Fréttablaðið - 01.02.2008, Side 80

GÓÐAN DAG!
Sólarupprás Hádegi Sólarlag
Reykjavík
Akureyri
Heimild: Almanak Háskólans
SÍMANÚMER FRÉTTABLAÐSINS: 512 5000, fax: 550 5099 Ritstjórn: 512 5313, fax: 512 5301, ritstjorn@frettabladid.is
DREIFING: dreifing@posthusid.is Auglýsingadeild: auglysingar@frettabladid.is Veffang: visir.is
VIÐ SEGJUM FRÉTTIR SMÁAUGLÝSINGASÍMINN ER 512 5000
BAKÞANKAR
Þórgunnar
Oddsdóttur
Ég er ekki af þeirri kynslóð sem ólst upp í stöðugum ótta við
atómbombuna. Þegar ég var í
grunnskóla höfðu annars konar
heimsendaspár tekið við og fólk
var farið að trúa því að mengun af
mannavöldum myndi tortíma öllu
lífi innan skamms. Eitt árið voru
nemendur skólans hvattir til að
kaupa stílabækur úr endurunnum
pappír og ég minnist óteljandi
þemaverkefna þar sem unnið var
með mengun og umhverfi. Í einni
þemavikunni var ég látin gera
listaverk úr rusli sem fannst við
þjóðveginn og þegar ég var níu ára
samdi ég kraftmikinn ljóðabálk um
eyðingu ósonlagsins.
ALLUR þessi lærdómur var lengi
að síast inn. Það er ekki fyrr en
núna sem umræðan um umhverfis-
málin er farin að hafa áhrif á mig
og það ekki í formi aðgerða heldur
í bullandi samviskubiti. Ég get ekki
lengur borðað hamborgara á
McDonalds því mér verður óglatt
af því að horfa á allar umbúðirnar
og pappaglösin sem fara í súginn
og á hverjum morgni þegar ég
klöngrast yfir dagblaða- og auglýs-
ingabunkann í forstofunni hugsa
ég um eyðingu regnskóganna og
fæ sting í hjartað.
EFLAUST eiga afkomendur okkar
eftir að hrista hausinn yfir sóun-
inni þegar þeir skoða einnota
pappadiska og innpökkuð sogrör
og tannstöngla á Þjóðminjasafninu.
Það er að segja ef það verða ein-
hverjir afkomendur. Ég hef nefni-
lega lúmskan grun um að það sé
styttra í heimsendi en við höldum.
Líklega ekki nema svona mánuður,
í mesta lagi ár. Það þarf ekki annað
en að kveikja á sjónvarpinu eða
fletta blöðunum til að sjá að það er
allt að fara til fjandans.
VITLEYSAN í heiminum hefur
sjaldan náð jafn miklum hæðum og
nú. Í Kenía eru menn farnir að
brytja hver annan í spað og ekkert
lát er á sláturtíðinni í Ísrael.
Hlutabréfamarkaðurinn hrynur og
íslenska útrásin hangir á bláþræði.
Í miðborginni er dómsdagur runn-
inn upp þar sem farsinn um hvaða
hús skuli senda í hreinsunareldinn
ætlar engan endi að taka og í ráð-
húsinu hefur kjaftæðið náð að vaða
svoleiðis uppi að vesalings nýi
borgarstjórinn má ekki fá svo
mikið sem kvef án þess að eiga á
hættu að allt fari í bál og brand
eina ferðina enn.
SPÁIN um heimsendi árið 2000
rættist ekki. Fuglaflensa, kúariða
og hlýnun loftlags eru ekki heldur
líkleg til að eyða öllu lífi í bráð. Það
liggur í augum uppi að mannskepn-
an á eftir að drepast úr vitleysu og
rugli. Og það eflaust löngu áður en
henni tekst að drekkja sér í rusli.
Þvílík vitleysa
Í dag er föstudagurinn
1. febrúar, 32. dagur ársins.
10.10 13.41 17.13
10.08 13.26 16.45
ÚRVAL ÚTSÝN ~ LÁGMÚLA 4 ~ 108 REYKJAVÍK ~ SÍMI 585 4000 ~ FAX 585 4065 ~ INFO@UU.IS
Töfralandið Tyrkland verður stöðugt vinsælli
áfangastaður fyrir ævintýraþyrsta Íslendinga
sem vilja hafa það náðugt á fallegum ströndum,
leika sér í sjónum eða kynnast glæsilegri menn-
ingarsögu landsins. Marmaris er einn líflegasti
strandbær Miðjarðarhafsins og smábærinn
Içmeler hefur slegið í gegn með fegurð sinni og
jákvæðu viðmóti við gesti. Komdu til Tyrklands
og sjáðu sumar og sól í nýju ljósi.
Innifalið: Flug, flugvallarskattar, gisting og íslensk fararstjórn. Verð miðast við að bókað sé á
netinu. Ef bókað er á skrifstofu eða símleiðis er bókunargjald 2.500 kr. fyrir hvern farþega.
Ferðaskrifstofa
Leyfishafi
Ferðamálastofu
Verðdæmi: 65.972,-
Nýtt og glæsilegt íbúðahótel með stórum og björtum íbúðum,
vel staðsett við aðalgötuna í Marmaris. Ströndin er í göngufæri
og stutt í verslanir og veitingastaði.
Nýlegt hótel við fallega einkaströnd í útjaðri Marmaris. Aðstaðan
er frábær og allt innifalið í verðinu; matur allan daginn og innlendir
drykkir fyrir alla fjölskylduna.
Verðdæmi: 93.071,-
á mann m.v. 2 með 2 börn í 1 viku, 25. ágúst.
Verð á mann m.v. 2 fullorðna 102.880,-
á mann m.v. 2 með 2 börn í 2 vikur, 25. ágúst.
Verð á mann m.v. 2 fullorðna 78.275,-
Ódýrustu sætin bókast fyrst!
Forum Residence - Marmaris Club Turban - Marmaris