Fréttablaðið - 02.11.2007, Blaðsíða 30

Áætlað er að ein af hverjum þremur
konum um allan heim hafi
orðið fyrir ofbeldi ein-
hvern tíma á lífsleiðinni
og ofbeldi gegn konum er
mannréttindabrot af gróf-
ustu tegund. Á alheims-
vísu er talið að ofbeldi gegn konum
dragi jafnmargar konur til dauða og
krabbamein og sé mun algengari
ástæða fyrir heilsubresti kvenna en
umferðarslys og malaría til sam-
ans.
Baráttan gegn kynbundnu ofbeldi
er ein af megináherslum í starfi
UNIFEM, sem er þróunarsjóður
Sameinuðu þjóðanna í þágu kvenna
og eingöngu myndaður með frjáls-
um framlögum. Hæstu framlögin
koma frá aðildarríkjum Sameinuðu
þjóðanna en auk þeirra rennur það
fjármagn sem landsnefndir UNI-
FEM afla til þróunarsjóðsins. Hér á
Íslandi starfar landsnefnd UNIFEM
sem frjáls félagasamtök
og er hlutverk hennar að
styðja við starf UNIFEM í
baráttunni fyrir jafnrétti
og bættri stöðu kvenna
um allan heim.
Á vegum UNIFEM er
rekinn Styrktarsjóður til
afnáms ofbeldis gegn
konum. Sem betur fer eru
framlög í sjóðinn alltaf að
aukast en á hinn bóginn
er þörfin því miður einnig alltaf að
aukast. Á síðasta ári bárust umsóknir
um tíu sinnum meira fjármagn en
hægt var að úthluta. Fjáröflun fyrir
Styrktarsjóðinn er eitt af forgangs-
verkefnum UNIFEM á Íslandi. Fyrir-
tæki eru byrjuð að styðja við sjóð-
inn með frjálsum framlögum og
stöðugt eru ný fyrirtæki að bætast í
hópinn.
Á döfinni er viðburður til styrktar
UNIFEM á vegum líkamsræktar-
stöðvarinnar Hreyfingar. Haldinn
verður fjöldatími í zumba og þannig
safnað til styrktar baráttunni gegn
ofbeldi gagnvart konum í Suður-
Ameríku. Zumba er æfingakerfi
sem byggist á léttum sporum við
suðræna tónlist og er það nýjasta í
heilsuræktargeiranum í dag. Leið-
beinendur verða John Fernando,
kólumbískur gestakennari, og Máni
Þorfinnsson, leiðbeinandi hjá Hreyf-
ingu. Leikin verður dúndrandi suð-
ræn tónlist og að sögn fagfólks eru
sporin einföld og ættu allir að geta
tekið þátt í tímanum á sínum hraða.
Aðgangseyrir verður að lágmarki
1.000 kr. en allur ágóði mun renna í
Styrktarsjóð UNIFEM til afnáms
ofbeldis gegn konum. Zumba-tím-
inn til styrktar UNIFEM verður
haldinn í Valsheimilinu laugardag-
inn 3. nóvember og verður húsið
opnað kl. 13.30 en tíminn hefst kl.
14.00.
Við hjá UNIFEM á Íslandi viljum
hvetja alla til að taka þátt og leggja
góðu málefni lið. Hægt er að skrá
sig í líkamsræktarstöðinni en einnig
verðum við frá UNIFEM í Valsheim-
ilinu á laugardag.
Höfundur er framkvæmdastjóri
UNIFEM á Íslandi.
Skemmtum okkur í zumba
og styðjum UNIFEM
Upplýsingafulltrúi Vegagerðarinnar
segir í grein í Frétta-
blaðinu 26. október sl.
að áformaður vegur á
milli Laugarvatns og
Þingvallavatns sé góð
leið. Þetta er því miður
ekki rétt þegar málið er
skoðað heildstætt.
Umrædd leið, sem Vegagerðin
kallar Lyngdalsheiðarveg, liggur
nokkuð norðan Lyngdalsheiðar yfir
óraskað og verndað hraunið frá
Reyðarbarmi vestur að
Miðfelli. Þessi leið mun
hafa óafturkræf áhrif á
landslag og ásýnd
svæðis sem liggur að
þjóðgarði landsmanna
sem skráður hefur
verið á heimsminja-
skrá UNESCO. Vegar-
stæðið er í grennd við
verðmæt vatnsból sem
hætta er á að yrði spillt
með framkvæmdum.
