Fréttablaðið - 11.12.2007, Page 24

24 11. desember 2007 ÞRIÐJUDAGUR
Umsjón: nánar á visir.is
KAUPHÖLL ÍSLANDS [Hlutabréf]
OMX ÍSLAND 15 Fjöldi viðskipta: 297
6.407 -0,39% Velta: 1.650 milljónir
HLUTABRÉF Í ÚRVALSVÍSITÖLU: Atorka 10,00 -0,99% ... Bakkavör
58,60 -0,17% ... Eimskipafélagið 36,05 -0,96% ... Exista 22,40
-0,44% ... FL Group 15,35 -1,60% ... Glitnir 22,95 -0,22% ... Icelandair
27,50 +0,00% ... Kaupþing 863,00 -0,46% ... Landsbankinn 35,80
+0,28% ... Straumur-Burðarás 15,35 -1,29% ... Össur 98,00 +0,00%
... Teymi 5,97 +0,34%
MESTA HÆKKUN
SPRON +1,19%
MAREL +0,51%
ALFESCA +0,45%
MESTA LÆKKUN
FLAGA -6,54%
FL GROUP -1,60%
STRAUMUR-BU.ÁS -1,29%
B&L
Lítið lát virðist vera á afskriftum banka í tengslum við bandarísk undirmáls-
lán en bæði svissneski bankinn UBS og hinn breski Lloyds TBS greindu frá
milljarðaafskriftum á lánum í gær.
Afskriftir UBS nema tíu milljörðum dala, jafnvirði 617 milljarða íslenskra
króna. Þetta er hæsta upphæðin sem evrópskur banki hefur strikað út úr
bókum sínum af þessum sökum en útlit er fyrir að hann skili tapi á árinu.
Bankinn hefur varið sig gegn tapinu að hluta með breyttu formi arð-
greiðslna og sölu á níu prósenta hlut til fjárfestingasjóðs í eigu stjórnvalda í
Síngapúr og ónefnds fjárfestis frá Miðausturlöndum. Kaupverð nemur 11,5
milljörðum dala.
Þá nema afskriftir Lloyds 200 milljónum punda, jafnvirði 25 milljarða
íslenskra króna. Þetta er fjórðungi meira en stjórnendur bankans höfðu
reiknað með. - jab
UBS afskrifar milljarða
Með klukku í stofunni
Magne Arge, forstjóri færeyska flugfélagsins Atl-
antic Airways, var hinn glaðbeittasti þegar að því
koma að hringja markaðsbjöllunni í Kauphöll
Íslands við lokun markaðar í gær. Bjöllunni er
alla jafna hringt í upphafi viðskipta-
dags þegar hafin eru viðskipti með
bréf nýs félags, en í gærmorgun
var fagnað í Færeyjum og svo við
lok viðskiptadags hér heima. „Ég er
með svona bjöllu í stofunni heima,“
sagði Magne og kvað hana vera úr
færeysku skipi sem sökk við Ólafs-
fjörð árið 1951. Hann segir
hljóminn svipaðan, en
fram kom að klingjandinn
vekti litla lukku meðal
heimilisfólks þegar hann
laumast til að hringja á
laugardagsmorgni.
Engin blankheit
Starfsmenn fjármálafyrirtækisins Goldman
Sachs fá hver um sig 36 milljónir króna í
jólabónus í ár. Á Vísir.is í gær sagði að Lloyd
Blankfein fengi rúma þrjá milljarða króna
þetta árið. Ástæðan er meðal annars sú að
fjármálafyrirtækið þykir hafa sloppið vel frá
undirmálskrísunni sem herjar á fjármálamark-
aði. Það hafa reyndar íslenskir bankar líka
gert og ekki þurft að afskrifa mikið það sem
af er ári. Bankafólk má því eiga von á að fá
þrettánda mánuðinn í bónus þetta árið eins
og þau fyrri. Reyndar þekkist það vel hér
á landi að starfsmenn fái bónus
þegar vel gengur. Þannig fékk hver
starfsmaður hjá útgerðarfélaginu
Brimi á Akureyri 125 þúsund í
kaupauka í fyrra. Guðmundur
Kristjánsson ætti því ekki að
vera kallaður „vinalausi“
heldur Guðmundur „góði“.
