Fréttablaðið - 07.03.2007, Blaðsíða 2

Foreldrar barna, þar
sem annað foreldrið hefur ekki
afskipti af barninu frá fæðingu,
geta að hámarki þegið fæðingar-
styrk í sex mánuði. Þetta þýðir að
börn, sem búa við fyrrnefndar
aðstæður, geta í flestum tilfellum
ekki verið alfarið hjá foreldri í níu
mánuði eins og gert er ráð fyrir í
lögum.
„Mér finnst þetta óréttlátt, svo
ekki sé meira sagt. Þarna er augljós
gloppa í kerfinu sem þarf að huga
betur að því börnin eiga ekki að
þurfa að líða fyrir aðstöðumun með
þessum hætti,“ segir Edda Hrund
Guðmundsdóttir sem elur dreng
sinn, Nicolas Örn Skagfield, upp
ein. „Ég fæ ekki fæðingarstyrk í níu
mánuði þó að faðir drengsins míns
komi ekkert að uppeldinu. Að
hámarki get ég fengið sex mánaða
styrk og í því felst óréttlætið, og
það bitnar mest á barninu.“
Magnús Stefánsson félagsmála-
ráðherra segir þessi málefni hafa
verið skoðunar í ráðuneytinu. „Við
vitum af þessari stöðu. Í þessu
málum er um þrískipt kerfi að
ræða. Móðir fær styrk í þrjá mán-
uði, faðir í þrjá mánuði og svo eru
þrír mánuðir þar sem hægt er að
skipta á milli. Í lögunum er réttur
feðra sjálfstæður og því ekki deil-
anlegur,“ segir Magnús og nefnir að
lagabreytinga gæti verið þörf. „Það
er alveg rétt að börnin þurfa að líða
fyrir þessa stöðu og það er okkar að
skoða þessi mál betur, og það verð-
ur gert.“
Leó Örn Þorleifsson, forstöðu-
maður fæðingarorlofssjóðs, segir
þetta undantekningatilvik. „Það eru
um 90 prósent feðra sem nýta sér
rétt sinn og taka feðraorlof þannig
að þetta eru ekki mörg tilvik. Það
liggur fyrir að réttur móður og
föður er ekki deilanlegur enda er
markmið laganna að börnin njóti
samvista við föður og móður. Und-
antekningatilvik þarf að meðhöndla
með viðeigandi hætti.“
Algengast er að móðir nýti sex
mánuði af orlofinu en feður þrjá.
Samkvæmt upplýsingum frá fæð-
ingarorlofssjóði færist það í vöxt að
foreldrar skipti jafnt á milli sín
þremur mánuðum sem eru til skipt-
anna, lögum samkvæmt.
Börnin líða fyrir
gloppur í kerfinu
Móðir drengs segir börn líða fyrir að einstæðir foreldrar geti ekki verið hjá
börnum sínum í níu mánuði á styrk. Óréttlátt gagnvart börnum og það kemur
vel til greina að ráða bót á þessu, segir Magnús Stefánsson félagsmálaráðherra.
Júlíus, heldur þú upp á daginn
í Svíþjóð?
Opið: Alla virka daga kl. 9:00-18:00 og laugardaga kl. 12:00-16:00. Sími: 525 8020.
NOTAÐIR BÍLAR
BÍLL DAGSINS
OPEL VECTRA COMFORT
Nýskr. 11.03 - Beinskiptur - Ekinn 51 þús. km. - Allt að 100% lán.
Verð
1.350
.000.
-
„Þarna er augljós gloppa
í kerfinu sem þarf að
huga betur að því börnin eiga
ekki að þurfa að líða fyrir aðstöð-
umun,“
Væntanleg er bók um
fyrirtækið Baug Group, og eru
tveir breskir blaðamenn staddir
hér á landi til að viða að sér efni
um Baugsmálið.
Blaðamaðurinn Ian Griffiths,
sem starfar hjá breska dagblað-
inu Guardian hluta úr ári, leit við
í Héraðsdómi Reykjavíkur í gær
til að sjá hvernig málarekstur
fyrir dómi gengi, ásamt sjálfstætt
starfandi kollega sínum.
Griffiths sagði að umsvif
Baugs Group í Bretlandi væru
orðin slík að það væri full ástæða
til að skrifa bók um félagið. Ekki
væri hægt að skrifa þá bók nema
kynna sér Baugsmálið ítarlega,
en hann hafi reyndar fylgst með
þróun málsins frá upphafi.
Breskir blaða-
menn í efnisleit
Umsókn Kópavogs-
bæjar um framkvæmdaleyfi
vegna vatnslagnar í Heiðmörk
verður tekin til
afgreiðslu í
skipulagsráði
Reykjavíkur í
dag.
„Nú liggja
fyrir allar
umsagnir sem
óskað var eftir
vegna umsókn-
arinnar og í
framhaldi af
því verður framkvæmdaleyfið
lagt fram til afgreiðslu, með þeim
skilyrðum sem koma fram í
umsögnum umhverfisráðs og
Orkuveitu Reykjavíkur,“ segir
Hanna Birna Kristjánsdóttir,
formaður skipulagsráðs.
Hún segir þetta gert til að
lágmarka þann skaða sem hafi
orðið á svæðinu. Hún muni mæla
með því að umsóknin verði
samþykkt.
Framkvæmda-
leyfi veitt
Bæjarstjórn Seltjarn-
arness hefur samþykkt að lækka
leikskólagjöld. Grunngjald
verður lækkað um tíu prósent,
systkinaafsláttur tvöfaldast og
framlög til einkarekinna leikskóla
hækka um 30 til 60 prósent.
