Fréttablaðið - 05.12.2007, Qupperneq 10

10 5. desember 2007 MIÐVIKUDAGUR
SKIPULAGSMÁL Flugskóli Helga Jónssonar verður
sektaður um 50 þúsund krónur á dag vegna óleyfi-
legrar afgreiðslubyggingar á Reykjavíkurflugvelli.
Óskað var eftir því við borgaryfirvöld að heimila
afgreiðsluhús flugskólans á árinu 2001. Var tekið
jákvætt í þá beiðni en skýrt tekið fram að samþykki
flugmálastjórnar og lóðarhafans yrði liggja fyrir. Að
auki var sett fram sú kvöð að bygginguna yrði að
fjarlægja ef og þegar borgin krefðist þess.
Að sex árum liðnum kom á daginn að Flugskóli
Helga Jónssonar hafði ekki farið að þessum
skilmálum en samt reist húsið.
„Í mars 2007 kom í ljós að fyrrnefnt afgreiðsluhús
hefur verið staðsett á flugvellinum án þess að sótt
hafi verið um byggingarleyfi og því síður að uppfyllt
hafi verið þau skilyrði sem færð voru til bókar við
málið hjá skipulagsfulltrúa,“ segir Magnús Sædal
Svavarsson byggingarfulltrúi í bréfi til skipulagsráðs
þar sem hann leggur til að Flugskóli Helga Jónssonar
verði sektaður um 50 þúsund krónur á dag þar til
fullnægjandi byggingarleyfisumsókn hafi verið
skilað. Flugskólinn hafi áður margfengið fresti til að
komi skikki á málinu, síðast 30 daga frest frá 19.
október síðastliðinn.
„Enn hefur ekki bólað á umsókn vegna málsins,“
segir Magnús sem fékk samþykki skipulagsráðs fyrir
dagsektunum. Flugskólinn fékk í framhaldinu tíu
daga lokafrest til andmæla en nýtti hann ekki. Og nú
hefur borgarráð heimilað að sektirnar verði lagðar á.
Jytte Jónsson, meðeigandi Helga Jónssonar, segist
ekki hafa hafa heyrt af því að dagsektir hefðu verið
samþykktar á flugskólann í borgarráði. „Þetta mál er
í vinnslu en ég get ekki svarað því núna hvað við
gerum,“ segir Jytte aðspurð um næstu skref fyrir-
tækisins í málinu.
Að sögn Jytte er Flugskóli Helga Jónssonar í
fullum rekstri. „Við erum bæði með leyfi til að reka
flugskóla og með almennt flugrekstrarleyfi. Hér er
allt á fleygiferð og verður áfram. Það er öruggt,“
segir Jytte Jónsson. gar@frettabladid.is
EF ÞÚ GETUR BORIÐ HANN
PAKKINN
600 KR.
x4
Remington
hárblásari
Remington
rakvél
Fullt verð 8.900 kr.
Safnkortshafar borga aðeins
4.900 kr.
auk 1000 punkta
Þriggja hausa rakvél með stálblöðum sem skila góðum
rakstri. Sjálfstæð fjöðrun á hausum. Má skola undir vatni.
Rafhlaða dugar í 45 mín. Bartskeri. Vélinni fylgir sérstakur
snyrtir með batteríi fyrir nef- og eyrnahár. Frábær jólagjöf.
Fullt verð 5.900
Safnkortshafar borga aðeins
1.900 kr.
auk 1000 punkta
Kraftmikill 2000W Remington hárblásari. 3 hita-
stillingar og 2 hraðastillingar. Upphengilykkja.
Frábær hárblásari í jólapakkann.
Tilboðið gildir til 31.01. 2008
eða á meðan birgðir endast.
Safnkortstilboðin fást á þjónustustöðvum N1
og í verslun N1 Bíldshöfða 9.
