Fréttablaðið - 08.02.2008, Síða 16

16 8. febrúar 2008 FÖSTUDAGUR
nær og fjær
„ORÐRÉTT“
„Ég heimsótti
fjölskyldu kær-
asta míns um
helgina,“ segir
Charlotte Ólöf
Ferrier. „Þar fékk
ég heimabakað
brauð, bollur
og saltkjöt og
baunir. Allt var
heimagert og
mjög gott. Svo fékk ég bollur á
bolludaginn en þær voru ekki eins
góðar og þær heimagerðu.“
Hún segir hefðirnar ekki eins á
Englandi. „Á þriðjudeginum borð-
um við pönnukökur. Þá á að klára
allan sykur, egg og hveiti og forðast
slíkt til páska,“ segir Charlotte sem
eins og sannur Íslendingur náði sér
í flensu í vikunni.
Charlotte Ólöf Ferrier:
HEIMABAKAÐAR
BOLLUR BESTAR
Fimm innflytjendur munu út árið
veita lesendum Fréttablaðsins
innsýn í líf sitt. Fjórir þeirra segja
okkur nú hvað bar hæst í vikunni.
VIKA 1
DAGBÓK NÝRRA
ÍSLENDINGA
Erfitt að ekki fá-
ist fólk til starfa
„Ástandið á dvalar- og hjúkrunar-
heimilum er mjög erfitt, sérstak-
lega fyrir okkur aðstandendurna
sem erum í mikilli vinnu,“ segir
Margreta Björke, eigandi verslun-
arinnar Janus á Barónsstíg. „Mörg
sjúkrarými standa auð og beðið
er með að taka inn fólk af því
að það er ekki nægilega margt
starfsfólk. Það er mjög erfitt að
það sé ekki pláss fyrir fólk sem
ekki getur hugsað um sig sjálft.
Þá er líka víða verið að breyta
herbergjum í eins manns her-
bergi sem gerir að verkum að allt
er stopp. En stóra vandamálið er
að fá starfsfólk. Spítalarnir eru
fullir og ekki auðvelt að komast
þar inn. Þá er dýrt fyrir samfé-
lagið að fylla plássin með veiku
eldra fólki.“
Margreta telur að hækka þurfi
laun starfsfólksins. „Fólk verður
að fá mannsæmandi laun fyrir
svona erfiða vinnu. Það verður
líka að byggja hraðar upp dvalar-
og hjúkrunarheimili. Samfélagið
hefur ekki hugsað nógu snemma
um það hversu margt eldra fólk
yrði í framtíðinni. Leggja verður
meira fjármagn til aldraðra því að
þetta er fólkið sem byggði upp
landið. Það hefur borgað skatta
alla ævi og það er algjört skilyrði
að hugsað sé vel um það.“
SJÓNARHÓLL
ÁSTANDIÐ Á HJÚKRUNARHEIMILUM
MARGRETA BJÖRKE
Eigandi verslunarinnar Janus.
„Ég borð-
aði mikið af
sprengidagskjöti
í hádeginu á
þriðjudaginn,“
segir Rachid
Benguella um
helstu atburði
vikunnar. „Við
erum með
svipaða hefð
í Marokkó. Við geymum hluta af
lambi sem við fórnum, setjum það
í salt og sólþurrkum. Það er svo
borðað á sérstökum hátíðisdögum
og með kjötinu er borðað kúskús.
Það er mjög svipað bragð af þessu
saltaða lambakjöti.“ Rachid segist
kunna mjög vel við þessa íslensku
hefð og að hún hafi minnt hann á
heimalandið.
Rachid Benguella:
SVIPAR TIL HEFÐA
Í MAROKKÓ
„Það er ekki
svo mikið að
gera í vinnunni
enda vorum við
að sjósetja bát
í liðinni viku,“
segir Algirdas
Slapikas sem er
Lithái og vinnur
hjá plastiðnað-
arfyrirtækinu
Trefjum.
„Nú er ég að búa mig undir
námskeið í heimasíðugerð. Ég
hef áhuga á tölvum og trúi því að
þetta geti gagnast mér vel. Svo
hafði ég orð á þessu við yfirmann
minn og honum leist vel á þetta
svo það er aldrei að vita nema að
þetta geti gagnast mér í vinnunni
þegar fram líða stundir.“
Algirdas Slapikas:
FER AÐ LÆRA
HEIMASÍÐUGERÐ
Óstjórnleg tölvunotkun
er sívaxandi vandamál.