Peningaskápurinn ... MARKAÐSPUNKTARÍ nýrri húsnæðisspá Greiningar Glitnis
er gert ráð fyrir 15,4 prósenta hækkun
á íbúðarhúsnæðisverði yfir þetta ár
en að verðið verði nánast óbreytt árið
2008 sem er töluverður viðsnúningur
eftir mikla hækkun undanfarin ár.
Sala hjá McDonalds hækkaði um 8,2
prósent í nóvember vegna aukinn-
ar sölu á ostborgurum og kaffi í
Bandaríkjunum ásamt aukinnar sölu
á morgunmat og kjúklingasamlokum
í Evrópu og Asíu. Sala hjá fyrirtækinu
hefur aukist samfellt í 55 mánuði.
Þetta kom fram í hálffimm fréttum.
Icelandair mun hætta flugi til Balti-
more hinn 13. janúar en flogið hefur
verið þangað í áraraðir. Hins vegar
mun félagið hefja flug til Toronto 2.
maí samkvæmt vegvísi Landsbank-
ans.
Gengi hlutabréfa í bresku herra-
fatakeðjunni Moss Bros rauk upp
um tæp 23,5 prósent þegar mest
lét í kauphöllinni í Lundúnum í
Bretlandi í gær eftir að bresku
blöðin Sunday Times og Telegraph
sögðu Baug vera að skoða yfir-
tökutilboð í herrafatakeðjuna upp
á allt að fimm milljarða króna í
vikunni.
Sara Lind, upplýsingafulltrúi
Baugs, neitaði að tjá sig um málið
í gær og sagði Baug vera fjárfest-
ingafélag sem skoði alla áhuga-
verða kosti.
Gengi Moss Bros náði hæstu
hæðum í janúar fyrir tæpum
þremur árum og hefur fallið hratt
síðan, þar af um rúm 50 prósent
síðan í júlí. Gangi tilboðið eftir
mun það hljóða upp á um 40 pens á
hlut, að sögn Sunday Times. Loka-
gengi bréfa í versluninni stóð í
45,5 pens á hlut.
Baugur á fyrir tæpan 29 pró-
senta hlut í Moss Bros í gegnum
fjárfestingafélagið Unity Invest-
ments í félagi við FL Group og
breska athafnamanninn Kevin
Stanford. - jab
Baugur skoðar yfir-
töku á Moss Bros
Fimm koma nýir í stjórn FL Group
á hluthafafundi félagsins næsta
föstudag. Tveir sitja áfram í
stjórninni, formaðurinn Jón
Ásgeir Jóhannsson, stjórnarfor-
maður Baugs og varaformaðurinn
Þorsteinn M. Jónsson oft kenndur
við Vífilfell.
Út úr stjórninni ganga Jón
Kristjánsson, Magnús Ármann,
Paul Davidson og Skarphéðinn
Berg Steinarsson. Smári S.
Sigurðsson verður varamaður
ásamt Peter Möllerup.
Nýir stjórnarmenn eru Hannes
Smárason, fyrrverandi forstjóri
FL Group, Gunnar Sigurðsson,
forstjóri Baugs, Kristín Edwald
lögmaður, Pálmi Haraldsson,
eigandi Fons, og Þórður Már
Jóhannsson, framkvæmdastjóri
Gnúps. - óká
Fimm nýir
í stjórn FL
Í FÖTUM FRÁ MOSS BROS Breskir
fjölmiðlar segja líkur á að Baugur leggi
fram tilboð upp á fimm milljarða króna í
herrafataverslunina Moss Bros í vikunni.