Flugskóli sektaður
fyrir óleyfilegt hús
Leggja á 50 þúsund króna dagsektir á Flugskóla Helga Jónssonar fyrir að hunsa
ítrekuð fyrirmæli og vera með afgreiðsluhús á Reykjavíkurflugvelli án þess að
hafa sótt um byggingarleyfi. Eigandi flugskólans segir málið í vinnslu.
JÓLASERÍUSVEINN Krakkar klífa
jólasvein í Berlín sem er samansettur
að megninu til úr útijólaseríum. Um
svipað leyti og jólaskreytingar birtast
í Berlín hefst umræðan um hvort
verslanir eigi að vera opnar á sunnu-
dögum, sem er viðkvæmt deilumál í
Þýskalandi. NORDICPHOTOS/AFP
REYKJAVÍKURFLUGVÖLLUR Jákvætt var tekið í það fyrir sex
árum að leyfa Flugskóla Helga Jónssonar að byggja en ýmis
skilyrði voru sett sem aldrei voru uppfyllt. FRÉTTABLAÐIÐ/PJETUR
ÁSTRALÍA, AP Kevin Rudd, leiðtogi
ástralska Verkamannaflokksins,
sór á mánudag embættiseið sem
forsætisráðherra og lét það verða
sitt fyrsta verk að því loknu að
fullgilda Kyoto-bókunina við
loftslagssáttmála Sameinuðu
þjóðanna fyrir hönd Ástrala.
Fyrirrennari hans í embætti hafði
skirrst við að gera það í áratug.
Með fullgildingu Ástrala á
Kyoto-bókuninni standa Banda-
ríkin ein í hópi ríkra iðnríkja
heims í að standa gegn bindandi
skuldbindingum um að draga úr
losun gróðurhúsalofttegunda til
að vinna gegn loftslags-
breytingum. - aa
Stjórnarskipti í Ástralíu:
Rudd fullgildir
Kyoto-bókun
DÓMSMÁL Sveitarstjórnarmenn í
Grímsey rannsaka nú bókhald
hreppsins eftir að oddviti hans
játaði fjárdrátt í Héraðsdómi
Norðurlands eystra á dögunum, en
skrifstofa hans var innsigluð í
framhaldinu.
Maðurinn dró sér tæp þrettán
tonn af olíu á meðan hann gegndi
starfi umboðsmanns Olíudreifing-
ar, til að kynda heimili sitt og versl-
un sem hann rak í Grímsey, en það
var áður en hann tók við embætti
oddvita Grímseyjarhrepps.
„Við erum að rannsaka málið og
erum að vinna í því að fara í gegnum
bókhaldið með bókaranum okkar,“
segir Alfreð Garðarsson, einn af
þremur mönnum sem sitja í
sveitarstjórn Grímseyjarhrepps.
Sveitarstjórnin hefur ráðfært
sig við sýslumanninn á Akureyri
til að kanna stöðu sína reynist ekki
allt með felldu í bókhaldi hrepps-
ins. „Við höfum bara hreinlega
ekki nógu mikið vit á þessu og
höfum því verið að kynna okkur
þetta,“ segir Alfreð.
Oddviti hreppsins fór frá Gríms-
ey á laugardaginn eftir fjölmiðla-
umfjöllun um olíustuldinn.
Sveitarstjórnarmenn hafa ekki
náð tali af honum síðan þá þrátt
fyrir ítrekaðar tilraunir. Hann ku
vera í veikindaleyfi á Akureyri.
„Þetta mál er mjög viðkvæmt
hér í eynni, enda er samfélagið hér
lítið. Hér er mjög slæm staða og
fólk í miklu áfalli vegna málsins.“
- æþe
Bókhald Grímseyjarhrepps rannsakað í kjölfar fjárdrátts oddvita:
Skoða hvort allt sé með felldu
HÖFNIN Í GRÍMSEY Íbúar í Grímsey eru
harmi slegnir eftir að upp komst um
fjárdrátt núverandi oddvita hreppsins,
á meðan hann gegndi stöðu umboðs-
manns Olíudreifingar. Nú er verið að
rannsaka störf hans fyrir hreppinn.