Fréttablaðið - 01.02.2008, Page 2

2 1. febrúar 2008 FÖSTUDAGUR
Hulda, ætlarðu að líta inn í
Beverly Hills 90210?
„Ég ætla að reyna það.“
Hulda Hákon myndlistarkona heldur
senn út til Bandaríkjanna til að halda
sýningu í Melrose Place í Hollywood.
Kjúklingur í súrsætri sósu 0,5 ltr. Egils gos fylgir með
749 kr.
Réttur dagsins
DÓMSMÁL Einar Jökull Einarsson,
28 ára Kópavogsbúi, neitaði við
aðalmeðferð í Héraðsdómi
Reykjavíkur í gær að gefa upp
nafn mannsins sem hann segir
hafa staðið að baki innflutnings-
tilraun á miklu magni verksmiðju-
framleiddra fíkniefna. Einar
Jökull játaði að hafa skipulagt
innflutninginn og fengið aðra sem
eru ákærðir til að aðstoða sig. „Ég
átti að fá ákveðnar prósentur af
þessu,“ sagði Einar Jökull en hann
sagði engar upphæðir, eða fíkni-
efnamagn, hafa verið nefndar.
Lögreglan greip Alvar Óskars-
son og Guðbjarna Traustason með
um fjörutíu kíló af verksmiðju-
framleiddum fíkniefnum, amfeta-
míni og MDMA, í Fáskrúðsfjarð-
arhöfn að morgni 20. september.
Alvar og Guðbjarni sigldu
efnunum til landsins á skútu frá
Danmörku, með viðkomu í Hjalt-
landseyjum og Færeyjum. „Þetta
var auðvitað áhætta en við fylgd-
umst með veðri og svona, áður en
farið var að stað,“ sagði Einar
Jökull er Guðjón Marteinsson
dómari spurði hvernig Einari
Jökli hefði dottið í hug að skipu-
leggja siglingu á lítilli skútu yfir
Atlantshafið á þessum árstíma.
„Þetta átti upphaflega að gerast í
ágúst en tafðist,“ sagði Einar
Jökull.
Hann sagðist jafnframt hafa
„gert þetta áður“ og fundist það
gaman. „Ég er bara ævintýra-
karl,“ bætti hann við.
Einar Jökull sagðist hafa hitt
Bjarna Hrafnkelsson, einn
ákærðu, „fyrir tilviljun“ í Dan-
mörku þegar hann var að undir-
búa innflutninginn. „Hann lá bara
vel við höggi og ég ákvað að fá
hann til þess að pakka efnunum,“
sagði Einar Jökull. Bjarni sagðist
hafa pakkað hluta efnanna eftir að
hafa fallist á að gera það eftir fund
sinn og Einars Jökuls á veitinga-
staðnum Hard Rock í Kaupmanna-
höfn. „Ég sé eftir þessari ákvörð-
un [...] Ég var í mikilli óreglu og
hef verið síðan ég var unglingur,“
sagði Bjarni en hann neitar alfarið
að hafa komið að skipulagningu á
innflutningi efnanna.
Arnar Gústafsson, einn ákærðu,
játaði að hafa heimilað geymslu á
efnunum í sumarbústaðarlandi
tengdaforeldra sinna í Rangár-
vallasýslu. Hann sagði Marinó
Einar Árnason, sem játaði að hafa
átt að taka við efnunum á Fáskrúðs-
firði, hafa átt að koma efnunum til
sín. „Ég hafði hugmynd um að
þetta væru fíkniefni en vissi ekki
að þetta væri svona mikið. Það
kom mér á óvart,“ sagði Arnar.
Marinó Einar játaði þátt sinn en
sagðist með engu móti hafa skipu-
lagt innflutninginn.
Dómur í málinu verður kveðinn
upp innan mánaðartíma.
magnush@frettabladid.is
Neitar að gefa upp
nafn höfuðpaursins
Einar Jökull Einarsson neitaði fyrir dómi að gefa upp nafn mannsins sem bað
hann um að flytja fíkniefni landsins. Aðalmeðferð í Pólstjörnumálinu lauk
í gær og hafa allir mennirnir sem ákærðir eru játað aðild sína.
Í DÓMSAL Lögmenn sakborninga í málinu lögðu áherslu á það í málflutningi að refsing
yrði í lægri kantinum, og tekið yrði mið af því að aðeins einn mannanna hefði skipu-
lagt innflutninginn. Kolbrún Sævarsdóttir saksóknari fór fram á hörðustu refsingu sem
lög leyfa, það er tólf ára fangelsi, yfir þremur af sex sakborningum. FRÉTTABLAÐIÐ/VILHELM
ORÐRÉTT Í DÓMSAL
„Þetta er líklega bara meðfætt
eða eitthvað. Svo er ég svolítill
spennufíkill.“
Alvar Óskarsson eftir að Guðjón St.
