Fréttablaðið - 01.10.2006, Síða 6

6 1. október 2006 SUNNUDAGUR
VIÐSKIPTI Samkeppniseftirlitið
gerir ekki athugasemdir við kaup
Skoðunar, dótturfélags Dagsbrún-
ar, á Kögun. Eftirlitinu var
tilkynnt um kaupin 30. maí, en
félagið eignaðist öll hlutabréf
Kögunar þegar síminn gekk 23.
maí að yfirtökutilboði þess.
„Samruninn er ekki láréttur
samruni þar sem keppinautar
hætta að keppa á tilteknum
markaði og renna saman. Þessi
fyrirtæki hafa starfað á ólíkum
mörkuðum og er lítil eða engin
skörun á milli þessara fyrir-
tækja,“ segir Samkeppniseftirlit-
ið og telur því að samruninn muni
ekki hafa „skaðleg samkeppnisleg
áhrif“. - óká
Kaupin á Kögun samþykkt:
Skörun sögð
lítil eða engin
Piltur lærbrotnaði
Sjö ára piltur lærbrotnaði í gær er
hann klemmdist milli bíla. Pilturinn
var með systur sinni í bíl og settu þau
í hlutlausan gír. Er bíllinn rann af stað
stökk pilturinn út og reyndi að stöðva
bílinn sem hafnaði á kyrrstæðum bíl
með fyrrgreindum afleiðingum.
Flutningabíll valt
Samanpressuð bílhræ voru á víð og
dreif á Dynjandisheiði í gær eftir að
flutningabíll valt á veginum. Bílstjór-
inn slapp ómeiddur frá óhappinu.
LÖGREGLUFRÉTTIR
KJÖRKASSINN
UMHVERFISMÁL Fjölmargar kvart-
anir hafa borist Heilbrigðiseftirliti
Hafnarfjarðar vegna loftmengun-
ar frá starfsemi malbikunarstöðv-
arinnar Hlaðbæjar-Colas við
Hringhellu í Hafnarfirði. Hafa
nágrannar malbikunarstöðvarinn-
ar talað um „óbærilegt ástand“ af
þessum sökum, eins og fram
kemur í fundargerð heilbrigðis-
eftirlitsins.
Guðmundur Einarsson, heil-
brigðisfulltrúi hjá Heilbrigðiseft-
irliti Kópavogs og Hafnarfjarðar,
kannast við kvartanir um að of
mikið ryk berist út í umhverfið
frá rekstrinum á lóð Hlaðbæjar-
Colas og segir að enginn velkist í
vafa um að þetta sé rétt því það sé
hægt að sannreyna með því að
strjúka hendi yfir bílrúðu.
Guðmundur segir að málið hafi
verið til meðferðar hjá heilbrigð-
iseftirlitinu í meira en eitt ár og
heilbrigðiseftirlit-
ið leggi áherslu á
að bæta þurfi eft-
irlit, rekstur og
viðhald mengun-
arvarnabúnaðar
hjá fyrirtækinu.
Samband hafi
verið haft nokkr-
um sinnum við
malbikunarstöð-
ina og nú sé málið
komið til
Umhverfisstofn-
unar því að beiting þvingunarúr-
ræða fari fram á hennar vegum.
„Þetta er fyrst og fremst fok úr
sandhaugum sem eru á lóðinni og
hafa ekki verið til vandræða fyrr.
Við höfum verið hér í tuttugu ár
og alltaf uppfyllt þær kröfur sem
hafa verið í gangi en íbúðabyggðin
hefur færst nær og nær og þess
vegna erum við með áætlanir um
að flytja starfsemina fjær byggð-
inni,“ segir Sigþór Sigurðsson,
framkvæmdastjóri Hlaðbæjar-
Colas, og telur of dýrt að byrgja
sandhaugana fyrr en á nýja staðn-
um.
„Okkar áætlanir gera ráð fyrir
að flytja starfsemina fjær byggð-
inni og við erum komin með vil-
yrði fyrir lóð við Kapelluhraun
fyrir sunnan álverið í Straumsvík
eftir fyrirhugaða stækkun. Ég
reikna með að ný og fullkomin
verksmiðja verði reist þar,“ segir
hann og telur að framkvæmdir
hefjist strax og deiliskipulag ligg-
ur fyrir í vetur þannig að starf-
semi hefjist á nýja staðnum næsta
vor.
Fundur verður með fulltrúum
Hlaðbæjar-Colas og Umhverfis-
stofnunar í næstu viku og verður
þá farið yfir málið.
ghs@frettabladid.is-
SIGÞÓR
SIGURÐSSON,
FRAMKVÆMDA-
STJÓRI HLAÐ-
BÆJAR-COLAS.
Grannar segja ryk-
mengun óbærilega
Nágrannar malbikunarstöðvar í Hafnarfirði kvarta undan loftmengun og tala
um óbærilegt ástand. Heilbrigðisfulltrúi tekur undir þessi orð. Fulltrúi fyrir-
tækisins segir of dýrt að byrgja sandhaugana og að fyrirtækið flytji næsta vor.
MENGUN FRÁ MALBIKUNARSTÖÐ Sandfok er af starfssvæði malbikunarstöðvarinnar Hlaðbæjar-Colas við Hafnarfjörð en byggðin
hefur stöðugt færst nær malbikunarstöðinni. Framkvæmdastjórinn Sigþór Sigurðsson segir vilyrði liggja fyrir um lóð sunnan við álverið.
Lentirðu í vandræðum
í myrkrinu?
Já 8%
Nei 92%
SPURNING DAGSINS Í DAG:
Hefurðu séð íslenska kvikmynd
á árinu?
