Fréttablaðið - 12.07.2006, Blaðsíða 58

30 12. júlí 2006 MIÐVIKUDAGUR
sport@frettabladid.is
FÓTBOLTI Fjölmargar kenningar eru
uppi um það hvað Marco Materazzi
sagði við Zinedine Zidane á 110.
mínútu í úrslitaleik heimsmeistara-
mótsins. Varalesarinn Jessica Reed
hjálpaði BBC Radio Five Live að
ráða í orðin og fékk eftirfarandi út:
„Þú ert sonur hryðjuverkahóru,“
sem er sama niðurstaða og margir
aðrir fjölmiðlar halda fram.
Sérfræðingar BBC`s Ten O`Clock
News segja að fyrsta orð Materazzi
hafi verið nei, áður en hann sagði
Zidane að róa sig niður. Hann ásak-
aði Zidane síðan um að vera lygara
og óskaði fjölskyldu hans og honum
sjálfum ljótum dauðdaga, en móðir
Frakkans var flutt veik á sjúkrahús
sama dag og leikurinn var. Á eftir
þessu fylgdi „farðu til fjandans“.
Sjálfur þvertekur Materazzi
fyrir að hafa kallað Zidane hryðju-
verkamann. „Það sem ég sagði var
móðgun sem maður heyrir í tuga-
tali og veltur bara út úr manni í hita
leiksins. Ég kallaði Zidane ekki
hryðjuverkamann og ég minntist
svo sannarlega ekki á móður hans, í
mínum huga er mæður heilarar. Ég
er mjög fáfróður og ég veit ekki
einu sinni hvað íslamskur hryðju-
verkamaður er, eini hryðjuverka-
maðurinn er þessi hérna,“ sagði
Materazzi og benti á tíu mánaða
gamla dóttur sína í viðtali við ítalska
dagblaðið La Gazetta dello Sport.
Blaðið Corriere della Sera segir að
Materazzi hafi misst móður sína
þegar hann var 14 ára gamall og
hafi þar af leiðandi örugglega ekki
móðgað móður Zidanes sem er
sonur alsírskra innflytjenda.
„Ég hélt í skyrtuna hans aðeins í
nokkrar sekúndur. Hann sneri sér
að mér, úthúðaði mér og horfði á
mig með þvílíkum hroka. Hann
sagði: „Ef þú vilt virkilega fá treyj-
una mína skal ég láta þig fá hana
eftir leikinn.“ Það er rétt að ég svar-
aði honum svo með mikilli móðg-
un,“ sagði Materazzi en nákvæm-
lega hvað er ekki hægt að segja til
um fyrr en Zidane greinir frá því
sjálfur. - hþh
Miklar vangaveltur eru um það hvað Marco Materazzi sagði við Zinedine Zidane:
Kenningar úr ýmsum áttum
SKALLAÐUR Zidane notaði hársnauðan
kollinn ekki rétt í þessu tilviki.
NORDICPHOTOS/AFP
Arnar í 970. sæti
Tenniskappinn Arnar Sigurðsson er
kominn í sæti númer 970 á heimslist-
anum í tennis. Arnar hefur hækkað um
447 sæti á listanum frá því fyrir réttum
mánuði og hefur hann aldrei verið í jafn
góðri stöðu og nú.
> Báðar farnar heim
Þær Viola Odebrecht og Tatiana Matheil-
er hafa báðar yfirgefið herbúðir kvenna-
liðs Vals og eru farnar heim á leið. Vals-
liðið var því án útlendinga þegar það lék
gegn Þór/KA í Landsbankadeild kvenna
í gærkvöldi en það kom ekki að sök.
Odebrecht er þýsk landsliðskona, 23
ára gömul, og lék hún fimm leiki með
Valsliðinu á Íslandsmótinu og skoraði
eitt mark. Samningur hennar við félagið
er runninn út. Matheiler er hins vegar
bandarískur leikmaður
og lék hún fjóra leiki
með Val í
deildinni
og skoraði
eitt mark
líkt og Viola.
Hún meiddist
í leik gegn
Breiðabliki
og ákvað Valur
síðan að senda
hana heim.
KAPPAKSTUR Kólumbíumaðurinn
Juan Pablo Montoya tilkynnti á
sunnudag að hann hygðist hætta í
Formúlu 1 keppninni í lok tíma-
bilsins og fara að keppa í banda-
rísku Nascar-keppnismótaröðinni.