Gengi bréfa Atlantic Airways
hækkaði um 0,6 prósent frá
útboðsgengi á fyrsta degi við-
skipta með bréfin í OMX kauphöll
Íslands í gær. Útboðsgengið var
261 dönsk króna á hlut, en loka-
gengi gærdagsins 262,5 danskar
krónur, eftir 15 færslur. Dagurinn
var raunar sá rólegast í Kauphöll-
inni á þessu ári, þar sem heildar-
velta hlutabréfa nam ekki nema
1.650 milljónum króna. Í Vegvísi
Landsbankans kemur fram að
velta hafi að meðaltali verið tæpir
11,2 milljarðar króna á dag það
sem af er ári.
Félagið er tvítugt, stofnað í
mars árið 1987. Í upphafi var ein-
ungis flogið á einni leið milli Fær-
eyja og Kaupmannahafnar á einu
fél félagsins. Síðan hafa umsvif
félagsins aukist nokkuð, en megin-
starfsemin byggir á áætlunarflugi
frá Færeyjum, leiguflugi í Evrópu
og þyrlustarfsemi í Færeyjum og
á Norðursjó. Félagið rekur nú sex
flugvélar og þrjár þyrlur og er
með höfuðstöðvar í Sørvág í Fær-
eyjum. Starfsmenn eru 187.
Magne Arge, forstóri Atlantic
Airways, segir spennandi tíma
fram undan. „Með skráningu á
markað koma ný tækifæri og um
leið ný verkefni og skyldur. Slíkt
er ávallt spennandi fyrir okkur
sem störfum í viðskiptum. Sér-
staklega þurfum við að venja
okkur við að vera á hverjum degi
komin undir dóm markaðarins á
frammistöðu okkar.“ Magne segir
félagið þó vel í stakk búið til að
takast á við þessar nýju upplifanir.
„Við höfum í mörg ár starfað í
flugiðnaði og sá iðnaður er þannig,
sér í lagi í Færeyjum, að við vitum
að bæði getur verið von á þung-
skýjuðum dögum og sólríkum. Þá
þekkum við vel allan óróleika í
lofti.“
Þórður Friðjónsson, forstjóri
Kauphallar Íslands, fagnaði líka
skráningu Atlantic Airways í
Kauphöllina hér. „Við erum þess
fullviss að þessi „lending“ félags-
ins á verðbréfamarkaðnum geri
því kleift að „hefja sig til flugs“
með glæsibrag í framtíðinni,“
sagði hann og kvað færeysk félög
hafa verið í mikilli sókn í kjölfar
einkavæðingar stjórnvalda. „Ég
álít færeyska markaðinn orðinn
það stóran að hann sé farinn að
skipta máli fyrir færeyska hag-
kerfið og hefur verið mjög ánægu-
legt að horfa á þessa þróun.“ Þá
segir hann samstarfið við Færey-
ingana hafa verið ánægjulegt og
nálgun við vandamál svipuð og í
Kauphöllinni hér, en hún snerist
um að leysa mál fljótt og vel.
Atlantic Airways er 37. félagið
sem er skráð á aðalmarkað Nordic
Exchange á þessu ári og um leið
fjórða færeyska félagið sem skráð
er í Kauphöllina hér. Fyrr á þessu
ári voru skráðir hér á markað Eik
Banki og Føroya Banki, en
olíuleitar félagið Atlantic Petrol-
eum varð fyrst til árið 2005.
olikr@frettabladid.is
Viðskipti hafin
á rólegasta tíma
Viðskipti hófust með bréf færeyska flugfélagsins
Atlantic Airways í Kauphöll Íslands í gær. Gengið
hækkaði um 0,6 prósent frá útboðsgengi.
VIÐ KAUPHALLARBJÖLLUNA Magne Arge, forstjóri Atlantic Airways, um það bil að
taka við bjöllustreng Kauphallarbjöllunnar úr hendi Þórðar Friðjónssonar, forstjóra
Kauphallarinnar, við lok viðskipta í gær. FRÉTTABLAÐIÐ/VILHELM