Fréttablaðið - 07.11.2007, Blaðsíða 39
Verðlaunahátíðin World Music Awards fór fram
í Mónakó á sunnudag.
World Music Awards fer fram á ári hverju,
en verðlaunahátíðin miðar að því að heiðra þá
listamenn sem eru söluhæstir á heimsvísu
hverju sinni. Að auki eru afhent goðsagna-
verðlaun, eða Legend Award, til tónlistar-
manns sem þykir hafa markað tónlistarheim-
inn með framlagi sínu. Í ár var það söngkonan
Celine Dion sem hlaut þau verðlaun, en auk
þess var R&B söngkonan Patti LaBelle
heiðruð sérstaklega. Leikarinn Julian
McMahon, úr þáttunum Nip/Tuck, var
kynnir kvöldsins, og tók þar við hljóð-
nemanum úr höndum Lindsay Lohan sem fór
með það hlutverk í fyrra.
Vinningshafi kvöldsins var nýgræðingurinn
Mika, sem vann fern verðlaun. Hip-hop tónlistar-
maðurinn Akon hlaut sín fyrstu verðlaun á
hátíðum af þessum toga og Avril Lavigne og
Rihanna hlutu tvenn verðlaun hvor.
Tónlistarmaðurinn Brynjar Már
Valdimarsson, eða BMV, er
kominn í tíunda sætið á topp 40
listanum í Indónesíu með lag sitt
Forget About Me. Lagið hefur
verið fjórar vikur á lista hinnar
útbreiddu útvarpsstöðvar
Prambors FM en það fór beint í
27. sæti á sínum tíma. Á meðal
þeirra sem eru fyrir neðan BMV
á listanum eru stjörnur á borð við
Ian Brown, Celine Dion, Mary J.
Blige og Seal.
Indónesía er fjórða fjölmenn-
asta land í heiminum og því er
þessi góði árangur þar í landi
vatn á myllu Brynjars á sólóferli
hans.
Annað lag frá Brynjari, In My
Place, hafði áður komist í
toppsætið hjá grísku útvarpsstöð-
inni Radio 1 Serres.
Í tíunda sæti
í Indónesíu
Tónlistarmaðurinn Magnús Þór
Sigmundsson, sem nýlega gaf út
plötuna Sea Son, verður aðal-
gestur Söngvaskáldakvölds á
Domo í kvöld. Einnig koma
fram Halli Reynis, Benóný
Ægisson, Valgeir Skagfjörð og
fleiri.
Sérstakur heiðursgestur
verður hljómsveitin Mama
Djombo frá Gíneu-Bissá, sem er
ein þekktasta hljómsveit
Afríku. Hún er komin hingað til
lands til að hljóðrita nýja plötu í
hljóðveri Sigur Rósar. Eru
meðlimir hennar vel á annan
tug. Tónleikarnir hefjast kl.
20.00 og verða í beinni útsend-
ingu Kastljóssins. Aðgangseyrir
er 500 krónur.
Afrískir
heiðursgestir
Indípoppsveitin Professor Pez
frá Bergen í Noregi spilar á
Organ í kvöld. Fyrsta plata
Professor Pez, Let us Follow the
Evil Balloon, kom út 2004. Vakti
sveitin fljótt athygli fyrir kátínu
og spilagleði, sem og skemmti-
lega texta sem eiga margir
hverjir rætur sínar í vísinda-
skáldskap og bernskubrekum.
Sveitin gaf núna nýverið út sína
þriðju plötu sem ber heitir
Hordaland. Professor Pez kemur
hér við á leið sinni til Bandaríkj-
anna þar sem þau spila í Boston
og New York auk þess að koma
fram á indí-hátíðinni Popfest! í
Northampton, Massachussetts. Á
Organ koma einnig fram fjörugu
pönkararnir í Ælu og krútt-
pönksveitin Dýrðin.
Professor Pez á
Organ í kvöld
Verðlaunahátíð í Mónakó
Borgartúni 29 + Höfðabakka 3
Smiðjuvegi 5 + Glerárgötu 34 Akureyri
Aðalstræti 27 Ísafi rði + www.a4.is
Pantanasími 515 5100 + Fax 515 5101
Hann er kominn út!
Nýi vörulistinn okkar inniheldur fjölbreytt úrval af vörum fyrir
skrifstofuna, skólann og heimilið.
Pappírsvörur • Pökkun og útsending • Skriffæri og leiðréttingarvörur
Límvörur • Föndurvörur • Náms- og kennslugögn • Á og við skrifborð
Skjalavarsla • Fundir, ráðstefnur og framsetning • Blek- og dufthylki
Tölvufylgihlutir • Skrifstofutæki • Skrifstofuhúsgögn • Ýmsar nauðsynjar
Útgáfutilboð fylgir nýja vörulistanum okkar.
Allt að 50% afsláttur.