Í gær tilkynnti svo lið Montoya,
McLaren-Mercedes, að ökuþórinn
hefði verið leystur undan samn-
ingi sínum við liðið. Tilraunaöku-
maður liðsins, Pedro de la Rosa,
mun taka hans stað og keppa við
hlið Finnans Kimi Raikkönen út
keppnistímabilið. - esá
Montoya hættir í Formúlu 1:
Rekinn frá
McLarenLA
ND
SB
AN
KA
DE
IL
DI
N
FÓTBOLTI Atli Guðnason var hetja
FH-inga þegar liðið lék fyrri leik
sinn í 1. umferð forkeppni Meist-
aradeildar Evrópu gegn TVMK
Tallinn ytra í gær. Íslandsmeistar-
arnir komust reyndar í 2-0 með
mörkum Tryggva Guðmundssonar
og Sigurvins Ólafssonar en fengu
svo tvö mörk á sig með skömmu
millibili áður en varamaðurinn Atli
tryggði sigurinn í uppbótartíma.
„Það kom langur bolti sem Atli
náði, hann lék svo á tvo áður en
hann skoraði laglegt mark,“ sagði
Heimir Guðjónsson, aðstoðarþjálf-
ari FH, í samtali við Fréttablaðið
eftir leik. Hann var vitanlega
ánægður með úrslitin. „Við erum
auðvitað ánægðir með að skora
þrjú mörk á útivelli en miðað við
hvernig leikurinn þróaðist hefðum
við getað náð hagstæðari úrslitum.
En ég neita því ekki að Daði Lárus-
son átti frábæran leik og kom
okkur til bjargar nokkrum sinn-
um,“ sagði Heimir.
Síðari leikur liðanna verður á
Kaplakrikavelli á miðvikudaginn
kemur og segir Heimir að sínir
menn þurfi að spila góðan varnar-
leik. „Við þurfum að vera þéttir
fyrir og tryggja okkur sæti í næstu
umferð.“
Tryggvi skoraði fyrsta mark
leiksins með skoti eftir fyrirgjöf
Ólafs Páls Snorrasonar. Sigurvin
bætti um betur í síðari hálfleik
með skallamarki eftir laglega sókn
FH. Aðeins mínútu síðar kom Kert
Haavistu heimamönnum á blað
áður en Viktors Dobrecovs jafnaði
metin úr vítaspyrnu sem var dæmd
á Tommy Nielsen fyrir að hand-
leika knöttinn innan teigs.
Aðstæður voru góðar, að sögn
Heimis. „Það var frábært veður.
Sem betur fer dró þó fyrir sólinaá
köflum þannig að menn voru ekki
alveg búnir á því í leikslok. Ferða-
lagið hefur gengið mjög vel og er
þetta ekkert í líkingu við ferðina
okkar til Aserbaídsjans í fyrra.“
Sigurvegari í leikjum liðanna í
1. umferð forkeppninnar mætir
pólsku meisturunum í Legia frá
höfuðborginni Varsjá en mark-
vörður þess liðs var í landsliðshópi
Pólverja á HM í sumar. FH mætir
næst Valsmönnum í Landsbanka-
deild karla á sunnudaginn kemur.
eirikur.asgeirsson@frettabladid.is
SIGURVIN SKORAR Sigurvin Ólafsson skoraði með skalla í síðari hálfleik.
JOOSEP MARTINSON/ESTONIAN DAILY NEWSPAPER
FYRSTA MARKIÐ Tryggvi Guðmundsson kom FH-ingum á bragðið í fyrri hálfleik eftir fyrir-
gjöf Ólafs Páls Snorrasonar. JOOSEP MARTINSON/ESTONIAN DAILY NEWSPAPER
Atli tryggði FH sigurinn
FH-ingar náðu hagstæðum úrslitum í Tallinn í Eistlandi þar sem Íslandsmeistar-
arnir unnu 3-2 sigur á TVMK Tallinn í 1. umferð forkeppni meistaradeildar
Evrópu. Atli Guðnason tryggði sigurinn með marki í uppbótartíma.
Sævar Þór Gíslason var hetja Fylkis-
manna er hann skoraði sigurmark leiks-
ins gegn Víkingum á mánudagskvöldið
aðeins 49 sekúndum eftir að hann kom
inn á sem varamaður í síðari hálfleik.
„Þó að ég hafi skorað nokkur á
ferlinum þá minnist ég þess nú ekki að
hafa verið svo fljótur að skora mark,“
sagði Sævar Þór við Fréttablaðið í gær.
