Fréttablaðið - 16.09.2006, Blaðsíða 84

16. september 2006 LAUGARDAGUR48
utlit@frettabladid.is
Ný yfirhöfn er oftast efst á óskalistanum hjá okkur dömunum fyrir haustið. Kápan eða úlpan sem við keyptum síðasta haust dugar ekki lengur og er því
mikið „must“ að endurnýja enda yfirhöfn sú flík sem við
notum mest í vetrarhörkunum. Nauðsynlegt er að eiga
eina góða úlpu eða kápu sem skýlir okkur, en auðvitað
verður hún að vera í tískunni og fæstar konur fara í
Kraft-gallann gamla góða þótt eigi skuli efast um ágæti
hans, enda hann ansi vel hannaður til að hylja líkamann
frá toppi til táar þrátt fyrir ákveðin útlitslýti.
Núna eru víð snið allsráðandi og úlpur sem eru síðar og
víðar með belti í mittið feykivinsælar, bæði úr glansandi
efnum og möttum bómullarefnum. Girnilegar, þykkar og helst
með hettu til að skýla hárinu. Loðkragar og pelsar halda áfram
þennan veturinn. Keipar („capes“), víðar slár með götum fyrir
hendurnar eru einnig nýjung í yfirhafnaflórunni og henta
íslensku veðurfari vel og fara vel við niðurmjóu buxurnar sem
eru svo vinsælar. Stuttar ermar og víð snið í kápum eru einnig
kærkomin viðbót og því nauðsynlegt að fara að finna háa leður-
hanska til að skýla höndunum. Kvenlegar kápur með belti halda
einnig áfram inn í haustið og nú er hið köflótta munstur alls-
ráðandi í þess konar yfirhöfnum.
alfrun@frettabladid.is
Víð snið og
stuttar ermar
KÖFLÓTT Stuttur
ullarjakki með víðu
sniði frá Spútnikk.
> Við mælum með...
...höttum. Hvort sem hatter eru litlir eða
stórir setja þeir skemmtilegan svip og lífga
upp á hvaða fatnað sem er. Svo eru þeir
oft góðir til að skýla hárinu á votum og
vindasömum vetrardögum.
MIUMIU Köflótt kápa með kvenlegu
sniði og loðkraga frá MiuMiu.
RÚSKINN Slá úr rúskinni í mörgum litum
frá MiuMiu.
DIANE VON
FURSTENBERG
Stuttur jakki
með köflóttu
munstri og
stuttum ermum.
Glæsilegt.
SLÁ Víð slá með
götum fyrir hend-
urnar frá Spúttnikk.
Þægilegt og í senn
glæsilegt.
VERO MODA Steingrá
ullarkápa með stórum
svört tölum.
PELSAR Þeir
halda áfram inn
í veturinn og nú
með víðu sniði.
Fæst í Spúttnikk.
VÍÐ OG SÍÐ Úlpa frá Warehouse
sem sómir sér vel í vetrarhörkunum
með bandi í mittið til að gera hana
kvenlegri.
BRÚNT MUNST-
UR „Tweed“
kápa sem setur
skemmtilegan
brag á heildar-
svipinn, frá
Warehouse.
FRÉTTABLAÐIÐ/HEIÐA-
ALL SAINTS Töffaraleg kápa í
súkkulaðibrúnum lit með renni-
lás og belti í mittið.
FRÉTTABLAÐIÐ/HEIÐA
SVART OG RAUÐKÖFLÓTT Jakki frá
Furstenberg sem passar vel við pils
og kjóla. FRÉTTABLAÐIÐ/GETTYIMAGES
KVENLEGT Kápa frá MiuMiu
sem gæti verið tekin beint frá
stríðsáratímabilinu.
CENTRUM Leðurjakki með hettu er
kærkomin viðbót í þennan flokk
og þessi er frá sænska fatamerkinu
Tiger of Sweden.
WAREHOUSE Stutt
kápa í rjómahvítum
lit með kvenlegu
sniði.
Konur hafa margt fram yfir karlpening þessa heims. Nútímasamfélagið
býður upp á svo margar nýjungar sem virðast þó sérstaklega beinast að
konum. Fyrir okkur konur sem höfum áhuga á útliti og tísku eru sífelld-
ar nýjungar að bætast á markaðinn á meðan karlarnir „eiga“ bara að
hafa áhuga á tækjum og íþróttum. Þrátt fyrir að við lifum á 21. öldinni
hefur þessi hugsunarháttur lítið breyst síðan í gamla daga. Í kvennabar-
áttu síðustu ár finnst mér hafa gleymst að stikla á þeim skemmtilegu
kostum sem fylgja því að vera kona.
Við höfum miklu meira fjölbreytileika og fleiri valmöguleika en strák-
arnir nokkurn tímann og þá kannski sérstaklega varðandi útlit og tísku.
Stelpur geta klippt hárið stutt, klæðst gallabuxum, skyrtum og verið í
strigaskóm. Alveg eins og strákar, af því að það er allt í lagi þegar stelpa
klæðir sig eins og strákur, þá er hún bara töffari. Sama gildir ef stelpa á
nýjastu tæknina en ef strákur veit eitthvað um nýjasta dagkremið á
markaðnum er hann undir eins stimplaður. Ef strákur verður of pjattað-
ur, notar ilmvatn og krem, á fleiri gallabuxur en fjórar og fer í klippingu
á hálfsmánaðar fresti er hann undir eins stimplaður samkynhneigður.
