Fréttablaðið - 12.07.2006, Qupperneq 28

MARKAÐURINN 12. JÚLÍ 2006 MIÐVIKUDAGUR4
E R L E N T
Seðlabankar um allan heim hafa
stóraukið kaup á sterlingspund-
inu, sem olli því að styrking
pundsins á fyrri
hluta ársins var
sú mesta gagnvart
Bandaríkjadal í sex-
tán ár.
Styrking pundsins
er rakin til árangurs yfirvalda
í Bretlandi í baráttu gegn verð-
bólgu og aukins hagvaxtar, sem
er yfir meðaltali þeirra tólf
ríkja sem nota evru. Raunvextir
eru einnig hærri í Bretlandi en
evrulöndum og hvetur það til
frekari spurnar eftir pundum.
Gjaldeyrisforði seðlabanka í
pundum nam í lok mars 8.600
milljörðum króna, sem nemur
fjórum prósentum af heildar-
forða. Þetta er hæsta hlutfall
pundsins síðan Alþjóða gjald-
eyrissjóðurinn hóf
að taka saman þess-
ar tölur fyrir átta
árum. Hlutfall dals
er 66,3 prósent,
evru 24,8 prósent
og pundið hefur stolið þriðja
sætinu af jeninu.
Í viðtali við Bloomberg segir
Ingimundur Friðriksson aðstoð-
arseðlabankastjóri að pundið sé
um fimmtán prósent af gjald-
eyrisforða Seðlabankans og hafi
hlutfallið haldist óbreytt um
hríð. Seðlabankinn á þrisvar
sinnum meira af pundum en
jenum. - eþa
Seðlabankar kaupa pund
Vöruskipti í Kína í júní voru
hagstæð um 14,5 milljarða
bandaríkjadala, jafnvirði tæp-
lega 1.100 milljarða íslenskra
króna.
Þetta er 113 milljarða króna
aukning frá mánuðinum á undan.
Útflutningurinn jókst um 23,3
prósentur frá sama tíma fyrir
ári en innflutningur jókst um
18,9 prósent á milli ára.
Niðurstaðan er langt umfram
væntingar fjármálasérfræð-
inga, sem telja blikur á lofti
að gengi júansins, gjaldmiðils
Kína, sé haldið lágu með hand-
afli til að gefa jákvæðari niður-
stöðu af vöruskiptajöfnuðinum.
Hagfræðingur við kauphöll
Kína segist búast við hagstæðum
vöruskiptajöfnuði út árið. - jab
ÚR KAUPHÖLLINNI Í KÍNA Fjármála-
sérfræðingar telja að gengi gjaldmiðils
Kínverja sé haldið lágu til að auka virði
vöruskipta í landinu. FRÉTTABLAÐIÐ/AFP
Vöruskiptin jákvæð í Kína
Matvöruverslunin Easy24 opn-
aði verslun í danska bænum
Gentofte í vor sem opin er allan
sólarhringinn. Þetta þykir mikil
nýlunda í Danaveldi enda hafa
flestar verslanir lokað dyrum
sínum klukkan 18.
Verslanakeðjan er sögð íhuga
að opna um 200 svipaðar versl-
anir víðs vegar um Danmörku og
munu aðrar keðjur vera í sömu
hugleiðingum.
Danska dagblaðið Jyllands-
Posten hefur eftir Bruno
Christensen, sérfræðingi í smá-
söluverslun í Danmörku, að
breytt fyrirkomulag á afgreiðslu-
tíma verslana sé tilkomið vegna
breytinga á vinnuhögum Dana.
Til samanburðar má geta þess
að verslanir 10-11 hér á landi
hafa verið opnar til miðnættis
um árabil og sumar hverjar allan
sólarhringinn.
En fleiri breytingar hafa orðið
á verslun í Danmörku frá í vor
því netverslun með matvöru var
opnuð á svipuðum tíma. Netverjar
geta farið á vef verslunarinn-
ar á hvaða tíma sólarhringsins
sem er, pantað vörur og fengið
þær sendar heim að dyrum fyrir
klukkan sjö að morgni.
Peter Bagge-Nielsen, einn
eigenda netverslunarinnar, segir
líkur á að margir nýti sér net-
verslunina enda séu áttatíu pró-
sent landsmanna nettengd. - jab
FRÁ STRIKINU Í KAUPMANNAHÖFN
Fyrsta matvöruverslunin sem opin er
allan sólarhringinn var opnuð í Gentofte
í vor og er búist við opnun fjölda slíkra
verslana á næstunni, meðal annars í
Kaupmannahöfn. FRÉTTABLAÐIÐ/PJETUR
Bylting í dönskum verslunarháttum
Gengi hlutabréfa flestra fyrir-
tækja í Indlandi lækkaði nokk-
uð í síðustu viku í kjölfar þess
að stjórnvöld ákváðu að fresta
einkavæðingu ríkisfyrirtækja.
