Fréttablaðið - 23.12.2006, Síða 78

Þ
egar Fréttablaðið
reyndi að ná í skottið á
Ingva Hrafni var hann
á hraðferð um bæinn.
Hann þurfti að hitta
menn úti á Granda til
að skoða húsnæði þar sem ætlunin
er að hýsa hið nýja fjölmiðlafyrir-
tæki. Ingvi Hrafn er í essinu sínu
eins og fyrri daginn. Sláttur á
honum eins og kemur á daginn
þegar tekst að fá hann til að greina
nánar frá þessu nýja veldi á fjöl-
miðlamarkaði. ÍNN er alfarið í eigu
þeirra feðga en rekið í samstarfi
við Mentis og Breiðbands- og
ADSL-þjónustu Símans. Í þessu
viðtali skýtur Ingvi Hrafn í allar
áttir og hlífir engum.
„Við fetum okkur áfram hægt og
örugglega. Höfum verið að vinna í
þessu allt frá því Fréttablaðið
greindi frá þessum áformum
mínum í haust. Nú erum við, sem
sagt, að festa okkur húsnæði.
Tækniráðgjafar og tæknimenn eru
byrjaðir að hanna stúdíóið. Ef allt
fer samkvæmt áætlun gerist þetta
uppúr bóndadegi. Getur vel verið
að það verði ekki allt tilbúið akkúr-
at þá en þá bara það. Ég get sagt frá
því, svona í „jólaforbífarten“ að
hvar sem ég er og fer eru allir að
spyrja hvort Hrafnaþing sé ekki á
leiðinni í loftið á ný. Ég lofa ykkur
því að þið farið ekki í kosningar 140
daga inn í nýtt ár öðruvísi en mál-
efnin verði brotin til mergjar á la
Hrafninn þar sem ábyrgðarleysi
vinstri villunnar verður afhjúpað
sem aldrei fyrr í umleitan til að
forðast tsunami 12. maí.“
Ingvi Hrafn talar um ÍNN sem
ákaflega skemmtilegt verkefni.
Nauðsynlegt að hans sögn eftir að
„þessum blessuðum mönnum,
kollegum mínum, tókst að eyði-
leggja Talstöðina og svo eyðileggja
þeir NFS. Á alveg ótrúlega skömm-
um tíma. Hlýtur að jaðra við met.
Skammsýnin, og mér liggur við að
segja heimskan, hún reið ekki við
einteyming,“ segir Ingvi Hrafn
sem var einmitt á þeim báðum miðl-
um með sinn skelegga þátt –
Hrafnaþing.
Og Ingvi Hrafn er kominn í gang.
Reyndar þarf ekki að hvetja gæð-
inginn úr sporunum, frekar að
menn reyni að halda í beislið þegar
hann fer á stökk. Ingva er mikið
niðri fyrir þegar hann tjáir sig um
þau myrku ský sem greina má við
sjóndeildarhringinn. Nefnilega
nýtt frumvarp um Ríkisútvarpið
þar sem hann var einmitt frétta-
stjóri á sínum tíma:
„Við erum búnir að tryggja
okkur fjármagn til að halda stöð-
inni í loftinu í það minnsta sex
mánuði. En hversu umfangsmikil
dagskráin á ÍNN verður ræðst af
því hvernig Sjálfstæðisflokkurinn
afgreiðir Sikileyjarfrumvarpið um
RÚV. Sem mun gera Pál Magnús-
son að sannkölluðum Corleone.
Frumvarpið er glæpsamlegt í
mínum bókum. Menntamála-
ráðherra hæstvirtur sér ekki upp
fyrir koppinn sinn. Menn eru alltaf
að hugsa um Jón Ásgeir, Baug, 365,
en málið er að þetta frumvarp mun
skerða stórkostlega alla þróunar-
möguleika í þessum miðli. Þessu
gleyma menn. Gömlu sjónvarps-
stöðvarnar, fréttastofurnar, tapa
áhorfi í hverri viku. Vegna þess að
fólk sækir fréttir sínar einfaldlega
á Netið daginn út og inn. Að Páli sé
gert kleift að ota ríkisapparatinu
óhindrað inn á auglýsingamarkað
er eins og að senda fíl í postulíns-
búð.“
Aðspurður um hvaða fjársterku
aðilar standi á bak við stöðina
svarar Ingvi:
„Ingvi Hrafn Jónsson til að
byrja með. Fullt af mönnum sem
segja: Megum við vera memm. Við
sjáum við til hvað gerist. Málið er
að kostnaður við tæknina í dag er
orðinn svo lítill. Þetta kostar ekki
skrilljónir eins og það gerði. Fá má
fína stúdíókameru, Sony, á 200 þús-
und kall sem tekur þessa fínu
digital-mynd. Dýrustu græjurnar
eru mixerinn sem kostar eina og
hálfa milljón.“
Ekki er búið að negla neitt niður
enn hvað dagskrárgerðarmenn
varðar. En ráðgert er að hafa
útsendingu frá eitt til sex og svo
endurflutning.
