Fréttablaðið - 05.06.2007, Page 22

Í utandeildinni fá margir útrás
fyrir knattspyrnuáhugann án
þess að það éti upp allan frí-
tímann. Deildin er öllum opin.
Utandeildin í knattspyrnu er
hafin. Þar etja um 600 knatt-
spyrnuáhugamenn í 33 liðum
kappi í þremur riðlum og bítast
um deildartitil og bikartitil.
Deildin er ætluð þeim fjöl-
mörgu aðdáendum knattspyrnu
sem vilja spila á stórum velli í
ellefu manna liði en hafa ekki
áhuga, tíma eða getu til að spila
með liðum sem taka þátt í Ís-
landsmótinu. Hver sem er getur
skráð lið til leiks í utandeild-
inni þótt of seint sé að taka þátt
í sumar.
Reglurnar eru hefðbundnar
nema hvað spilað er í tvisvar
40 mínútur, engar hömlur eru á
fjölda leikmanna á varamanna-
bekk og ótakmarkaðar skipting-
ar mega eiga sér stað. Einn dóm-
ari dæmir leiki og því ekki væn-
legt að spila rangstöðutaktík
fyrr en í úrslitakeppninni, en þá
bætast línuverðir í hópinn.
Deildin er opin bæði konum og
körlum og þótt karlar séu í yfir-
gnæfandi meirihluta eru nokkur
lið með konur innanborðs. Enn
hefur ekkert lið skipað fleiri
konum en körlum tekið þátt en
einu sinni verður allt fyrst.
Liðin leggja mismikið upp úr
þjálfun leikmanna en flestir taka
þátt gamansins vegna.
Deildin er getuskipt og þó að
getan nái ekki nema hálfa leið
upp í áhugann eiga allir raun-
hæfan möguleika á að ná í ein-
hver stig, eða í versta falli skora
nokkur mörk.
Karlar og konur
keppa saman
Nú hafa tekið gildi hertar
reglur um rannsóknir á fram-
leiddum efnum. Rannsóknirnar
kosta 600 milljarða.
Evrópusambandið hefur sam-
þykkt hertar reglur er varða rann-
sóknir á framleiddum efnum sem
seld eru innan bandalagsins. Þessi
efni eru allt frá lakki til snefilefna
í hárnæringu.
Þetta gerir það að verkum að
prófa þarf gríðarlegan fjölda efna.
Reglurnar hafa einnig þá breyt-
ingu í för með sér að það kemur
í hlut framleiðenda að sanna að
efnin séu skaðlaus en hingað til
hefur það verið yfirvalda að sanna
skaðsemi þeirra.
Kostnaður rannsóknanna er tal-
inn um 600 milljarðar en á þeim ell-
efu árum sem framleiðendur hafa
til að aðlagast nýju reglunum áætlar
ESB að 5.800 milljarðar sparist í
heilbrigðiskerfi aðildarlanda sinna
vegna breytinganna.
Hertar reglur
innan ESB
Prófessor Jane Plant mun halda fyrirlestur í Háskólabíói í sal
1 fimmtudaginn 7. júní kl. 12 sem fjallar um áhrif mataræðis
á krabbamein í blöðruhálskirtli og brjóstakrabbamein. Einnig
mun prófessor Kristín Vala Ragnarsdóttir halda fyrirlestur þar
sem m.a. verða gefnar upplýsingar um mataruppskriftir og
Laufey Tryggvadóttir faraldsfræðingur fjallar um tölfræði
krabbameinanna og áform um nýjar rannsóknir.
Aðgangur er ókeypis og allir eru velkomnir meðan húsrúm
leyfir.
Áhrif mataræðis
á krabbamein
í blöðruhálskirtli
og brjóstum
Krabbameinsfélagið
Framför
Fyrirlestur Jane Plant 7. júní kl. 12 í Háskólabíói
YOGASTÖÐIN HEILSUBÓT
Síðumúla 15, s. 5885711 og 6946103
YOGA YOGA YOGA
Líkamsæfingar, öndunaræfingar
slökun og hugleiðsla
Sértímar fyrir barnshafandi
og kraftyoga
Allir yoga unnendur velkomnir
www.yogaheilsa.is • yogaheilsa@yogaheilsa.is