Vegur með þessum hætti mun óhjá-
kvæmilega kalla á frekari umferð í
gegnum Þjóðgarðinn á Þingvöllum
og auka mengun og spilla friðsæld.
Sýnt hefur verið fram á að aukin
niturmengun vegna viðbótar
gegnumumferðar getur spillt lífrík-
inu í vatninu vegna ofauðgunar á
viðkvæmum hrygningarsvæðum.
Þegar allt er reiknað virðist þessi
áformaða vegarbót aðeins stytta
leiðina á milli Reykjavíkur og
Laugarvatns sem nemur fáeinum
mínútum. Því miður hefur Vega-
gerðin ekki tekið mark á fjölmörg-
um vel rökstuddum ábendingum
opinberra stofnana, samtaka, sér-
fræðinga og einstaklinga um
framangreind efni.
Vanda þarf til vegagerðar á
Íslandi og velja leiðir með þeim
hætti að þær valdi ekki óásættan-
legu tjóni á umhverfi okkar og nátt-
úru. Vegagerð af því tagi sem boðuð
er við Þingvallavatn brýtur í bága
við almenn og viðurkennd náttúru-
verndarviðmið og virðist ekki í
samræmi við ýmsa alþjóðlega sátt-
mála sem Ísland hefur undirgeng-
ist. Rannsókn á málsmeðferð og
efnislegum forsendum á niðurstöðu
mats á umhverfisáhrifum gæti nú
leitt til þess að málið fari fyrir dóm-
stóla.
Það er brýnt að Vegagerðin finni
aðra lausn til að mæta óskum íbúa
um greiða og hraðfara leið til höfuð-
borgarinnar. Mikil náttúruverð-
mæti búa í óspilltu landi og við
þennan helgasta stað þjóðarinnar
er áformuð vegagerð á villigötum.
Við Þingvallavatn á náttúran að
njóta vafans. Æskilegt er að bæta
núverandi akveg frá Gjábakka og
austur á Reyðarbarm (Barmskarð)
eða Laugarvatnshelli (gamla Kóngs-
veginn) sem ferðamannaveg um
áhugaverða skoðunarstaði og með
tilkomumikið útsýni yfir Þingvalla-
vatn. Landvernd, Ómar Ragnarsson
og Pétur M. Jónasson vatnalíffræð-
ingur hafa kynnt aðrar hugmyndir
um almennar samgöngubætur á
svæðinu sem Vegagerðin ætti að
huga betur að.
Höfundur er áhugamaður um
náttúruvernd og vandaða
vegagerð.
Vegagerð á villigötum
Harðvítugar deilur hafa að undanförnu staðið um
þá ákvörðun stjórnenda REI
(útrásarfyrirtækis OR) að
sameinast Geysi Green
Energy ehf. Svo harðvítugar
hafa þær verið að sjálfstæðis-
menn í Reykjavík misstu
völdin og við hefur tekið nýr
meirihluti. Það er í raun hægt að halda því fram að
það sem er að gerast og hefur verið að gerast í mál-
efnum Hitaveitu Suðurnesja sé í raun miklu alvar-
legra en það sem gerst hefur í málefnum OR. Orku-
veita Reykjavíkur er ekki lögð að veði heldur á hún
aðeins hlut í útrásarfyrirtæki, en Hitaveita Suður-
nesja er í raun komin að 48% í eigu áhættusækinna
aðila sem ætla sér að sjálfsögðu ekkert annað með
henni en að græða. Fjárfestingin kostaði mikla fjár-
muni og eðlilega verður krafist góðrar ávöxtunar af
þeirri fjárfestingu.
Bæjarfulltrúar A-listans í Reykjanesbæ lögðu fram
tillögu í bæjarstjórn hinn 2. júlí sl. um að sveitar-
félagið nýtti sér forkaupsrétt á hlut ríkisins í HS. Því
miður varð ekki samstaða um það í bæjarstjórn,
heldur náði bæjarstjórinn fram þeirri ætlan sinni að
GGE fengi hlutinn og raunar gott betur en það. Á
þessum sama fundi sagði bæjarstjórinn að það yrði
aldrei samþykkt að GGE eignaðist stærri hlut í HS
en Reykjanesbær. En núna er hann tilbúinn til þess
að samþykkja að eitt fyrirtæki eigi tæplega helm-
ingshlut í HS eða umtalsvert stærri hlut en Reykja-
nesbær á og segir nú í viðtölum að hann hafi bara átt
við GGE. Hvers lags málflutningur er þetta? Hversu
langt er bæjarstjórinn tilbúinn að ganga til þess að
þóknast þeim sem hafa aðgang að peningum?