„Maður forðar sér úr loftinu
þegar stóru strákarnir koma. En
þetta verður rennandi dagskrá,
þættir um viðskipti og stjórnmál
með stöðugu fréttaívafi. Þátta-
útsending verður rofin til að greina
frá því nýjasta. ÍNN stendur fyrir
Íslands nýjasta nýtt. Og þarf engan
snilling til að sjá að þar er verið að
vísa til CNN.“
Ingvi Hrafn er yfirlýstur
sjálfstæðismaður, en segir að í
dagskrárgerðinni verði einnig
menn úr öðrum flokkum.
„Ef ég finn einhvern kjaftforan
og vel máli farinn Samfylkingar-
mann þá leggst ég við fætur hans og
reyni að fá hann. Þeir eru bara svo
fáir sem skiljast. Og verða strax illa
liðnir eins og þingflokkur Samfylk-
ingar. Við sjálfstæðismenn erum
svo miklu betur máli farnir og með
miklu betri málafylgju.“
Ingvi Hrafn er einhver reyndasti
fjölmiðlamaður landsins. Var lengi
á Mogganum, svo fréttastjóri bæði
á Ríkissjónvarpinu og á Stöð 2.
Umdeildur en óneitanlega hressi-
legur. Aðspurður um hvernig
fjölmiðlalandslagið horfi við honum
eins og það er núna stynur Ingvi
Hrafn þungan – fallast nánast
hendur.
„Ohhhh, fjölmiðlaumhverfið
núna ... Það er á þeim punkti að ég
þarf ekki að setjast niður klukkan
hálf sjö til að horfa á kvöldfréttir.
Þar kemur ekkert fram sem ekki
hefur gengið allan sólarhringinn
áður á vefnum. Það er bara
þannig. En spurðu mig að þessu
þegar komið hefur í ljós hvort
þingið afgreiði þetta RÚV-frum-
varp. Ég er alveg eins á því að
sjálfstæðismenn heykist á því og
vilji ekki ganga til kosninga með
það á samviskunni að svo glæp-
samlegt frumvarp verði að lögum
svo skömmu fyrir kosningar. En
sjónvarp í dag? Puffff, það er
ekkert öðruvísi en var þegar ég
tók við stjórn fréttastofu Ríkis-
sjónvarpsins haustið 1985 og bylti
því. Ekkert hefur breyst. Enn er
verið að lesa sömu fréttirnar.
Páll, Edda, Sigmundur, eru að lesa
sömu fréttirnar. Stundum standa
þau upp í staðinn fyrir að sitja.
That’s it. Það er bara nákvæm-
lega svona.“
Hrafninn lætur sverfa til stáls
með nýrri sjónvarpsstöð
En hversu umfangsmikil dagskráin á ÍNN verður ræðst af því hvernig Sjálfstæðis-
flokkurinn afgreiðir Sikileyjarfrumvarpið um RÚV. Sem mun gera Pál Magnússon
að sannkölluðum Corleone. Frumvarpið er glæpsamlegt í mínum bókum.
„Þeir eru fleiri asnar í fjölmiðlum en þeir sem ætla að sturta milljónatugum niður í prentmiðlaklósettið enn einn ganginn, með
gamla bátsmenn í brúnni sem eira illa í plássi,“ segir meistari ljósvakans, sjálfur Ingvi Hrafn Jónsson, í samtali við Jakob Bjarnar
Grétarsson. Ingvi Hrafn hefur, ásamt syni sínum Ingva Erni, stofnað fyrirtækið ÍNN sem ætlar að hefja sjónvarps- og vefútsend-
ingar. Hrafninn ætlar í loftið upp úr bóndadegi, eða 19. janúar, og þá geta nú ýmsir farið að biðja bænirnar sínar.