Fréttablaðið - 01.02.2008, Page 12

12 1. febrúar 2008 FÖSTUDAGUR
nær og fjær
„ORÐRÉTT“
www.skrifstofa.isÁrmúla 22 108 Reykjavík • Sími 533 5900 • Fax 533 5901 • skrifstofa@skrifstofa.isOpnunartími: mánud. - föstud. 9:00 til 18:00 og laugard. 11:00 - 15:00
BR
O
S
01
37
/2
00
7
Þreytist þú eftir langan vinnudag?
Verð frá kr. 49.900
Lausnin gæti einfaldlega verið að skipta
reglulega um stellingar. Núna bjóðum við úrval
af hæðarstillanlegum rafmagnsskrifborðum.
Auglýsingasími
– Mest lesið
Ríkisstjórnar-
flokkarnir
„Þannig að þetta gefur mér,
miðað við það sem hefur
gerst síðustu vikur, von til
þess að það rísi fljótlega
samstaða meðal okkar fram-
sóknarmanna á ný. Og ég sé
að vinsældir ríkisstjórnarinn-
ar eru á fallanda fæti.“
GUÐNI ÁGÚSTSSON UM SKOÐANA-
KÖNNUN FRÉTTABLAÐSINS SEM
SÝNDI UM 70 PRÓSENTA STUÐNING
VIÐ RÍKISSTJÓRNINA.
Fréttablaðið 31. janúar
Reykingabann
„Ef vertar leyfa getur þú gert
þér glaðan dag og kveikt í
sígarettu innanhús.“
BALDVIN SAMÚELSSON UM
TÓBAKSBANN Á SKEMMTISTÖÐUM
OG ÞÁ RÁÐSTÖFUN AÐ LEYFA
REYKINGAR INNI.
Fréttablaðið 31. janúar
„Það er bara allt gott að frétta,“ segir Gunnar
Björn Guðmundsson leikstjóri sem þessa
dagana dvelur í Biskupstungum við leik-
stjórn og skriftir.
„Ég er mikið að skrifa núna. Við Ottó
Borg, sem skrifaði líka Astrópíu, vorum að
skrifa Gauragang. Það er bíómynd upp úr
bókinni. Við erum að leggja lokahönd
á kvikmyndahandritið þessa dagana.“
Spurður hvenær myndin verði frum-
sýnd, segir hann það vonandi verða
sem fyrst. „Fyrst hefst ferlið í að
fjármagna og svo að gera myndina.
Það getur tekið eitt til tvö ár.“
Hann segir ýmis verkefni vera
í gangi hjá sér. „Ég er á fullu að
leikstýra auglýsingum en í augna-
blikinu er ég að leikstýra leikriti í
Biskupstungum og skrifa.“
„Svo er ég að fara í gang með einleik
í lok febrúar, sem ég og Anna Svava
Knúts erum að semja.“
„Já, og svo er ég að ala upp dóttur
mína,“ segir Gunnar og viðurkennir að
hann hafi alltaf nóg fyrir stafni.
„Það sem er svo gott að frétta er
þessi þróun sem er komin í sjón-
varp á Íslandi. Vonandi tekur
það ennþá meiri kipp.“
Gunnar Björn er líka ánægður
með hvað íslenskt efni hefur
fengið góðar viðtökur. „Við
höfum séð það bara núna þar
sem Brúðguminn fær alveg
þrusugóða dóma og aðsókn. Og
líka allt sjónvarpsefni eins og til
dæmis Pressan og Næturvaktin.
Sem er frábært.“
HVAÐ ER AÐ FRÉTTA? GUNNAR BJÖRN GUÐMUNDSSON LEIKSTJÓRI
Gauragangur í Biskupstungum
■ Ýmsar sérkennilegar hefðir hafa
mótast á Bandaríkjaþingi. Ein
þeirra varð til árið
1965 þegar öld-
ungadeildarþing-
maðurinn George
Murphy tók upp á
því að fylla skúff-
una í borðinu sínu
í þingsalnum af sælgæti. Sjálfum
fannst honum nammið gott og svo
var hann óspar að bjóða öðrum
þingmönnum mola. Margir gengu
fljótt á lagið og gerðu sér reglulega
ferð í nammiskúffuna. Allar götur
síðan hefur verið hægt að ganga að
skúffu fullri af nammi í skrifborðinu
sem stendur aftast repúblikana-
megin í þingsalnum við aðaldyr
salarins.
NAMMISKÚFFA:
ÁRATUGA GÖMUL HEFÐ
„Mér finnst
þetta bara hið
hræðilegasta
mál,“ segir Líf
Magneudóttir
vefritstjóri um
sex ær sem
eru í sjálf-
heldu á syllu í
Ólafsvíkurenni.
