Fréttablaðið - 26.10.2007, Blaðsíða 2

Katrín, buðuð þið í nokkra
lokka fyrir formanninn?
Tveir aðilar eru hæst-
bjóðendur í byggingarrétt á öllum
þeim 22 lóðum sem í boði voru
sunnan Sléttuvegar í Fossvogi.
Lóðirnar eru fyrir samtals 57
eignir. Í þær bárust 1.609 tilboð
frá 167 bjóðendum.
Þeir sem eiga hæsta tilboð í
fleiri en eina lóð gætu keypt þær
allar en eru aðeins bundnir af
einu tilboði. Frá framkvæmda-
sviði Reykjavíkur fengust þau
svör að ekki væri hægt að gefa
upplýsingar um hversu margar
lóðanna bjóðendurnir hyggjast
kaupa. Sigrún Benediktsdóttir og
eiginmaður hennar, Ingólfur Frið-
jónsson, voru hæstbjóðendur í 23
íbúðir en feðgarnir Kristján P.
Guðnason og Guðni D. Kristjáns-
son eru svo hæstbjóðendur í þær
34 sem eftir eru. „Þetta er alfarið
okkar einkamál,“ svaraði Sigrún
spurð hvort ætlun þeirra væri að
taka öllum íbúðunum. Guðni vildi
heldur ekki svara fyrir um hvort
ætlunin væri að kaupa allar íbúð-
irnar.
Ákvörðun um það hvernig
standa ætti að úthlutun íbúðanna
var tekin fyrir stjórnarskipti í
borginni. Eitt af loforðum sjálf-
stæðismanna fyrir síðustu borgar-
stjórnarkosningar var þó að ekki
ætti að láta lóðir til hæstbjóðanda
og að áhersla yrði lögð á að hver
umsækjandi fengi aðeins eina lóð
úthlutaða á föstu verði. Þar sem
slíkt kæmi í veg fyrir hagnaðar-
vonir lóðabraskara. „Það er alveg
rétt, lóðauppboð getur boðið upp
á lóðabrask, hins vegar er þetta
skásta leiðin sem hægt er að fara
þegar um er að ræða jafn gróin
hverfi og á Sléttuvegi þar sem
afar takmarkað framboð er af
byggingarsvæði,“ segir Hanna
Birna Kristjánsdóttir, borgarfull-
trúi sjálfstæðismanna og fyrr-
verandi formaður Skipulagsráðs
Reykjavíkur. „Það er eðlilegt að
fast verð sé á lóðum í nýjum
hverfum og þannig viljum við
sjálfstæðismenn hafa það og
þannig hefur það verið í okkar
stjónartíð svo tryggt sé að að allir
borgarbúar eigi kost á lóð. Sú leið
sem var notuð á Sléttuvegi á alls
ekki að vera meginregla en
þannig var það nú samt í stjórnar-
tíð R-listans. Ég hef áhyggjur af
því að núverandi meirihluti muni
aftur gera lóðauppboð að almennri
reglu,“ segir Hanna.
„Við höfðum auðvitað á árum
áður boðið út lóðir og höfum ekki
gefið nein fyrirheit um annað,“
segir Dagur B. Eggertsson borgar-
stjóri. „Við gengum úr skugga um
að aðeins einn íbúi fengi lóð í
Úlfarsfelli á sínum tíma en í þessu
tilviki var þetta boðið hæstbjóð-
endum. Við munum fara yfir
reynsluna á þessu máli og móta
stefnu nýs meirihluta út frá henni,“
segir Dagur.
Tveir bjóðendur geta
fengið allar lóðirnar
Tveir aðilar gætu fengið allar þær lóðir sem í boði voru í Fossvogi eftir lóða-
uppboð. Hanna Birna Kristjánsdóttir segir uppboð bjóða upp á lóðabrask. Hún
segist óttast að slík uppboð verði aftur meginregla hjá nýjum meirihluta.
Hæsta boðið í ráðherrabíl
Björns Bjarnasonar, dóms- og
kirkjumálaráðherra, í útboði
Ríkiskaupa var 2,8 milljónir
króna. Bíllinn var í útboði ásamt
nokkrum fjölda annarra bíla í eigu
ríkisins.