Hugtakið „metrómaður“ náði aldrei að festa sig í sessi og því er ekkert
grátt svæði í þessum málum fyrir karlmenn. En við konurnar erum svo
heppnar að hafa alls kyns tóna milli svarts og hvíts.
Við getum klætt okkur upp fyrir hvers konar tilefni og klæðst öðru
en jakkafötum eins og greyið strákarnir verða að sætta sig við að klæð-
ast, jafnvel hverjum einasta degi. Úrval kvenfatnaðar hér á landi er
mun meira en úrval herrafatnaðar. Í apótekum er snyrtivörudeildin með
kvensnyrtivörurnar helmingi stærri en sú fyrir karlana og við getum
beitt hinum ýmsu ráðum til að eldast hægar og líta betur út dagsdag-
lega. Karlmenn verða bara að bíta í hið súra epli öldrunar og hrukkna og
því ekki skrítið að sumir karlmenn virðast fá gráa fiðringinn á vissum
aldri til að koma í veg fyrir hrörnunina.
Fyrir mér eru ofangreindar staðreyndir nógu sterkar til að gera mig
ánægða með mitt hlutskipti í lífinu. Ég er ánægð að vera kvenkyns og
hafa óskrifað leyfi til að finnast ekki gaman í íþróttum, slétta á mér
hárið á morgnana eða eiga fatalufsur fyrir áhugamál.
Ánægjulegt hlutskipti
MÓÐUR VIKUNNAR
Álfrún fer yfir málin
Spáir þú mikið í tískuna? Já, ég geri
það og hef gaman af því. Ég vinn að
vissu leyti við hönnun. Listin að skapa
ákveðið „lúkk“ og mála á andlit.
Hvernig myndirðu lýsa stílnum
þínum? Einfaldleiki. Ég sæki frekar
í klassíska hönnun en nýtískulega
með snúningi, það er að segja með
skemmtilegu ívafi.
Uppáhaldshönnuðir eða fata-
merki: Hvar á ég að byrja? A-Ö?
Alice Roi, Costume National, Day
Birger Et Mikkelsen, Mark Jacobs,
Miu Miu, Juicy Coture, Luella, Huss-
ein Chaleyan, Heatherettes, Rützou,
Stella McCarney, Tuleh, Zag Posen,
Flottustu litirnir: Ég á mikið af svörtu
enda er það „dresscode“ í Make Up
Store versluninni minni. Núna fyrir
haustið; svart, hvítt, grátt og rautt.
Einnig dumbir litir, antíkbleikur, grár,
fjólublár og drapp.
Hverju ertu veikust fyrir? Vönduð-
um handtöskum, skóm og úrum.
Hvaða flík keyptir þú þér síðast?
Þröngar dökkbláar gallabuxur sem
eru háar í mittið. Orðin dálítið þreytt
á mjaðmagallabuxunum enda á ég
nóg af þeim.
Hvað finnst þér flottast í tískunni
núna? Ég laðast meira að kvenlegri
tísku en þó finnst mér flott að sjá
hve margir stílar eru í gangi. Tískan
er kvenleg en í senn hörð, rokkuð og
stundum karlmannleg.
Hvað ætlarðu að kaupa þér fyrir
haustið? Flauelsbuxur, auðvitað háar
í mittið, mjótt lakkbelti, satínblússu
og háhæluð ökklastígvél.
Uppáhaldsverslun: Á Íslandi t.d.
Kúltúr, Eva, Zara og Spúttnikk.
Hvað eyðir þú miklum pening-
um í föt á mánuði? Leyndó!
Hvaða flíkur gætir þú ekki
verið án? „Casual“-fatnaðar
eins og t.d. gallabuxnanna
mínar úr BLEND, bolnum frá
Birtu í JUNIFORM og ballett-
skónum úr GAP.
Uppáhaldsflík: Juicy
Couture heima-buxurnar
mínar.
Hvert myndir þú fara
í verslunarferð? Fant-
asíu verslunarferð og
hádegismat með stíl-
istanum Patriciu Field
sem einhver annar borgar? Án alls
gríns þá færi ég til Los Angeles þar
sem ég ólst upp. Litlu verslanirn-
ar í Santa Monica, síðan yfir til
New York í Jill Stuart og Kirna
Zabete sem er geggjuð versl-
un í SoHo og þaðan yfir till
Notting Hill, London Agent
Provocateur.
Ljótasta flík sem þú
hefur keypt þér? Ég
hef bara aldrei vísvit-
andi keypt mér ljóta
flík að mínu mati.
En svo er annað
mál hvort stundar-
brjálæði hugar míns
standist tímans tönn?
SMEKKURINN MARGRÉT R. JÓNASARDÓTTIR FÖRÐUNARMEISTARI OG EIGANDI MAKE UP STORE Á ÍSLANDI
Sækir í klassíska hönnun með skemmtilegu ívafi
NÝTT BLAÐ
KOMIÐ ÚT!
ÁSKRIFTARSÍMI 550 5000 | WWW.VISIR.IS