Marteinsson dómari hafði spurt
hann hvort hann kynni eitthvað
að sigla og hvernig honum hefði
dottið í hug að sigla skútunni með
fíkniefnin þvert yfir Atlantshafið.
„Er hann í smóknum? Hann verð-
ur að koma núna. Hann er ekki
með lyklavöld hérna.“
Guðjón St. Marteinsson eftir að
Guðmundur Haraldsson dómvörð-
ur hafði tjáð honum það að Bjarni
Hrafnkelsson væri „úti í smók“
með fangavörð sér við hlið.
„Ég er edrú og er á meðferðar-
gangi á Litla-Hrauni og er byrjað-
ur í Stýrimannaskólanum.“
Bjarni Hrafnkelsson um stöðu sína
og persónuhagi. Hann er í gæslu-
varðhaldi, eins og hinir ákærðu, á
Litla-Hrauni.
„Ég þekkti Einar Jökul ekki neitt,
þannig. Er bara búinn að vera að
hanga með honum í fangelsinu.“
Alvar Óskarsson spurður hvort
hann þekkti Einar Jökul Einarsson
eitthvað.
„Ég hef siglt áður og þá voru
fimmtán metrar á sekúndu eða
eitthvað. Ég vissi að þetta gæti
ekkert verið verra en það.“
Einar Jökull Einarsson um hvort
hann hafi talið það mikla áhættu
að fara með fíkniefnin þvert yfir
Atlantshafið á skútu.
„Ég er bara að reyna að verða að
betri manni. Er að lyfta á fullu og
svona.“
Alvar Óskarsson um hagi sína
innan fangelsisins á Litla-Hrauni
þar sem hann er í gæsluvarðhaldi.
Hann sagðist vera búinn að taka
sig á og reyndi að horfa fram á
veginn.
LÖGREGLUMÁL Umtalsvert magn af kókaíni og
amfetamíni fannst við húsleit í húsnæði Annþórs
Karlssonar í Vogum á Vatnsleysuströnd í fyrradag,
samkvæmt upplýsingum Fréttablaðsins. Í gær var
hann úrskurðaður í gæsluvarðhald í fimmtán daga.
Húsleitin fór fram að lokinni handtöku hans.
Annþór var handtekinn í tengslum við rannsókn
lögreglu á fíkniefnasmygli til landsins. Reynt var að
koma tæpum fimm kílóum af amfetamíni og 600
grömmum af kókaíni til landsins.
Annþór er fjórði maðurinn sem situr nú í gæslu-
varðhaldi vegna málsins. Hann var úrskurðaður í
Héraðsdómi Reykjaness til að sitja inni til 15.
febrúar. Hann var á reynslulausn vegna eldri brota
þegar hann var handtekinn nú. Hann hafði hlotið
þriggja ára dóm fyrir hrottalega líkamsárás þegar
hann barði rúmliggjandi mann til óbóta með kylfu.
Annþór var dæmdur til þriggja ára fangelsisvistar
fyrir verknaðinn en sat aðeins inni í tvö ár, áður en
hann fór á reynslulausn. Fíkniefnafundurinn á
heimili hans nú þýðir væntanlega að hann þarf að
ljúka afplánun refsingarinnar innan veggja fangelsis.
Gæsluvarðhald tveggja af þeim fjórum sem sitja
inni vegna málsins rennur út í dag.
HÚSLEITIN Lögregla var að fara í húsleit á heimili Annþórs í
fyrradag þegar myndin var tekin.
Húsleit lögreglu í íbúðarhúsnæði í Vogum á Vatnsleysuströnd:
Lögregla tók amfetamín og
kókaín á heimili Annþórs
VIÐSKIPTI „Afkoma bankanna á síð-
asta ári verður að teljast vel við-
unandi með hliðsjón af því umróti
sem verið hefur á alþjóðlegum
fjármálamörkuðum og lækkunum
á hlutabréfamörkuðum á seinni
hluta ársins,“ segir Jónas Fr. Jóns-
son, forstjóri Fjármálaeftirlitsins.
Sameiginlegur hagnaður stóru
viðskiptabankanna þriggja, Kaup-
þings, Glitnis og Landsbankans,
auk Straums, nam í fyrra um 152
milljörðum króna. Hagnaður
Kaupþings nemur 46 prósentum
heildarhagnaðarins og er meiri en
samanlagður hagnaður Glitnis og
Landsbankans, sem er upp á 67,6
milljarða króna.