Bíll dómsmálaráðherra er af
gerðinni Mercedes Benz, árgerð
2004, og er ekinn tæplega 74
þúsund kílómetra. Tilboðið í bílinn
var það langhæsta í útboðinu.
Lægst var boðið í Renault-
fólksbíl úr eigu Ríkisútvarpsins,
35 þúsund krónur. Sá bíll er
þrettán ára og ekinn 105 þúsund
kílómetra. Og 69 þúsund krónur
voru boðnar í sjö ára Opel-bíl frá
Ríkislögreglustjóra.
Ráðherrabíll á
2,8 milljónir
Á bænum Holtseli í
Eyjafirði er framleiddur sælkeraís
sem nefnist Holtselshnoss.
Fjölskyldan á bænum tekur öll þátt
í framleiðslunni á ísnum, sem
meðal annars er seldur í verslun-
um Nóatúns, og annar ekki
eftirspurn.
Ísgerðin hefur að sögn Guð-
mundar Jóns Guðmundssonar
bónda skapað tvö ný störf. Holtsel
er eina mjólkurbúið á Íslandi sem
framleiðir ís af þessu tagi en á
bænum eru sextíu kýr og slatti af
hænum eins og Guðmundur orðar
það sjálfur.
Skapar tvö störf
Um sextíu kindur drápust er flutningabíll
valt við bæinn Arnarstaði á Snæfellsnesi í gær.
Tvo menn sem í bílnum voru sakaði ekki.
Kindunum hafði verið safnað saman á bæjum í
Helgafellssveit og átti að flytja þær til slátrunar.
Um 230 kindur voru í bílnum og var þeim sem ekki
drápust í veltunni komið fyrir í nálægum útihúsum
eftir óhappið.
Hvasst var og vont skyggni þegar blautur kantur
gaf sig undan stórum flutningabílnum á þröngum
stað á veginum. Kindurnar sem drápust eru taldar
hafa kafnað. Lögreglumenn og björgunarsveitar-
menn komu til aðstoðar.
Drápust á leið til slátrunar
Þorgeir Pálsson,
forstjóri ríkisfyrirtækisins
Flugstoða ohf, fær 900 þúsund
krónur í mánaðarlaun samkvæmt
upplýsingum frá fyrirtækinu.
Þorgeir, sem var flugmálastjóri
áður en þeirri stofnun var skipt
upp og Flugstoðir ohf. settar á
laggirnar, fékk 820 þúsund
krónur í mánaðarlaun fyrir
breytinguna um síðustu áramót.
Til samanburðar má nefna að
Páll Magnússon útvarpsstjóri
hækkaði í launum úr um 800
þúsund krónum í 1.500 þúsund við
það að Ríkisútvarpinu var breytt í
opinbert hlutafélag í byrjun apríl.
Fær 900
þúsund hjá
Flugstoðum
Gengi hlutabréfa
Decode, móðurfélags Íslenskrar
erfðagreiningar, fór um tíma í gær
niður í það lægsta sem það hefur
verið á Nasdaq-markaðnum í New
York í meira en fjögur ár þegar
hluturinn seldist á 3,15 dollara. Það
hefur ekki farið svo lágt síðan í
byrjun september 2003 þegar
gengið var 3,10. Niðursveiflan var
þó tímabundin og endaði gengið í
3,45 dölum á hlut í lok dagsins, sem
er ríflega tveggja prósenta
hækkun frá því í fyrradag.
Náði fjögurra
ára botngengi
Vinnuvél valt á hliðina ofan í
grunn við norðanverða Smáralind
skömmu eftir hádegi í gær. Einn
var í vélinni þegar hún valt og
slapp hann með rispur.
Lögregla, sjúkra- og slökkvilið
var kallað á staðinn. Óttast var að
verr hefði farið og mögulega þyrfti
að klippa manninn úr vélinni en
það reyndist ekki nauðsynlegt.
