Fréttablaðið - 12.07.2006, Blaðsíða 20

[ ]Bílar geta heillað alla aldurshópa Takið leikbílinn með í göngutúrinn og leyfið barninu að fá smá útrás.
Þeim sem stunda motocross og
enduro hefur fjölgað gríðar-
lega á síðustu árum. Mikið
er að gerast í íþróttinni hér á
landi en því miður er lítið um
sérmerkt svæði og slóða til að
stunda sportið.
„Vélhjólaíþróttaklúbburinn er
hagsmunasamtök fyrir þá sem
keppa og ferðast á torfæruvél-
hjólum. Það er helst hægt að kalla
þetta íþróttafélag en félagsmönn-
um hefur fjölgað gífurlega á síð-
ustu árum. Í dag eru um sjö hund-
ruð félagar á öllum aldri,“ segir
Hrafnkell Sigtryggsson, formað-
ur klúbbsins.
„Það hefur fjölgað mikið í þess-
ari íþrótt og síðustu fimm árin
höfum við tekið inn hátt í fjögur
þúsund hjól. Það er mikill áhugi
og nú erum við komin með gott
svæði hjá Litlu kaffistofunni
þannig að það hvetur mann af
stað,“ segir Hrafnkell en hingað
til hafa þeir sem hafa gaman af að
þeysast um á motocross og end-
uro hjólum hafa ekki átt um
marga staði að velja. „Það er stóra
vandamálið. Flestir af okkar
félagsmönnum eru í Reykjavík og
við erum með tvö svæði á höfuð-
borgarsvæðinu. Annað er upp við
Litlu kaffistofu sem er reyndar í
landi Ölfuss. Það er nokkuð gott.
Okkur var úthlutað því í fyrra en
svæðið var eiginlega ekki opnað
fyrr en í sumar og það er enn
verið að byggja það upp. Inni á
heimasíðunni okkar er hægt að
finna mjög ítarlegt kort af svæð-
inu og við predikum fyrir mönn-
um að nota þetta svæði í staðinn
fyrir að láta grípa sig utan slóða.
Hitt svæðið er mjög erfitt en það
er uppi í Ásnesi fyrir ofan Mos-
fellsbæ. Það er í raun og veru fúa-
mýri og hefur nánast verið ófært
í allt sumar vegna rigningar. Það
þjónar tiltölulega litlum hluta af
íþróttinni, helst keppnishlutan-
um.“
„Annars vegar verða að vera
svæði á stöðum þar sem flestir
eru og hins vegar skilgreiningar á
ákveðnum slóðum á hálendinu þar
sem hjólin mega vera. Þetta er
ekki til en við hjá klúbbnum erum
byrjuð að hafa samband við
Umhverfisstofnun og umhverfis-
ráðuneytið til að reyna að útfæra
hugmyndir sem ganga út á svip-
aða hluti eins og hugmyndir reið-
veganefndar hjá hestamönnum.
Við viljum merkja og búa til slóða
sem þessi hjól geta notað,“ segir
Hrafnkell sem er alls ekki nógu
sáttur við skort á svæðum. „Okkur
finnst þetta rosalega einfalt –
þetta snýst bara um skipulag. Ef
menn eru að hjóla utan vega þá
hlýtur það að vera út af því að
þeir eiga ekki í önnur hús að
venda. Ef svæðið í Ásnesi hefði
ekki opnað þá værum við í raun
og veru ekki með eitt einasta
svæði í sumar.“
„Klúbburinn var stofnaður árið
1978 og höfum við fengið hátt í
tuttugu svæðum úthlutað til
skamms tíma á þessum tæplega
þrjátíu árum. Þá höfum við farið
af stað með jarðýtur og byggt
braut og vonast til að halda svæð-
inu en þá kemur eitthvað upp á og
við verðum að færa okkur,“ segir
Hrafnkell en félagið fær lítinn
styrk frá hinu opinbera. „Gjöldin
af hjólunum og göllum sem fara í
þjóðarbúið eru gríðarleg og nema
um tveim til þremur milljörðum á
síðustu fimm árum. Við höfum
hins vegar fengið styrki upp á 2,2
milljónir á þessum tíma. Við
höfum sem sagt þurft að borga
hverja einustu krónu til að halda
íþróttinni gangandi, svæði, jarð-
ýtuvinnu og starfsmannalaun í
fullu starfi. Þetta allt þurfa félags-
menn að borga.“
Þrátt fyrir svæðisskort er nóg
að gerast í motocrossi og enduro
og er næsta keppni í Ásnesi á
laugardaginn og hefst hún klukk-
an 10. „Það eru keppnir nánast á
tveggja vikna fresti yfir sumarið.
Það mæta um hundrað manns í
hverja keppni en stærsta keppnin
fer fram á Kirkjubæjarklaustri í
maí. Þangað mæta um fjögur
hundruð manns þannig að þetta er
ein stærsta einstaklingskeppni
sem haldin er á landinu.“
Hrafnkell keppir ekki mikið í
motocrossi en er liðtækur í endur-
o-keppnum. „Ég hef verið á mót-
orhjólum síðan ég var sextán ára,
en ég er fertugur í dag. Sonur
minn er líka á kafi í þessu. Núna
eru þessir gömlu komnir með
krakkana á bólakaf í þetta líka,“
segir Hrafnkell og fer mikið af
frítíma hans í íþróttina.
Hægt er að nálgast frekari
upplýsingar um Vélhjóla-
íþróttaklúbbinn, VÍK, á heimasíðu
þeirra, motorcross.is.
Sárvantar sérmerkta
slóða og svæði
Hrafnkell keppir í enduro og hefur ekið um á mótorhjólum síðan hann var sextán ára.
FRÉTTABLAÐIÐ/HRÖNN
Motocross er kappakstur þar sem
ekin er stutt hringlaga keppnisbraut
með manngerðum stökkpöllum og
beygjum.
Enduro er eins konar þolaksturs-
keppni þar sem ekið er á mun stærra
svæði í náttúrulegu landslagi, á
vegum og á slóðum.