Jónas bendir á að arðsemi eigin
fjár þriggja stærstu bankanna
hafi numið næstum fjórðungi á
árinu. Þá hafi afkoma af grunn-
starfsemi bankanna verið vel við-
unandi, jafnvel þótt aðeins sé litið
til seinasta fjórðungs ársins. Eigin-
fjárstaða bankanna verði enn
fremur að teljast traust. Hærri
innlánshlutföll komi bönkunum
jafnframt til
góða.
„Hækkandi
kostnaðarhlut-
föll eru hins
vegar neikvæð
þróun í afkomu-
tölum síðasta
árs,“ segir
Jónas. Þau hafi
að jafnaði verið
yfir 50 prósent-
um í fyrra, held-
ur meira en árin
á undan. „Samkvæmt þessu þurfa
bankarnir að huga að aðhaldi í
kostnaði á þessu ári.“
- ikh / sjá síðu 18
JÓNAS FR.
JÓNSSON
Hagnaður Landsbankans, Glitnis, Kaupþings og Straums er 152 milljarðar króna:
Þurfa að huga að kostnaðinum
AFKOMA BANKANNA
Kaupþing 70,0 milljarðar króna
Landsbanki 39,9 milljarðar króna
Glitnir 27,7 milljarðar króna
Straumur 14,3 milljarðar króna
Samtals 151,9 milljarðar króna
VIÐSKIPTI Kaupþing banki á í
viðræðum við fjárfestingarsjóði
frá Katar um mögulega aðkomu
þeirra að bankanum. Þetta
staðfesti Hreiðar Már Sigurðsson,
forstjóri Kaupþings, í viðtali við
Markaðinn.
Í síðustu viku var á ferð í Katar
og Sameinuðu arabísku fursta-
dæmunum sendinefnd á vegum
Útflutningsráðs skipuð fulltrúum
fyrirtækja héðan. Fjárfestar frá
Arabalöndum hafa síðustu misseri
verið áberandi á bæði evrópskum
og bandarískum bankamarkaði.
„Auðvitað væri mjög áhugavert
fyrir okkur að fá inn fjárfesta frá
þessum svæðum,“ segir Hreiðar.
„Tíminn verður svo að leiða í ljós
hver niðurstaðan verður.“
- óká / sjá síðu 18
Eigendum Kaupþings að fjölga:
Rætt við fjár-
festa frá Katar
SKIPULAGSMÁL Hugmyndir um
legu Sundabrautar voru kynntar á
fundi samgöngunefndar Alþingis
í gær. Annars vegar var rætt um
jarðgangaleiðina frá Gufunesi í
Laugarnes og hins vegar svokall-
aða Eyjaleið.
„Við vildum fá að heyra
sjónarmið Vegagerðarinnar um
hvernig leiðirnar væru, og sjá
þær á korti,“ segir Ólöf Nordal,
varaformaður nefndarinnar. Að
hennar sögn var aðeins um
kynningarfund að ræða, engar
ákvarðanir hafi verið teknar.
Lagning Sundabrautar hefur
verið í undirbúningi síðan 1996.
- sþs
Leiðirnar tvær kynntar:
Sundabraut í
samgöngunefnd
Föstudagur, nýtt vikulegt fylgirit
Fréttablaðsins, lítur dagsins ljós í
dag. Það kemur í stað Sirkuss sem
hefur fylgt Fréttablaðinu. Marta
María Jónasdóttir, ritstjóri
blaðsins, segir að
blaðið muni fanga
hina einu sönnu
föstudagsstemningu.
„Það er alltaf
eftirvænting í
loftinu á föstu dög-
um.
Fatastíl, útliti og
hönnun verður
gert hátt undir höfði
í bland við viðtöl við fólk
sem skarar fram úr ásamt fréttum
af fólki,“ segir Marta María.
Í blaðinu í dag er meðal annars
viðtal við innanhúsarkitektinn
Hönnu Stínu, skrifstofa lögmanns-
ins Vilhjálms Vilhjálmssonar er
skoðuð og Þorbjörg Helga
Vigfúsdóttir segir frá tíu hlutum
sem eru í mestu uppáhaldi.
Föstudagur er nýtt fylgirit:
Fréttir af fólki,
hönnun og stíl
Það læ
rir eng
inn að

vera h
ugmyn
daríku
r
Hann
a
Stína
er
eftirsó
ttur
innan
húss-
arkite
kt:
FÖST
UDAG
UR
1. FEB
RÚAR
2008
FYLG
IRIT F
RÉTT
ABLA
ÐSIN
S
ÞORB
JÖRG
HEL
GA
VIGF
ÚSDÓ
TTIR
topp 1
0
NANN
A KR
ISTÍN

MAGN
ÚSDÓ
TTIR
opnar
barna
vöruve
rslun
ELLÝ
ÁRM
ANNS
aftur
á skjá
inn
SPURNING DAGSINS