Fréttablaðið - 23.12.2006, Qupperneq 45

Hátíð út af
fyrir sig
Það getur vafist fyrir fólki að finna
gjafir handa þeim sem allt eiga.
Sumir senda manni jólagjafalista
sem eru frekar auðveldir en aðrir
móðgast við tilhugsunina.
Ef markmiðið er að gefa gjöf
sem í senn kemur á óvart og slær í
gegn getur þetta verið stærra verk-
efni en viðráðanlegt er seinni-
partinn í desember.
Sérstaklega ef maður á stóra
fjölskyldu þar sem allir eiga allt.
Hvaða vit er í að gefa ömmu styttur
eina ferðina enn og mömmu svuntu
sem fer inn í skáp með hinum sjö
svuntunum. Pabbi á alltof mörg
bindi og litli bróðir notar hvort eð
er ekki vettlinga.
Það er kominn tími til að fara
glænýjar leiðir í skógi velmegunar-
innar og gefa það sem við höfum
minnst af. Upplifanir og samveru-
stundir. Mæðgur geta farið í SPA
saman, handsnyrtingu, andlitsbað
og annað dekur og borgað fyrir
hvor aðra og gefið það í jólagjöf.
Pabbar geta farið með stelpurnar
sínar í helgarferð við gott tækifæri
og skoðað menningu stórborga í
Evrópu, búið til minningu og gefið
það sem gjöf. Unga konan getur
keypt bók handa afa, uppáhalds
teið hans og farið í heimsókn og
lesið fyrir hann bókina.
Bókin og lesturinn er gjöfin í ár.
Gjöfin þarf samt alls ekki að vera
rándýr og getur þess vegna verið
falleg krús með heimatilbúnu kon-
fekti ásamt heimboði og spilakvöldi
sem er góð jólagjöf handa sætum
systrum. Pakkar eru ekki endilega
besta gjöfin í ár.
Jólin handa þeim sem eiga allt Skart smíðað af Hansínu
og Jens Guðjónssyni
Gullsmiðja Hansínu Jens
Laugavegi 42 • Sími 551 8448