Fréttablaðið - 06.11.2006, Blaðsíða 58

! kl. 20.00Stefnumót við Sigrúnu Davíðsdótt-
ur rithöfund. Silja Aðalsteinsdóttir
ræðir við Sigrúnu um fyrstu skáld-
sögu hennar, Feimnismál, sem
kemur út hjá Máli og menningu.
Stefnumótið fer fram í aðalsafni
Borgarbókasafnsins í Tryggvagötu.
Í sendiráðinu við Túngötu
starfar ötull hópur að
skipulagningu franskrar
menningarhátíðar á Íslandi.
Sendiherrann Nicole Miche-
langeli segir metnaðarmál
að kynna Íslendingum fleiri
hliðar á Frakklandi.
„Þetta er í fyrsta sinn sem við
skipuleggjum viðlíka hátíð hér á
landi, og hún verður mjög viða-
mikil og mjög fjölbreytt,“ segir
Nicole. Hátíðin hefst í lok febrúar
og stendur fram í maí en strax í
desember verður tekið smá for-
skot á sæluna með opnun á sýn-
ingu franskra málara í Listasafni
Íslands. Þar eru engir aukvisar á
ferð heldur meistarar frönsku
expressjónistanna og geta gestir
safnsins barið þar augum verk
eftir Henri Matisse, Oskar
Kokoschka, Auguste Renoir og
Félix Vallotton.
Sýning frönsku expressjónist-
anna, Un Regard Fauve, kemur
hingað til lands frá safninu Musée
des Beaux-Arts í Bordeaux. Þunga-
miðja hennar er fávisminn,
afdrifaríkur tími málaralistarinn-
ar sem náði hámarki árið 1905 og
fól í sér nýjar skilgreiningar í
stefnu málverksins. Þetta er í
fyrsta sinn sem stefna þessi er
kynnt með formlegum hætti og
sýningarhaldi hér á landi. Alls
verða 52 verk á sýningunni eftir
13 listamenn. Þá verður sýnt úrval
verka eftir Jón Stefánsson í eigu
Listasafns Íslands en Jón var eini
Íslendingurinn sem var nemandi
Henri Matisse í París.
Nicole kom til starfa sem sendi-
herra Frakka í janúar á síðasta ári
og fljótlega eftir það fór hún að
skoða möguleikann á því að halda
menningarhátíð í líkingu við þá
sem Íslendingar stóðu fyrir í París
árið 2004. Nicole vann á þeim tíma
að bættum menningartengslum
Frakklands við Norðurlöndin og
segir að íslenska framtakið hafi
heppnast einkar vel, til dæmis viti
fleiri um Ísland en áður. „Þess
vegna fannst mér áhugavert að
skipuleggja franska menningar-
hátíð hér líka sem nokkurs konar
svar við framtaki Íslendinga,“
segir hún. Vel var tekið í hug-
myndina hjá utanríkisráðuneytum
beggja landanna og hefur undir-
búningurinn nú staðið í heilt ár.
„Þetta er mikilvægt fyrir
okkur. Ísland er vinalegt land og
við eigum þegar í góðu sambandi
en alltaf má gera betur. Ég tel að
aukin skipti, til dæmis á menning-
arsviðinu hafi jákvæð áhrif í báðar
áttir.“
„Þetta verður fjölbreytt og metn-
aðarfull dagskrá,“ útskýrir Nicole
stolt, „hún er enn í mótun svo það
er erfitt að úlista einstaka atburði
á þessu stigi. Það verður enn
skemmtilegra að tala um hana
meðan á henni stendur eða þegar
henni er lokið.“
Hátíðin er römmuð inn af
tveimur íslenskum menningar-
veislum, vetrarhátíð og listahátíð,
en Nicole útskýrir að þeim þyki
hagræði að því að komast í sam-
starf við hérlenda skipuleggjend-
ur, til dæmist til þess að velja við-
burði sem falli vel að smekk
heimamanna og koma í veg fyrir
árekstur við annars líflega dag-
skrá í borginni.
Nicole segir að hátíðin verði í
raun fjórskipt, í fyrsta lagi lagi
snúist hún um að kynna franska
menningu og í því skyni verði
breiðum hópi listamanna boðið
hingað til lands. „Við verðum með
alls konar sýningar, myndlist, leik-
hús, tónlist, dans og bókmenntir,“
áréttar hún. Í annan stað verður
kynning á Frakklandi sem landi
vísinda. „Flestir þekkja Frakkland
betur sem menningarland en við
viljum opna augu fólks fyrir fleiri
möguleikum. Hingað koma því
þekktir vísindamenn frá Frakk-
landi og kynna störf sín. „Í þriðja
lagi verður lögð sérstök áhersla á
kvikmyndir en árleg frönsk kvik-
myndahátíð verður nú færð til á
almanakinu og haldin innan dag-
skrár menningarhátíðarinnar. Í
fjórða lagi verður tækifærið nýtt
til þess að kynna franskar vörur
og ferðamennsku. Fæstir vita að á
hverju ári koma 75 milljónir ferða-
manna til Frakklands. Flestir
Íslendingar þekkja París en marg-
ir þekkja ekki Frakkland,“ útskýr-
ir Nicole og bendir á að hugmynd-
in sé til dæmis að kynna ólík héruð
landsins og fjölbreytileika þess.
„Hátíðin snýst fyrst og fremst um
að fá sem flesta til þess að koma
og skemmta sér en við viljum líka
reyna að hafa áhrif þegar til lengri
tíma er litið.“
Að sögn Nicole hafa skipuleggj-
endur hátíðarinnar fengið frábær
viðbrögð í heimlandinu. „Ísland er
vel kynnt í Frakklandi og fólk er
mjög spennt. Það hefur reynst
mjög auðvelt að fá fólk til að koma,
allir boðnir og búnir í að taka þátt.
Ég verð samt að vera hreinskilin
og segja að þetta er auðvitað mjög
dýrt og við getum ekki boðið
öllum. Við verðum að velja og
hafna. það er samt einstakt að
heyra listafólk segja: „Ég skal
koma hvort sem ég fæ greitt eða
ekki.““
Nicole segir að ferlið hafi
reynst henni lærdómsríkt og hún
hafi til að mynda kynnst íslenskri
menningu betur. „Ég nýt þess að
sækja tónleika, myndlistar- og
danssýningar og nú þegar skipu-
lagningin er komin á fullt kynnist
ég líka fleiri íslenskum listamönn-
um. Það er samt hópvinnan sem
skiptir mestu máli, hér starfar
kraftmikill hópur að undirbún-
ingnum enda er að mörgu að
huga,“ segir sendiherrann og
bætir við hlæjandi: „Spennan
eykst með hverjum mánuði en
áhyggjurnar líka!“
Ófétin komin til Hveragerðis
550 5000
AUGLÝSINGASÍMI