Fréttablaðið - 15.02.2008, Blaðsíða 27

HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Með því að nota
bygg að hluta í staðinn fyrir
hveiti er hægt að auka
hollustu brauðvara. Þetta
kemur fram í rannsókn
Matís og Landbúnað-
arháskóla Íslands.
Í byggi eru trefja-
efni sem geta
lækkað kólestról
í blóði og haft dempandi áhrif á
blóðsykur. www.freisting.is
Að fá börn til að borða græn-
meti getur reynst erfitt. Ein leið til
að auka áhuga þeirra
er að gera grænmetið
aðgengilegt. Kaupa til
dæmis litlar gulrætur sem ekki
þarf einu sinni að skola,
skera niður gúrku og
bjóða þeim litla sæta
tómata eða sneiða
niður sæta papriku.
www.islenskt.is
Hindberjalaufste er talið hafa
góð áhrif á starfsemi kvenlíffæranna.
Jurtin er talin auka frjósemi, vera
gagnleg á meðgöngu, góður
undirbúningur fyrir
fæðingu og auka
framleiðslu brjósta-
mjólkur. Annað te
sem talið er hafa
gagnleg áhrif á með-
göngu er brenninetlute en
það á að minnka bjúg.
Elísabet Þorvaldsdóttir heldur húsmæðrahefð-
um á lofti í matargerð sinni.
Elísabet Þorvaldsdóttir, fyrrverandi matráður, fer
oft nýstárlegar leiðir í eldamennsku. Þeir réttir eru
ekki til sem hún þorir ekki að takast á við í eldhús-
inu.
„Ég hef lagt upp með að notast við ferskt hráefni í
matargerð og forðast að vinna með unna matvöru.
Ég er með þrjú börn á heimilinu og þau þurfa að fá
öll næringarefni sem eru í matnum,“ lýsir Elísabet.
Sá réttur sem hefur slegið rækilega í gegn heima hjá
Elísabetu er fiskibollur sem unnar eru úr fersku hrá-
efni og alveg frá grunni. Hún nefnir að þetta séu
ekta húsmæðra-fiskibollur sem auðvelt sé að gera.
Uppskriftina fékk Elísabet frá tengdamóður sinni.
„Krakkarnir voru alveg vitlausir í þessar fiskiboll-
ur hjá ömmu sinni og ég ákvað því að fá uppskriftina
og prófa hana heima. Eiginmaður minn er einnig
mikill aðdáandi enda vanur þessum tilteknu bollum
frá yngri árum. Þessar fiskibollur eru afskaplega
bragðgóðar og unnar úr nýju og fersku hráefni en
einnig er hægt að leika sér að uppskriftinni. Þó að
yfirskriftin að þessum rétti sé „krakka-fiskibollur“
er hægt að gera þær meira við hæfi fullorðinna með
ýmsum aðferðum,“ útskýrir Elísabet.
Hún segist alltaf bera fram hrísgrjón og ferskt
salat með fiskibollunum. „Oft ber ég fram hvítlauks-
brauð og mismunandi sósur. Börnin vilja oftast
tómatsósu með bollunum en við hjónin kjósum frek-
ar að hafa aðrar sósur sem mér dettur í hug að búa
til,“ segir Elísabet. Hún nefnir einnig að ef fólk eigi
afgangs soðinn fisk eigi að frysta hann og nota seinna
í fiskibollur, það sé góð leið til að nýta afganga.
„Uppskriftin er ekki flókin, það þarf eitt og hálft
fiskflak og fjórar meðalstórar kartöflur ásamt hálf-
um lauk. Öllu er hakkað saman og svo er tveimur
eggjum og einum bolla af hveiti bætt við. Einni
teskeið af salti, karrí og Season-all bætt við ásamt
hálfri teskeið af pipar. Úr þessu eru hnoðaðar bollur
sem er velt upp úr raspi og síðan eru þær steiktar á
pönnu,“ segir Elísabet að lokum.
mikael@frettabladid.is
Fiskibollur húsmóður
Það er mjög skemmtilegt að búa til kvöldmatinn frá grunni og enn betra að sjá hann renna vel ofan í alla á heimilinu.
FRÉTTABLAÐIÐ/STEFÁN