Nú tala sjálfstæðismenn um að skipta hitaveitunni
upp og segja að þeir ætli sér að eiga meirihluta í
nýrri hitaveitu. En þeir skýra ekki hvers konar hita-
veitu þeir eru að tala um. Hin nýja hitaveita þeirra
sjálfstæðismanna er hitaveita sem á dreifikerfi og
verður að kaupa sér aðgang að orku sem aðrir ráða
yfir. Þessir aðrir verða þá útrásaraðilarnir eða einka-
aðilar sem koma til með að eiga virkjanirnar og
miklar landareignir ásamt nýtingarrétti á orku-
auðlindum.
Mér hefur veist erfitt að skilja hvers vegna salan á
hlut ríkisins í HS var framkvæmd á þann hátt sem
raunin varð og engar skýringar hafa fengist á því
hvers vegna þetta var gert með þessum hætti. Hita-
veitan var í eigu margra opinberra aðila og því
algjörlega fordæmalaust að einn aðilinn ákveði
hverjir megi kaupa og hverjir ekki. Nú er að koma í
ljós að fleiri eru undrandi vegna þessarar ákvörðun-
ar. Í Reykjavíkurbréfi Morgunblaðsins 20. okt. sl.
voru málefni orkufyrirtækja viðfangsefni greinar-
höfundar. Sá sem skrifaði þetta Reykjavíkurbréf er
allsendis ósáttur við framkvæmdina og spyr m.a.
eftirfarandi spurninga vegna sölu ríkis á hlut sínum
í Hitaveitu Suðurnesja:
1.Hvers vegna var sú ákvörðun tekin?
2. Hvaða rök lágu þar að baki? Það er ljóst að salan
hefur leitt til þess að einkaaðilar hafa komizt með
fótinn inn fyrir dyrnar í fyrirtæki sem áður var í
opinberri eigu.
3.Eru einhver tengsl milli þeirrar ákvörðunar og
þeirrar atburðarásar sem þjóðin hefur orðið vitni að
í tengslum við Orkuveitu Reykjavíkur?
Höfundur Reykjavíkurbréfsins hafnar algjörlega
þeirri aðferðarfræði sem viðhöfð var við sölu á hlut
ríkisins í HS og krefst atkvæðagreiðslu þjóðinni til
handa í þessu máli. Ég tek undir þau sjónarmið og
hef talið rangt að farið í þessu máli.
Ég ætla í lokin að leyfa mér að kasta fram eigin
hugrenningum vegna þessara spurninga sem settar
voru fram í Reykjavíkurbréfi Morgunblaðsins.
1. Þáði þáverandi fjármálaráðherra ráð frá
aðstoðarmanni sínum, Böðvari Jónssyni, þegar
ákvörðun um sölu var tekin og þá aðferðarfræði sem
var viðhöfð? Og hafði þá aðstoðarmaðurinn samráð
við samstarfsmenn sína í meirihlutanum í Reykja-
nesbæ?
2. Eða var þessi aðferð valin vegna þess að með
henni var hægt að koma hitaveitunni eða stórum
hluta hennar í hendur einkaaðila sem er auðvitað í
samræmi við kenningar frjálshyggjumanna sem nú
ráða ríkjum í Reykjanesbæ?
3. Er það tilviljun að núverandi forstjóri GGE,
Ásgeir Margeirsson, er fyrrverandi aðstoðarfor-
stjóri OR og verðandi forstjóri REI? Er það tilviljun
að Bjarni Ármannsson, fyrrverandi Glitnisbanka-
stjóri, er núverandi stjórnarformaður REI sem er
komið í eigu sömu aðila og eiga Glitni? Og er það til-
viljun að sömu aðilar stjórna þessu öllu, GGE, REI,
Glitni, FL Group, Fasteign hf. og kannski Reykjanes-
bæ?
Höfundur er oddviti A-listans í Reykjanesbæ.
Hitaveita til skiptanna – fyrir hverja?
Kraftmiklar ryksugur
fyrir öll heimili
Verð frá kr.:
15.990
Miele
ryksugur
– litlar og liprar.