Segðu skoðun þína á visir.is
SAGNFRÆÐI Hannes Hólmsteinn Giss-
urarson prófessor hefur skrifað
menntamálaráðherra bréf þar sem
hann óskar eftir svari við því hvort
Þjóðarbókhlaðan hafi brotið jafn-
ræðisreglu stjórnsýslulaga. Það hafi
hún gert þegar aðgangur að bréfa-
safni Halldórs Laxness var árið
2003 takmarkaður við tvo fræði-
menn, Halldór Guðmundsson og
Helgu Kress, en Hannesi neitað um
aðgang.
Bréfið er skrifað í kjölfar máls
Kjartans Ólafssonar, sagnfræðings
og fyrrverandi ritstjóra Þjóðviljans,
sem hefur kært Þjóðskjalasafnið til
menntamálaráðuneytisins fyrir að
neita sér um aðgang að gögnum um
símhleranir en veita Guðna Th.
Jóhannessyni sama aðgang.
„Ég tel að jafnræðisreglan hafi
verið brotin á mér vegna þess að
þetta einkabréfasafn Laxness var
gefið safninu án allra skilyrða árið
1996,“ segir Hannes. „Ef það hefði
verið gefið með skilyrðum, eins og
mörg bréfasöfn eru, þá hefði gegnt
öðru máli. Það var gefið án skilyrða
og síðan var aðgangurinn takmark-
aður við tvo fræðimenn, Helgu
Kress og Halldór Guðmundsson.“
Hann segist einnig þeirrar skoð-
unar að opna eigi símhlerunarskjöl
fyrir Kjartani Ólafssyni og öllum
fræðimönnum sem vilja skoða
þau. - sþs
Hannes Hólmsteinn spyr menntamálaráðherra um aðgang að bréfum Laxness:
Segir jafnræðisreglu brotna
HANNES HÓLMSTEINN GISSURARSON
Telur jafnræðisreglu hafa verið brotna
þegar honum var neitað um aðgang að
einkabréfasafni Halldórs Laxness..
LÖGREGLUMÁL Lögreglu á Akureyri
þótti ástæða til að kalla út
sérsveit aðfaranótt laugardags
eftir að karlmaður á þrítugsaldri
hafði hótað að svipta sig lífi.
Lögregla segir það hafa verið
öryggisráðstöfun, en talið var að
maðurinn gæti verið vopnaður
byssu. Svo reyndist ekki vera og
hann var handtekinn heima hjá
sér.
Á meðan lögreglan var vant
við látin vegna sjálfsvígshótunar-
innar var kveikt í þremur gámum
fyrir utan veitingastaði í miðbæn-
um. Slökkvilið mætti á staðina, en
starfsfólk eins veitingastaðarins
sá sjálft um slökkva eldinn. - sun
Sérsveitarútkall á Akureyri:
Maður hótaði
að svipta sig lífi
VEIÐAR Fjölmargar ábendingar
hafa borist umhverfisráðuneytinu
um ólöglegar veiðar á hreindýr-
um á veiðisvæðum á Mýrum og í
Hornafirði í Austur-Skaftafells-
sýslu.
Fullyrt er að þessar ólöglegu
veiðar hafi átt sér stað undanfar-
in ár utan lögbundins veiðitíma,
einkum á þeim tíma sem nú fer í
hönd.
Ráðuneytið kallar eftir virkara
eftirliti sýslumannsins á Höfn á
Hornafirði til að koma í veg fyrir
ólöglegar veiðar sem geta varðað
sektum eða fangelsi allt að
tveimur árum og sviptingu
skotvopna- og veiðileyfis. - sdg
Kallað eftir auknu eftirliti:
Ábendingar um
ólöglegar veiðar
HREINDÝRSTARFAR TAKAST Á Veiðitíma-
bilið nær frá 1. ágúst til 15. september.
VARNARMÁL Valgerður Sverrisdótt-
ir utanríkisráðherra undirritaði í
fyrrakvöld svokallaðan skilasamn-
ing vegna svæðis varnarliðsins á
Miðnesheiði. Sendiherra Banda-
ríkjanna á Íslandi, Carol van
Voorst, var viðstödd undirskrift-
ina ásamt embættismönnum úr
utanríkisráðuneyti Bandaríkjanna
og starfsmönnum sendiráðsins, en
Eric S. Edelman, aðstoðarvarnar-
málaráðherra Bandaríkjanna, und-
irritaði samninginn fyrir hönd
varnarmálaráðuneytis Bandaríkj-
anna. Van Voorst var einnig við-
stödd athöfnina í gær og kvaddi
yfirmann flotadeildarinnar form-
lega og þakkaði honum fyrir far-
sælt starf í þágu Bandaríkjanna og
Íslands.
Van Voorst sagði atburðinn
marka merkileg tímamót, er hún
ræddi við bandaríska og íslenska
blaðamenn eftir að Mark
Laughton, yfirmaður flotadeildar
Bandaríkjahers, flaug af landi
brott. „Þetta eru merkileg tíma-
mót í ánægjulegri sögu alþjóðlegs
samstarfs Bandaríkjanna og
Íslands. Samstarf heldur áfram,
en verður með öðru sniði, í takt
við þær breytingar sem þegar
hafa verið kynntar á samstarfi
þjóðanna.“ - mh
Samningur Bandaríkjanna og Íslands var undirritaður í fyrrakvöld:
Skrifuðu undir skilasamning
HERINN KVADDUR Jóhann Benediktsson, sýslumaður á Keflavíkurflugvelli, og Carol
van Voorst, sendiherra Bandaríkjanna, veifa til flugvélar Bandaríkjahers er hún flýgur
af landi brott, með yfirmann flotadeildar varnarliðsins innanborðs. FRÉTTABLAÐIÐ/VILHELM