Fréttablaðið - 08.02.2008, Side 2

2 8. febrúar 2008 FÖSTUDAGUR
Kjúklingur í Teryaki
Réttur dagsins
0,5 ltr. Egils gos fylgir með
749 kr.
SNJÓFLÓÐ Snjóflóð féllu á veginn í
Súðavíkurhlíð í gærmorgun og
lokuðu leiðinni milli Ísafjarðar og
Súðavíkur. Snjóflóðin voru lítil og
féllu úr giljum ofan vegarins.
Kona keyrði á bíl sínum inn í flóð-
ið skömmu eftir að það féll,
skömmu fyrir átta. Sjúkrabíll kom
á vettvang skömmu síðar og fór
konan með honum til Ísafjarðar
ómeidd.
Í kjölfar fyrsta flóðsins komu
nokkur smærri sem þó voru nógu
snjómikil til þess að loka veginum
á nokkrum stöðum.
Hlynur Snorrason, lögreglufull-
trúi á Ísafirði, sagði litla hættu
hafa skapast. „Snjóflóðin voru lítil
og féllu fjarri byggð. Það skapaðist
ekki mikil hætta en við höfum allt-
af töluverðan viðbúnað þegar snjó-
flóðaaðstæður skapast. Aðstæður
geta breyst snögglega og þá er
betra að hafa varann á,“ sagði
Hlynur.
Lögregla, björgunarsveitarmenn
og starfsmenn Vegagerðarinnar
voru allir komnir á vettvang snjó-
flóðanna þegar flóð féll skammt
frá göngunum við Hamarsgat. Við
það króaðist lögreglubíll af en hann
var fljótlega losaður út.
Í kjölfarið var öll umferð um
veginn bönnuð og höfðu björgunar-
sveitarmenn og lögregla eftirlit
með umferð.
Rúnar Karlsson, starfsmaður
snjóflóðavaktarinnar á Ísafirði,
segir flóðin einungis hafa fallið á
veginn við Súðavíkurhlíð og byggð
væri ekki innan hættusvæða mögu-
legra snjóflóða. „Flóðin féllu á veg-
inn en að okkar mati er ekki hætta á
snjóflóðum í byggð. Það getur verið
hættulegt að ferðast ofarlega í fjöll-
um og það eru í raun engar aðstæð-
ur til þess. Við búum okkur undir
það að frekari hætta geti skapast,
sérstaklega ef það hlýnar snögg-
lega, og meðan svo er þá er eftirlitið
strangt.“
magnush@frettabladid.is
Snjóflóð röskuðu
umferð fyrir vestan
Snjóflóð féllu á veginn milli Súðavíkur og Ísafjarðar í gærmorgun og lokuðu
veginum. Vel er fylgst með mögulegum snjóflóðasvæðum á Vestfjörðum.
Hættulegt að ferðast í fjöllum. Getur skapast frekari hætta ef hlýnar snögglega.
ÍTALÍA, AP Lögreglan á Ítalíu og í
New York réðst í gær samtímis til
atlögu gegn mafíunni og handtók
tugi bófa sem stjórna eiturlyfja-
smygli beggja vegna Atlantshafs-
ins.
Margir hinna handteknu
tengdust sikileyska mafíuforingj-
anum Salvatore la Piccolo, sem
handtekinn var í nóvember, og
glæpafjölskyldunni Gambino í
New York. - gb
Ítalía og New York:
Mafíubófar
handteknir
Mörður, áttu ekki orð yfir
þetta?
„Það eru orð að sönnu.“
Meðal skilyrða Samkeppniseftirlitsins fyrir
sameiningu JPV og Máls og menningar
er að fyrirtækið selji frá sér útgáfuréttinn
að Íslenskri orðabók. Mörður Árnason er
ritstjóri orðabókarinnar.
LÖGREGLUMÁL Starfsmaður
rifbeinsbrotnaði þegar hann féll
niður um tvo metra á lúguopi í
lest á sanddæluskipi um klukkan
sjö í gærmorgun. Varð slysið í
skipasmíðastöð við Reykjavíkur-
höfn þegar maðurinn var að vinna
í lest á skipinu.
Var Slökkvilið höfuðborgar-
svæðisins kallað á vettvang og
notaðist það við kranabíl þar sem
erfitt var að ná manninum upp.
