Fréttablaðið - 11.12.2007, Page 11

ÞRIÐJUDAGUR 11. desember 2007 11
SVÍÞJÓÐ, AP Ríkislögreglustjórinn
í Svíþjóð, Stefan Strömberg,
hættir um áramótin. Þrjú ár
Strömbergs í embætti hafa
einkennst af harðri gagnrýni í
hans garð vegna áætlana um að
gera lögregluna miðstýrðari og
að koma á fót stofnun í líkingu
við bandarísku Alríkislögregluna
(FBI).
„Ég og Stefan höfum orðið
sammála um að við þurfum
nýjan ríkislögreglustjóra,“ sagði
dómsmálaráðherra Svíþjóðar,
Beatrice Ask, á blaðamanna-
fundi.
„Stefan á ekki í vandræðum
með að tala við lögregluna en
viðræðurnar hafa ekki gengið
sem skyldi.“ - sdg
Sænski ríkislögreglustjórinn:
Hættir eftir
mikla gagnrýni
DÓMSMÁL Kona á sjötugsaldri
hefur verið dæmd í eins mánaðar
skilorðsbundið fangelsi fyrir
búðarhnupl.
Konan stal tveimur bolum og
pilsi í Markaðstorgi Kringlunnar,
samtals að verðmæti 1.970
krónur. Hún játaði fyrir dómi.
Konan er rúmlega sextug.
Samkvæmt sakavottorði hefur
hún þrívegis verið sak felld fyrir
búðarhnupl og ávallt verið gerð
sektar refsing.
Með hliðsjón af greindum
sakaferli, aldri konunnar, greiðri
játningu og loks því að um
smáræði var að ræða, sem komst
óskemmt til skila, taldi dómurinn
rétt að skilorðsbinda refsinguna.
- jss
Kona á sjötugsaldri:
Dæmd fyrir
búðarhnupl
ATVINNUMÁL Vinnumiðlun fyrir
eldri borgara, sem starfrækt er
hjá Reykjavíkurborg, þótti
takast vel og mun Sesselja
Ásgeirsdóttir
halda áfram
sem verk-
efnastjóri
miðlunarinn-
ar. Hún segir
marga komna
út á vinnu-
markaðinn og
þeir láti vel
af því. „Við
munum sinna
öllum sem
vilja við
okkur tala og
líka þeim sem eru yngri en
sextugir, því það er nóg af
störfum,“ segir Sesselja.
Flestir þeirra sem þegar hafa
hafið störf vinna á leikskólum
og í grunnskólum. Sesselja
segir þó fleiri störf standa til
boða. Hægt er að hafa samband
við vinnumiðlunina daglega með
því að hringja í þjónustusíma
Reykjavíkurborgar. - eb
Störf fyrir eldri borgara:
Vinnumiðlun
heldur áfram
SESSELJA
ÁSGEIRSDÓTTIR
Radisson SAS Saga Hotel
Sími: 525 9900
hotelsaga@hotelsaga.is
www.hotelsaga.is
P
IP
A
R

•
S
ÍA

•
7
24
66 Súlnasalur verður stjörnum prýddur hvort sem er á sviðinu eða
úti í sal á nýárskvöld. Hver skemmtikrafturinn á eftir öðrum mun
gera kvöldið eftirminnilegt sem og girnilegur maturinn og gleðin
sem ríkir.
Pantaðu borð í síma 525 9900.
Misstu ekki af stærsta kvöldi ársins.
Dagskrá kvöldsins:
Hjörleifur Valsson, fiðluleikari, tekur á móti gestum með fallegum undirleik.
Ragnar Bjarnason stjórnar veislunni eins og honum er einum lagið.
Jónas Þórir leikur undir kvöldverði.
Diddú tekur lagið.
Jóhannes Kristjánsson fer með gamanmál.
Bjarni Ara syngur og hver veit nema Raggi Bjarna syngi með.
Hljómsveitin Saga Class leikur fyrir dansi.
Flugeldasýning
í Súlnasal á nýárskvöld
skemmtikrafta
KOSOVO, AP Ráðamenn í Kosovo-
héraði segjast staðráðnir í að lýsa
yfir einhliða sjálfstæði héraðsins
í janúar eða febrúar.
Utanríkisráðherrar aðildar-
ríkja Evrópusambandsins sátu á
fundi í Brussel í gær og sögðust
allir, að undanskildum fulltrúan-
um frá Kýpur, á einu máli um að
styðja sjálfstæði héraðsins.
Meira en þrjú þúsund manns
komu saman í gær á útifundi í
Pristina, höfuðborg héraðsins, og
kröfðust þess að sjálfstæði verði
lýst yfir hið fyrsta.
„Engar frekari tafir, engar
frekari málamiðlanir,“ sagði
Burim Balaj, leiðtogi námsmanna,
í ávarpi sem hann hélt á fundin-
um.
Skender Hyseni, talsmaður
stjórnarinnar, segir spurninguna
ekki lengur snúast um það hvort,
heldur hvenær sjálfstæði verður
að veruleika. Embættismenn
sögðu yfirlýsinguna líklega koma
strax í janúar eða febrúar á næsta
ári.
Í gær rann út 120 daga frestur
sem Sameinuðu þjóðirnar höfðu
til að miðla málum milli Serba og
Kosovo-Albana um framtíðar-
stöðu héraðsins.
Kosovo-búar vilja ólmir lýsa
yfir sjálfstæði sem fyrst en Ser-
bar geta ekki hugsað sér að missa
héraðið úr Serbíu, bæði vegna
þess að þar eru sögulegar minjar
sem hafa mikið gildi fyrir Serba,
auk þess sem serbneskir íbúar
héraðsins verða í minnihluta og
missa tengslin við Serbíu. - gb
Evrópusambandið styður sjálfstæði Kosovohéraðs:
Stefnt að sjálfstæði í byrjun næsta árs
KOSOVOBÚAR KREFJAST SJÁLFSTÆÐIS Fánum Albaníu og Evrópusambandsins var
veifað á útifundi í Pristína í gær þar sem Kosovobúar komu saman til að hvetja
leiðtoga sína til að lýsa yfir sjálfstæði. FRÉTTABLAÐIÐ/AFP
FLÓRÍDA, AP Nasa hefur frestað
skoti geimskutlunnar Atlantis
fram í janúar. Áætlað var að
Atlantis yrði skotið á loft í vikunni
og að áhöfn hennar setti upp
rannsóknastofu í alþjóðlegu
geimstöðinni. Tvær tilraunir voru
gerðar til að skjóta flauginni á loft
en í bæði skiptin biluðu nemar í
eldsneytistönkum flaugarinnar.
Nemarnir koma í veg fyrir að
það slokkni á hreyflum flaugar-
innar of seint og þeir vinni
eldsneytislaust, nokkuð sem gæti
haft hörmulegar afleiðingar. Í von
um að leysa endurtekin vandræði
nemanna var skotinu frestað þar
til í fyrsta lagi annan janúar. - eá
Eldsneytisnemar virka ekki:
Nasa frestar
geimskotinu