Fréttablaðið - 02.11.2007, Blaðsíða 44

2. NÓVEMBER 2007 FÖSTUDAGUR2 fréttablaðið vetrarlíf
Kristalstjörnur á fugla-
berjum. Loðlúffur til að
skapa heilt snjómannkyn
með. Rjómasúkkulaði á
brúsa. Kertaljós í luktum.
Doppóttur dúkur. Ostur
í smjördeigshorni. Góða
skapið. Ullarhúfa og um-
vefjandi teppi. Þá er allt
fullkomnað fyrir lautarferð í
Laugardal á fegurstu dögum
skammdegisins.
Lautarferðum þarf ekki að linna
þótt fyrsti vetrardagur hafi sýnt
sig í dagatali og veðráttu, og
lautarferð í Laugardal svíkur
engan. Þar er allt fyrir hendi til
að gera góðan dag enn betri og
innan seilingar að fara á skauta
eða í sund, og heimsækja húsdýr
í vetrarbúningi því opið er alla
daga ársins frá 10 til 17 í Fjöl-
skyldu- og húsdýragarðinum.
Samt er feikinóg að ganga
saman um dalinn, fóðra endur á
tjörnum Grasagarðsins, renna
sér í brekkum, búa til snjókarla,
tína köngla og fuglaber fyrir að-
ventuna, og finna nestisborð í
fallegu umhverfi þar sem gaman
er að dúkleggja, bera á borð ljúf-
meti og kveikja á kertaluktum
meðan borgarasinn suðar í
fjarska.
Skelli svo á með óveðri má
finna griðastað í gamla garð-
skálanum og húsakynnum Café
Flóru sem opin eru almenn-
ingi til að njóta til klukkan 17
síðdegis.
Auðvitað er svo hvarvetna
hægt að skapa ógleymanlegar
minningar þótt úti sé kalt og
dagurinn stuttur. Eina sem þarf
er hlýr klæðnaður, nesti og smá
fyrirhyggja til að útbúa fallega
samverustund á töfrandi stað
eftir leiki og samveru í vetrar-
ríkinu.
thordis@frettabladid.is
Lautarferð í Laugardal
Kertaljós á frosnu nestisborði með
gómsætum veitingum fylla sálina af
gleði.
Fuglaber eru jólaskraut náttúrunnar,
en vilja oft heim í stofu líka.
Heitt og ilmandi súkkulaði gefur yl í
kroppinn og ekki skemmir unaðinn
að skvetta smá koníaki saman við.
Þegar kólna tekur er nauðsynlegt að eiga góða úlpu. Mikilvægt er að velja hana
gaumgæfilega þannig að hún þjóni persónulegum þörfum eigandans og falli
auk þess að smekk hans. Við fórum á stúfana og fundum nokkrar úlpur sem eru
í senn skynsamlega hannaðar, hlýjar og fallegar. Allar úlpurnar fást í fleiri en
einum lit og er um að gera að kíkja á úrvalið í viðkomandi verslun. - hs
Cintamani-úlpa sem kallast
Eygló og er sérstaklega létt
úr ekta gæsadúni. Efnið
hrindir frá sér vatni og
vindi en er þó afar létt og
andar. Í ermum eru stroff á
úlnliðum og vasi innan á.
Úlpan hefur verið prófuð
í ýmsum leiðöngrum, til
dæmis á Everest, og hefur
reynst mjög vel. Hún fæst
meðal annars í verslunum
og Cintamani og kostar
22.990 krónur.
Hugvitssamlega hönnuð
Titanium-dúnúlpa frá Columbia.
Vatnsheld og andar vel með ýmiss
konar vösum, meðal annars fyrir
gemsa, gleraugu og iPod. Hægt
er að aðlaga þrengd að neðan, í
hálsmáli og á hettu og á úlnliðum
eru mjúk stroff. Við rennilás er
lítill vasi þar sem finna má áfastan
klút til að þurrka af gleraugum og
undir handakrikum eru rennilásar
til að opna og lofta út. Fæst í
Ellingsen á 22.990 krónur.
Hlýjar og harðgerar úlpur
Loðfóðruð úlpa með
fallegu mynstri bæði
á herra og dömur.
Fæst í 66° norður á
34.200 krónur.
Síð Columbia-dúnúlpa. Hettan
er með loðkraga og í hálsmáli er
sylgja til að herða að svo blási
síður inn undir. Úlpan er vind- og
vatnsheld og fæst í Ellingsen á
16.990 krónur en Ellingsen hefur
nýverið hafið sölu á Columbia-
útivistarvörum.
Klassísk dúnúlpa frá
66°Norður með stroffi
og frönskum rennilás
á úlnliðum og hettu
sem hægt er að taka
af. Verð er 20.700
krónur.
Stásslegur snjókarl með sorgmæddan svip, enda
erfiður viðskilnaður við skapara sína að kveldi.
Rómantískur garðskáli Grasagarðsins, þar sem
njóta má inniveru og kósíheita til kl. 17 á daginn.
Hreindýrin í Húsdýragarðinum gleðjast líka yfir
heimsókn mannanna þegar kólnar í dalnum.
Guð skapaði heiminn til að leika sér
í og mennina sem dulbúna engla.
MYNDIR/GETTYIMAGES