Fréttablaðið - 07.12.2007, Blaðsíða 35

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Thomas Möller gaf nýlega út matreiðslubók sem
er sérsniðin fyrir karlmenn.
Árið 2004 sá Thomas Möller auglýsingu í blaði sem
átti eftir að breyta lífi hans. Hann hafði verið að leita
að matreiðslunámskeiði við sitt hæfi en konan hans
rak verslun og var aldrei komin heim fyrr en seint á
kvöldin. Thomas kunni ekkert til verka í eldhúsinu og
var orðinn leiður á því að bíða eftir því að konan
kæmi heim til að elda.
Auglýsingin umrædda var frá Námsflokkum
Reykjavíkur þar sem boðið var upp á matreiðslunám-
skeið fyrir karlmenn. „Það var upphaflega hannað
fyrir einstæða karlmenn í Reykjavík sem liður í
félagsaðstoð en þó voru fleiri fjölskyldumenn í
mínum sporum sem höfðu séð auglýsinguna,“ segir
Thomas. „Þetta var skemmtileg upplifun og í dag get
ég eldað úr hvaða hráefni sem er,“ bætir hann við.
Thomas ákvað svo að skrifa sögu í kringum nám-
skeiðið og segja frá því helsta sem nemendurnir
lærðu og kom bókin Eldaðu maður út í síðustu viku.
„Ég er verkfræðingur að mennt og nálgast mat-
reiðsluna út frá verkfræðinni. Við karlmenn viljum
einfaldar leiðbeiningar um hvernig á að gera hlutina
og tekur bókin mið af því. Í bókinni er tiltölulega lítill
texti og eru einungis nokkrar línur með hráefnum.
Þau eru svo öll fáanleg í næstu búð. Einföldu upp-
skriftirnar eru fremst og þyngjast þær svo hægt og
bítandi. Til samanburðar nefni ég dæmi um flókna
rétti sem bera nöfn eins og ferskjuteskryddaður
þorskhnakki með papajakóríandersalati og maltapp-
elsínusírópi og skil ég vel að karlmenn forðist slíka
matseld,“ segir Thomas. Í bókinni eru svo leiðbein-
ingar um þau áhöld sem þarf að hafa við höndina,
hvernig á að snyrta hráefni, velja vín og fleira. „Ég
vona að það skíni út úr bókinni hvað þetta er skemmti-
leg iðja og það er fátt eins gaman og að fá hrós fyrir
góðan mat. Nú hafa karlmenn enga afsökun fyrir því
að sniðganga eldamennskuna enda hef ég verið mikið
gagnrýndur af kynbræðrum mínum fyrir að fella
þetta vígi,“ segir Thomas kíminn.
vera@frettabladid.is
Verkfræði í eldhúsinu
Thomas hefur verið gagnrýndur af kynbræðrum sínum fyrir að fella síðasta vígi þeirra í eldhúsinu. FRÉTTABLAÐIÐ/ANTON BRINK
JÓLADRUMBUR
Nanna Rögnvaldardóttir
bakar köku fyrir hver jól
sem er í laginu eins
og trjádrumbur.
MATUR 2
GRÝLA STJÓRNAR
Veislustjóri jólahlaðborðs Fjöl-
skyldu- og húsdýragarðsins
er Grýla sjálf sem skemmtir
sér vel með börnum og
fullorðnum.
JÓL 3