Fréttablaðið - 15.02.2008, Qupperneq 40

15. FEBRÚAR 2008 FÖSTUDAGUR2 ● fréttablaðið ● ráðstefnur
Þegar velja á græjur fyrir fundi
eða ráðstefnur er um að gera
að leita til sérfræðinga, að
sögn Ingólfs Magnússonar
framkvæmdastjóra leigusviðs
Exton.
„Þetta er alltaf spurning um
réttu græjurnar,“ segir Ingólfur
Magnússon, framkvæmdastjóri
leigusviðs Exton, kokhraustur.
„Auðvitað þarf að sjá til þess að
þetta sé allt saman rétt tengt og
margsinnis skoða hvort þetta
virkar áður en uppákoman á sér
stað, en réttu græjunar þurfa að
vera til staðar.“
Exton hefur sérhæft sig í að
koma réttu ljósi, hljóði og mynd
uppsettu og til skila í minni hátt-
ar hádegisfundum, á stórum ráð-
stefnum, tónleikum og öllu þar á
milli síðastliðin fimmtán ár en
hjá fyrirtækinu vinna 30 starfs-
menn. Sjálfur hefur Ingólf-
ur starfað í bransanum í allt-
of mörg ár eins og hann orðar
það sjálfur, við uppsetningu á
öllum mögulegum tegundum
tækja og tóla, og talar af reynslu
þegar hann segir að gera þurfi
ráð fyrir ýmsu eigi ráðstefnur
að ganga snurðulaust fyrir sig.
Enda vill enginn lenda í því að
fá hljóðskruðninga eða daufa
mynd af kynningarmyndbandi á
miðjum fundi.
Ingólfur segir því best að
kalla til sérfræðinganna til að
meta hverja uppákomu fyrir sig,
þar sem enginn atburður sé eins
að umfangi og margir möguleik-
ar í boði.
„Það nýjasta frá okkur er hin
svokölluðu LED vídeóteppi sem
varpa allt öðru ljósi á ráðstefn-
ur og tónleika,“ nefnir hann sem
dæmi, en LED teppi virka eins og
net af ljósum og búa einnig yfir
þeim möguleika að geta varpað
lifandi myndum. „Þessi ljós hafa
vakið mikla athygli og eru mikið
notuð í dag við margs konar tæki-
færi. Gott er þó að veggplássið
sé nóg svo að hið sjónræna fái að
njóta sín.“
Þá segir hann mikilvægt að
skoða myndvarpa vel áður en
lagt er af stað, nauðsynlegt sé að
vita hvert ljósmagnið er í her-
berginu, hvort varpa skuli aftan
frá, ofan eða neðan og svo fram-
vegis. Flestir myndvarpar sinna
því hlutverki ágætlega í dag en
séu auðvitað jafn mismunandi og
þær eru margar.
„Annað sem gerir þenn-
an bransa svo skemmtilegan er
möguleikinn á að forrita uppá-
komuna fyrirfram í tölvu,“ bendir
Ingólfur á. „Við höfum ýmis for-
rit sem geta teiknað upp viðburð-
inn, með öðrum orðum borðaskip-
an, stærð og staðsetningu sviðs,
leikljóss og fleira.“ - kk
Réttar græjur nauðsynlegar
Ingólfur hjá Exton, eða Golli eins og hann er gjarnan kallaður, segir réttar græjur
lykilþáttur í því að ráðstefnur og fundir gangi snurðulaust fyrir sig. FRÉTTABLAÐIÐ/VALLI
Fyrirtæki leita í æ ríkari mæli út fyrir land-
steinana á ráðstefnur og fundi og til að halda
árs hátíðir. Fyrirtækið Eskimos hefur veg og
vanda af því að skipuleggja slíkar ferðir.