Áráttan gengur svo langt
að fólk flosnar upp úr vinnu
og skóla, bíður skipbrot
í einkalífi sínu og tapar
jafnvel heilsunni. Tölvufíkn
veldur félagslegri einangr-
un sem verður að vítahring.
„Ég slökkti á tölvunni þegar ég
var 32 ára og kveikti ekki á henni
aftur í tvo mánuði. Það þyrmdi
yfir mig kvíði og ofboðslegt þung-
lyndi. Þá hafði tölvufíknin stjórn-
að lífi mínu frá sjö ára aldri,“
segir Þorsteinn K. Jóhannsson,
meistaranemi í stærðfræði og
sérkennari við háskólann á Bif-
röst. Rannsóknir benda til að
fimm til tíu prósent allra tölvu-
notenda eigi á hættu að missa
stjórn á tölvunotkun sinni. Börn-
um og unglingum er sérstaklega
hætt við að missa tök á tölvunotk-
un sinni.
Þorsteinn hefur að undanförnu
haldið fjölmarga fyrirlestra víða
um land um tölvufíkn. Þar freist-
ar hann þess að fræða nemendur,
foreldra og kennara um óhóflega
tölvunotkun og þau vandamál sem
henni fylgir. „Tölvufíkn verður
ekki eingöngu mæld í því hversu
löngum tíma einstaklingur eyðir
fyrir framan skjáinn. Miklu frek-
ar hvaða áhrif tölvunotkunin
hefur á skólagöngu eða vinnu og
hvort tölvan er tekin framyfir
vini, eldri áhugamál, fjölskyldu
og jafnvel eigin heilsu.“
Þorsteinn sem þekkir vandann
af eigin raun segir fíknina marka
líf einstaklingsins en ekki síður
aðstandenda. „Þrátt fyrir tíu
klukkustundir á dag fyrir framan
tölvuskjáinn gerði ég mér aldrei
grein fyrir því að ég væri tölvu-
fíkill.“ Þorsteinn starfaði í tölvu-
verslun á þeim tíma sem hann tók
á sínum vanda. „Ég áttaði mig þá
á því að viðskiptavinirnir voru
margir hverjir fársjúkir. Þar varð
ég vitni að því að fullorðið fólk lét
hendur skipta yfir síðasta eintak-
inu af nýjum tölvuleik.“
Björn Harðarson sálfræðingur
hefur sérhæft sig í meðferð á
fíknum hvers konar. Hann segir
tölvufíkn eða -áráttu um margt
skylt við spilafíkn og meðferð geti
verið afar vandasöm. Hjá ungl-
ingum getur tölvunotkunin leitt
til þunglyndis, lágs sjálfsmats og
kvíða.
Vilborg G. Guðnadóttir, deildar-
stjóri á Barna- og unglingageð-
deild Landspítalans (BUGL), segir
að félagslega einangruð börn og
unglingar leiti mikið í heim tölv-
unnar. „Það getur svo sannarlega
farið úr böndunum og við aðstoð-
um marga foreldra við að setja
mörk á tölvunotkunina. En þetta
eitt og sér er aldrei ástæða inn-
lagnar hjá okkur.“
Vilborg segir að oft lýsi þetta
sér með mjög öfgafullum hætti og
sé ein birtingarmynd þess vanda
sem skjólstæðingar geðdeildar-
innar eiga í. „Þetta virðast oft
vera einu samskiptin sem þessir
einstaklingar eiga. Stundum er
þeirra raunveruleiki einfaldlega
allur þar.“
svavar@frettabladid.is
Tölvufíknin heldur
fólki í heljargreipum
VIÐ SKJÁINN Fjölmörg dæmi er um að einstaklingar missi stjórn á lífi sínu vegna
tölvunotkunar sinnar. FRÉTTABLAÐIÐ/E.ÓL
Þrátt
fyrir tíu
klukkustundir
á dag fyrir
framan tölvu-
skjáinn gerði ég
mér aldrei grein
fyrir því að ég
væri tölvufíkill.
ÞORSTEINN K. JÓHANNSSON
MEISTARANEMI
„Það er bara skítaveður,“ segir bæjarstjórinn á
Seyðisfirði, Ólafur Hr. Sigurðsson og hlær við. „Rok
og leiðindi. Fjarðarheiðin lokast alltaf og menn
sem sækja vinnu annað missa úr, með tilheyrandi
tekjutapi.“
Ólafur segir einu lausnina að gera jarðgöng.
„Göng takk, á morgun,“ segir hann með áherslu.
