Fréttablaðið - 12.07.2006, Blaðsíða 22

[ ]Prófið að vera túristar í eigin landi. Heimsækið söfn sem þið hafið aldrei gefið ykkur tíma til að skoða og prófið eitthvert skemmtilegt kaffihús.
Mílanó hefur upp á allt að
bjóða fyrir ferðamenn. Hún er
áhugaverð heim að sækja, þar
er góður matur og skemmtilegt
að versla.
Mílanó er höfuðborg Langbarða-
lands sem er strjálbýlasta hérað
Ítalíu en jafnframt það hérað sem
er lengst þróað fjárhagslega.
Íbúar Mílanó eru 1,3 milljónir en
þá eru ekki taldir með allir þeir
sem á síðustu árum hafa flust í
úthverfi borgarinnar og sækja
vinnu og þjónustu til Mílanó.
Staðsetningin
Staðsetning Mílanó í norðurhluta
landsins leiðir til þess að hún verð-
ur miðstöð og tengiborg fyrir
Ítalíu, hvort sem er í viðskipta-
legu tilliti eða þegar litið er til
ferðamannastraums. Frá Mílanó
liggja leiðir í allar áttir. Stutt er að
fara upp til Alpine-vatnasvæð-
anna; til Maggiore og Como og
örlítið lengra er að fara upp að
Garda-vatninu. En fyrir þá sem
vilja ferðast suður á bóginn, til
Flórens og Toscana, jafnvel enn
lengar suður, allt til Rómar eða
niður á Amalfi-ströndina þá er ein-
falt að finna réttu lestina og leggja
af stað. Sem dæmi má nefna að
ferð frá Mílanó til Rómar með
Eurostar-hraðlestinni tekur fjóra
og hálfan tíma.
Yfirbragðið
Þótt Mílanó sé stórborg er hún
samt sem áður tiltölulega lítil
miðað við aðrar slíkar. Borgin er
byggð í hring og skiptist upp í
hverfi eins og klukkan þar sem
hin einstaka dómkirkja, Duomo,
er miðjan á skífunni. Það er hins
vegar gömul klisja að Mílanó sé
óspennandi iðnaðarborg og jafnist
ekki á við aðrar borgir á Ítalíu.
Staðreyndin er sú að hún á sér
mikla og merkilega sögu og ríku-
lega menningu.
Þrátt fyrir að gamla borgin beri
ekki með sér jafn sterk einkenni í
arkitektúr og yfirbragði og t.d.
Flórens og Róm, þá er hún senni-
lega fjölbreyttari í útliti en aðrar
borgir. Söfn og gallerí eru með
þeim fínustu á landinu og margir
af leiðandi aðilum á sviði lista,
hönnunar, viðskipta og stjórnmála
tengjast borginni á einn eða annan
hátt.
Meginástæða þess hve yfir-
bragð Mílanó er ólíkt öðrum borg-
um er að í seinni heimsstyrjöld-
inni varð borgin fyrir miklum
sprengjuárásum sem hjuggu stór
skörð í borgina. Auð svæði mynd-
uðust sem síðar var fyllt upp í
með byggingum í nútímalegum
stíl.
Frægu staðirnir
Fyrir utan ótal merkilega og
áhugaverða staði í Mílanó sem
væri hægt að telja upp þá er heim-
sókn í Duomo sennilega efst á
blaði. Ganga síðan um miðborg-
ina, að Scala-leikhúsinu, niður að
Sforzesco-kastalanum, setjast þar
á bekk í risastórum kastalagarðin-
um og virða fyrir sér mannlífið.
Þá væri ekki vitlaust að hafa pant-
að sér tíma til að heimsækja Santa
Maria delle Grazie og virða fyrir
sér hið einstaka verk Leonardos
da Vinci, Síðasta kvöldmáltíðin,
svo eitthvað sé nefnt.
Maturinn
Fyrir utan þetta er hægt að gera
vel við sig í mat og drykk í Mílanó
eins og annars staðar á Ítalíu.
Mörgum stöðum væri hægt að
mæla með en hér má nefna Joia á
Via P. Castaldi 18. Um er að ræða
Michelin-stað þar sem grænmeti
er í fyrirrúmi, gæðin ofar öllu og
gætt að fagurfræðinni. Íslensk
stúlka vinnur sem kokkur á Joia.
Þeim sem vilja skyndibita niðri í
miðbæ er bent á Luini Panzerotti á
Via S. Radegonda, lítilli hliðargötu
út frá Duomo. Fyllt brauð og heitt,
Bæjarins bestu þeirra Mílanóbúa.
Emporio Armani Café er fallegur
staður þar sem léttur og lífrænn
matur er borinn fram og heima-
lögðu crostini-in þeirra eru þau
bestu þótt víðar væri leitað. Þeir
sem leita að skemmtilegum bar til
að setjast inn á ættu að kíkja á
barinn á Nobu-veitingastaðnum.
Hann er á Via Manzoni.
