Fréttablaðið - 23.12.2006, Blaðsíða 8

Hvað er björgunarþyrlan TF-
GRO kölluð af starfsmönnum
Landhelgisgæslunnar?
Hvað heitir áin sem rennur í
gegnum Selfoss?
Hvað hét einræðisherra
Túrkmenistans sem féll frá í
vikunni?
Fjörutíu og átta ára
gamall karlmaður, Stephen Wright,
mætti fyrir dómara í Bretlandi í
gær, ákærður fyrir morðin á fimm
vændiskonum í Ipswich í Suffolk.
Var hann dæmdur í áframhaldandi
varðhald.
Wright, sem starfaði áður sem
atvinnubílstjóri, var handtekinn á
þriðjudag og færður í gæsluvarð-
hald, en var birt ákæra seint á
fimmtudag. Hann hefur ekki játað
sekt. Í dómssal í gær sat hann
íklæddur dökkbláum jakkafötum
og staðfesti nafn sitt, heimilisfang
og fæðingardag, en þagði annars.
37 ára gömlum manni sem hand-
tekinn var á mánudag hefur verið
sleppt úr haldi, en hann mun verða
kallaður aftur inn til frekari yfir-
heyrslna, kom fram í máli lögreglu-
stjórans Stewart Gull, sem stýrir
rannsókninni. Hins vegar kom ekki
fram hvort lögregla hefði hann enn
grunaðan um aðild að morðunum,
né hvenær yfirheyrslum yfir
honum yrði haldið áfram.
Lík kvennanna fundust á víða-
vangi í nágrenni Ipswich á tíu daga
tímabili í byrjun þessa mánaðar.
Öll líkin voru nakin, en eingöngu
hefur tekist að finna dánarorsök
tveggja hinna myrtu. Gemma
Adams, Tania Nicol, Anneli Aldert-
on, Paula Clennell og Annette
Nicholls, sem voru á aldrinum 19 til
29 ára, hurfu ein af annarri frá
lokum október fram í desember.
Wright býr í útjaðri rauða hverf-
isins í Ipswich, þar sem konurnar
fimm störfuðu allar.
Málið hefur vakið gríðarlega
athygli í Bretlandi og hafa allir fjöl-
miðlar fylgst grannt með störfum
lögreglunnar. Talsmenn lögreglu
hafa beðist undan athygli fjölmiðla,
því þeir óttast að öll umræðan geti
skaðað rannsóknina og væntanleg
málaferli.
Suffolk-lögreglan er ein sú
fámennasta í landinu og hafa hundr-
uð lögregluþjóna komið henni til
aðstoðar, en alls hafa um 600 lög-
regluþjónar sinnt rannsókninni.
Henni er langt frá því að vera
lokið og leita lögreglumenn enn
eftir vísbendingum bæði á og nærri
þeim stöðum þar sem konurnar
fundust, sem og á heimili Wright og
víðar.
Gríðarleg öryggisgæsla var
fyrir utan dómshúsið í gær þegar
Wright var fluttur þangað í lög-
reglubíl. Lögmaður hans, Paul
Osler, sagði skjólstæðing sinn vera
undir miklu álagi. „Ég minni alla á
það að hann er álitinn saklaus þar
til rétturinn finnur hann sekan,“
sagði Osler við fréttamenn fyrir
utan dómssal í gær.
Wright mætir aftur í dómssal 2.
janúar og kom fram í máli tals-
manna lögreglu að hann yrði spurð-
ur um óupplýst morð á öðrum
vændiskonum í héraðinu fjórtán ár
aftur í tímann.
Ákærður fyrir raðmorðin
og spurður út í eldri morð
Stephen Wright hefur verið ákærður vegna vændiskvennamorðanna í Bretlandi en öðrum manni var
sleppt úr haldi í gær. Lögreglan hyggst spyrja hinn ákærða út í óupplýst morð fjórtán ár aftur í tímann.
Karlmaður á fimmtugsaldri hefur verið
dæmdur í Héraðsdómi Reykjavíkur fyrir að svipta
eiginkonu sína frelsi og misþyrma henni. Hann var
dæmdur í fjögurra mánaða fangelsi, skilorðsbundið í
fimm ár.
Atburðurinn átti sér stað á Hótel Nordica í Reykja-
vík í september á síðasta ári. Manninum var gefið að
sök að hafa haldið eiginkonu sinni nauðugri á hótel-
herbergi þeirra í allt að fjórar klukkustundir, elt hana
er henni tókst að komast út úr herberginu og dregið
hana fáklædda eftir göngum hótelsins, á hárinu
meðal annars, aftur inn í herbergið. Jafnframt, að
hafa meðan á frelsissviptingunni stóð, veist að henni,
hrint henni, slegið hana í andlitið, klipið hana víðs-
vegar um líkamann, rifið í hár hennar og stungið
höfði hennar ofan í salernisskál. Afleiðingar voru
þær að konan hlaut mar og húðblæðingar á brjóstum
og hálsi, mar og rispur á baki, handleggjum, hnjám,
rasskinn, læri og í andliti, eymsli í hársverði og hár-
lausa bletti. Hún krafði manninn um tveggja milljóna
króna bætur.
