Fréttablaðið - 07.03.2007, Síða 20

Bónstöðin Bón og þvottur hjá
Jobba, Skeifunni 17, á tuttugu
og fimm ára afmæli.
Jósef Kristjánsson hóf rekstur á
bónstöðinni Bón og þvottur hjá
Jobba árið 1987. Fyrirtækið fagn-
ar því tuttugu og fimm ára afmæli
í ár og er þar með elsta bónstöð
landsins.
„Ég stofnaði bónstöðina fimm
árum eftir að ég hóf störf hjá fyr-
irtækinu Sveini Egilssyni hf., við
bón og standsetningu á bílum,“
segir Jósef og bætir við að þar
hafi hann öðlast talsverða þekk-
ingu á bílavörum og lakktegund-
um.
„Þegar ég stofnaði Bón og þvott
hjá Jobba var að ég held bara ein
bónstöð fyrir, niðri við Skúlagötu.
Landsmenn tóku því stöðinni fagn-
andi hendi og sumir kúnnanna
hafa verið í viðskiptum hjá okkur
um árabil.“
Jósef segir bransann hafa tekið
miklum breytingum frá stofnun
fyrirtækisins. „Bóntegundum
hefur fjölgað og lakkið breyst.
Hér hafa rúllað í gegn allar bíla-
tegundir, tól og tæki, svo sem
skemmtibátar, snjósleðar, mótor-
hjól, kappakstursbílar og go kart
bílar. Flugvélar eru það eina sem
við höfum ekki bónað,“ segir hann
og hlær.
Að sögn Jósefs er meðallíftími
bónstöðva á bilinu tvö til þrjú ár.
Hvert skyldi því leyndarmálið
vera á bak við langlífi Bóns og
þvottar hjá Jobba? „Hér áður fyrr
fór fjöldi manna út í rekstur bón-
stöðva í þeirri von að það yrðu
mikil uppgrip líkt og með síldina í
sjónum,“ svarar Jósef. „Flestir
gáfust upp og seldu eftir nokkra
mánuði. Eigendaskipti eru enn tíð.
Menn skortir þolinmæðina sem
þarf til að endast í þessum
bransa.“
Jósef segir vönduð vinnubrögð
líka spila inn í velgengni bónstöðv-
arinnar. „Maður hefur lært tölu-
vert á bíla í gegnum árin og skilar
þeim ekki af sér nema í topp-
ástandi. Ætli þetta tvennt ráði því
ekki að fyrirtækið hefur enst
svona lengi.“
Spurður um hvernig aldarfjórð-
ungsafmælinu verði fagnað, vill
Jósef sem minnst gefa upp. „Sem
stendur er ekkert skipulagt. Ætli
það verði bara ekki að koma í
ljós,“ svarar hann af hógværð og
biðst undan því að ræða lengur við
blaðamann, sem hefur haldið
honum alltof lengi frá viðskipta-
vinunum. roald@frettabladid.is
Hef bónað allt nema flugvél
Önnur umferðin í WPSA-móta-
röðinni í snjókrossi.
Segja má að keppnisliðin frá Pol-
aris, SkiDoo og Lynx hafi deilt sig-
urlaununum bróðurlega á milli sín
þegar önnur umferð í WPSA móta-
röðinni í snjókrossi fór fram á
Vaðlaheiði síðasta laugardag.
Einkenni var á keppninni á
Vaðlaheiðinni að gott start hafði
allt að segja um endaröðunina því
framúrakstur var erfiður í braut-
inni. Meistaraflokkurinn var mikil
skemmtun á að horfa. Reynir Stef-
ánsson á SkiDoo hafði vinninginn í
flestum ræsingum og sigraði í
tveimur af þremur hítum, sem og
úrslitahíti dagsins en Ásgeir Frí-
mannsson á Artic Cat sigraði í
fyrsta hítinu.
Í sportflokknum var ekki slegið
af frekar en fyrri daginn. Þar bit-
ust þeir um sigurinn í undanúr-
slitahítunum, Sæþór Sigursteins-
son á Arctic Cat og Kári Jónsson á
Lynx og vann Sæþór tvo af hítun-
um en Kári eitt. Í úrslitahítinu
kvittaði Kári fyrir daginn með
fínum akstri og öruggum sigri og
hirti þar með sigurlaun dagsins.
Í unglingaflokknum öttu liðsfé-
lagarnir í Polarisliðinu kappi, þeir
Baldvin Gunnarsson og Bjarki
Sigurðsson, en Bjarki sigraði tvö
af þremur undanhítunum. Í
úrslitahítinu virtist hann ætla enn
og aftur að tryggja sér sigur með
góðu starti en eftir tvo hringi tókst
Baldvini loks að komast fram úr
og eftirleikurinn var auðveldur.
Baldvin situr á toppnum í stiga-
keppni unglinganna.
Of snemmt er að segja til um
hverjir standa uppi sem sigurveg-
arar í lokin en fram undan eru
þrjár keppnir til viðbótar. Sú
næsta verður á hinu árlega móti
vélsleðamanna í Mývatnssveit 10.
mars.
Sigurlaununum deilt
Smurþjónusta
fyrir allar gerðir bíla
Eigum olíusíur í flestar gerðir bíla
Komdu með bílinn til okkar!
Frábær verð og góð þjónusta!
Alltaf heitt á könnunni!
Smiðjuvegi 34 - gul gata Kópavogi • Sími 544 5151 • biljofur@biljofur.is
SÉRHÆFÐ ÞJÓNUSTA FYRIR
BIFREIÐAVERKSTÆÐI
Daewoo lyftarar
Partur-Spyrnan-Lyftarar • Eldshöfða 10 • 110 Reykjavík • Sími: 585-2500 • Fax: 567-9557
Gæði á góðu verði
FYRSTUR
MEÐ
FRÉTTIRNAR