Ef ekki hlýnar í
veðri og hlánar
bíður þeirra
ekkert nema
dauðinn.
Ein kindin er
þegar dauð.
„Auðvitað vonar maður að það
hláni og kindurnar bjargist en
af veðurspánni að dæma er lítil
ástæða til bjartsýni.“
Líf er mikill dýravinur og á erfitt með
að sjá málleysingja í stöðu sem
þessari. „Þetta er svo sorglegt, þarna
húka þær í nístingskulda og bíða
þess að lífið fjari úr þeim. Mér finnst
það vera ábyrgðarhluti hjá bændum
að koma dýrunum í hús á haustin;
það fylgir búskap að þurfa að elta
styggar rollur. Það væri að minnsta
kosti betri kostur en að horfa upp á
þær drepast úr kulda.“
SJÓNARHÓLL
KINDUR Í SJÁLFHELDU
Sorglegt upp
á að horfa
LÍF MAGNEUDÓTTIR
Vefritstjóri
Sú tíð er liðin að feður hafi
aðeins það hlutverk að afla
til heimilisins en geti svo
látið sitt eftir liggja þegar
kemur að sjálfu uppeldinu,
segir kennari í foreldra-
fræðslu í Menntaskólanum
í Kópavogi. Námskeiðið er
svo vinsælt að fullbókað var
í það viku eftir að skráning
hófst.
„Það er nú oft þannig að þegar
foreldrar fara heim með sitt
fyrsta barn af fæðingardeildinni
kunna þeir góð skil á því hvernig
barnastólinn virkar en kannski
síður hvernig á að bera sig að við
sjálft barnið,“ segir Ólafur Grét-
ar Gunnarsson hjá ÓB ráðgjöf.
Ásamt Bjarna Þórarinssyni kol-
lega sínum hélt hann innreið í
Menntaskólann í Kópavogi með
foreldranámskeið fyrir mennt-
skælinga sem fá svo einingar
fyrir námskeiðið í annarlok.
„Við kynntum þetta á svoköll-
uðum þemadögum í október og
sögðum þá að við byðum upp á
námskeiðið á vorönn og það er
alveg greinilegt að nemendur
ætla ekki að fara óupplýstir í for-
eldrahlutverkið því að námskeið-
ið var fullbókað á einni viku, það
eru 45 nemendur,“ segir Ólafur
Grétar. „Það fer nú líka vel á því
að námskeiðið sé haldið í Mennta-
skólanum í Kópavogi sem ég held
að sé eina ríkisstofnunin sem
hefur fengið jafnréttisverðlaun-
in enda er hér um hið mikilvæg-
asta jafnréttismál að ræða.“ Nú
tekst Ólafur Grétar allur á loft
enda er þetta honum hjartans
mál.
„Áður fyrr var það nefnilega
talið hlutverk karlanna að afla
fyrir fjölskylduna en uppeldið
sjálft kom ekki mikið í þeirra
hlut. Nú erum við að undirbúar
piltana engu síður en stúlkurnar í
foreldrahlutverkið svo þeir séu
betur undir það búnir að taka við
því hlutverki sem þeim ber sem
foreldri í nútíma þjóðfélagi. En
þetta er ekki aðeins jafnréttismál
því hvað er betra fyrir efnahags-
lífið og samfélagið í heild að fá
hæfari foreldra sem geta hámark-
að möguleika barna sinna?“ Nú
er fátt um svör eins og jafnan
þegar stórt er spurt.
Ólafur Grétar segir að nem-
endur séu afar áhugasamir í
tímum. „Fjölmargir hafa spurt
mig hvort við séum með slík nám-
skeið í öðrum skólum þar sem
þeir viti af fullt af félögum sem
hafi áhuga á að komast á svona
námskeið.“
Á meðal þess sem nemendur
gera á námskeiðinu er að fara
heim með brúðu sem er eftirlík-
ing af smábarni, svokallað raun-
veruleiknibarn, og sinna henni
svo nokkurn veginn eins og ef um
barn væri að ræða. jse@frettabladid.is
Áhugasamir framtíðarforeldrar
Í FORELDRAHLUTVERKI Þau eru tilbúin að þjálfa foreldra framtíðarinnar með aðstoð litlu raunveruleiknibarnanna, þau Elín Birna
Hjörleifsdóttir hjúkrunarfræðingur, Ólafur Grétar Gunnarsson, Helgi Kristjánsson aðstoðarskólameistari, Sigríður A. Pálmadóttir
hjúkrunarforstjóri og Bjarni Þórarinsson. FRÉTTABLAÐIÐ/EYÞÓR