Fréttablaðið - 01.02.2008, Page 11

FÖSTUDAGUR 1. febrúar 2008
Siglingaleiðir við Ísland
Ny
rðr
i le
ið
Sy
ðr
i l
ei
ð
ÖRYGGISMÁL Íslensk stjórnvöld
þurfa að bregðast við siglingum
risaolíuskipa við Ísland hið fyrsta.
Innan fárra ára er búist við að
hundruð slíkra skipa sigli hjá land-
inu, sum hver með allt að 100 þús-
und tonna olíufarma. Sigling skip-
anna umbyltir núverandi
áhættumati og viðbúnaði vegna
bráðamengunaróhappa hér á
landi.
Þetta kom fram á sjötta stefnu-
móti Stofnunar Sæmundar fróða
og umhverfisráðuneytisins í gær
þar sem höfðu framsögur fulltrúar
frá Landhelgisgæslunni og
Umhverfisstofnun. Þar var fjallað
um nýja tegund flutninga við
Íslandsstrendur þar sem stór tank-
skip fara frá olíuvinnslusvæðum
Rússa í Murmansk og vestur um
haf. Skip þessi bera allt að 100
þúsund tonnum af hráolíu í hverri
ferð og flutningarnir eru í grennd
við viðkvæm vistsvæði fugla og
fiska, þar sem erfitt er um vik að
veita aðstoð ef eitthvað fer
úrskeiðis.
Ásgrímur L. Ásgrímsson, yfir-
maður vaktstöðvar siglinga hjá
Landhelgisgæslunni, er nýkominn
frá Noregi þar sem hann heimsótti
skipaumferðarmiðstöðina í Vardo,
sem Landhelgisgæslan hefur víð-
tækt samstarf við samkvæmt
nýgerðum samningi. Kom fram að
á síðasta ári fóru 212 olíuflutninga-
skip hlaðin olíu frá Murmansk-
svæðinu með um tíu milljónir
tonna af hráolíu. Áætlað er að
flytja allt að 100 milljónir tonna
frá þessu svæði árið 2015 og hlut-
fallslega má gera ráð fyrir að 17-
22 milljónir tonna fari um íslenska
lögsögu um borð í 370 til 480 risa-
olíuskipum. „Stjórnvöld hafa tekið
ákvarðanir til að Ísland sé betur
undir það búið að bregðast við
þessari skipaumferð. Nýtt varð-
skip er í smíðum, ný eftirlitsflug-
vél er væntanleg og vaktstöð sigl-
inga fylgist með og aflar
upplýsinga um alla skipaumferð
umhverfis Ísland. Við höfum
áhyggjur af þróuninni og þurfum
að vera tilbúin þegar umferð skip-
anna eykst verulega hér við land.“
Kristján Geirsson, fagstjóri á
stjórnsýslusviði Umhverfisstofn-
unar, segir að sigling skipanna
umbylti núverandi áhættumati og
geri kröfu um að viðbúnaður
vegna bráðamengunaróhappa hér
á landi verði aukinn. „Það er hægt
að auka siglingaöryggi með
afmörkun siglingaleiða og svæða
sem skipum ber að forðast.“ Hann
segir ljóst að endurskoða þurfi
viðbragðsáætlanir sem byggt
hefur verið á hér á landi og meng-
unarvarnabúnað til aðgerða á sjó.
„Það er alveg ljóst að fljótlega
þarf að taka ákvarðanir um hvern-
ig brugðist verður við þessum
auknu siglingum.“
Spurður hvað hægt sé að gera ef
risaolíuskip verður vélarvana
norður af landinu ef aðstæður eru
mjög óhagstæðar segir Ásgrímur
að fátt sé til ráða. „En eftirlit og
upplýsingasöfnun um skipin eru
hugsuð til þess að skipin sigli ekki
um þessi erfiðu hafsvæði við slík
skilyrði.“ Hann segir ljóst að nýtt
varðskip geti ekki dregið stærstu
risaolíuskipin og óskastaðan væri
að tvö slík skip væru í eigu Land-
helgisgæslunnar. svavar@frettabladid.is
Bregðast skal
við siglingum
risaolíuskipa
Siglingar risaolíuskipa við landið kallar á viðbrögð.
Siglingarnar hafa umbylt núverandi áhættumati og
viðbúnaði vegna bráðamengunaróhappa við landið.
Leiðir risaolíuskipanna eru markaðar með rauðu en hefð-
bundin siglingaleið flutningaskipa hér við land með gulu.
Stjórnvöld hafa gert ráðstafanir vegna aukinna siglinga en
frekari viðbúnað þarf. Aðgerðir þarf strax þar sem umferð-
in mun margfaldast á næstu sjö til tíu árum, að ætlað er.
LÖGREGLUMÁL Viðskiptavinir á
bensínstöðinni Select í Hraunbæ
náðu ránsfeng af tveimur mönnum
sem rétt áður höfðu ógnað starfs-
mönnum stöðvarinnar með hnífi.
Tveir menn komu inn á Select
um klukkan hálftólf í fyrrakvöld og
höfðu í hótunum við starfsmenn.
Fengu þeir peningar og sígarettur
og hlupu burt með fenginn. Kölluðu
þá starfsmennirnir til viðskipta-
vina sem voru að taka bensín að
stöðva ræningjana. Viðskiptavin-
irnir, tveir karlmenn, náðu ráns-
fengnum af ræningjunum sem hins
vegar sluppu sjálfir út í nóttina og
hafa ekki náðst ennþá að sögn lög-
reglunnar á höfuðborgarsvæðinu.
- gar
Ræningjar ógnuðu starfsfólki á bensínstöð:
Viðskiptavinirnir náðu
ránsfeng af ræningjum
SELECT Bensínstöðvarræningjar sluppu
en skildu fenginn eftir.