Fréttablaðið - 26.10.2007, Side 10

Breytinga er þörf á
skipulagi Háskóla Íslands svo
hann nái markmiði sínu að verða
meðal bestu skóla í heimi, að mati
starfshóps háskólaráðs. Kynntar
voru tillögur að umfangsmiklum
breytingum á stjórnskipulagi skól-
ans í hátíðarsal skólans í gær.
Erlendar og innlendar úttektir á
skólanum hafa almennt verið
jákvæðar en þó hafa mikilvægar
athugasemdir verið gerðar við
stjórnkerfið og bent á skort á stoð-
þjónustu við kennara og
nemendur.
„Stoðþjónusta við kennara verð-
ur styrkt og þjónusta við nemend-
ur efld. Þá munum við gera háskól-
ann samkeppnishæfari í breyttu
umhverfi í atvinnulífinu og á
alþjóðavettvangi,“ segir Kristín
Ingólfsdóttir, rektor Háskóla
Íslands. Hún segir skólann ekki ná
markmiðum sínum ef kennarar
eru of uppteknir við að ljósrita og
sinna öðrum skrifstofustörfum.
Í tillögum starfshópsins er lagt
til að deildum skólans verði skipt í
fimm fræðasvið; félagsvísinda-
svið, heilbrigðisvísindasvið, hug-
vísindasvið, raunvísindasvið og
menntavísindasvið, sem Kennara-
háskóli Íslands fellur undir þegar
af sameiningu skólanna verður á
næsta ári. Innan hvers sviðs verður
þjónustukjarni með allri grunn-
þjónustu á borð við námsráðgjöf,
alþjóðatengsl og tölvuþjónustu.
Forsenda umbótanna eru við-
bótarfjármagn sem samið var um
við menntamálaráðuneytið fyrr á
árinu og aukningu sértekna með
til dæmis eflingu styrktarsjóða.
Auglýst verður eftir forsetum
fræðslusviða á Íslandi og erlendis
en deildarforsetar verða áfram
kjörnir fulltrúar.
Ólafur Þ. Harðarson, formaður
starfshópsins, segir breytingarnar
vera mikið heillaskref fyrir
Háskóla Íslands.
„Við höfum skoðað vandlega
fyrirkomulag skóla í Evrópu og
Bandaríkjunum og skoðað sér-
staklega þær breytingar sem hafa
verið gerðar, en markmið okkar
var alltaf að hanna skipulag í
sæmilegri sátt við það sem fyrir
er.“
Tekist var á um hvort fræða-
sviðin ættu að vera sex talsins og
bæta við sviði viðskipta- og hag-
fræðideildar og lagadeildar.
„Undir félagsvísindasviði verða
samtals 4.000 nemendur sem eru
helmingi fleiri en undir hinum.
Það var því spurning um skipulag.
Að lokum var ákveðið að hafa
þessar þrjár deildir saman, sem
býður upp á ýmis sóknarfæri,“
segir Ólafur.
„Allt sem ekki er búið að
ákveða þarf að skoða með gler-
augum nýs meirihluta,“ segir Þor-
leifur Gunnlaugsson, borgarfull-
trúi Vinstri grænna, um
hugsanlega stækkun lóðar sem
selja á með Fríkirkjuvegi 11.
Fram kom í Fréttablaðinu í gær
að embættismenn á vegum borgar-
innar hefðu náð samkomulagi við
Björgólf Thor Björgólfsson um að
hann fengi nærri fjórfalt stærri
lóð með húsinu á Fríkirkjuvegi 11
en kveðið var á um í útboði. Vinstri
græn hafa verið andvíg sölu húss-
ins og stækkun lóðarinnar.
Að sögn Þorleifs hefur ekki gef-
ist tími til að fara yfir mál á borð
við söluna á Fríkirkjuvegi 11
vegna anna við stærri viðfangs-
efni. Hann segir naumast hægt að
draga söluna á húsinu til baka en
lóðastækkunin sé hins vegar efni í
sérstaka skoðun.
„Þetta er hluti af menningararfi
Reykvíkinga og mikilvægur þáttur
í mannlífinu. Málið er uppi á borð-
um eins og allt annað hjá nýjum
meirihluta. Það er ekki búið að
ákveða neitt,“ ítrekar Þorleifur,
sem aðspurður kveðst ekki geta
svarað því nú hvort VG fallist á
stækkun lóðarinnar. „En sjálfur
var ég alfarið á móti því að Frí-
kirkjuvegur 11 yrði seldur,“
bendir hann á.
Beita gleraugum meirihlutans
Áfanga í flugsög-
unni var náð í gær þegar Airbus
A380-risaþota Singapore Airlines
flaug sína fyrstu áætlunarferð
frá Singapúr til Sydney í
Ástralíu. Um borð voru 455
farþegar, sem margir hverjir
hreiðruðu um sig í lúxusklefum
og tvöföldum rúmum.
Flugið, sem tók sjö tíma, gekk
vandkvæðalaust fyrir sig.
Sumir farþeganna höfðu greitt
tugþúsundir dollara á netupp-
boði til að gefast færi á að taka
þátt í þessum viðburði í flugsög-
unni. A-380-þotan getur rúmað
allt að 800 farþega og því þykir
hún innleiða nýja tíma í farþega-
flugi.
Áfangi í sögu
farþegaflugs
Hæstiréttur hefur
staðfest sýknudóm Héraðsdóms
Reykjavíkur yfir Ríkisútvarpinu,
sem sakað var um að hafa ýft upp
sár með sýningu þáttar í röðinni
Sönn íslensk sakamál.
Umræddur þáttur fjallaði um
morð á bensínstöð við Stóragerði
í upphafi síðasta áratugar og
stefndu aðstandendur annars
fórnarlambsins Ríkisútvarpinu
fyrir að brjóta gegn friðhelgi
einkalífs þeirra og valda þeim
sálarangist.
RÚV er hins vegar sýknað á
þeim grundvelli að ábyrgðin á
efninu liggi hjá framleiðandan-
um, ekki þeim sem það sýnir.
RÚV mátti sýna
þátt um morð
Kona á fertugsaldri
er í haldi grunuð um að hafa
kveikt í íbúð sinni að Hilmisgötu
í Vestmannaeyjum í fyrrakvöld.
Lögregla og slökkvilið voru
kölluð á staðinn og gekk greið-
lega að slökkva eldinn en íbúðin
skemmdist nokkuð. Fljótlega
vaknaði grunur um íkveikju og
var konan handtekin í kjölfarið.
Hún mun margsinnis hafa komið
við sögu lögreglu áður.
Ekki var ljóst hvort krafist
yrði varðhalds yfir konunni.
Í haldi grunuð
um íkveikju
Það er ekki búið að
ákveða neitt.
N1 HJÓLBARÐAÞJÓNUSTA
HJÓ BAR
Heillaskref fyrir Háskólann
Miklar breytingar standa fyrir dyrum í Háskóla Íslands. Deildum skólans verður skipt í fimm fræðasvið og
þjónusta við kennara og nemendur verður stórbætt með sérstökum þjónustukjörnum innan hvers sviðs.