Fréttablaðið - 05.12.2007, Blaðsíða 18

18 5. desember 2007 MIÐVIKUDAGUR
nær og fjær
„ORÐRÉTT“
Mikið hefur heyrst um
niðurskurð, gjaldþrot og
atvinnuleysi á landsbyggð-
inni. En til eru þeir sem
láta slíkt ekkert á sig fá og
halda á vit drauma sinna
jafnvel þótt slíkt sé talið
óðs manns æði.
Eina verslunin á Patreksfirði sem
ekki gerir út á matvörur og veiting-
ar er vel til þess fallin að seðja
hungur andans. Þetta er Sælukjall-
arinn hennar Fanneyjar Gísladótt-
ur sem reyndar hefur vaxið úr
kjallaranum í húsi þeirra hjóna en
er kominn í myndugt hús við Aðal-
stræti á Patreksfirði.
„Þegar maður er með verslun í
þorpi úti á landi þá er um að gera að
hafa úrvalið sem breiðast,“ segir
Fanney meðan hún leiðir blaða-
mann um verslunina. Þótt ekki sé
hátt til lofts né vítt til veggja má
finna varning af ýmsu tagi. „Ég er
með orkusteina, tarotspil, slökunar-
tónlist, baðkrem, húðkrem og svo
er ég líka með lífrænt ræktaðar
vörur, gourmet-krydd, chillisósur
og margt fleira.“ Þegar komið er
innar í búðinni má sjá bækur um
andleg málefni en svo hefur jóla-
bókaflóðið einnig flætt inn í þessa
ólíkindaverslun.
„Ég held að fólk sé bara ánægt
með að hafa svona verslun á
staðnum,“ segir Fanney. „Reyndar
gera þeir líka góðlátlegt grín af
þessu eins og á þorrablótinu en þá
voru þeir svo vænir að finna fyrir
mig slagorð sem ég gæti notað við
að auglýsa búðina en það var „Full
búð af nýjum vörum – einn inn í
einu.“
Aðrir í fjölskyldunni sitja held-
ur ekki með hendur í skauti því
eiginmaður hennar, Óskar Gísla-
son, hefur einnig látið til sín taka.
Á síðustu árum hefur það verið
talið óðs manns æði fyrir unga
menn að hefja útgerð en Óskar lét
allt bölsýnishjal sem vind um
eyru þjóta og festi kaup á 63 tonna
bát í sumar ásamt Ásbirni Óttars-
syni og Margréti Scheving og hóf
eigin útgerð.
Ég er búinn að vera á sjó frá því
ég var fimmtán ára og það hefur
lengi verið draumur að gera þetta
sjálfur,“ segir Óskar. Það var engin
tilviljun sem réði nafni bátsins sem
heitir Valgerður. „Amma mín hét
Valgerður og mér þótti afskaplega
vænt um hana, ég man eftir því að
hún sagði við mig að ég ætti eftir að
fara í útgerð og svo bætti hún við:
„Svo lætur þú bátinn heita Valgerð-
ur“ og það þýðir ekkert annað en að
hlýða ömmu sinni,“ segir hann og
hlær. „En það er ekki nóg með það
heldur heitir útgerðin Skriðnafell
en það var bærinn hennar ömmu.“
Bátsnúmerið á Valgerði BA 45
er heldur ekki úr lausu lofti gripið
en 45 var númerið á mjólkurbrús-
unum þar sem Óskar var í sveit í
æsku. Blaðamaður fór þó ekki út í
þá sálma að spyrja nánar um nöfn
barna þeirra, Birtu Eikar og Ísaks
Óla, en þar er kylfa örugglega ekki
látin ráða kasti frekar en fyrri
daginn. jse@frettabladid.is
Hlýða kalli hjartans
FJÖLSKYLDAN FRAMTAKSSAMA Í SÆLUKJALLARANUM Hjónakornin Fanney og Óskar taka því rólega með börnum sínum, Ísaki
Óla og Birtu Eik, í Sælukjallaranum á Patreksfirði. Hver veit nema dularfulla skáldið sem læðist í skjóli nætur og skilur jákvæð
skilaboð eftir fyrir árrisula þorpsbúa hafi fengið andagift þarna inni. JÓN SIGURÐUR
Kærleikskúlan var afhent í fimmta sinn í síðustu
viku en hana hlaut að þessu sinni Kolbrún Dögg
Kristjánsdóttir, skáld og varaformaður Sjálfs-
bjargar. Frú Vigdís Finnbogadóttir afhenti kærleiks-
kúluna og sagði við það tækifæri að Kolbrún Dögg
berðist af jákvæðni og kjarki fyrir breyttum
viðhorfum og fyrir samfélagi sem einkenndist af
umburðarlyndi, virðingu og réttlæti, þar sem allir
gætu tekið þátt og notið sín á eigin forsendum.
Kolbrún Dögg er meðal annars höfundur gjörnings-
ins „Tökum höndum saman“ sem fram fór við
Reykjavíkurtjörn í apríl síðastliðnum.
Verðlaunahafinn lét sig ekki muna um það við
afhendinguna að syngja eigið ljóð, Streymi, við lag
eiginmanns síns, Ragnars Gunnars Þórhallssonar.
Á sama tíma og þessu fór fram var kærleikskúlan
einnig frumsýnd í Berlín en hún er búin til í Þýska-
landi enda eiga þeir um 400 ára hefð í að framleiða
slíkar kúlur, að sögn Evu Þengilsdóttur sem ýtti
framtakinu úr vör fyrir fimm árum og stendur enn í
stafni. En þótt Þjóðverjar blási kúluna er hún
afsprengi íslenskrar andagiftar því það var Eggert
Pétursson myndlistarmaður sem hannaði hana.
Listamenn stigu á svið við þetta tækifæri í Berlín
og Grýluson lét sig heldur ekki vanta. - jse
Kærleikskúlan í Reykjavík og Berlín:
Barist fyrir breyttum viðhorfum
VIÐ AFHENDINGU KÆRLEIKSKÚLUNNAR Frú Vigdís Finnboga-
dóttir afhenti Kolbrúnu Dögg kærleikskúluna sem að þessu
sinni ber heitið Hringur en það var Eggert Pétursson sem
hannaði hana. FRÉTTABLAÐIÐ/VALGARÐUR
„Ég var að byrja í nýrri vinnu, sem
framkvæmdastýra Unifem á
Íslandi,“ segir Steinunn Gyðu-
og Guðjónsdóttir þegar hún er
spurð að því hvað sé að frétta.
„Mér líst mjög vel á starfið og
þykir þetta afar spennandi.
Þetta er mikið starf sem er
unnið hérna og ég er núna
að kynna mér málin. Ég les
skýrslur og bæklinga
og bækur á fullu og
reyni að koma mér inn
í daglegu störfin á skrif-
stofunni.
Á döfinni er stór fjár-
öflun eftir áramót fyrir
styrktarsjóð Unifem til
afnáms ofbeldis gegn
konum. Við viljum leita til einstaklinga
og fyrirtækja og athuga hvort þau vilji
ekki styrkja konur í þróunarríkjun-
um. Sjóðurinn styrkir ýmis verkefni
hingað og þangað um heiminn.
Hugmyndafræði að baki sjóðnum
gengur út á að bregðast við því
sem konurnar sjálfar skilgreina
sem vandamál, því þær þekkja sín
samfélög best.
Mitt markmið er
helst að auka veg og
virðingu samtakanna.
Við leggjum mikilsvert
framlag til höfuðstöðva
Unifem, sem er mikils
metið. Íslendingar eru
framarlega í jafnrétt-
ismálum og má segja
að jafnrétti sé ein aðalútflutningsvara okkar.
Við búum yfir þekkingu sem aðrir geta
notið góðs af.
Slagorð Unifem er „þróun í þágu kvenna
er allra hagur“ og það segir mikið um starf
samtakanna. Það er ekki hægt að standa að
uppbyggingu í þróunarríkjum ef ekki er litið
til annars helmings þjóðarinnar.
Undanfarið höfum við einbeitt okkur
að ofbeldismálunum, en ein af hverjum
þremur konum verður fyrir ofbeldi á
lífsleiðinni. Á átakatímum þegar félagslega
kerfið bregst lendir á konum að hugsa um
fjölskylduna og sinna sjúkum og öldruðum
svo ef samtök aðstoða konur, aðstoða þau
raunar fleiri. Stundum er talað um að ef þú
menntar karl þá menntar þú einstakling,
en menntir þú konu þá menntar þú heila
fjölskyldu.
HVAÐ ER AÐ FRÉTTA? STEINUNN GYÐU- OG GUÐJÓNSDÓTTIR, FRAMKVÆMDASTÝRA UNIFEM
Þróun í þágu kvenna er allra hagur