Sensex-hlutabréfavísitalan lækk-
aði um 2,4 prósent á föstudag
og er vart á bætandi því vísital-
an hefur lækkað talsvert undan-
farnar vikur.
Ríkisstjórnin hafði í hyggju að
selja fyrst í stað bréf í tveimur
ríkisfyrirtækjum fyrir jafnvirði
rúmra 37 milljarða íslenskra
króna. Um var að ræða hluti í
raforkufyrirtækinu Neyveli
Lignite og álfyrirtækinu National
Aluminium Company Limited
(NALCO). Ekki náðist samstaða
um söluna í ríkisstjórn landsins
og var því ákveðið að slá einka-
væðingunni á frest. - jab
Gengið lækkaði í Indlandi
INDVERSKUR VERÐBRÉFASALI Gengi hlutabréfa lækkaði nokkuð í síðustu viku vegna
ákvörðunar stjórnvalda um að fresta einkavæðingu ríkisfyrirtækja. FRÉTTABLAÐIÐ/AFP
Jón Aðalsteinn Bergsveinsson
skrifar
Ef sameining samevrópska hlutabréfamarkað-
arins Euronext og kauphallarinnar í New York
Bandaríkjunum (NYSE) verður að veruleika verður
markaðurinn að lúta evrópskum reglum um fjár-
málamarkaði.
Þetta segir Charlie McCreevy, framkvæmda-
stjóri innanmarkaðsmála Evrópusambandsins
(ESB). Hann hefur sömuleiðis lýst yfir fullum vilja
til að vinna með bandarískum yfirvöldum að því að
leysa úr öllum ágreiningsmálum sem búist er við að
muni koma upp við sameiningu markaðanna.
Yfirtökutilboð NYSE upp á tíu milljarða
Bandaríkjadala, jafnvirði 753 milljarða íslenskra
króna, í Euronext er enn til skoðunar þrátt fyrir
að lýst hafi verið yfir sameiningu markaðanna
fyrir nokkru. Það er ástæða þess að stjórnendur
Þýsku kauphallarinnar, Deutsche Börse, sem átti
hærra tilboð í evrópska markaðinn, hafa enn ekki
gefið sameiningu sína við Euronext upp á bátinn.
Stjórnendur Deutsche Börse eru einnig sagðir
horfa til sameiningar við ítölsku kauphöllina en
þeir hafa neitað slíkum áformum.
John Thain, forstjóri NYSE, sagði í síðustu viku
að hluthafar muni kjósa um sameininguna síðar á
þessu ári og sé horft til þess að ljúka sameiningar-
ferlinu í janúar á næsta ári.
EURONEXT Með kaupum NYSE á Euronext verður til fyrsta kaup-
höllin með starfsemi beggja vegna Atlantsála. MYND/AP
Samruni kauphalla
ESB segir sameinaðar kauphallir í Bandaríkjunum og í
Bretlandi verða að lúta reglum sambandsins.
Bandaríski álrisinn Alcoa skilaði
metafkomu á öðrum ársfjórðungi.
Hagnaður nam 744 milljónum
Bandaríkjadala, jafnvirði rúmra
56 milljarða íslenskra króna, sem
er 62 prósentum meira en á sama
tíma fyrir ári. Afkoma Alcoa
hefur aldrei verið meiri í 115 ára
sögu fyrirtækisins.
Þá námu tekjur Alcoa tæpum
átta milljörðum dala á tímabilinu,
sem er nítján prósenta aukning á
milli ára.
Mikil eftirspurn eftir áli og
hátt álverð skýrir þessa góðu
afkomu Alcoa en búist er við
að eftirspurnin muni tvöfaldast
á næstu fjórtán árum, að sögn
Alains Belda, forstjóra Alcoa.
Þá námu útgjöld fyrirtækis-
ins 729 milljónum dala, jafnvirði
tæpra 55 milljarða íslenskra
króna á öðrum fjórðungi ársins.
64 prósent af útgjöldum álrisans
fóru meðal annars til nýrra verk-
efna á borð við byggingu álvers í
Reyðarfirði, rafskautaverksmiðju
í Mosjoen í Norður-Noregi og end-
urbóta á súrálverksmiðju fyrir-
tækisins í Ástralíu. Verksmiðjan í
Noregi á að verða tilbúin á næsta
ári en henni er ætlað að fram-
leiða bæði fyrir álver Alcoa í
Reyðarfirði og Mosjoen.
Jafnframt segir í afkomufrétt
Alcoa að á meðal útgjalda fyr-
irtækisins sé tuttugu milljóna
króna styrkur, sem veittur hafi
verið til uppbyggingar þjóðgarð-
anna í Jökulsárgljúfrum og í
Skaftafelli. - jab
Methagnaður hjá álrisanum Alcoa
ÁLVER ALCOA Í REYÐARFIRÐI Alcoa
skilaði methagnaði á öðrum ársfjórðungi
og býst við að eftirspurn eftir áli tvöfaldist á
næstu fjórtán árum. FRÉTTABLAÐIÐ/VILHELM