyr eftir að
Dagný Jónsdóttir, þingmaður Framsóknar-
flokksins, sendi Bandaríkjamönnum tóninn,
á ársfundi Öryggis- og samvinnustofnunar
Evrópu.
BRUSSEL, AP Ali Larijani, aðalsamn-
ingamaður Írans í kjarnorkumál-
um, sagði í gær að það myndi taka
langan tíma að komast að sam-
komulagi í deilu Írans við Banda-
ríkin, Evrópusambandið, Rúss-
land og fleiri ríki um áform Írana
í kjarnorkumálum.
Íranar hafa ekkert verið að
flýta sér að gefa svar við tilboði
ríkjanna um ýmsa aðstoð gegn því
að Íranar hætti við að auðga úran.
Larijani átti svo loksins í gær
fund með Javier Solana, utanríkis-
málafulltrúa Evrópusambandsins,
sem gaf þar engar vonir um að
málinu verði hraðað. - gb
Larjani hitti Solana:
Samningarnir
taka sinn tíma
LARIJANI OG SOLANA Fulltrúar Írans og
Evrópusambandsins. FRÉTTABLAÐIÐ/AP
Ekið á pilt á hjóli Ekið var á fjórtán
ára pilt á hjóli á Laugaveginum til móts
við bílaumboð Heklu klukkan rúmlega
sex í gærkvöldi. Honum var ekið á slysa-
deild í sjúkrabifreið og kvartaði hann
undan eymslum í læri. Hann fór heim af
slysadeildinni að lokinni skoðun.
Tekinn undir áhrifum fíkniefna
Lögreglan á Selfossi stöðvaði bíl á
Hellisheiði í fyrrinótt með þremur
ungmennum innanborðs, öllum undir
áhrifum fíkniefna. Eitthvað magn fíkni-
efna fannst í bílnum sem grunur leikur á
að hafa verið ætlað til sölu.
LÖGREGLUFRÉTTIR
VESTMANNAEYJAR Lundavertíðin
hefur farið vel af stað í Vest-
mannaeyjum í sumar. Vertíðin
hófst 1. júlí og stendur hún til 15.
ágúst.
„Menn voru áhyggjufullir fyrir
tímabilið en svo fór þetta bara vel
af stað. Hins vegar hefur veiðin
ekki verið góð undanfarna fjóra
daga en er nú að glæðast að nýju,“
sagði Magnús Bragason lunda-
sölumaður þegar Fréttablaðið náði
tali af honum í gær.
„Ég var að tala við veiðimenn
sem eru í Ystakletti og þeir voru
komnir með átta kyppur í dag,“
sagði Magnús. Fyrir þá sem ekki
vita eru 100 lundar í hverri kyppu.
Aðspurður um varpið sagði Magn-
ús að það hefði tekist vel en hins
vegar kæmi ekki í ljós fyrr en um
miðjan júlí hvernig pysjurnar
kæmust af. - öhö
Lundavertíð í Eyjum:
Góð veiði í gær
LUNDI Í HOLU Vertíðin hefur farið vel af
stað í sumar.
DANMÖRK, AP Danskur hægriöfga-
maður og innflytjendaandstæðing-
ur, Julius Børgesen, hefur verið
handtekinn. Hann hafði hvatt til
þess að heimili innanríkis- og heil-
brigðisráðherra Danmerkur yrði
sprengt með bensínsprengju.
Børgesen tjáði þessa skoðun
sína á vinstrisinnaðri heimasíðu,
en hann skrifaði undir fölsku
nafni.
Hann viðurkennir nú að hafa
skrifað skilaboðin, en segist hafa
verið að reyna að fá einhvern á
síðunni til að viðurkenna aðild að
svipaðri árás á heimili annars ráð-
herra fyrir ári, en sá glæpur er
enn óupplýstur. -sgj
Stjórnmálamaður handtekinn:
Vildi sprengja
hús ráðherra
EFNAHAGSMÁL Geir H. Haarde for-
sætisráðherra er sannfærður um að
verðbólgan fari að minnka strax upp
úr næstu áramótum og segir auð-
veldara að sitja í Seðlabankanum og
biðja um aðgerðir heldur en að bera
ábyrgð í ríkisstjórn þegar kemur að
stjórn efnahagsmála.
Seðlabankinn spáir ellefu pró-
senta verðbólgu fram á mitt næsta
ár og hefur hækkað stýrivexti upp í
þrettán prósent. Fyrir nokkrum
dögum sagði Davíð Oddsson seðla-
bankastjóri að aðgerðir Seðlabank-
ans væru of varfærnar ef eitthvað
væri.
Vilhjálmur Egilsson, fram-
kvæmdastjóri Samtaka atvinnulífs-
ins, segir ummæli forsætisráðherra
í takt við þeirra væntingar og segist
undrandi á að bankinn hækki hag-
vaxtarspá sína um tæpt prósent á
sama tíma og fjármálaráðuneytið
lækki sína. Hæpnar forsendur séu
fyrir verðbólguspánni. „Og meðan
allir eru að reyna að draga úr vænt-
ingum og skapa forsendur fyrir
lækkandi verðbólgu er Seðlabank-
inn að vinna gegn því. En ég held
sem betur fer að það taki ekkert of
margir mark á Seðlabankanum.“
Aðspurður um hvort Seðlabank-
inn sé að rýra sinn trúverðugleika
með svona spám segir Vilhjálmur að
það muni koma í ljós. „Ef svo reynist
að þeir hafi rangt fyrir sér þá hljóta
að vakna upp spurningar um hæfni
þeirra sem eru að stýra þessum
spám í Seðlabankanum.“ - sdg
Seðlabankinn hugsanlega að rýra trúverðugleika sinn með slæmum spám:
Misvísandi verðbólguspár
GEIR H. HAARDE FORSÆTISRÁÐHERRA
Er heldur bjartsýnni á verðbólguhorfur en
bankastjórar Seðlabankans.
Tilboð