Fréttablaðið - 07.11.2007, Blaðsíða 23
Fjögur ungmenni stukku milli
þriggja heimsálfa og þrett-
án landa á aðeins hálfu ári.
Ferðin sýndi þeim undur og
ólíka menningarheima Suður-
Ameríku, Eyjaálfu og Asíu.
„Við stefndum ákveðið á Suður-
Ameríku því ef við færum ekki
núna yrði aldrei af því. Suður-
Ameríka er á köflum ógnvekjandi
staður og maður þarf að vera
ungur og heimskur til að hendast
þar um, en auðvitað á maður aldrei
að láta hræðsluáróður stoppa sig í
því að ferðast um heiminn,“ segir
Renata Sigurbergsdóttir, ein
ferðalanganna fjögurra sem lentu
í Kostaríku 3. febrúar síðastlið-
inn.
„Þaðan héldum við til Ekvador,
Perú, Argentínu, Úrúgvæ, Chile
og Brasilíu. Ég varð óskaplega
hrifin af Suður-Ameríku. Náttúr-
an er stórbrotin og fögur, fólkið
vinalegt og mikið ævintýri að
skoða ólíka menningarheima.
Þarna eru aðrar aðstæður en
maður á að venjast, víða mikil
fátækt og neyð, og við fundum oft
að við fórum um hættusvæði, þótt
heppnin hafi fylgt okkur í ferðinni
og við ávallt farið með gát,“ segir
Renata, sem hélt frá Suður-Amer-
íku til Nýja-Sjálands og Ástralíu,
og þaðan til Taílands, Hong Kong
og Malasíu með félögum sínum.
Ferðin endaði í Hróarskeldu í Dan-
mörku í miklu rigninga- og vina-
flóði sem beið þeirra í æðislegum
lokapunkti ferðalagsins.
„Eftir þó nokkra fyrirhöfn og
leit að farmiðum sem gilda í
heimsreisu hafði Anna Alfreðs-
dóttir hjá Heimsferðum milli-
göngu um farmiða frá Oneworld
sem sérhæfir sig í ferðum á milli
heimsálfa, þar sem ferðalangur-
inn ákveður fjölda landa sem hann
hyggst heimsækja. Margir réðu
okkur frá því að velja svo marga
áfangastaði fyrir ekki lengri tíma,
en ferðin varð eins og við vonuð-
umst eftir þótt tími væri naumt
skammtaður í hverju landi og
mikill menningarmunur að upp-
lifa á skömmum tíma,“ segir Ren-
ata um ferðalagið, sem samtals
kostaði um 1,2 milljónir króna á
mann.
„Það kom sér vel að ferðast á
deyfðartíma því þá var auðvelt að
breyta plönum og alltaf laust á
farfuglaheimilum, sem við gist-
um á alls staðar. Flugmiðinn kost-
aði tæp 270 þúsund og sjálfsagt
hefðum við getað eytt minna, en
það er fáránlegt að spara í svona
ferð. Við vorum markvisst á ferð
um lönd og staði sem við förum
tæpast til aftur og nutum þess að
skoða það sem okkur dreymdi um
að sjá og upplifa,“ segir Renata,
sem þótti gaman að spá í mann-
fræði þeirra menningarheima
sem hún sótti heim.
„Maður kynnist þó sjálfum sér
best í svona ferðum og finnur
hvað maður veit lítið um heiminn,
lífið og tilveruna. Ég upplifði
sterkt hvað við Íslendingar njót-
um mikilla forréttinda, erum full
sjálfstrausts og höfum það gott.
Þá stendur upp úr allt fólkið sem
maður kynnist, því á farfugla-
heimilum eru samskipti meiri við
aðra gesti en á hótelum. Eftir
standa vinir úr öllum heimshorn-
um sem taka á móti manni í sínu
landi og maður fagnar hér heima
þegar aftur er haldið af stað og
aðrar slóðir heimsóttar,“ segir
Renata, sem annað kvöld klukkan
20 segir frá langferð sinni um
Suður-Ameríku í Farfuglaheimil-
inu í Laugardal ásamt Óskari Inga
Magnússyni ferðafélaga sínum.
Aðgangur er ókeypis og allir vel-
komnir meðan húsrúm leyfir.
Þrjár álfur, þrettán lönd
Enn eru nokkur sæti laus
í áhugaverða áramótaferð
Bændaferða til Pétursborgar
og Moskvu en ferðin stendur
yfir frá 28. desember 2007 til 5.
janúar 2008.
Í ferðinni gefst tækifæri til að
skoða frægustu borgir Rússlands.
Gist verður í fjórar nætur í
Pétursborg. Þar verður Vetrarhöll-
in skoðuð auk dómkirkju heilags
Ísaks og hallar Katrínar miklu í
Pushkin áður en snæddur verður
kvöldverður að rússneskum sið.
Árið verður kvatt með kvöld-
verði í Pétursborg og haldinn verð-
ur sérstakur nýárskvöldverður
ásamt dansleik.
Loks verður gist í tvær nætur í
Moskvu þar sem farið verður í
skoðunarferðir um Kreml, Rauða-
torgið, Tretjakov-listasafnið og
fleira.
Áramót í
Rússlandi
Ferðaskrifstofa
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
Auglýsingasími
– Mest lesið