Fréttablaðið - 16.09.2006, Blaðsíða 70

16. september 2006 LAUGARDAGUR34
Mikil umræða fór fram hérlendis í ágúst um ofur-laun og ríkidæmi einstakra manna. Íslenskir ein-staklingar eru þó ekki efnamiklir menn samanbor-
ið við efnuðustu menn heims. Aðeins einn telst meðal 750
ríkustu, Björgólfur Thor Björgólfsson, sem er í 350. sætinu
á nýjasta lista tímaritsins Forbes, sem reglulega tekur
saman lista yfir efnuðustu menn heims.
Ríkidæmi Björgólfs Thors er þar metið á 2,2 milljarða
Bandaríkjadala, sem svara til um 160 milljarða íslenskra
króna miðað við núverandi gengi dollarans. Þetta eru þó
smáaurar einir í samanburði við eignir þeirra ríkustu, eins
og sjá má af listanum yfir þá fimmtán efnuðustu.
Eins og mörg undanfarin ár leiðir tölvugúrúinn Bill
Gates listann með eignir upp á ca 3.560 milljarða króna en
til samanburðar er landsframleiðsla á Íslandi nálægt 900
milljarðar króna á ári.
Ýmislegt vekur athygli þegar listinn yfir þá fimmtán
ríkustu er skoðaður. Fyrir það fyrsta eru þetta nánast ein-
göngu karlar og það gamlir karlar mestanpart. Reyndar er
einn þeirra látinn síðan listinn birtist, Kenneth Thomson,
fjölmiðlamógúll frá Kanada. Aðeins ein kona er meðal
fimmtán efstu, franska snyrtivörudrottningin Lilliane Bet-
tencourt, og hún er fjörgömul sömuleiðis.
Annað sem vekur athygli er að fæst af þessu fólki er
mjög þekkt, hér á landi að minnsta kosti. Flestir kannast við
Bill Gates og Roman Abramóvitsj Chelsea-eiganda og
kannski IKEA-stofnandann Ingvar Kamprad, en aðrir á list-
anum eru tiltölulega lítt þekktir einstaklingar.
Fleiri eru efnaðir en Bill Gates
RÍKUSTU MENN HEIMS
- samkvæmt lista tímaritsins Forbes
Eignir í milljörðum króna
1. William Gates III - Bandaríkjunum, 50 ára 3.560
2. Warren Buffett - Bandaríkjunum, 76 ára 2.990
3. Carlos Slim Helu - Mexíkó, 66 ára 2.135
4. Ingvar Kamprad - Svíþjóð, 79 ára 1.993
5. Lakshmi Mittal - Indlandi, 55 ára 1.778
6. Paul Allen - Bandaríkjunum, 53 ára 1.566
7. Bernard Arnault - Frakklandi, 57 ára 1.530
8. Prince Al-waleed Bin Talal Al-Saud
Sádi-Arabíu, 49 ára 1.423
9. Kenneth Thomson - Kanada, 82 ára 1.395
10. Li Ka Shing - Hong Kong, 77 ára 1.338
11. Roman Abramóvitsj - Rússlandi, 39 ára 1.295
12. Michael Dell - Bandaríkjunum, 41 árs 1.217
13. Karl Albrecht - Þýskalandi, 86 ára 1.210
14. Sheldon Adelson - Bandaríkjunum, 72 ára 1.146
15. Liliane Bettencourt - Frakklandi, 83 ára 1.139
Warren Buffett
Ætlar að gefa
85% auðæfanna
Warren Buffett er 76 ára
gamall Bandaríkjamaður, frá
Omaha í Nebraska. Hann
hefur auðgast upp á eigin
spýtur, einkum á fjárfest-
ingum gegnum fyrirtæki sitt
Berkshire Hathaway en það
á stóra hluti í fyrirtækjum á
borð við Coca-Cola og Dairy Queen.
Buffett er þekktur fyrir að berast lítt á og býr til að mynda enn
í húsi sem hann keypti árið 1958 og ekur um á bíl af gerðinni
Lincoln Town Car árgerð 2001.
Hann hefur heitið því að 85 prósent auðæfa sinna muni
renna til styrktarsjóðs Bill og Melindu Gates eftir sinn dag
en sjóðurinn styrkir heilbrigðisþjónustu í fátækustu löndum
heims og stuðlar að aukinni tækniþróun á heilbrigðissviði.
Carlos Slim Helú
Langríkastur í Rómönsku-Ameríku
Carlos Slim Helú er 66 ára gamall Mexíkói, frá Mexíkóborg
og langríkasti maður Rómönsku-Ameríku. Hann erfði mikið
auðæfi eftir föður sinn og hefur ávaxtað sitt pund vel, eink-
um í viðskiptum á sviði fjarskipta. Má segja að hann eigi
meirihluta í öllum
helstu farsíma- og
jarðsímafyrirtækj-
um Suður-Amer-
íku.
Slim Helú er þekkt-
ur sem ástríðufullur
listaverkasafnari og
hann á og rekur
mikið listasafn í
Mexíóborg sem heitir Museo Soumaya eftir konu hans heit-
inni. Slim Helú hefur tilkynnt að hann muni láta auðæfi sín
að mestu renna til góðgerðarmála í Mexíkó eftir sinn dag.
