Fréttablaðið - 26.02.2008, Blaðsíða 6
6 26. febrúar 2008 ÞRIÐJUDAGUR
ALÞINGI Endurskoðun laga um
happdrætti mun taka mið af því
að samræma lagaumhverfi hér á
landi við evrópska löggjöf.
Hvað spilið póker varðar mun
endurskoðun á lögum og reglum
varðandi fjárhættuspil taka mið
af miklum áhuga á spilinu og leit-
ast við að koma til móts við sívax-
andi áhuga á póker. Þetta kom
fram í svari Björns Bjarnasonar
dómsmálaráðherra við fyrir-
spurn Ellerts B. Schram, þing-
manns Samfylkingarinnar, á
Alþingi í gær.
Páll Hreinsson hæstaréttar-
dómari stýrir nefndarstarfi sem
vinnur að endurskoðun laganna.
Ellert spurði hvað dómsmála-
yfirvöld ætluðu að aðhafast til
þess að sporna við fjárhættuspili
hér á landi, sem alltaf væri að
aukast. „Fjárhættuspil eru
bönnuð og aukin spilun þeirra
eykur spilafíkn,“ sagði Ellert.
Hann byrjaði á því að vitna til
þess að Birkir Jón Jónsson, þing-
maður Framsóknarflokksins,
hefði játað að hafa stundað fjár-
hættuspil. „Póker er auglýstur í
sjónvarpinu og á netinu. Það eru
einnig sýndir sérstakir sjón-
varpsþættir þar sem jafnvel er
sýnt nákvæmlega hvernig á að
spila þetta fjárhættuspil,“ sagði
Ellert.
Hann sagði fjárhættuspil ýta
undir spilafíkn, sem væri alvar-
legt samfélagsmein. - mh
Ellert B. Schram spurði dómsmálaráðherra út í aðgerðir gegn fjárhættuspili:
Tekið verði tillit til pókersins
FLUGSLYS Aðstandendur flug-
manns vélarinnar sem hrapaði í
sjóinn á fimmtudag þakka Land-
helgisgæslunni fyrir góð við-
brögð. Skipulagðri leit var hætt á
laugardag. Skipverjar sem eiga
leið um leitarsvæðið hafa þó
verið beðnir um að hafa augun
hjá sér.
„Við höfum verið í tölvupóst-
sambandi við ýmsa aðila og allir
hafa þeir þakkað okkur fyrir góð
viðbrögð,“ segir Sigríður Ragna
Sverrisdóttir, upplýsingafulltrúi
Landhelgisgæslunnar. Hún seg-
ist ekki vita til þess að leit verði
hafin á ný.
Flugvélin hvarf af ratsjá um
hádegi á fimmtudag. Þá var hún
stödd um 130 sjómílur suðaustur
af Hornafirði. Talið er að ísing
hafi ollið því að vélin fór í sjóinn.
Hún er af tegundinni Piper
Cherokee.
Þyrla og flugvél Landhelgis-
gæslunnar leituðu að vélinni auk
breskrar Nimrod-vélar. Aðstæður
voru mjög slæmar; mikill vindur
og ölduhæð. Leitin hafði engan
árangur borið á laugardag þegar
henni var hætt.
Flugmaðurinn, Greg Frey, var
á leiðinni frá Reykjavík til Wick í
Skotlandi. Hann er 66 ára Banda-
ríkjamaður, búsettur í Flórída.
- sþs
Leit hætt að flugvél sem fór í sjóinn suðaustur af Hornafirði á fimmtudag:
Ættingjar þakka fyrir hjálpina
TF-LÍF Þyrla og flugvél Landhelgisgæsl-
unnar leituðu að vélinni við slæmar
aðstæður. Leitin hafði engan árangur
borið þegar henni var hætt á laugardag.
MYND/ÓSKAR P. FRIÐRIKSSON
ELLERT B. SCHRAM Vill að fjárhættu-
spil verði tekið föstum tökum.
BJÖRN BJARNASON Endurskoðun laga
taki mið af miklum áhuga.
FR
ÉT
TA
B
LA
Ð
IÐ
/G
VA
SKOÐANAKÖNNUN 55,1 prósent þjóðarinnar segist nú
vilja að Ísland sæki um aðild að Evrópusambandinu,
samkvæmt nýrri skoðanakönnun Fréttablaðsins.
Aldrei fyrr í könnunum blaðsins hefur stuðningur
við aðildarumsókn verið meiri. Í september á
síðasta ári sögðust 48,9 prósent vilja aðildarum-
sókn, og var þá ekki marktækur munur á milli
þeirra sem vildu og vildu ekki sækja um. Í janúar á
síðasta ári var stuðningur við aðildarumsókn 36,0
prósent en 34,3 prósent vildu að Ísland myndi sækja
um í febrúar 2006. Stuðningur við umsókn hefur því
farið verulega vaxandi á undanförnum tveimur
árum.