„Að mörgu þarf að huga ef gera á ferðina einstaka,
þetta er ekki bara spurning um flug og gistingu,“
segir Friðrik Bjarnason, eigandi ævintýrasmiðj-
unnar Eskimos sem skipuleggur hvataferðir, árs-
hátíðir og ýmsar aðrar uppákomur. Nýjast á döf-
inni hjá fyrirtækinu er að bjóða upp á fyrirtækja-
ferðir handan Atlantshafsins.
„Við sinnum þessu öllu, hvort sem um er ræða
lúxus hvata ferðir, árshátíðir, vinnufundi eða
skemmtiferðir og sjáum um heildarskipulag á slík-
um verkefnum,“ segir Friðrik aðspurður hvers
konar ferðir Eskimos einblíni helst á.
„Þetta er spurning um að meta þörf neytandans.
Stundum veit hópurinn ekki alveg hvað hann vill
og þá er það okkar að benda á alla möguleika
og búa til eins skemmtilegan pakka og efni og
aðstæður leyfa.“
Þegar blaðamaður biður Friðrik um að nefna
ferð sem fyrirtækið hefur staðið fyrir tekur hann
sem dæmi flug til Marrakesh í Marokkó. „Við
leigðum einkaflugvélar og notuðum nóttina til að
koma öllum á staðinn. Þannig þarf fólk ekki að
eyða dagsbirtunni í ferðalag og nær einfaldlega
fegurðarblundi um borð, mun meiri tíma á staðn-
um og nýtur ferðarinnar betur.“
Friðrik segir að öllum gestunum hafi síðan verið
komið fyrir á fimm stjörnu hóteli og að ýmsar
uppákomur hafi verið skipulagðar. „Í raun var
þetta óvissuferð í leiðinni því við komum fólkinu
sífellt á óvart með flugi í loftbelg, eyðimerkur-
safarí, úlfaldaferð og fleiru.“
Hvataferðir þurfa ekki að vera jafn stórar
í sniðum og ferðin til Marokkó. Sumum nægir
að ferðast til nálægra borga Evrópu og upplifa
skemmtilega stemningu í London eða Kaupmanna-
höfn, en Eskimos hefur einnig veg og vanda af því
að skipuleggja slíkar ferðir.
„Við hönnum þetta alltaf að hópnum og það
er alveg ljóst að það eru ekki allir að leita eftir
arabísku þema með magadansmeyjum og eld-
gleypum en eitt er víst að slíkar hvataferðir eru
meira en góð hvatning fyrir hópinn, því þetta er
upplifun sem enginn gleymir.”
Þannig að nú er bara að fara á fund með yfir-
manninum og benda á að fyrir næstu ráðstefnu
dugi ekkert minna til en einkaþota og úlfaldaferð
til að skapa réttu stemninguna.
-kk
Úlfaldaferð í eyðimörkinni
Friðrik Bjarnason og Herbert McKenzie frá fyrirtækinu Eskimos, sem skipuleggur
hvataferðir, árshátíðir og fyrirtækjaferðir til útlanda. FRÉTTABLAÐIÐ/ANTON
Eskimos stóð nýlega fyrir ferð til Marrakesh í Marokkó. Gestirnir gistu á fimm stjörnu hótel meðan á dvölinni stóð. Ferðin var í aðra röndina óvissuferð þar sem hvert ævintýrið rak annað.
Er árshátíð framundan?




Hjá okkur færðu veitingar, veislustjóra, skemmtiatriði og hljómsveit.
Ef þú hefur salinn, getum við sent veitingar með eða án þjónustu.
Þú mætir á staðinn, skemmtir þér út í eitt og hefur engar áhyggjur.
Við höfum 20 ára reynslu og langar að kynna þér okkar þjónustu.
Treystu fagfólki fyrir þínu teiti
Veisluþjónusta
Broadway
Teiti, veisluþjónusta Broadway
Ármúla 9 108 Reykjavík
Sími: 533-1100 Fax: 533-1110 - teiti@teiti.is - www.teiti.is