Voru börur látnar síga niður í
lestina og manninum lyft upp um
fimmtán til tuttugu metra. Var
hann að svo búnu fluttur á
slysadeild til frekari aðhlynn-
ingar. - ovd
Féll um lúgu í lest skipsins:
Slys um borð í
sanddæluskipi
BANDARÍKIN Mitt Romney hefur
ákveðið að draga sig í hlé í
forvali repúblikana vegna
forsetakosninganna í Bandaríkj-
unum, að sögn heimildarmanna
bandaríska
fréttastofa.
Romney
berst við John
McCain um
útnefninguna
en sá síðar-
nefndi hefur
mikið forskot á
Romney og
stjórnmála-
skýrendur telja að möguleikar
Romney á að sigra McCain séu
að engu orðnir. McCain virðist
því eiga útnefninguna vísa.
McCain náði afgerandi
forskoti í kapphlaupinu á
miðvikudag með því að tryggja
sér stuðning 707 kjörmanna
fyrir landsfund flokksins í
haust. Romney kom næstur með
294. - shá
Forkosningar í BNA:
Mitt Romney
dregur sig í hlé
MITT ROMNEY
LÖGREGLUMÁL Barnaverndarnefnd
Rangárþings ytra vill láta
stemma stigu við akstri réttinda-
lausra unglinga í sveitarfélaginu
og undrast sinnuleysi foreldra
þessara barna gagnvart vanda-
málinu.
„Nefndin hefur verulegar
áhyggjur af ólöglegum og
hættulegum vélhjóla- og
bifreiðaakstri unglinga og
viðhorfi foreldra til afskipta
lögreglu og barnaverndaryfir-
valda af ólögmætu atferli
þeirra,“ segir í bókun barna-
verndarnefndarinnar sem á
síðasta fundi sínum tók fyrir
tilkynningar frá lögreglu um slík
atvik. - gar
Foreldrar í Rangárþingi ytra:
Sama um börn
sem aka bílum
SAMGÖNGUR Margir ökumenn sátu
fastir á Hellisheiði og í
Þrengslum í ófærðinni í gær.
Þurfti að kalla til björgunarsveit-
ir af Suðurlandi og af höfuðborg-
arsvæðinu til að hjálpa ökumönn-
um við að losa bíla sína eða flytja
þá til byggða.
Segir í tilkynningu frá Lands-
björg að þrátt fyrir lokun
Hellisheiðar hafi nokkrir
ökumenn ákveðið að leggja á
heiðina og síðan setið þar fastir í
sköflum. Voru tíu bílar skildir
eftir á Hellisheiði og ellefu bílar
skildir eftir á Þrengslavegi.
Seinni part dagsins hafði
veðrinu slotað að nokkru og unnu
þá björgunarsveitir að því að losa
bílana svo hægt væri að ryðja
vegi og opna. - ovd
Fjöldi bíla fastur á heiðunum:
Ökumenn virða
ekki lokanir
HEIÐARNAR LOKAÐAR Bæði Hellisheiði
og Þrengsli lokuðust í gær vegna veðurs.
FRÉTTABLAÐIÐ/VILHELM
DÓMSMÁL Hæstiréttur dæmdi í
gær rúmlega fimmtugan karl-
mann í sex ára fangelsi fyrir að
skjóta að eiginkonu sinni með
haglabyssu á heimili þeirra í
Hnífsdal 8. júní síðastliðið
sumar.
Konan hlaut rispur í andliti af
völdum haglanna úr byssunni,
auk þess sem eitt þeirra gataði
peysu hennar við öxl. Í dómi segir
að ljóst sé að maðurinn hafi beitt
byssunni á þann hátt að um lífs-
hættulegan verknað hafi verið að
ræða sem hending ein réð að ekki
hlaust bani af.
Maðurinn hélt því fram að skot-
ið hefði verið voðaskot en þeirri
málsvörn var hafnað og meðal
annars bent á að maðurinn væri
vanur veiðimaður og vissi vel
hvernig ætti að fara með skot-
vopn.
Í dómnum kemur fram að við
ákvörðun refsingar verði að líta
til þess hversu einbeittur ásetn-
ingur ákærða til verknaðarins
hafi verið.