Jafnframt var spurt hvort fólk teldi meiri, minni
eða sömu ástæðu til að skoða aðild að ESB nú eins
og fyrir ári. 54,7 prósent telja vera meiri ástæðu til
að skoða aðild nú, 38,1 prósent telur sömu ástæður
vera fyrir því að skoða aðild, en 7,3 prósent segja að
ástæður séu minni nú til að skoða aðild.
Marktækt fleiri karlar segjast nú vilja að sótt sé
um aðild, 56,3 prósent, en 43,7 prósent eru því
andvíg. Frá því í september 2007 hefur stuðningur
við aðildarumsókn meðal karla aukist um rúmar níu
prósentur. Ekki er marktækur munur á afstöðu
kvenna, en 53,8 prósent þeirra segjast vilja að sótt
sé um aðild.
Þá eru marktækt fleiri íbúar á höfuðborgarsvæð-
inu sem segjast vilja að sótt sé um aðild. 57,1
prósent er því fylgjandi en 42,9 prósent eru því
mótfallin. Ekki er marktækur munur á afstöðu
þeirra sem búa utan höfuðborgarsvæðisins. 52,1
prósent segist fylgjandi umsókn, en 47,9 prósent
eru því andvíg. Frá því í september 2007 hefur
stuðningur við umsókn meðal íbúa á landsbyggðinni
aukist um rúmar tíu prósentur.
Mun fleiri sjálfstæðismenn segjast nú vilja að
Ísland sæki um aðild að ESB en í september og
hefur stuðningur meðal flokksmanna aukist um
tæpar tólf prósentur. Nú segjast 40,3 prósent
sjálfstæðismanna vilja að Ísland sæki um aðild að
ESB, en 59,7 prósent þeirra eru því mótfallin. Þá
segjast rúm þrjátíu prósent kjósenda Framsóknar-
flokks vera fylgjandi umsókn, helmingur kjósenda
Frjálslynda flokksins, 79,5 prósent samfylkingar-
fólks og 54,7 prósent vinstri grænna. 51,4 prósent
þeirra sem ekki gefa upp hvaða flokk þeir kjósa
segist nú vilja að Ísland sæki um aðild að ESB.
Hringt var í 800 manns á kosningaaldri laugar-
daginn 23. febrúar og skiptust svarendur jafnt eftir
kyni og hlutfallslega eftir búsetu. Spurt var: Á
Ísland að sækja um aðild að Evrópusambandinu? og
tóku 74,4 prósent afstöðu til spurningarinnar. Þá var
spurt; Telur þú meiri, minni eða sömu ástæðu til að
skoða aðild að Evrópusambandinu nú eins og fyrir
ári síðan? og tóku 84,4 prósent afstöðu til spurn-
ingar innar. svanborg@frettabladid.is
Meirihluti vill sækja
um aðild að ESB
Rúmlega 55 prósent segjast vilja að sótt sé um aðild að Evrópusambandinu og
hefur stuðningur við aðild ekki verið meiri. Tæplega 55 prósent segja að meiri
ástæða séu fyrir umsókn nú en fyrir ári en sjö prósent segja ástæðuna minni.
Á ÍSLAND AÐ SÆKJA UM AÐILD AÐ ESB?
FEB. 06 JAN. 07 SEP. 07 FEB.08
34,3%
65,7%
55,1%
44,9%
36,0
64,0%
48,9
51,1%
Skv. skoðanakönnun Fréttablaðsins
Já
Nei
HAFA ÁSTÆÐUR
FYRIR ÞVÍ AÐ
SKOÐA AÐILD
AÐ ESB BREYST
Á SÍÐASTLIÐNU
ÁRI?
Meiri
54,7%
7,3%
38,1%
Minni
Sömu
skv. skoðanakönnun Fréttablaðsins 23. febrúar 2008
FÉLAGSMÁL Færri einstaklingar
fengu íslenskt ríkisfang á síðasta
ári en þrjú ár þar á undan. Hefur
fjölgunin verið jöfn og þétt.
Metárið er 2006 þegar 844 fengu
íslenskt ríkisfang.
Flestir sem fengu íslensk
ríkisfang komu frá Evrópulönd-
um eða 369 einstaklingar. Þar
næst er Asía en 173 einstaklingar
sem koma þaðan fengu ríkisfang
á árinu 2007. Líkt og fyrri ár eru
flestir þeirra sem fengu íslenskt
ríkisfang frá Póllandi en þeim
fækkaði einnig. Voru þeir 222 árið
2006 en 162 árið 2007. Næst
fjölennasti hópurinn, 69 manns
var frá Filipseyjum. - ovd
Ríkisfangsbreytingar 2007:
Færri sækja um
ríkisborgararétt
Ert þú sáttur við niðurstöðu
Vilhjálms Þ. Vilhjálmssonar um
framtíð hans í borgarstjórnar-
flokki Sjálfstæðisflokksins?
Já 59,8%
Nei 40,2%
SPURNING DAGSINS Í DAG:
Kaust þú í undankeppni Eurov-
ision á laugardagskvöld?
Segðu þína skoðun á visir.is
M.
,
GN-
KJÖRKASSINN