Lakshmi Mittal
Græddi á stáli
Lakshmi Mittal er 56
ára gamall Indverji,
fæddur í borginni
Sadulpur í Norðvest-
ur-Indlandi. Hann
ólst upp í sárri fátækt
en faðir hans eignað-
ist síðar hlut í stálverksmiðju og varð vellauðugur. Lakshmi
Mittal er forstjóri Mittal Steel Company, sem er stærsti fram-
leiðandi stáls í heiminum.
Hann býr í Lundúnum og berst talsvert á; keypti til að mynda
einbýlishús í Kensington-hverfinu árið 2003 fyrir 126 millj-
ónir dala, sem er hæsta verð sem nokkru sinni hefur verið
greitt fyrir eitt hús. Þá eyddi hann um 65 milljónum dala í
brúðkaup dóttur sinnar, sem fyrir vikið er dýrasta brúðkaup
sögunnar til þessa.
Bernard Arnault
Tískupáfinn frá Roubaix
Bernard Arnault er ríkasti maður
Frakklands og stundum kallað-
ur tískupáfinn. Hann er 57 ára
gamall, fæddur í bænum Rouba-
ix skammt frá Lille en býr í París.
Arnault byrjaði með tvær hendur
tómar en hefur auðgast gífur-
lega á viðskiptum með tísku- og
snyrtivörur og vín. Hann er forstjóri fyrirtækisins LVMH sem
stendur fyrir Louis Vuitton Moët Hennessy auk þess að vera
forstjóri Christian Dior-tískufyrirtæksins.
Arnault á jafnframt stórt uppboðsfyrirtæki í Lúxemborg sem
sérhæfir sig í listaverkauppboðum. Hann berst ekki mikið á
og sá til að mynda sjálfur um allan undirbúning fyrir brúð-
kaup dóttur sinnar, sem haldið var í sumar án mikillar við-
hafnar.
Li Ka Shing
Auðgaðist á plastblómum
Li Ka Shing er auðugasti maður
Asíu og talinn valdamesti einstakl-
ingur álfunnar. Hann er 78 ára
gamall, fæddur í borginni Chaoz-
hou í Suður-Kína en býr í Hong
Kong þar sem hann reisti við-
skiptaveldi sitt af eigin rammleik.
Hann auðgaðist upphaflega á
að framleiða plastblóm en hefur
síðan fjárfest í margs konar viðskiptum og sem dæmi um
umsvif hans er sagt að af hverjum dollara sem eytt er í Hong
Kong renni fimm sent í vasa Li.
Hann hætti skólagöngu á unglingsaldri en metur þó gildi
menntunar mikils og gaf í sumar 180 milljónir dala til Háskól-
ans í Hong Kong og 40 milljónir dala til Berkeley-háskólans
í Kaliforníu.
Michael Dell
Tölvudellan borgaði sig
Michael Dell er enn einn
tölvugúrúinn í hópi ríkustu
manna heims. Hann er 41 árs,
fæddur í Houston í Texas en er
búsettur í Austin þar sem hann
rekur risavaxið tölvuveldi sitt,
Dell Incorporated.
Dell fékk tölvudellu ungur að aldri og hætti háskólanámi til
að geta einbeitt sér að þróun og framleiðslu tölvubúnaðar.
Það borgaði sig heldur betur því fyrirtæki hans er í dag einn
stærsti tölvuframleiðandi heims og eigandinn vellauðugur.
Hann hefur á síðari árum fjárfest á ýmsum sviðum og á sem
dæmi risavaxið hótel á Hawaii og veitingahúsakeðju í Indi-
ana. Þá veitti hann 50 milljóna dala styrk úr sjóð í sínu nafni
og konu sinnar til Háskólans í Austin.
Prins Al-Waleed Bin Talal Al-Saud
Gaf Louvre-safninu 1,5 milljarða
Prins Al-Waleed Bin Talal Al-Saud er konungborinn og barn-
fæddur í Riyadh, höfuðborg Sádi-Arabíu, og býr þar enn.
Hann er 51 árs að aldri og telst hafa auðgast af eigin ramm-
leik þó svo að ættmenni hans
viti ekki aura sinna tal.
Prinsinn hefur aðallega auðg-
ast á fasteignaviðskiptum
og fjárfestingum í bygging-
ariðnaði. Hann á og rekur
öflugt fjárfestingarfyrirtæki
sem heitir ekkert minna en
Kingdom Holding Company
eða Konunglega hlutafélagið,
sem fjárfestir í margs konar
viðskiptum um heim allan.
Hann er gjafmildur á fé sitt og skenkti Louvre-safninu í Frakk-
landi 1,5 milljarða króna fyrir nokkrum árum og hefur safnið
ekki í aðra tíð hlotið jafn rausnarlega gjöf.
Fimmtán ríkustu menn í heimi eru nánast allt karlar en koma þó úr mörgum áttum. Fæst af
þessu fólki eru mjög þekktir einstaklingar. Sigurður Þór Salvarsson kynnir sér þetta efnafólk.