„Þetta var auðvitað skemmtilegt en
aðalatriðið og mikilvægast er að við
unnum leikinn. Þetta voru þrjú afar
mikilvæg stig.“
Fylkismenn eru nú í öðru sæti deild-
arinnar, tíu stigum á eftir FH-ingum sem
hafa enn ekki tapað leik. „Við unnum
þá síðast í Kaplakrika og eigum eftir
að fara þangað aftur. Við vorum þar að
auki mjög óheppnir þegar við lékum
við þá fyrr í sumar á heimavelli,“
sagði Sævar Þór og vildi meina
að Íslandsmótinu væri ekki lokið
þrátt fyrir yfirburði FH-liðsins til
þessa. „Mótið er ekki búið fyrr en
eitt lið er endanlega búið
að tryggja sér titilinn. Og
ég hef fulla trú á að við
getum saxað á forskot
FH-inga.“
Sævar Þór er
vitanlega aldrei
sáttur við að sitja á
varamannabekknum en tekur
það skýrt fram að hann virði
ákvarðanir þjálfarans. „Við
erum nokkrir sem eru að
stíga upp úr krossbandaslit-
um og ég hef fundið fyrir
hnénu í sumar. Ég hef samt ekki látið
það á mig fá en það gæti vel verið
að Leifur sé einfaldlega að dreifa
álaginu á milli manna,“ sagði Sævar.
Næsti leikur Fylkis er á útivelli
gegn Grindavík sem í síðasta
heimaleik sínum gerði sér
lítið fyrir og vann stórsigur
á liði KR, 5-0. Grindavík
hefur reyndar ekki tapað á
heimavelli í sumar og er
eina liðið ásamt FH sem
getur enn státað af þeim
árangri. „Það verður gríðar-
lega erfiður leikur eins og allir
aðrir leikir á þessu móti. Þetta
eru eintómir úrslitaleikir,“
sagði Sævar Þór.
SÆVAR ÞÓR GÍSLASON: SKORAÐI EFTIR 49 SEKÚNDUR GEGN VÍKINGUM
Ætlum okkur að saxa á forskot FH
FRJÁLSAR ÍÞRÓTTIR Kínverjinn Liu
Xiang bætti í gær 13 ára gamalt
heimsmet hins velska Colins Jack-
son í 110 grindahlaupi á frjálsí-
þróttamóti í Lausanne í Sviss.
Hann bætti metið um þrjá hundr-
aðshluta úr sekúndu en hann hafði
áður jafnað metið á Ólympíuleik-
unum í Aþenu þegar hann vann til
gullverðlauna í greininni. Heims-
metið var orðið eitt það elsta í
frjálsum íþróttum. - esá
110 metra grindahlaup:
Xiang bætti
heimsmetið
LIU XIANG Ánægður með heimsmetið.
NORDIC PHOTOS/AFP
FÓTBOLTI Tveir leikir fóru fram í
Landsbankadeild kvenna í gær.
Breiðablik vann Keflavík 3-0 með
mörkum Ernu Sigurðardóttur,
Gretu Samúelsdóttur og Eddu
Garðarsdóttur. Valur vann Þór/KA
á Akureyrarvelli, 7-0. Rakel Loga-
dóttir skoraði tvö, Margrét Lára
Viðarsdóttir, Dóra María Lárus-
dóttir, Katrín Jónsdóttir og Mál-
fríður Sigurðardóttir eitt hver og
sjöunda markið var sjálfsmark.
- esá
Landsbankadeild kvenna:
Eftir bókinni
FÓTBOLTI Æfingaferð enska 2.
deildarliðsins Millwall hér á landi
lauk í gærkvöldi með æfingaleik
gegn KR í Frostaskjóli. KR-ingar
skoruðu fjögur mörk í fyrri hálf-
leik en ekkert mark var skorað í
þeim síðari. Þeir ensku halda því
heim á leið án þess að hafa skorað
mark en um helgina tapaði liðið
fyrir Þrótti, 2-0.
Grétar Hjartarson skoraði
fyrsta markið á 12. mínútu með
laglegu skoti utan teigs og Tryggvi
Bjarnason bætti öðru við á 28.
mínútu með góðum skalla eftir
hornspyrnu. Björgólfur Takefusa
skoraði svo tvívegis fyrir hlé, það
fyrra úr vítaspyrnu. - esá
Æfingaleikur í Frostaskjóli:
Öruggt hjá KR