Verslanirnar
Fáar borgir eru jafn miklar tísku-
borgir og Mílanó. Þar má fá flest
það sem hugurinn girnist. Öll
hugsanleg merki; frá Gucci og
Prada til HM og Zöru. Það er
gaman að versla í Mílanó. Helstu
verslunargötur og staðir liggja út
frá Duomo fyrir utan Corso Buen-
os Aires sem er aðeins lengra frá,
en hún er ein af aðalgötum og
tengileiðum borgarinnar. Fræg-
ustu göturnar, með öllum helstu
búðunum, eru Galleria Vittorio
Emanuele II sem jafnframt er
einn af fallegri verslunarstöðum í
heiminum, og Corso Vittorio
Emanuele II. Einnig verður ekki
hjá því komist að nefna Via Monte
Napoleone og Via Della Spiga, þar
sem allir frægustu hönnuðurnir
eru með verslanir.
Næturlífið
Kvöld- og næturstemning er mikil
við Naviglio Grande en þar er
iðandi mannlíf og veitingastaðir
og barir opnir langt fram eftir
meðfram sýkjunum í anda Amster-
dam. Hér má nefna stað sem býður
góðan mat, Luca Andrea Café-Bar
á Alzaia Naviglio Grande 34.
Markaðir
Á sama stað, Naviglio Grande, er
síðasta sunnudag í hverjum mán-
uði haldinn risastór úti antíkmark-
aður sem dregur að sér fólk alls
staðar að.
Fegurðin
Fegurð borgarinnar leynist víða
og ferðamenn komast ekki hjá því
að horfa á stórfenglegar og íburð-
armiklar byggingar. Hins vegar
má ekki gleyma því að í fáum
borgum er sennilega jafn fallegt
og skemmtilegt að horfa niður
fyrir sig og í Mílanó þar sem gólf
og gangstéttar eru iðulega fallega
skreyttar. Halla Bára Gestsdóttirr
Mílanó er margslungin
Duomo og dómkirkjutorgið er iðandi af mannlífi. Út frá torginu liggja helstu verslunargötur
Mílanó.
Eitthvað fyrir alla, konur, krakka og karla
KÁTIR DAGAR VERÐA Á ÞÓRSHÖFN Á LANGANESI UM HELGINA.
Fjölmargt verður til skemmtunar á Kátum dögum á Þórshöfn á Langanesi. Ef litið
er yfir dagskrána síðdegis á föstudag kemur í ljós kassabílarallí, kvöldvaka fyrir
börn og skemmtikvöld hagyrðinga, ásamt dansleik með hljómsveitinni Legó. Á
laugardag verður meðal margs annars Íslandsmót í fótbolta, dorgveiðikeppni,
fjölskylduratleikur, atriðið úr Ávaxtakörfunni og stórhljómsveitin Papar á dansleik
um kvöldið. Á sunnudag verður haldið út að Skálum á Langanesi og síðan verður
aflraunakeppni bæði kvenna og karla.
Eyðibyggðin að Skálum á Langanesi verður heimsótt á sunnudag.
Byggja brú til brottfluttra
BRYGGJUHÁTÍÐ Á STOKKSEYRI ER MEÐAL STÓRVIÐBURÐA NÆSTU HELGAR.
Mikið verður um dýrðir á
Bryggjuhátíðinni á Stokkseyri
sem líka hefur undirtitilinn Brú til
brottfluttra. Það er raunar lýsandi
fyrir allar bæjarhátíðir landsins.
Þær laða til sín þá sem eitt sinn
bjuggu á staðnum og mynda því
brýr milli vina. Bryggjuhátíðin á
Stokkseyri á sér þriggja ára sögu.
Hún hefst annað kvöld með
hljómsveitatónleikum á Drauga-
barnum og svo heldur fjörið áfram
á föstudagskvöld með fjölskyldu-
hátíð á Stokkseyrarbryggju þar
sem bryggjusöngur Árna Johnsen
er fastur liður. Þar opnar hann líka
nýtt tónlistarsvið. Margháttuð skemmtiatriði taka síðan við. Til dæmis flytur Bítla-
vinafélag Suðurlands úrval Bítlalaga úr söngleiknum Let it be og Björn Thorodd-
sen sýnir listflug hlaðið reyk. Síðan leikur hljómsveitin Karma á Draugabarnum.
Ódýrt er í sund og opið á söfnum og hjá listamönnum á laugardeginum auk þess
sem Töfragarðurinn er með ýmislegt í boði. Meðal dagskráratriða þann dag er
líka kappróður, listsýningar og sandkastalakeppni. Hera syngur á Draugabarnum
klukkan tíu um kvöldið og trúbadorinn Ingvar í tjaldinu Við fjöruborðið. Á sunnu-
dag verður meðal annars hópreið hestamanna um Stokkseyri og hestasýning
á eftir við gervigrasvöllinn. Auk margra menningarviðburða á Stokkseyri verður
kaffihlaðborð opnað kl. 14 á laugardag.
Björn Ingi Bjarnason stjórnar dagskrá og Árni
Johnsen bíður með gítarinn tilbúinn.
Bækistöðvaferð í Hornbjargsvita
Sex daga ferð þar sem gengið
er út frá Látravík
Skráning á skrifstofu Útivistar
í síma 562 1000
Í ferðalagið
Mikið úrval af LCD flatskjám og
loftnetum tilvalið í ferðalagið.
20” LCD 12V/220)
17” LCD flatskjár með innb. DVD 12V/220V
15” LCD flatskjár með innb.
DVD 12V/220V