Fréttablaðið - 07.11.2007, Blaðsíða 13
Jeppi valt í hálku í
Langadal við bæinn Fremstagil á
sjöunda tímanum í fyrrakvöld.
Ökumaðurinn, karlmaður á
miðjum aldri, var einn í bílnum
og slapp lítið meiddur.
Bíllinn er töluvert skemmdur
eftir veltuna, og var dreginn á
Blönduós með kranabíl. Ökumað-
ur bílsins var illa búinn undir
vetrarfærðina, en hann var með
sumardekk undir bílnum.
Að sögn lögreglu var bíllinn að
koma úr beygju þegar ökumaður
missti stjórn á honum í hálku og
fór út af veginum. Hálkublettir
eru hér og þar á vegunum eftir
veður undanfarinna daga.
Valt í hálku á
sumardekkjum
Heimsmarkaðsverð
á flestum landbúnaðarvörum mun
fara hækkandi á næstu árum.
Aðalorsökin fyrir því er snarauk-
in eftirspurn í Austurlöndum,
breytt ræktunarskilyrði víða um
lönd og framleiðsla lífræns
eldsneytis. Þetta er mat Martins
Haworth, yfirmanns stefnumót-
unar hjá ensku bændasamtökun-
um NFU, en hann hélt erindi um
þetta efni á morgunverðarfundi
Bændasamtaka Íslands á Hótel
Sögu í gær.
Haworth telur að tími hins lága
matvælaverðs, sem offramleiðsla
og niðurgreiðslur hafa valdið í
landbúnaði á Vesturlöndum
síðustu áratugi, sé nú liðinn.
Heimsmarkaðs-
verð hækkar
Þriggja manna áhöfn
frá Landhelgisgæslunni hélt utan
til Förde í Noregi í gærmorgun
til þess að sækja fjórðu þyrluna í
flota gæslunnar þennan vetur-
inn.
Þyrlan er af gerðinni Super-
puma, en með komu hennar verða
þrjár þyrlur þeirrar gerðar í flota
Landhelgisgæslunnar, auk einnar
þyrlu af gerðinni Dauphin.
Áhöfn þyrlunnar mun prófa
þyrluna í dag eins og reglur gera
ráð fyrir áður en haldið er í lang-
flug, en stefnt er að því að leggja
af stað til landsins síðdegis eða á
morgun. Flugtíminn fer eftir
flugskilyrðum á leiðinni en þyrl-
an mun lenda á Hornafirði til að
taka eldsneyti áður en hún heldur
áleiðis til Reykjavíkur.
Að sögn Geirþrúðar Alfreðs-
dóttur, flugrekstrarstjóra Land-
helgisgæslunnar, er hér um að
ræða sömu þyrlu og var til taks
hérlendis í fyrravetur en ekki
stóð til að leigja hana lengur.
Nýju þyrlunni er ætlað að fylla í
skarðið eftir TF-SIF sem hrapaði
við Straumsvík í júlímánuði.
Þyrlan verður hér í leigu fram
í maí frá norska þyrluþjónustu-
fyrirtækinu Airlift, en ríkis-
stjórnin veitti sérstaka fjárheim-
ild, 250 milljónir króna, fyrir leigu
á þyrlunni út árið 2008.
Superpuma kemur í stað TF-SIFJAR
Hæstiréttur
Simbabve hefur úrskurðað að
ríkisstjórnin geti gert upptækar
dráttarvélar og annan búnað
hvítra bænda, sem settur var í
geymslu er þeir voru flæmdir
burt af jörðum sínum.
Í úrskurðinum, sem féll á
mánudag og var gerður opinber í
gær, segir að ríkið megi slá eign
sinni á búnaðinn á grundvelli laga
sem stjórnarflokkur Mugabes
forseta setti árið 2002.
„Þetta er önnur leið til að ræna
því sem fyrrverandi smábændur
áttu eftir ... þetta er ekkert annað
en rán um hábjartan dag,“ sagði
John Worsely-Worswick, talsmað-
ur hagsmunahóps brottflæmdra
bænda, um úrskurðinn.
Búnaður bænda
upptækur
Miltisbrandssýktu
kúahræin sem fundust í Hrauns-
holti í Garðabæ í síðustu viku eru
enn geymd í læstum og vöktuðum
gámi. Upphaflega átti að brenna
þau í sorpbrennslu Suðurnesja en
starfsfólk þar treysti sér ekki til
þess. Ekki hefur fundist leið til að
farga hræjunum.
„Þetta er allt á viðkvæmu stigi,
ætli það sé ekki best að þegja
bara um þetta,“ segir Gunnar Örn
Guðmundsson héraðsdýralæknir.
Hann vill ekki gefa upp hvar
gámurinn sé né hvernig hægt sé
að farga hræjunum. „Við erum að
vinna í málinu.“
Sýkt hræ enn
geymd í gámi