Vélin laskaðist og tafðist vinna
nokkuð á meðan unnið var á
vettvangi, meðal annars við að
reisa vélina við að nýju.
Gröfustjórinn
slapp rispaður
Ákall til flutn-
ingabílstjóra hefur verið birt á
fréttavefnum Tíðis í Vestur-
byggð. Það er Anna Guðmunds-
dóttir á Patreksfirði sem biðlar til
bílstjóranna að sýna ökumönnum
minni bíla tillitssemi þegar komið
er úr Breiðaferjunni Baldri.
„Þannig er að þegar stórir
flutningabílar aka upp úr ferjunni
eru þeir oftar en ekki fyrstir eða
með þeim fyrstu að aka út úr
skipinu. Fljótlega eftir að komið
er suður fyrir Stykkishólm byrja
tilraunir annarra bíla til að
komast fram úr,“ segir Anna.
„Fínt væri ef bílstjórar flutninga-
bílanna hinkruðu í örstutta stund
og hleyptu minni bílunum á
undan.“
Hleypi fram úr
„Ég lagði til að utanað-
komandi fjárfestar kæmu ekki
að REI fyrr en í desember þar
sem ég taldi það alls ekki tilbúið
fyrir innkomu fjárfesta,“ segir
Björn Ársæll Pétursson, fyrrver-
andi stjórnarformaður Reykja-
vík Energy Invest. Hann gegndi
stjórnarformennsku fyrir hönd
Sjálfstæðisflokksins frá því í
mars til 23. ágúst. „Mér fannst
ekki ljóst með hvaða hætti fjár-
festar ættu að koma að félaginu.
Það átti eftir að fara fram undir-
búningsvinna þegar ég hætti og
það er ekki að sjá að hún hafi
farið fram.“
Í Fréttablaðinu á þriðjudag
kom fram að rætt hefði verið um
einkaréttarsamning á hugverki
og þjónustu Orkuveitu Reykja-
víkur (OR) á síðasta stjórnar-
fundi Björns, 23. ágúst, en haft
var eftir honum í fréttum Ríkis-
útvarpsins 16. október að aldrei
hefði verið rætt um einkaréttar-
samning í hans tíð. Björn Ársæll
segir umræðuskjöl hafa verið
lögð fram sem ekki hafi verið
kynnt sem samningsdrög. „Það
var aldrei rætt um né sett á blað
að samningur milli REI og OR
yrði óuppsegjanlegur einkaréttar-
samningur, og hvað þá til tuttugu
ára. Það var rætt um tíu ár en
ekki tuttugu, og að hann yrði upp-
segjanlegur.“
Björn Ársæll segir enn fremur
að þau plögg sem notuð hafi verið
til undirbúnings samnings milli
REI og OR hafi öll tekið mið af
því að REI hafi að öllu leyti verið
í eigu OR. „Það liggur í augum
uppi að forsendur fyrir samningi
milli REI og OR breytast þegar
fjárfestar koma inn í félagið með
skömmum fyrirvara. Það lá ekk-
ert á því að fjárfesta strax inn í
félagið enda eru jarðvarmaverk-
efnin langtímafjárfesting, sem
eru mæld í árum frekar en vikum
eða dögum.“
Vildi ekki fá fjárfesta strax
Umhverfisráð
Ísafjarðar hefur nú til skoðunar
hugmynd um að gera flugvöll í
Fljótavík
á Horn-
ströndum.
Fram kom
á fundi
umhverfi-
ráðs á
miðviku-
dag að
erindi hefði borist frá Hjalta J.
Guðmundssyni forstöðumanni hjá
Umhverfisstofnun sem vísaði í
greinargerð varðandi flugöryggi í
Fljótavík og hugsanlega lagningu
flugbrautar. Sagði Hjalti að leita
þyrfti leyfis Umhverfisstofnunar
til framkvæmda í friðlandinu auk
þess sem fyrir þyrfti að liggja
samþykki sveitarfélags og
landeigenda. Málinu var vísað til
vinnuhóps aðalskipulags norðan
Djúps.
Vilja flugvöll á
Hornstrandir