Maðurinn játaði brot sitt fyrir dómi og sagði jafn-
framt að hjónin væru enn í sambúð og væru á leið til
útlanda eftir áramót. Þetta staðfestri réttargæslu-
maður konunnar. Bótakröfu hennar var hafnað.
Dýfði höfði eiginkonu sinnar
ofan í salernisskál á hóteli
Björgunarsveitarmenn frá
Sauðárkróki björguðu um 70
hrossum í gær, sem höfðu flætt í
Héraðsvötnum. Þau hímdu uppi á
hól sem stóð upp úr vatninu í fyrri-
nótt og voru orðin köld og hrakin
þegar þau náðust loks í land síð-
degis í gær.
Sigurbjörn Vopni Björnsson í
björgunarsveitinni Skagfirðinga-
sveit á Sauðárkróki sagði að í
fyrradag hefði tekist að bjarga 30
hrossa hóp, en síðan hefðu
aðstoðarbeiðnir streymt að. Sum
hrossanna hefðu staðið í vatni
upp í kvið og hvergi getað sig
hreyft. Hrossunum var komið í
hús þegar þau komu í land.
Voru orðin
blaut og hrakin
Maður og kona á
þrítugsaldri voru handtekin í
Hafnarfirði um á fimmtudags-
kvöld eftir að 200 grömm af hassi
og hundruð þúsunda í peningum
fundust við húsleit hjá þeim.
Lögreglan í Hafnarfirði telur
að hassið hafi verið ætlað til sölu.
Hún telur að peningarnir séu ágóði
af fíkniefnasölu.
Fólkið var fært til yfirheyrslu
en var sleppt að henni lokinni.
Tekin með hass
og mikið fé
Fíkniefnabrotum
fjölgaði á síðasta ári um 58 prósent
samanborið við meðalfjölda slíkra
brota síðustu fimm árin þar á
undan. Árið 2005 voru 1.396
einstaklingar kærðir fyrir
fíkniefnabrot, 1.189 karlar og 207
konur. Þetta kemur fram í
ársskýrslu embættis ríkislögreg-
flustjóra fyrir árið 2005.
Hvað upptæk fíkniefni varðar
náðu lögregla og tollgæsla mestu
magni af hassi eða tæplega 21 kílói.
Eftir því sem það magn sem tekið
hefur verið af hassi á undanförnum
árum hefur dregist saman hefur
orðið aukning á magni örvandi efna
sem hald hefur verið lagt á.
Veruleg fjölgun
fíkniefnabrota
Vaxtaberandi skuldir 365
hf. lækka í um 8,1 milljarð króna
eftir útgáfu nýs hlutafjár í Day-
break Holdco Ltd., dótturfyrir-
tæki 365. Skuldir félagsins námu
fyrir söluna rúmum 20 milljörðum
króna.
Daybreak Holding er móður-
félag breska prent- og samskipta-
fyrirtækisins Wyndeham Press
Group sem Dagsbrún keypti fyrr
á árinu. Eftir viðskiptin þá verður
Daybreak hlutdeildarfélag 365.
„365 hf. verður nú minnihluta-
eigandi í Daybreak sem er í sam-
ræmi við áður tilkynnta stefnu
félagsins og okkur líst vel á að
starfa með nýjum hluthöfum við
þetta verkefni,“ segir Ari Edwald,
forstjóri 365. Nákvæmt söluverð
hlutarins segir hann ekki gefið
upp að sinni.
Við skiptingu Dagsbrúnar hf. í
síðasta mánuði féll eignarhlutur
Dagsbrúnar í Daybreak í hlut 365.
„Í tengslum við framangreint
hefur verið gefið út nýtt hlutafé í
Daybreak sem nemur 64 prósent-
um af heildaratkvæðamagni
félagsins. Landsbanki Íslands hf.
tryggði sölu á hinu nýja hlutafé
sem að FL Group og Landsbanki
Íslands hf. skráðu sig fyrir,“ segir
í tilkynningu 365 til Kauphallar
sem send var eftir lokun markaða
í gær.
Dagsbrún gerði yfirtökutilboð í
Wyndeham Press Group í júlí, en
verðmæti yfirtökunnar var þá
metið á 80,6 milljónir punda eða
um tíu milljörða króna.
Skuldir lækka í 8,1 milljarð