Fréttablaðið - 20.12.2007, Side 70

58 20. desember 2007 FIMMTUDAGUR
maturogvin@frettabladid.is
Þó að fólk eigi allt á milli himins og
jarðar er alltaf hægt að gleðja
bragðlaukana með stútfullri og
skemmtilegri gjafakörfu. Gjafa-
körfur frá Ostabúðinni á Skóla-
vörðustíg hafa löngum verið vin-
sælar, og eins hrósa kaffiunnendur
happi yfir gjafakörfum frá Te og
kaffi eða kaffiskrínum Kaffitári.
Í Hagkaupum í Kringlunni og
Smáralind má svo grípa með sér
gjafakörfur frá Kokkunum, en þeir
reka þar svokölluð sælkeraborð.
Rúnar Gíslason, einn eigandi Kokk-
anna, segir körfurnar aldrei hafa
verið vinsælli. „Þetta tók svolítið
stökk í fyrra, og það virðist ætla að
halda sér núna,“ segir Rúnar. Kokk-
arnir bjóða upp á sex gerðir af
gjafakörfum, og í stærri tegundun-
um komast sælkerar heldur betur í
feitt. „Þá er þetta orðinn sérgerður
matur. Paté-in eru til dæmis okkar
handverk, og eitthvað sem við
leggjum mikinn metnað í,“ útskýrir
Rúnar. Í körfunum leynast einnig
heimagerð Cumberland-sósa,
mangó- og epla-chutney og pipar-
rótarsósa, auk þeirra erlendu osta
sem fyrirtækið flytur inn.
Rúnar segir einnig mikið um að
fólk líti við til að kaupa eitthvað
gómsætt í eigin ísskáp. „Það fer
alveg rosalegt magn af hrein-
dýrapaté og sveitapaté hjá okkur.
Svo eru það auðvitað ostarnir, og
við bjóðum líka upp á tvær tegund-
ir af hunangi, fíkjuhunang og val-
hnetuhunang, sem fer rosalega vel
með þeim,“ útskýrir Rúnar.
Þeir sem vilja gleðja sælkerana
ættu því að kynna sér gjafakörf-
urnar sem í boði eru, eða velja sjálf-
ir ofan í ætilegan pakka. - sun
Gjafakörfur aldrei vinsælli
SÆLKERAGLAÐNINGUR Rúnar Gíslason
segir gjafakörfur aldrei hafa verið vin-
sælli, en þar að auki kaupir fólk gjarnan
eitthvað góðgæti fyrir sjálft sig.
FRÉTTABLAÐIÐ/
Hjónin Jón Jóhannesson og
Sigrún Magnúsdóttir gefa
í hjáverkum út matreiðslu-
bækur undir merkjum
Altungu. Þau eiga marga
metra af slíkum bókum í
eigin hillum.
Bókaforlagið Altunga er fjöl-
skyldufyrirtæki hjónanna Jóns og
Sigrúnar, sem eru mikið áhuga-
fólk um mat. Þau hafa áður gefið
út þrettán litlar matreiðslubækur,
sem Sigrún hreifst af í Danmörku
fyrir nokkrum árum. „Hún keypti
nokkur stykki af þessum bókum,
og þá helltist yfir hana þörf til að
gefa þær út. Við börðumst nú lengi
gegn því, enda kunnum við svo
sem ekkert á bókaútgáfu,“ útskýr-
ir Jón og hlær við. Úr varð þó að
þau fengu útgáfuréttinn, og hafa
„dundað“ við útgáfu síðan, að sögn
Jóns.
Fyrir þessi jól gefa þau út bókina
Eldað í hægum takti, en í henni er
að finna uppskriftir frá Ítalíu,
Frakklandi og Norður-Afríku, svo
eitthvað sé nefnt. „Ég fór að prófa
að elda upp úr þessari bók og lík-
aði það alveg ofboðslega vel,
árangurinn varð svo góður,“
útskýrir Jón. „Svo nær hún í raun
og veru yfir allt, því í henni eru
uppskriftir að forréttum, aðalrétt-
um og eftirréttum, auk meðlætis,“
bætir hann við.
