Fréttablaðið - 26.10.2007, Blaðsíða 6

Í kjarakönnun Starfs-
mannafélags Reykjavíkurborgar
(STRV) er óútskýrður launamun-
ur kynjanna 16,1 prósent, sé tekið
tillit til aldurs, starfsaldurs,
menntunar, starfsstéttar og vinnu-
tíma. Hlutfallið er svipað og ger-
ist almennt í launakönnunum, að
sögn Rögnu Benediktu Garðars-
dóttur, hjá Félagsvísindastofnun.
Menntun hefur meiri áhrif á
laun kvenna en karla. Karlar með
grunnskólamenntun eru með
svipuð meðallaun og konur með
háskólamenntun á framhalds-
skólastigi.
Um 80 prósent heildarlauna
kvenna eru grunnlaun en hjá
körlum er hlutfallið 60 prósent
og er vaktaálagsgreiðslur hærra
hlutfall heildarlauna hjá þeim. Þá
fá karlar fleiri fasta yfirvinnu-
tíma greidda en konur. Konur í
fullu starfi fá 60 prósent af föst-
um yfirvinnulaunum karla í fullu
starfi.
„Þessi könnun er tæki til að
skoða þessi mál. Ef menn meina
það sem þeir segja um að minnka
launamun kynjanna, þá er hægt
að styðjast við þessa könnun,“
segir Garðar Jóhannesson, for-
maður STRV, og bætir því við að
niðurstöðurnar verði notaðar í
næstu kjarasamningum, sem
losna haustið 2008.
Fá sömu laun fyrir minni menntun
Björgunarsveitar-
menn fundu tvö lík í brunarúst-
um húss norður af San Diego í
gær og er þar með vitað um átta
dauðsföll af völdum skógareld-
anna sem geysað hafa að undan-
förnu í sunnanverðri Kaliforníu.
Eldarnir nálguðust ískyggilega
þúsundir húsa til viðbótar, en þar
sem draga tók úr styrk þurra
Santa Ana-staðvindsins og loft-
hiti tók að lækka glæddust vonir
um að slökkvistarf skilaði betri
árangri.
George W. Bush Bandaríkja-
forseti hélt á vettvang hamfara-
svæðisins í gær til að kynna sér
aðstæður í félagi við Arnold
Scwharzenegger ríkisstjóra.
Fleiri brunnin lík finnast
Hæstiréttur hefur þyngt dóm yfir þremur
mönnum sem reyndu stórfellt fíkniefnasmygl
hingað til lands á vormánuðum á síðasta ári.
Þeir Ársæll Snorrason, Hörður Eyjólfur Hilmars-
son, Ólafur Ágúst Hraundal og Johan Hendrik
Engelsman, sem er hollenskur ríkisborgari, reyndu
þá að smygla til landsins rúmlega fimmtán kílóum
af amfetamíni og rúmlega tíu kílóum af kannabis-
efnum sem þeir höfðu falið að mestu í bensíntanki
BMW-bifreiðar.
Héraðsdómur Reykjavíkur dæmdi Hörð Eyjólf í
sex ára fangelsi, Engelsman einnig í sex ára
fangelsi, Ársæl í fjögurra ára fangelsi og Ólaf Ágúst
til að sitja inni í átta og hálft ár. Íslendingarnir þrír
áfrýjuðu þessum dómi til Hæstaréttar, sem þyngdi
hann um eitt ár yfir hverjum þeirra. Í niðurstöðu
Hæstaréttar segir að við ákvörðun refsingar hafi
meðal annars verið horft til hættueiginleika
fíkniefnanna, magns þeirra og styrkleika. Brotin
sem allir ákærðu áttu hlut að ættu sér fáar hliðstæð-
ur í dómaframkvæmd að því er varðar magn
fíkniefna. Hinir ákærðu ættu sér engar málsbætur.
Hollendingurinn áfrýjaði ekki til Hæstaréttar.
Þrír fíkniefnasmyglarar
áttu sér engar málsbætur
„Það er ljóst að tóm-
stundaúrræði sem í boði eru upp-
fylla ekki þarfir allra barna,“ segir
Gerður Gústavsdóttir, yfiriðju-
þjálfi hjá Æfingastöð Styrktar-
félags lamaðra og fatlaðra.
Gerður segir að þó að flestir
skjólstæðingar Æfingastöðvar-
innar séu með frávik í hreyfi-
þroska komi oft í ljós að erfiðleik-
ar þeirra séu ekki síður af
félagslegum toga. Því skorti þá oft
færni í að fylgja jafnöldrum sínum
eftir í leik og áhugamálum. Hún
segist verða mikið vör við
áhyggjur foreldra yfir því að börn
þeirra eigi ekki félaga og gangi
illa í samskiptum við aðra. Æfinga-
stöðin hafi brugðist við áhyggju-
orðum foreldranna með því að
leggja aukna áherslu á hópastarf
sem miði að því að börnin öðlist
frekari færni í samskiptum. Auk
þess sé vonast til þess að það verði
þeim hvatning til að taka þátt í
öðru tómstundastarfi sem öllum
eigi að vera opið. Ekki virðist þó
hlaupið að því.
„Við höfum fundið fyrir því að
börn sem eru hjá okkur eiga erfitt
með að finna tómstundir við hæfi.
Það er afar mikið framboð af alls
kyns starfi fyrir börn en ekki allt-
af komið til móts við þau sem eru
með sérþarfir,“ segir Gerður. Hún
bendir á að oft eigi hreyfihömluð
börn erfitt með að komast á þá
staði sem starfið fer fram á og
verkefni þurfi oft að laga að færni
hvers og eins.
„Mér þykir mjög mikilvægt að
börn með sérþarfir eigi hvort
tveggja kost á því að stunda tóm-
stundir með öðrum börnum með
svipaða reynslu og í starfi sem
öllum er opið,“ segir Þóra Stephen-
sen.
Þóra og dóttir hennar Dagbjört
Andrésdóttir, sextán ára nemi með
sérþarfir, ætla að flytja erindi um
reynslu sína af tómstundastarfi á
ráðstefnu sem haldin verður í dag.
Ráðstefnan ber yfirskriftina Tóm-
stundir barna með sérþarfir og
verður haldin í Rúgbrauðsgerð-
inni, Borgartúni 6.
Þóra segir að þar sem fjölskylda
hennar hafi búið nokkuð frá mið-
borg Reykjavíkur, þar sem mest
af starfi fyrir börn með fatlanir
fer fram, hafi fyrst verið reynt að
finna eitthvað við hæfi fyrir Dag-
björtu í heimahverfi þeirra. Fljót-
lega hafi komið í ljós að þar væri
ekkert fyrir hana að hafa. Hún
hafi því fyrst byrjað að æfa söng í
Stúlknakór Reykjavíkur og síðar
sund hjá Íþróttafélagi fatlaðra.
Árangurinn af tómstundum dóttur
hennar hafi tvímælalaust búið
hana betur undir þátttöku í sam-
félaginu.
Tómstundir fyrir börn
með sérþarfir vantar
Iðjuþjálfi á Æfingastöð Styrktarfélags lamaðra og fatlaðra segir skort á því að
börn með sérþarfir geti sinnt tómstundum. Slíkt sé þeim þó afar mikilvægt þar
sem það dragi úr einangrun og búi þau undir þáttöku í samfélaginu.
Ætlar þú að kaupa Biblíuna í
nýrri þýðingu?
Sækir þú tónlist á vefinn?