Fram að þessu hefur engin ákvörðun verið
tekin um framkvæmdina, en Ólafur
hefur fulla trú á að málið sé í góðum
farvegi.
Ein tillagan hljóðar upp á göng sem
myndu liggja á milli Seyðisfjarðar og
Eskifjarðar og myndu stytta verulega
fjarlægðir á milli kaupstaða á Mið-
Austurlandi, eða á milli Neskaupstaðar,
Eskifjarðar, Mjóafjarðar, Seyðisfjarðar og
Héraðs og rjúfa vetrareinangrun.
Hann segir að verið sé að vinna í
málinu og það mjakist hægt og rólega, menn séu
bjartsýnir.
„Sem stendur er verið að vinna fyrir okkur skýr slu
um hagkvæmni boraðra jarðganga upp á Hérað.“
Ólafur segir að svona mál taki mikinn tíma, svo
ekki sé margt annað í gangi eins og er.
„Svo er nægur snjór á skíðasvæðinu,“ heldur
hann áfram. Hann segir að þar hafi miklar
framkvæmdir verið í gangi og allt sé nýtt,
nýr troðari og nýr skíðaskáli. Það vanti
heldur ekki starfsfólk eins og í Reykjavík,
fólk fari bara úr öðrum verkefnum tíma-
bundið þegar snjófæri sé gott.
En er þá ekki bara málið að skipu-
leggja ferðir í snjóinn? „Já, það eru
náttúrulega bara ferðaskrifstofurnar sem
sjá um það, “ segir Ólafur, en bætir við að
hann taki vel á móti fólkinu.
HVAÐ ER AÐ FRÉTTA? ÓLAFUR HR. SIGURÐSSON BÆJARSTJÓRI Á SEYÐISFIRÐI
Enginn skortur á starfsfólki

Vellíðan í Vindáshlíð
helgina 15. – 17. febrúar 2008
Skipulagðar fræðslu- og skemmtistundir fyrir fjölskyldur.
Verð aðeins 5.900 – kr. á mann með fullu fæði og gistingu. Hámarksverð 23.000.-kr. á fjölskyldu.
Upplýsingar á www.kfum.is og í síma 588-8899
„Ég fékk mikil
viðbrögð eftir
umfjöllun
Fréttablaðsins,“
segir Jun-
phen Sriyoha,
afgreiðslukona í
Fjarðarkaupum.
Junphen fékk
glaðning sem
hún vonar að
vari lengur en frægðarsólin. „Vin-
kona mín sem ég kynntist í vinnu-
búðunum á Reyðarfirði, þegar ég
vann þar við ræstingar, var að flytja
í bæinn frá Akureyri. Við tókum
okkur til og héldum upp á það með
því að skella okkur í miðbæinn og
skemmtum okkur bara vel.“
Junphen Sriyoha:
FAGNAÐI KOMU
VINKONU SINNAR
Góðtemplarareglan á Akureyri
hefur afhent Sjúkrahúsinu þar í
bæ 50 milljónir króna að gjöf.
Gjöfinni verður varið í stofnun
sjóðs til kaupa á tækjum og
búnaði til greiningar og með-
ferðar hjartasjúkdóma.
„Við urðum eiginlega að draga
djúpt andann þegar þeir komu
færandi hendi,“ segir Halldór
Jónsson, forstjóri sjúkrahússins.
Góðtemplarareglan, sem stofnuð
var árið 1884, stofnaði til ýmiss
konar fyrirtækjareksturs til að
standa straum af starfseminni
og byggði nokkur stórhýsi.
Fyrirtækin og húsin hafa nú
verið seld og hluti ágóðans var
notaður til að gera upp svokallað
Friðbjarnarhús við Aðalstræti
en sjúkrahúsið fékk afganginn
að gjöf.
- jse
Góðtemplarar á Akureyri:
Sjúkrahúsið fær
50 milljónir
Ekkert svona
„Mér finnst fáránlegt að
þingið sé með sitt eigið
reykherbergi.“
GUÐLAUGUR ÞÓR ÞÓRÐARSON
UM REYKHERBERGIÐ Í ALÞINGIS-
HÚSINU.
Fréttablaðið 7. febrúar.
Eldstygg
„Það er ein kind sem ræður
ferðinni og er eldstygg.“
MARGRÉT ÞORLÁKSDÓTTIR, ANNAR
EIGENDA KINDA Í SJÁLFHELDU Í
ÓLAFSVÍKURENNI.
Fréttablaðið 7. febrúar.