Þó að þessi uppskrift, sem er úr
bókinni komin, geri ráð fyrir heil-
um kjúklingi sem er hlutaður
niður segir Jón lítið mál að skipta
honum út fyrir vængi eða leggi. Flysjið epli og fjarlægið kjarna,
fínsaxið hálft epli en skerið afgang
í 12 báta. Veltið þeim upp úr sítr-
ónusafanum.
Hitið helminginn af smjörinu í
stórum potti og steikið kjúklinga-
bitana með skinnið niður, þar til
þeir verða gullnir. Snúið og steikið
í 5 mín. Takið kjötið frá og hellið
fitunni af.
Hitið svolítið minna af smjöri í
sama potti. Steikið lauk, sellerí og
söxuð epli við meðalhita í 5 mín.,
án þess að brúna. Takið af hita,
dreifið hveiti yfir grænmetið og
hrærið saman.
Bætið calvados út í og setjið
aftur yfir hita. Hrærið soðinu
smám saman í og hitið að suðu.
Setjið kjúklinginn saman við og
látið malla undir loki í 15 mín. eða
þar til kjúklingurinn er soðinn í
gegn og meyr.
Á meðan er afgangurinn af
smjörinu bræddur á lítilli pönnu
og eplabátarnir steiktir þar til þeir
verða brúnir og meyrir. Takið þá
frá og haldið heitum.
Takið kjúkling úr pottinum og
haldið heitum. Fleytið fitunni ofan
af og setjið sýrðan rjóma saman
við sósuna. Sjóðið í 4 mín. eða þar
til sósan loðir við bakhlið á tré-
sleif. Saltið og piprið og hellið yfir
kjúklinginn. Berið fram með epla-
bátunum.
Matreiðslubækur í metratali
ELDAR Í HÆGUM TAKTI Jón Jóhannesson og eiginkona hans hafa gefið út bókina
Eldað í hægum takti, en uppskriftin að kjúklingnum með calvados og eplum er
einmitt úr henni komin. MYND/ÞÓRIR TRYGGVASON
Enn er tími …
… til að gera jólakonfekt, ef
þú hefur það eins einfalt og
auðið er. Fylltu mjúkar
og girnilegar döðlur af
marsípani, og hjúpaðu
með súkkulaði. Afar
einfalt og skelfilega
gott!
Hvaða matar gætirðu síst verið án?
Um jólin gæti ég ekki hugsað mér að missa af hrein-
dýrasteikinni sem ég matreiði með kærastanum á
annan í jólum.
Besta máltíð sem þú hefur fengið:
Sushi á veitingastaðnum Nobu í London, ég er mikill
sushi-aðdáandi. Nobu-staðirnir eru geggjaðir og
klikka aldrei.
Er einhver matur sem þér finnst vondur?
Hrogn, lifur og siginn fiskur, honum þurfti að troða
ofan í mig þegar ég var barn.
Leyndarmál úr eldhússkápnum:
Enginn notar svartan pipar eins mikið og ég. Ég er
alltaf að kaupa svartan pipar því hann klárast á undan
öllu öðru.
Hvað borðar þú til að láta þér líða betur?
Godiva-konfekt eða konfekt frá Hafliða. Ég er
svo mikill súkkulaðigrís.
Hvað áttu alltaf til í ísskápnum?
Þar sem ég er söngkona á ég alltaf til súrsaða
engiferrót í ísskápnum. Hún hreinsar svo
hálsinn. Svo á ég líka alltaf kók; er haldin þeim
sjúkdómi.
Ef þú yrðir föst á eyðieyju, hvað tækirðu
með þér?
Veiðistöng til að redda sushi í matinn og kær-
astann því þá er allt gott.