Áður hafði Héraðsdómur Vest-
fjarða dæmt manninn í fjögurra
og hálfs árs fangelsi og þyngdi
því Hæstiréttur dóminn um eitt
og hálft ár en til frádráttar refs-
ingunni er gæsluvarðhald sem
hann hefur sætt frá 9. júní í fyrra.
- kdk
Skaut að höfði konu sinnar úr haglabyssu og segist hafa gert það óvart:
Sex ár fyrir að skjóta að konu sinni
EINBEITTUR BROTAVILJI Í dómi Hæsta-
réttar segir að hending ein hafi ráðið því
að ekki hlaust bani af skoti mannsins.
FRÉTTABLAÐIÐ/VALLI
HEILBRIGÐISMÁL „Það veður farið yfir málið frá
upphafi til enda, nú þegar krufningarskýrsla
liggur fyrir,“ segir Óskar Reykdalsson, lækningar-
forstjóri Heilbrigðisstofnunnar Suðurlands, um
dauða fanga sem fannst látinn í klefa sínum á
Litla-Hrauni í lok september í fyrra.
Stöð 2 greindi frá því í gær að krufningar-
skýrsla hefði leitt í ljós að maðurinn lést úr
meþadoneitrun. Heilbrigðisþjónusta fangelsisins
heyrir undir Heilbrigðisstofnun Suðurlands og
segir Óskar að stofnunin muni í samvinnu við
Landlæknisembættið gera vandlega athugun á
málinu.
Óskar segir meþadon notað í fangelsinu til að
draga úr fráhvörfum fanga sem margir hverjir eru
langt leiddir af fíkniefnaneyslu.
„Það er fólki hættulegra að fara í fráhvörf
heldur en fá meðferð við þeim,“ bendir hann á.
Óskar segir að fremur almenn tilhneiging sé hjá
fíklum að ýkja þörf sína fyrir lyf sem slá á
fráhvörf. Hann tekur þó skýrt fram að hann sé
ekki að halda því fram að svo hafi verið í umræddu
tilviki. Rannsókn muni leiða í ljós hvað gerðist.
Samkvæmt Stöð 2 segjast ættingjar fangans ekki
skilja hvers vegna honum hafi verið gefið lyfið og
að hann hafi í mesta lagi átt við áfengisvandamál
að stríða. Þá telji þau sig hafa heimildir fyrir því
að handvömm hafi leitt til þess að maðurinn lést í
klefa sínum og ætla því að stefna ríkinu. - kdk
Lækningaforstjóri Heilbrigðisstofnunar Suðurlands.
Dauði fanga verður rannsakaður
LITLA-HRAUN Meþadon er notað á Litla-Hrauni til að slá á
fráhvörf langt leiddra fíkla. Of stórir skammtar geta dregið fólk
til dauða en lækningarforstjóri Suðurlands segir slíkt afar fátítt.
LÍTIÐ SKYGGNI OG LOKAÐ Veður var vont á þeim slóðum þar sem snjóflóð féllu
á veginn í Súðavíkurhlíð eins og sést á þessari mynd. Björgunarsveitarmenn
unnu ásamt lögreglunni að því að tryggja öryggi á vettvangi.
FRÉTTABLAÐIÐ/HALLDÓR BB.IS
„Ég veit að þetta hljómar undarlega en við hérna á
Vestfjörðum erum orðin svo vön svona löguðu að við
kærum okkur í raun kollótt um svona,“ segir Jóhanna
Rúnarsdóttir, fjögurra barna móðir frá Súðavík sem
lenti í snjóflóði á Súðavíkurhlíð í gærmorgun. Jóhanna
var á leið í skólann þegar hún sá flóðið koma og gerði
sér samstundis grein fyrir því í hvað stefndi. „Ég hefði
kannski orðið hræddari ef ég hefði vitað af því að annað
flóð var fallið fyrir aftan mig og því var ég hálf lokuð inni.
En ég vissi það ekki og hringdi því bara í pabba og hlust-
aði á úvarpið,“ segir Jóhanna og skilar þakklæti til björg-
unarsveitarmannanna sem komu henni til aðstoðar.
JÓHANNA
RÚNARSDÓTTIR
ORÐIN VÖN SNJÓFLÓÐUM
SPURNING DAGSINS