Fréttablaðið - 07.12.2007, Blaðsíða 50

Rakel og Hildur Magnúsdætur,
betur þekktar sem Hara-systur,
hafa í nógu að snúast fyrir jólin
meðal annars við að fylgja eftir út-
gáfu nýrrar plötu, Bara. Að eigin
sögn er lagaúrvalið fjölbreytt á
plötunni, allt frá diskó til kántrí svo
allir ættu að finna þar eitthvað við
sitt hæfi. Auk þess að leggja mikið
upp úr góðu lagaúr vali, segja syst-
urnar mikinn tíma fara í að velja
réttu búningana til að koma fram í
en valið ráðist oftast af tilefninu.
„Við erum alltaf í búningum
á sviði. Það er algjör skylda. Við
komum ekki öðruvísi fram,“ segir
Rakel hress í bragði og tekur fram
að Hildur ráði nú yfirleitt hverju
þær syngja í. „Ég ræð hins vegar
öllu öðru, hvað við syngjum og
segjum hverju sinni, eða þar til
Hildur missir sig í bröndurunum,“
segir hún.
Systurnar minnast þó atviks
þar sem þessi yfirlýsta stefna fór
þó eitthvað úrskeiðis, en það var
á kántríhátíðinni á Skagaströnd
þar sem gleymdist að hafa með
kúrekahatta. „Við vorum alveg
eins og asnar á sviðinu,“ rifjar
Rakel upp og hlær. „En sem betur
fer kom kona úr salnum hlaup-
andi og reddaði okkur sitthvorum
hattinum.“
Þær segja að búningarnar séu
yfirleitt hugsaðir niður í smáatriði
og Rakel eigi meira að segja sér-
stakar lukkunærbuxur sem hún
komi fram í. „Þetta eru svona
Bridget Jones-nærbuxur. Þú
veist þessar stóru og þar af leið-
andi passa þær kannski ekki við
öll dress,“ segir Rakel og blaða-
maður veit ekki alveg hvort hann
á að taka hana alvarlega, enda
systurnar þekktar fyrir hreint
ótrúlegt skopskyn.
En að stórum nærbuxum frá-
töldum, hvernig skyldu þær lýsa
eigin fatasmekk. Rakel verður
fyrri til svars. „Mér finnst gaman
að fara í „second hand“-búðir
eins og Gyllta köttinn. All Saints
er uppáhaldsbúðin mín sem fellur
ekki í þann flokk og eins Next,
þar sem afgreiðslustúlkurnar eru
alveg hreint út sagt yndislegar.
Fötin þar eru svolítið öðruvísi,
en ég reyni að finna föt sem fáir
eiga. Svo skiptir ekki síður máli
að fötin séu þægileg en flott.“
Hildur segist líkt og systir
hennar sækja mikið í verslanir
með notuð föt, annað kaupi hún
á netinu. „Mér finnst ekkert
skemmtilegra en að versla, en er
samt ekkert að tapa mér,“ viður-
kennir hún. „Oft finnst mér við
ekki eiga neitt þegar við ætlum
að skemmta, sem er í lagi því þá
fer ég bara að versla.“
Systurnar fá líka stundum föt
lánuð hjá hvor hjá hinni, þótt Rakel
leiti oftar í yfirfullan fataskáp-
inn hjá Hildi, sem hún segir hafa
sankað að sér fötum allt frá barns-
aldri. „Það var tekin heil filma
af henni tveggja til þrigga ára í
rosalega pæjulegum fötum. Hún
var eins og pínulítil kerling með
varalit og hálsfesti. Við spring-
um enn úr hlátri við að skoða
myndirnar,“ segir Rakel, sem á
sjálf ýmsar skrautlegar minn-
ingar um fatakaup, meðal annars
þegar hún keypti sér forláta kjól
sem reyndist vera skyrta.
En hverju skyldu systurnar
ætla að klæðast um jólin? „Ég er
búin að ákveða að klæðast rosa-
lega flottum gömlum kjól, svört-
um og bleikum, sem ég keypti í
Spútnik fyrir fimm árum og not-
aði við útskriftina,“ segir Hildur.
„Hann er sá allra flottasti sem ég
hef séð.“
Rakel virðist ekki jafn ákveðin.
„Ég er ekki alveg búin að velja
fötin, ætli það fari ekki svolítið
eftir veðri og vindum. Svo fer
það líka eftir því hvort ég ham-
ast sjálf í eldhúsinu eða mamma
verður hjá mér. Ef mamma eldar
steikina þá fer ég í mitt fínasta
púss.“ Ekki fylgir sögunni hvort
skræpótti kjóllinn verði þá sóttur
upp á háaloft.
- rve
Syngur í Bridget
Jones nærbuxum
● Hara-systurnar Rakel og Hildur Magnúsdætur eru önnum kafnar við að fylgja eftir nýrri
plötu en þær segja flott föt órjúfanlegan hluta af sviðsframkomunni.
Hara-systrum, Hildi og Rakel Magnúsdætrum, finnst fátt skemmtilegra en að kaupa
sér föt en sumum þeirra klæðast þær við opinber tækifæri. FRÉTTABLAÐIÐ/VALLI
„Kjólinn keypti ég í Spútnik fyrir ári en
ég kaupi mikið af fötum í verslunum
með notuð föt og líka á eBay,“ segir
Hildur.
„Ég keypti þennan kjól í Gyllta kett-
inum. Mér fannst vera einhver Siggu
Beinteins í Eurovision-fílingur í honum,“
segir Rakel.
Fæst í helstu skartgripa-
verslunum um land allt
7. DESEMBER 2007 FÖSTUDAGUR