Hvað er það skrítnasta sem þú hefur borð-
að?
Ígulker á Krít. Maður borðar þau hrá, en ég mæli
ekki með þeim.
MATGÆÐINGURINN BIRGITTA HAUKDAL SÖNGKONA
Eldar alltaf hreindýrasteik um jólin
Hjá frændum okkar Svíum er
bakstur Lúsíubolla, eða Lúsíu-
katta, ómissandi fyrir jólin. Lúsíu-
bollur eru til í nokkrum útgáfum,
en allar skarta þær þó fagurgulum
saffranslitnum. Þessa uppskrift
er að finna á heimasíðunni recept-
en.se, en hún gerir ráð fyrir um 50
bollum.
50 g ger fyrir sætt deig
150 g smjör
5 dl mjólk
250 g kotasæla
1 poki saffran (0,5g)
1 ½ dl sykur
½ tsk. salt
Um 17 dl hveiti
Myljið gerið í skál. Bræðið
smjör í potti, hellið mjólk út í og
hitið að 37ºC. Hellið hluta blönd-
unnar yfir gerið og hrærið þar til
það hefur leyst upp. Bætið afgang-
inum af blöndunni út í, ásamt kot-
a sælu, saffrani, sykri og salti.
Hnoðið deigið. Leggið í skálina,
breiðið viskastykki yfir og látið
lyfta sér í um 30 mínútur.
Hnoðið deigið þar til það er
slétt, og skiptið í fimm hluta.
Mótið 10 bollur úr hverjum hluta.
Rúllið deiginu aðeins út og mótið
vel sveigt S. Skreytið hverja bollu
með tveimur rúsínum, penslið
með eggi og bakið við 225°C í um 8
mínútur.
Ljúfar Lúsíubollur
Ófáir landsmenn leggja leið sína í
vínbúðirnar á Þorláksmessu og
daginn fyrir gamlársdag til að
fylla barskápinn fyrir hátíðirnar. Í
ár verða verslanirnar þó lokaðar á
þessum dögum, þar sem þá ber
upp á sunnudag. Lögum sam-
kvæmt er óheimilt að hafa áfeng-
isverslanir opnar á sunnudögum,
og þurfa þeir sem vilja vín með
jólamatnum því að vera fyrr á
ferðinni í ár.
Í fréttatilkynningu frá Vínbúð-
unum segir að reynt verði að koma
til móts við þarfir viðskiptavina í
kringum hátíðarnar, og verður
afgreiðslutími á höfuðborgar-
svæðinu og í stærri verslunum,
svo sem á Akureyri, Selfossi og í
Keflavík, til tíu um kvöldið laug-
ardaginn 22. desember. Þeir sem
eru hvað seinastir í tíðinni hafa
svo möguleika á að kaupa jólavín-
ið á aðfangadag, þegar opið verð-
ur frá 9-13, og á gamlársdag frá 9-
14. Nánari upplýsingar um
afgreiðslutíma vínbúðanna er að
finna á heimasíðunni vinbud.is.
Vínbúðirnar lokað-
ar á Þorláksmessu
VÍNVERSLUN FÆRIST FRAM Samkvæmt
lögum um áfengissölu verða vínbúðir
landsins lokaðar á Þorláksmessu og
degi fyrir gamlársdag. FRÉTTABLAÐIÐ/ANTON
FAGURGULAR AÐVENTUBOLLUR Frænd-
ur okkar Svíar borða Lúsíubollur alla
aðventuna. NORDICPHOTOS/GETTY
POULET VALÉE D’AUGE
Fyrir 4
1,6 kg kjúklingur
2 græn epli (græn)
1 msk. sítrónusafi
60 g smjör
½ laukur, fínsaxaður
½ sellerístilkur, fínsaxaður
10 g hveiti
80 ml calvados eða brandí
375 ml kjúklingasoð
100 ml sýrður rjómi
Hlutið kjúklinginn í 8 hluta.