  
%  ;("&<9==>>9?(@@@'  '

3A( B0B03
,
Alltaf að læra
„Þetta er staðfesting á því
að ég sé á réttri braut, þó
auðvitað geti maður alltaf
gert betur og lært meira.“
FREYJA HARALDSDÓTTIR HLAUT
HVATNINGARVERÐLAUN ÖBÍ.
Morgunblaðið 4. desember.
Sendið mig
„Við erum alltaf á röngu róli í
þessari keppni.“
ÓMAR RAGNARSSON ER EKKI
HRIFINN AF ÞRÓUNINNI Í SÖNGVA-
KEPPNI EVRÓPSKRA SJÓNVARPS-
STÖÐVA.
Fréttablaðið 4. desember.
SJÓNARHÓLL
RÉTTUR TIL MÁLÞÓFS Á ALÞINGI
Má ekki tefja góð mál
„Hann getur verið afar mikilvægur
fyrir þingmenn sem eru í stjórnar-
andstöðu og hafa ekki meirihluta
á þingi til að stjórna landinu,“
segir Ólafur Ólafsson fyrrverandi
landlæknir og núverandi formaður
Félags eldri borgara. „Með því að
stunda málþóf er hægt að þæfa mál
endalaust og koma í veg fyrir að
þau nái fram að ganga.“
Aðspurður hvort málþóf geti í
einhverjum tilfellum verið lýðræðinu
til framdráttar svaraði hann að það
væri hins vegar umdeilanlegt. „Hitt
er annað mál að það mundi kannski
tryggja ákveðnum málum lengri
og betri umræðu, en hún þarf að
sjálfsögðu að taka enda einhvern
tímann enda er það meirihlutinn
sem ræður,“ segir Ólafur.
„Ég myndi alls ekki vilja hafa
það fyrirkomulag að góð mál með
þingmeirihluta nái ekki fram að
ganga. Sum mál þurfa stundum
meiri umræðu og það hefur sýnt sig
að málin eru afgreidd ansi hratt án
mikillar umræðu rétt fyrir kosningar.
Þá getur málþófið reynst gott tæki til
að skapa umræðu, en það má aldrei
verða svo að góð mál nái ekki fram
að ganga, það er aðalatriðið.“
ÓLAFUR ÓLAFSSON
Formaður Félags eldri borgara