Fréttablaðið - 07.02.2008, Síða 31

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Sara Marti Guðmundsdóttir hefur yndi af falleg-
um fötum en sníður sér þó stakk eftir vexti og
kaupir megnið af fötunum sínum erlendis.
Leikkonan Sara Marti Guðmundsdóttir er hrifin af
hvers konar mörkuðum og þar reynir hún að finna
litla gimsteina. „Ég kaupi yfirleitt fötin í útlöndum ef
frá eru taldir skór. Þar sem ég er ekki á neinum for-
stjóralaunum reyni ég að forðast sérstakar hönnun-
arverslanir og fer frekar á markaði þar sem ýmislegt
fallegt leynist,“ útskýrir Sara.
Fyrir tveimur árum fann hún fallegan hálskraga á
Portobello-markaðnum í London. Hann keypti hún af
stelpu sem var að læra fatahönnun og seldi eigin flík-
ur fyrir lítinn pening. „Hann er svona beis-litaður
með silfurlituðu blómamunstri og örugglega búinn til
úr gardínu þegar ég hugsa út í það. Kraginn er svo
tekinn saman með blúndu og fallegri nælu,“ lýsir
Sara en hún notar hann aðallega við kápur og
frakka.
Sara segist eiga troðfullan skáp af fötum og tímir
engu að henda. „Sumt er löngu hætt að passa á mig en
ég get ekki fyrir mitt litla líf hugsað mér að henda
eða gefa flíkur sem ég keypti til dæmis í Hong Kong
eða á öðrum eftirminnilegum stöðum.“
Í kvöld mun Sara frumsýna leikritið „Norway
today“ í Kúlunni ásamt Þóri Sæmundssyni. Þetta er
farandsýning Þjóðleikhússins í ár og síðustu daga
hafa þau ferðast með hana um landið. Leikritið, sem
á að höfða til ungs fólks, er byggt á sannsögulegum
atburðum sem gerðust í Noregi. Það fjallar um tvo
unga krakka sem hittast á netinu og ákveða að fremja
sjálfsmorð. „Þó að þetta hljómi þungt þá er það ekki
raunin,“ segir Sara. „Þetta er mjög vel skrifað verk,“
bætir hún við en það verður sýnt í Þjóðleikhúsinu
fram að páskum. vera@frettabladid.is
Gimsteinar leynast víða
Sara keypti kragann, sem hún heldur að sé búinn til úr gardínu, á Portobello-markaðnum í London. FRÉTTABLAÐIÐ/AUÐUNN
BLÓMATÍMI
LISTA
Biedermeier-tímabilið
gat af sér fjölda sér-
stæðra húsgagna.
HEIMILI 4
TÓLF SPORA MEÐFERÐ
FATNAÐAR
Klæðskerinn og kjólameistarinn
Selma Ragnarsdóttir getur breytt
gömlum frakka í tískujakka
og saumað dýrindis kjóla úr
gardínum.
TÍSKA 2