Breytingarnar taka gildi frá og
með 1. apríl næstkomandi.
Í fréttatilkynningu segir að
eftir breytingu verði gjald fyrir
vistun með fullu fæði 26.244
krónur án afsláttar. Systkinaaf-
sláttur fer úr 25 prósentum í 50
prósent fyrir annað barn og úr 50
prósentum í hundrað prósent
fyrir þriðja barn. Breytingunni er
ætlað að bæta afkomu barnafjöl-
skyldna á Seltjarnarnesi.
Leikskólagjöld
lækka á Nesinu
Hermenn á vegum NATO hófu á
mánudaginn stórsókn á hendur herskáum talibönum
í Helmand-héraði, sem er sunnan til í Afganistan.
Aðgerðirnar eru þær viðamestu sem NATO hefur
stjórnað í landinu frá upphafi.
Alls munu 4.500 erlendir NATO-hermenn og
þúsund íraskir hermenn taka þátt í aðgerðunum,
sem miða að því að „bæta öryggisástandið á svæðum
þar sem tali-banskir öfgamenn, eiturlyfjasalar og
erlendir hryðjuverkamenn eru nú virkir“, að því er
Tom Collins ofursti, talsmaður herliðs NATO í
Afganistan, sagði í gær.
„Strax og öryggisástandið batnar hefjum við
uppbyggingarstarf til skemmri og lengri tíma,“
bætti hann við.
Bandaríkjaher sendi helmingi stærra lið á
vettvang til Helmand-héraðs í fyrra til þess að
berjast gegn herskáum uppreisnarmönnum. Collins
segir ástandið nú allt annað en þá og NATO eigi
auðveldara með að ná fótfestu í héraðinu heldur en
Bandaríkjamenn í fyrra.
Strax í gær lést þó einn hermaður á vegum NATO
í Helmand-héraði, þótt ekki hafi verið upplýst hvort
hann hafi tekið þátt í þessum aðgerðum.
Stærsta sóknin frá upphafi
Ríkisstjórnin hefur
samþykkt fyrir sitt leyti laga-
frumvarp sem ætlað er að hvetja
til aukinnar
notkunar á
vistvænum
bifreiðum. Er ráð
fyrir því gert að
vörugjöld verði
felld tímabundið
niður af metan- og
rafmagnsbifreið-
um, auk þess sem
mælst verður til
þess að ríkisstofnanir kaupi
vistvænar bifreiðar þegar þær
endurnýja bifreiðar sínar.
Markmiðið með breytingunni
er að í lok árs 2008 verði tíu
prósent af bifreiðum í eigu
ríkisins knúnir vistvænum
orkugjöfum, 20 prósent í lok árs
2010 og 35 prósent í lok árs 2012.
Ríkisstjórnin segir ljóst að
aðgerðir sem þessar séu til þess
fallnar að draga úr losun gróður-
húsalofttegunda, það er mengun.
Vilja vistvæna
ríkisbifreiðar
Steinunn Valdís
Óskarsdóttir, borgarfulltrúi
Samfylkingar, segir vinnubrögð
borgarstjórnar við sölu fjögurra
fasteigna borgarinnar ekki
standast skoðun. Milljarðasamn-
ingur við Eykt hafi verið gerður
án útboðs eða auglýsingar.
Í Fréttablaðinu í gær var sagt
frá að borgin stefni að því að
selja fasteignir í eigu borgarinn-
ar fyrir 1,2 milljarða króna til
Eyktar. „Borgarráð var ekki
upplýst um þessa þróun mála og
þegar ég spurði fékk ég loðin
svör. Það er mörgum spurningum
ósvarað í þessu máli.“
Gagnrýnir sölu
fasteigna borgar
Menntaskólinn í
Reykjavík hefur fengið leyfi
menntamálaráðuneytis til að inn-
rita nemendur sem lokið hafa
níunda bekk á komandi skólaári í
tilraunaskyni. „Við höfum haft
áhuga á að bjóða upp á þennan val-
kost í þeim tilgangi að bjóða upp á
sveigjanlegri námsleiðir og koma
þannig til móts við nemendur sem
hefðu hug á að stytta námstíma
sinn til stúdentsprófs,“ segir
Yngvi Pétursson, rektor Mennta-
skólans í Reykjavík.
Yngvi segir ætlunina að innrita
einn til tvo bekki á næsta skólaári
á mála- og náttúrufræðibraut.
Nemendur verði þeir sem taldir
eru hafa getu til að fást við verk-
efni sem ætluð eru 10. bekk jafn-
framt námsefni sem ætlað er nem-
endum á fyrsta ári í
menntaskólanum.
Umsjónarkennurum tilrauna-
bekkjanna sé ætlað umfangsmeira
starf en gerist í við hefðbundna
kennslu, að sögn Yngva og sam-
starf verði haft við forráðamenn
fyrstu tvö árin.
Fjöldi nemenda verður tak-
markaður og verða þeir nemendur
sem hann telur hæfasta valdir úr
hópi umsækjenda. Meðal skilyrða
sem nemendur verða að uppfylla
eru að hafa hlotið yfir 8 í einkunn
í níunda bekk grunnskóla, þreytt
samræmt grunnskólapróf í
íslensku auk þess sem mat grunn-
skólans á námslegum og félags-
legum þroska nemandans verður
að fylgja.
Níundu bekkingar í MR